武術有少林與武當，跑車有法拉利和保時捷，傳統相機有Leica和 Zeiss，鋼琴有 Steinway與 Borsendorfer，小提琴有 Stradivarius和 Del Gesu......無論後來有多少競爭者和模仿者，大哥大的歷史地位，也是不能取代的。
講到電結他，就一定是美國的 Fender 和 Gibson兩大老牌了。
月前我賣掉玩了廿多年的Fender Stratocaster，再買入一把 Fender Telecaster（新玩具 2）。這個月因緣際會，在當舖看見這個 Gibson 鎮山之寶 Les Paul，價錢訂得很公道，是新貨的三分之一，出店稍一考慮，便回頭議價，壓他幾十元價，成功買入了。
Gibson 製造結他的理念，和Fender 的完全不同，聲音也有分別：Fender聲音清越，Gibson 聲音純厚，在唱片上聽，也很容易分得出。著名樂隊結他手，多數採用其中一種，終身不渝。我輩業餘玩家，沒所謂，兩樣都有的話，得閒玩下這個，玩下那個，左右逢源，實在是賞心樂事......
我買的是Gibson的副廠 Epiphone的出品，規格大同小異，是2002年的出品，韓國製造，現在多數是Made in China 的了。
這個結他，上手一定善待之，如珠如寶，外表看來有85%新淨，琴身油漆仍然是閃閃靚，活動部分沒有老態，觸感和聲音還是很好。
。。。。。。。。。。。。。。。。。。。。。。。。
*倘有留言未能即時上板，是自動過濾去了spam之故，諸君稍安無躁，版主每日檢查幾次，一有發現便會救回*
(文章允許轉貼，請具作者名字：梁煥松)
PAT METHENY - LETTER FROM HOME https://www.youtube.com/all_comments?v=_5-pBkwyUxc
回覆刪除那支「玩具 guitar」音色很好!
Pat Methany 長久是Gibson ES-175的用家，後來改用 Ibanez 為他特製的款式。
刪除超抵玩嘅結他，現PHOENIX 的 CRAIGSLIST 就有幾十個在市場，$150-350 有交易。
回覆刪除聽過這個網店，不過加上運費不很化算。
刪除有些網店乾脆不寄貨到南半球的。
不是店，私人交易站，作參巧之用，一般唔會代寄，好多人以代寄呃錢，小小的PHOENIX 都有咁多盤，梁兄真是識貨及實際之人。
刪除有些人心事細，幾年前睇中一套全新humanscale 的KEYBOARD TRAY，市塲賣$200 以上，ebay make offer, 我counter offer $25 因為我要另付運費$25，而賣家堅持要$35，啲野價錢唔合我一定有堅持，應該傾唔成，後來我收到電郵，問我係咪住係Mesa, Arizona他說參照我的資料得悉，他說過幾天感恩節，他的外父來加州探佢，如果我同意$35他就會請他外父帶回ARIZONA，譲我到取，他外父就住我家附近。
回覆刪除CRIAGSLIST出晒名，引出幾單大凶殺案，連電影都拍過，交友搞出命䅁。
市價200，你殺價殺到25，都算心狠手辣 ！
刪除佢BUY IT NOW $45 and allow make offer, 市場廠價超過$200, 佢有成十件去賣，肯定係什麼渠道BID返嚟，睇住佢成個月都賣唔晒，稔住$25 + 25 搞掂，個TRAY 非常正，但都有其他TRAY用緊，上個月我$10就在本地CRAIGSLIST買多一個二手的，現在屋企垃雜嘢多，唔平就唔會買。
回覆刪除唔平唔買，這句最正確了。
刪除四，五年前我係EBAY buy it now $180 買咗部DELL ULTRASHARP MONITOR (市價$350),條友話有十部賣咗一部咪去馬，再睇清楚係菲律賓賣家，知道笨SEVEN，不過EBAY 保證的無有怕，過咗一日條賓佬電郵通知shipping. 但是說我買的是DELL ULTRSHARP MONITOR catalog今天寄出，梁兄睇清楚，佢即係話我用$180買catalog，條友根本連CATALOG都無寄過，我啋佢都傻直接同EBAY講，兩日就收翻錢，佢錢又賺唔到，一世都唔使再用EBAY啦。
回覆刪除好在是eBay，美國D嘢有時係幾好嘅。
刪除