 |
| 上班時間之外，布市的火車有位無人坐，與香港有天淵之別 |
21年前的澳洲政府部門，電腦化已經相當到家，辦事很迅速，職員很殷勤有禮，看了我的護照和上面的移民簽證，很快就做好登記手續，幾日後就會發證給我。
第二件事就是去買手機開戶上台，易於聯絡。當時雄霸市場的是一度由政府持份的Telecom公司，辦事比較古板，職員道歉說我未有固定地址，在澳洲又沒有信貸良好記錄，礙於公司policy，不能做我生意。
幸而新加坡資本的Optus公司剛加入競爭，手法進取，二話不說就幫我搞掂一個月A$29.90的兩年計劃，並且包一部新的 NEC手機。這是我人生第一部手機，掛在腰間周圍走，覺得很吃得開和有安全感。
跟著就是去銀行總行確定我的匯款和新開的戶口，簽署領取在我先前在他們的香港分行辦好的澳洲信用卡，可以用來購物和在提款機取錢，職員知道我是新移民，殷勤接待，一邊按電腦一邊和我談東談西說說笑，老澳的Customer Service，真的很令人開心。
財務搞掂，就要去另一間分行，開保險箱把重要文件和貴重物品安置好，當時全市就只有一兩間銀行分行有保險箱之設（奇怪的是，現在也好不了多少！）重要文件，包括我的居英權證明，和1988年申請到新加坡的移民批准信。
所謂狡兔三窟，「人不為己 ，ＸＸＸＸ」，這可怪不得我......不過我住下不消多久，就完全心理上認同澳洲人的身份，從來無想過回流或移民別處， of course, the rest is history.
（待續）
。。。。。。。。。。。。。
*倘有留言未能即時上板，是自動過濾去了spam之故，諸君稍安無躁，版主每日檢查幾次，一有發現便會救回*
(文章允許轉貼，請具作者名字：梁煥松)
Chris,
回覆刪除你的新加坡移民批准，到今日仍然有效？
有效期是10年，但新加坡政府很eager，過了期還打電話到我香港父母老家，問還有沒有興趣，可以續期。
刪除我當然沒有續了。
應該是5年。
刪除果時好似已經有vodafone
回覆刪除記不起。
刪除1994年只有2G, 未有Vodafone.
刪除我85 年移民雪梨很快明白兩件事，第一是排沒有龍的隊，服務台前有數人,先要觀察誰先到,因為服務員會叫 who's next, 自動自覺,先來者上. 第二是英文口語沒問題兼看雜誌或廣告的人寫英語能力可能有限，不能填一張簡單的表格，我試過無意中令他人困窘，所以以後從不要求他人當面寫字.
回覆刪除政府時常表示，澳洲人有頗嚴重的識字和計數能力問題。
刪除居英權 cert 好似冇年期限制，梁 Sir 可隨時飛去倫敦做英國人。
回覆刪除但是續領英國護照時，好像要聲明沒有別國護照。
刪除我現在不會入籍英國，也堅決支持澳洲成為共和國，不再請英女王兼任澳洲國家元首。
UK allows dual citizenship. Please see link below -
刪除https://www.gov.uk/dual-citizenship
「上班時間之外，布市的火車有位無人坐」
回覆刪除可能由於強國自由行壓迫的心理反應，很喜歡空無一人的火車和街道，感覺好寧靜、閑適。到過兩次坎培拉，條街 weekday 日頭鬼影〈或人影〉都冇隻，感覺好正。
大城市如雪梨人多，火車相當擠逼，上下班時段尤甚。
刪除哈哈哈哈哈 要來往方便，先用香港車牌換個本地臨時牌和租車，方便週圍去搵屋？
回覆刪除車牌和買車問題，後日有交代。
刪除運輸署屬於州政府，每個州的規例不盡相同。
刪除一般是持有外國車牌的人，不需要「國際牌」，也可以「短期」內在澳洲開車，毋須考本地牌。
但是移民一到步，便是澳洲居民，不是遊客，應該「盡快」考澳洲牌。
很多民眾相信有幾個月的「寬限期」，但署方不一定有明文規定。
這個世界，可以做任何嘢，唔捉到就算你好彩，我識有個香港人，廿幾年都冇考牌，車照揸。
