學寫好中文一定要學普通話

要學寫好的中文， 一定要學普通話？ 黐線！

有史以來， 春秋戰國秦漢魏晉南北朝隋唐五代宋元明清到民國， 中國出幾多文學家？ 打算盤都計唔掂。

佢地從來都是用自己的家鄉話學中文， 民國之前，沒有什麼全國統一， 人人必學嘅所謂「普通話」。

冇癮

冇癮

有些人對暴政很寬容很體諒，但是對被虐的抗爭者很懷疑很挑剔。例如：

「共產黨就梗係咁架啦！」

「政客有邊個唔蠱惑呀？」

「唔通美國又好好咩？」

生仔博入籍

生仔博入籍

最近有個台灣女人，在飛往美國航機上臨盆，誕下嬰兒。

網上反應好快，首先係溫情敘述，講班空姐點樣齊心合力，幫小BB出生；不過冇幾耐，就有講原來該婦人一心係去美國生仔，BB急不及待要出時，她反覆問機組人員「而家到咗美國領空未？」

到咗又點？未到又點？講到尾佢唔係緊張個BB，而係「美國」。

航機着陸後，美國阿拉斯加州政府聲明，該BB在美國領空誕生，依法係美國公民，婦人得償所願矣。

網友鬧爆。

李白係邊度人

好好笑：

計起上來，葉劉淑儀是我港大師姐，早過我四年畢業，仲係英文系一級榮譽生添。

讀書佢叻過我，做官又高過我，做過保安局長，而家係立法會議員、行政會議成員。議事堂中，雖然有特權法保護講咩都得，無刑事責任，但所有內容都要自己負責者也。何況講嘢有錄影，記錄會公開，講嘢太粗疏、犯上低級錯誤，俾人笑到面黃，亦係應有此報焉。

教育政策委員會上發言，談李白扮晒引經據典；所謂隔行如隔山，英文你係叻，唔該睇D中國文學入門書先好講李白。「根據百度，李白係唐朝巴郡人，即係隴西...」

唔聲唔聲嚇你一驚

睇下左邊圖片呢個男仔，個名係Jake Bilardi，係澳洲墨爾本一個18歲中學生，好眉好貌，有邊個會估到佢會係「聖戰」恐怖分子？

中東自稱咩「伊斯蘭國」，殺人放火，姦淫擄掠，作惡多端，係人都知矣。而家俾佢哋霸咗一批油井，搶咗幾間銀行，正係水頭充足，有排玩。呢班衰人最估佢唔到者，係利用網絡來吸引身在外國的支持者，自動參加恐怖活動，有的係瞞住家人，自己飛過去歸隊，有的就係本地搞破壞殘殺無辜平民，隔幾日就有一單，直情防不勝防。

一路以來，都係聽到有啲移民西方國家嘅中東或南亞裔，第一代或第二代人，在新國家感覺「被邊緣化」，格格不入，於是仇恨西方文化，覺得都係班包頭佬親切D，先至會受煽動。但係呢個Jake Bilardi，明明係澳洲土生土長白人，點解會咁戇居，肯去揸架四驅車自殺式炸彈襲擊伊拉克政府軍？

生肖得啖笑

新春伊始，總有星相命理風水師，於電台及文字媒體，侃侃而談「屬X人士在今年運程」，十二生肖，肖龍肖蛇、肖虎肖羊，際遇各有不同。讀者及聽眾，咸以有大師免費贈幾句，寧可信其有，睇下自己本年運氣如何焉。

十二生肖，乃係根據出生年嘅天干地支地支而定，例如今年「乙未」，未屬羊，故為羊年，餘類推。

命理之道，博大精深，但要根據本人年、月、日、時四項之天干地支，所謂「八字」資料來推算，再比對今年之天干地支，計算生剋制化、陰陽喜忌、出現何等吉星煞星，方能有比較確實推論。斷無單憑年支一項，就能夠大談今年吉凶之理。

講到尾，正所謂同人唔同命，又點會只得十二種咁少乎？

如果只係講睇生肖所屬，性格命運就會點點點，咁就真係「老點」你者也。

手邊有本2013年粵劇「錢塘金粉」演出特刊，裡面有篇文章，是編劇（亦是知名命理學家)李居明寫嘅，其中一段就認真搞笑矣。以一個咁有名氣嘅命理大師，居然會有如此觀察，令人百思不得其解.........

共青團又點話

（三及第文體怪論，始自專欄作家三蘇（原名高少敏，其他筆名有高雄、小生姓高、史得、周弓、吳起等）。他是50年代上海南來香港的作家，能日產萬言，同時為多家報紙寫不同題材和風格的小說和雜文。所謂「三及第」，是混合文言、白話和廣東話的文體。所謂「怪論」，就是立論與眾不同，有時正言若反，令讀者嘻哈絕倒，在50－60年代獨步文壇，後來仿效這種風格的，有明報的「哈公」，現在的陶傑都是。）

初次嘗試，一定寫得不好，請諒。

本週香港大學，會由全體同學，投票選出2015年幫大家做事嘅學生會內閣。如同以往，有兩個競選內閣出陣，叫「明峰」與「Smarties」，所有職位都有擬定人選，唔駛大家逐個選咁麻煩。A餐或B餐？二者選其一即可焉。

Smarties個名，即係細路仔鍾意食的朱古力「聰明豆」，改得咁得意，當中有個想做康樂秘書嘅女生，叫「葉璐珊」，英文名 Eugenia Yip，都幾好樣也，殊不知道因為佢搞到滿城風雨......