2015年6月17日 星期三

指鹿為馬顛倒是非

2015年6月17日,香港立法會議決政改方案



現在時間是香港時間下午5時51分,有感支持政改一方的議員示範

詆毀對方

將反對政改議案說成受外國惡勢力影響
將反對政改與提倡港獨相提並論
民主派反對在這個方案是為了私利
民主派沒有提出實質的反建議

賊喊捉賊

民主派是反民主,建制派才是促進民主

插贓嫁禍

政改不獲通過,民主派須負責

捏造證據

普選無國際標準
歐美國家的普選也有篩選

。。。。。。。。。。。。。。

舊文重溫:

阿香的悲劇http://chrisleung1954.blogspot.com./2015/01/blog-post_20.html

從前有個女仔叫阿香,自小由一個外國養母同拐子佬買返去養。

養母雖然係非我族類,但係一向對阿香不錯,供書教學。阿香衣食無憂,仲學識好多西方嘅生活文化。

轉眼間阿香已經長大,生得好靚,有本事養活自己,唔駛養母勞心。

忽然間,有個八婆師奶行出來,揸住張殘殘舊舊嘅出世紙,認係阿香嘅生母,迫個養母交返阿香出來,骨肉團聚。師奶拍晒心口,話以後會好好地對待阿香,總之阿香鍾意點就點,唔會干涉佢嘅自由......

隔籬鄰舍聽到雞同鴨講咁嘈,都掛住食花生,根本冇人主持公道。鬼婆諗落當初都係自己唔啱,阿香開頭都覺得唔係好想,但諗落話晒都係同聲同氣嘅黃種人,冇乜理由反對。鬼婆無辦法,就簽同意書俾阿香走。

跟個師奶回家之後,阿香發覺陌生的「生母」,原來是個蛇蠍婦人,衰到無人有,奄尖痢毒,限制多多,要阿香什麼都聽她的。

阿香唔抵得就同佢拗,師奶就成日借D意話阿香唔孝順,跟D鬼仔鬼妹學壞晒,對佢呼呼喝喝,仲搵黑社會打阿香。

跟住師奶滿肚密圈,想謀晒阿香D私己錢,仲話冇佢阿香點會有今日,仲唔多謝佢嘅大恩大德?

最後發晒爛渣,話你個死女包,無鬼用,你唔鍾意,可以扯吖,咁講。

阿香揀老公
http://chrisleung1954.blogspot.com/2014/10/blog-post_92.html

從前,鄉下有個女仔叫阿香,出去省城讀了幾年書,住在表姨屋企,畢業之後返鄉下,老豆話阿香你今年18歲,應該幫你搵個老公嫁了。

阿香話:「而家興自由戀愛,我要自己揀老公。」

老豆話:「你兩個家姐阿美和阿麗,都係我叫我信得過的三姑同六婆,介紹幾個男仔畀我,係然後由我幫你家姐揀的。不過依家興自由戀愛,女大女世界咯,我叫三姑同六婆介紹三幾個男仔,然後你自己揀啦。」

阿香:「三姑同六婆介紹的男仔,老土到死,我要自己搵。」

老豆:「咁點得?一陣你搵個唔啱我心水嘅。咪成日同我頂撞,家嘈屋閉?」

阿香:「唔制!咁我都找我啲friend介紹幾個來,畀我揀喇。」

老豆:「你班friend個個思想新潮,有D仲去過外國添,點會揀到D我鍾意的?總之唔准佢地介紹。」

阿香:「咁又點算自由戀愛喎?省城D人都唔係咁嘅!」

老豆:「省城有省城嘅標準,我地鄉下陳家有陳家嘅標準,自由戀愛都要循序漸進。哪,三姑同六婆,已經介紹了三個男仔,畀你揀來拍下拖,先友後婚,就係陳大文,朱頭炳同徐定富。」

阿香:「咦~~~~!陳大文成40歲,朱頭炳弱智,徐定富咁爛賭,我三個都唔嫁!」

老豆:「你唔肯揀,就無得自由戀愛,要原地踏步,好似以前你家姐咁。仲有兩個妹阿芬和阿芳等住出嫁,你咪唔好大教壞細!」

阿香好嬲,話老豆的「自由戀愛」是揾笨柒,典地大哭。

阿香兩個家姐剛剛返來,就話阿香無規無矩,搞到家宅不和。

阿媽就拉埋阿香入房,勸阿香:「女,乖啦,阿爸份人你知架啦,佢決定咗嘅嘢,一定唔會改,你鬥佢唔過架!有得揀都唔揀?咪咁傻啦,幾大都袋住先丫嘛.....」


。。。。。。。。。。。。。。

 *倘有留言未能即時上板,是自動過濾去了spam之故,諸君稍安無躁,版主每日檢查幾次,一有發現便會救回*

(文章允許轉貼,請具作者名字:梁煥松)