但是我絕對不贊成這樣做。
澳洲有無人頭編號（SOCIAL SECURITY #），或好像香港的身分證號碼之類。
回覆刪除澳洲人沒有身份證。
刪除Medicare有號碼，但很少用。
一般人的所謂ID證明，就是車牌。
各政府部門，沒有互通的國民個人資料 （講係咁講，不過我相信國家情報局會有辦法）
沒有車牌的話，麻煩。要用出世紙、護照或入籍證書。
美國人攞完出世紙，就要馬上攞番張SOCIAL SECURITY CARD （俗稱工咭），這個NUMBER就會跟足你一世，你去揾工，就登記這個號碼去報稅，申請乜乜物物都要填這個號碼，千祈唔好亂比人知道這號碼，否則麻煩多多，美國唯一有照片的證明文件就係駕駛執照，你唔開車也可以申請一張唔開車的執照，因為人家問囉PICTURE ID，就得件咁嘢，以前執照號碼係SOCIAL SECURITY #，十年前才發現問題，隨即要重新 申請，執照另編號，S.S.#不再隨便顯露，執照一發就十幾廿年，現在每12年要去換領兼重新影個幅沙龍，不管執照到期與否，一到65歲也要浦頭再影沙龍！
刪除美國政府的人頭資料應該互聯的，但他們分好多級別的，什麼人什麼職能職權就只能睇到其一個層次，如果你亂睇無關你職務的資料，就算你有權睇，電腦的DATA history都清楚 顯現，走唔甩。
2006 個人先到布市，只有家姐接待。做咗差不多十年Telecom, 係布市冇乜機會。比agent 叫我去雪梨。都唔喜歡Syd, 留下從低做起攞本地工作經驗，因為有interview feedback 話我有工作經驗，但冇本地工作經驗，驚我玩唔埋，吹賬。3個多月後，老婆仔女到泥開學，亦剛找到第一份Telecom有關的工，就是用十多部手機加電腦在車裏行指定路線去收集network performance. 每日八小時，記得當時只有靚仔做。我三十多歲。好似有A$18/hr. 有收入，心都定啲。因有本地經驗，一年內轉咗5份工。多年後今天已是一大綱絡商的昆州部門主管。還是返38Hrs per week. 如果在香港，做到隻狗同埋24Hr on call。
回覆刪除好嘢，打出一條生路。
刪除「還是返 38Hrs per week」，好輕鬆，沒在香港沉重的工作壓力，但荷包也是同樣輕鬆吧。
刪除Engineer paid more in Aussie then in HK
刪除That's good. But is it before or after tax, social contributions, medical insurance, etc. How about the glass ceiling for non-whites. If no such problems, I just don't understand why so many Hong Kong people left the Aussie heaven immediately after "sitting the emigration prison".
刪除Medicare = 類同 NZ 的 Community Service Card , 都係永久居民福利
回覆刪除有卡就可以睇醫生平D , 如果18+以上讀緊大學係免費續
澳紐一過 18 歲即計成人 , 全部費用標準收費... 我就讀的大學只收 NZ$10 睇一次
IRD 稅號就去到大學先申請,因為要申請學生貸款同「秘撈」
手機 :我的人生第一部手機就係 NZ 出 , Alcatel 的透明機 電話告知天下都無所謂 021 1275567
Vodafone Prepaid , 99 年代 Telecom 同 Vodafone 壟斷全紐電訊生意，全無選擇
收費貴 , 日間打其他網路 $1.5 一分鐘 / 6點後 49c ..
