富豪之子

富豪之子

不時聽到有人慨嘆：「如果我係李嘉誠個仔就好了！」或悻悻然的說：「點解我老豆唔係李嘉誠！？」

說這些話的人，大概都是現實生活之中，承受著沉重的經濟壓力，為兩餐做得很辛苦。他們需要金錢，來解決燃眉之急。

所以問題的核心是「足夠的金錢」，「李嘉誠」只是一個「財力無限大」的符號。他們認為，如果有個巨富爸爸，大水喉射住，人生就甚麼問題都沒有了。

如果你不識相，問他們：「做有錢佬個仔，有咩嘢好？」

他們的答案會是：「超！大把錢，唔使做，鍾意要乜就買乜，咁仲唔好？」

大把錢，或者啦。唔使做，就未必了。如果老豆是富豪，一定有龐大的家族生意，要你幫手打理，由朝做到晚，不停的開會，晚上有應酬，一日工作15小時不出奇。

「鍾意乜就買乜」？

咁你鍾意乜嘢吖？你朝思暮想的豪宅、鑽石白金勞、Benz 汽車？飛機搭頭等？出入馬會、高爾夫球會？餐餐食魚翅、老鼠斑、飲五萬元一瓶的紅酒？

當這些東西唾手可得，通通已經是你名下的時候，它們能夠給予你的滿足感，會少之又少。與你同一個圈子的人，通通都是這樣，你也沒有炫耀的快感。

你能夠自由自在行街睇戲食嘢，鍾意去邊就去邊嗎？唔怕有人標參、勒索？李嘉誠和郭得勝個仔就真的試過，條命凍過水呢。

你能夠找到，真正愛你，而不是為了錢嫁給你，只是想同你分身家的女人嗎？

如果你說：「有咁多錢，我當然唔會娶老婆，成世對住一個女人咁笨。我唔會玩女明星名模呀？」

咁就慘咯，這樣說來，你只是永遠做一個嫖客而已。

。。。。。。。。。。。。。。。。。。。。。。。。。。。。。。。。。。。

*倘有留言未能即時上板，是自動過濾去了spam之故，諸君稍安無躁，版主每日檢查幾次，一有發現便會救回*

(文章允許轉貼，請具作者名字：梁煥松)