16 則留言:

  1. (泛)民主派會叫你2016年繼續投票畀民主派
    繼續永續式民主抗爭
    長抗長有
    玩到2096
    當然每年仍然要繼續支持幾壇大型紀念遊行活動
    此之謂
    不問收獲
    只問耕耘也
    何其高尚乎

    回覆刪除
    回覆
    1. 回應樓下 Raymond 兄,泛民班粉腸啲質素,又好到那裡。

      世界上那有這樣的筍工,冇退休年齡,個個月九皮嘢,加醫療津貼,加任滿酬金,每年奉旨放兩個月暑假,開緊會可看艷照,就算星期三大會,都可以行開下,幫個仔去旺角交電話費。

      借劉鶚《老殘遊記》「贓官可恨」一文,以宣愚見。「土共可恨,人人知之;泛民尤可恨,人多不知。蓋土共自知有病,不敢公然為非;泛民則自以為民主鬥士,何所不可,剛愎自用,小則殺人,大則誤國。」

      http://www.legco.gov.hk/general/chinese/sec/corg_ser/admin_benefit.pdf

      刪除
    2. 見唔到邊隻建制議員是賢能,只不過係舉手機器,泛民唔掂嘅選票會自然踢走,但建制的係阿爺安排的,你做得乜!

      刪除
  2. raymond晚上9:09

    建制派議員的水準,其實很低!

    回覆刪除
    回覆
    1. 建制派議員不祇議政水平低, 態度亦大多橫蠻囂張.

      刪除
  3. fg hk can never produce a "Lee Kwong Yiu" or another statesman, man...therefore it can never become self-rule if not independent...it fg not deserves it, man...

    回覆刪除
  4. 政改方案獲通過, 689連任. 以佢咁謙厚嘅為人, 佢會話: 我代表民意, 我幾百萬香港選民, 一人一票選出黎的. 撫心自問, 大家覺得689可以代表你嗎? 呢d未港人要嘅直選? 呢個制度可以順民意再修改嗎?

    回覆刪除
    回覆
    1. 恕小弟直言,米兄是中了泛民的政治幼稚毒。

      面對一人一票選舉,候選人必須回應選民的訴求和期望。如梁震嬰要面對三百萬選民,他敢肆無忌憚與民意為忤嗎,選民是可用手中一票 opt out 他的。

      現實永遠是相對的,如原地踏步,班飯文又可「做好這份筍工」二十年。二十年後,又出嚟好似死老竇咁,哽咽地說,我地已經盡哂力,罪歸萬惡的貢橙擋,唔比民主你地。比班寶藥飯文呃了廿年,夠喇下話。

      刪除
    2. 如梁震嬰要面對三百萬選民,他敢肆無忌憚與民意為忤嗎?
      敢, 他上任這三年來以, 不時與七百萬民意為忤, 六成市民反對他任特首, 民望長期負值.

      刪除
    3. 他敢,正正就因他只須面對千二選委,冇須面對一人一票的選民嘛。

      民意本身毫無政治力量,他何須理睬。

      刪除
    4. 恕小弟直言,米兄是中了泛民的政治幼稚毒。.......

      米: 而家建制派都唔投票, 你仲唔去殺背叛你的同志!

      刪除
    5. 唔好焮到失哂理智,點解要「去殺背叛你的同志」?

      你唔係真係蠢到,以為佢地因為反對政改,而唔投票下話。三歲細路都知佢地真高招,明知過唔到,玩唔投票,攪到班飯民樣衰,如你般氣急敗壞。

      刪除
    6. 樓上10:16真神人也,居然預見土共不敢公然為非,不敢投下違反良心的一票!
      陰巠陰巠!

      刪除
    7. 大家咁話,賓周賓周。

      刪除
    8. Sorry, 呢度冇人敢話係袮既同類。吾等凢人,血肉之軀,係冇可能受得起三十三隻豬連番爆X嘅,仲喺度喊爽添!

      刪除
  5. 投贊成票的 = 是奸的
    投反對票的 = 是忠的

    投完票 , 現役的泛民議員 , 應該退下來 , 讓新一代上場了

    香港民族 命運自決

    回覆刪除