澳紐兩地上台,買電器分期要做 Credit Check , 全部要經 Veda Advantage (呢樣野有空同大家講下)
澳紐兩地有兩樣野比香港先進好多.. 車牌同行車證登記, 紐西蘭已在九十年代中旬改用 2D Barcode
出行車證,同時車牌比香港早做電腦數碼化。香港仲係用個張無相的白卡同浪費大量時間排隊換證!
Sydney 已不用貼行車證，登記，renew，全部網上可搞掂，不用去RTA 排隊，慳時慳力。
刪除Brisbane也廢除了貼行車證，差人抄牌，離遠用部機仔「嘟」你就知道有沒有過期。
刪除使唔使驗車？
刪除每逢車輛轉手，要有合格車房發出的 Road Worthy Certificate。
刪除但是如果是自己的車，每年換牌，幾老爺也不需要驗車。
這是一大漏洞，有些人自己動手修車，水準無保證。
ARIZONA已經實行驗車二十多年了，PHOENIX就有幾個驗車中心，新車大約五年內就唔需要驗，之後每兩年驗一次，車輛登記到期前一個月寄來續期通知，自己開車去驗，大約十多元，會發張證明書，將下聯連同續期通知書寄出，一個星期就會收到新車輛效期行車BARCODE STICKER，貼回車尾的車牌PLATE右上角即可，續牌也可以上網做，驗車中心會將資料第一時間傳到運輸署，主要驗廢氣及其他基本嘢，現在啲車大多電腦化，佢哋一插個訉號頭就知道部車嘅情況。
刪除如果車輛轉手最好親自跟新車主去轉名。
走咗鳮
刪除在Sydney 新車3年內不用驗車，超過3年的可托有牌的 service center 做，出一叫做Pink Sheet的驗車纸 (亦是上網)，才可以續牌。
刪除紐西蘭所有汽車要有 Warrant of Fitness , 全新車三年不用做 , 2000 後的車輛每年驗車
刪除到退役為止,驗車全部要用 Telecom NZ 網上交數, 會有一張貼紙約 4 個郵票大細..
打"窿" 確定到期月份.
行車證可以去郵局處理,即時出証.. 但車牌要寄 NZTA (類同香港運輸處) 總辦公室做證
昆士蘭可謂寬鬆到極。
刪除Chris請問你當年以哪種方法移民?
回覆刪除技術移民還是投資移民?
小弟現在都積極考慮移民,畢竟香港環境愈來愈悲觀....
我是技術移民，那時澳洲領事館貼出需要的職業人才，入表就得，不用俾錢移民顧問做。
刪除以梁兄的情況移民比較少，無兒無女，家中獨子，父母在原居地健在，又唔係帶大嚿錢走去嘆世界，更唔係到埗就有份靚工等住你上，真係想聴吓你離開之前一段時間的掙扎之心路歷程。
回覆刪除父母尚有少許恆產，自給自足，我無後顧之憂。
刪除世界嘅嘢，有得就有失。
澳洲屋大空氣好，還想有份好工等住我做，哪有這麼理想？
我一早預了去到番邦，搵唔到嘢做，就去揸的士。
如果真的要這樣，犧牲係好大，讀了半世書，有十幾年行政經驗，都白白浪費掉。
鬼叫自己硬頸，不能忍受強國專政咩？
今時今日香港的情況，我當時已經大致預測到。
我講俾朋友聽時，人人話我太悲觀。
佢哋都話：香港是福地黎架，邊次危機不是化危為機，仲發過以前，大陸冇理由會想香港衰嘅，一定會支持香港，點會差到我講咁。
作為一個80後移民
回覆刪除布市都係算好地方開始
而且IT 呢呢邊都算缺乏人
"職員知道我是新移民，殷勤接待，一邊按電腦一邊和我談東談西說說笑，老澳的Customer Service，真的很令人開心...."
回覆刪除經過某國人嘅災劫，今日佢地對黃面孔新移民仲係咪一樣？