2014年10月5日 星期日

阿香揀老公

從前,鄉下有個女仔叫阿香,出去省城讀了幾年書,住在表姨屋企,畢業之後返鄉下,老豆話阿香你今年18歲,應該幫你搵個老公嫁了。

阿香話:「而家興自由戀愛,我要自己揀老公。」

老豆話:「你兩個家姐阿美和阿麗,都係我叫我信得過的三姑同六婆,介紹幾個男仔畀我,係然後由我幫你家姐的。不過依家興自由戀愛,女大女世界咯,我叫三姑同六婆介紹三幾個男仔,然後你自己揀啦。」

阿香:「三姑同六婆介紹的男仔,老土到死,我要自己搵。」

老豆:「咁點得?一陣你搵個唔啱我心水嘅。咪成日同我頂撞,家嘈屋閉?」

阿香:「唔制!咁我都找我啲friend介紹幾個來,畀我揀喇。」


老豆:「你班friend個個思想新潮,有D仲去過外國添,點會揀到D我鍾意的?總之唔准佢地介紹。」

阿香:「咁又點算自由戀愛喎?省城D人都唔係咁嘅!」

老豆:「省城有省城嘅標準,我地鄉下陳家有陳家嘅標準,自由戀愛都要循序漸進。哪,三姑同六婆,已經介紹了三個男仔,畀你揀來拍下拖,先友後婚,就係陳大文,朱頭炳同徐定富。」

阿香:「咦~~~~!陳大文成40歲,朱頭炳弱智,徐定富咁爛賭,我三個都唔嫁!」

老豆:「你唔肯揀,就無得自由戀愛,要原地踏步,好似以前你家姐咁。仲有兩個妹阿芬和阿芳等住出嫁,你咪唔好大教壞細!


阿香好嬲,話老豆的「自由戀愛」是揾笨柒,典地大哭。

阿香兩個家姐剛剛返來,就話阿香無規無矩,搞到家宅不和。

阿媽就拉埋阿香入房,勸阿香:「女,乖啦,阿爸份人你知架啦,佢決定咗嘅嘢,一定唔會改,你鬥佢唔過架!有得揀都唔揀?咪咁傻啦,幾大都袋住先丫嘛.....」



(文章允許轉貼,請具作者名字:梁煥松)


 ............

26 則留言:

  1. 我係七嬸,鍾意睇西片個位。
    阿女,咪話我話你老豆,三姑同六婆見識少,鬼識搵個George Clooney or 金城武過你咩。
    搵黎搵去都係d猥瑣佬,先唔好講佢地有冇料or有冇錢,你話晒都雙十年華,美貌如花,何苦付托終生於個阿伯呢?佢真心愛你就話jer~最怕佢同你個頑固老豆一樣臭味相投,背住你整色整水兼出去滾,個時你喊都無謂啦~~~

    回覆刪除
  2. Raymond下午6:51

    妙不可言,佳作也!

    回覆刪除
  3. Raymond下午6:53

    相睇,睇前已經篩選,怎有好貨色。又,要相睇才能結識異姓談戀愛,好極有限!

    回覆刪除
  4. 隨時類似梳打埠咁 :係可以自由戀愛,不過祇可以一揀一,重無得唔嫁。

    回覆刪除
  5. "阿媽就拉埋阿香入房... " ,咁即係阿媽變咗 咁"撚正"嘅 淫媒。多麼可悲的 "淥北鳩"號門牌 家庭。極至古今人間大悲劇。

    回覆刪除
  6. Mike Chan下午10:39

    阿香有個大哥,叫阿臺,見到所謂老豆揾苯柒,就離家出走,另創新天池。

    回覆刪除

  7. 幾個同阿香老豆夾埋的怪獸,就嚟出場,包括成日嚟攞飯焦的阿芬、、隨地吐痰的痰要盅、開殯儀館滿頭白髮的涼愛屍、唔坐得低的蟑痔肛和他的家姊,夜晚出街會嚇親人的蟑厲魂, 成班騎呢怪,又嚇又氹,叫阿香嫁住先。

    回覆刪除
  8. 阿香有個表哥,叫阿鷹,見到阿伯咁激氣, 就當面賞阿香兩巴,阿香淚流滿面。

    回覆刪除
  9. 中共當權后,外內談判無往而不利,第一係野蠻,第二係揸住人民做籌碼,蘇聯佬,美國佬,由韓戰,越戰,中蘇邊境,內部的西藏及新疆,到現在香港情況都是一様,西藏,新疆及香港不斷將人口攤薄,你睇劉曉波,李旺陽那種處理方法,就明白,內部的事更不會讓步,香港能有多少空間讓步給你,袋住先,這已經是讓步,一句國家安全,出到黑社會,即係門要關,准备關門打仔。

    留得靑山在,長期抗爭,不需爭一曰之長短。

    回覆刪除
  10. 十多年前,我在廈門會見一名舊兄長(比我大好多,早年愛國返大陸居住),他說香港人省日咁嘈,冇日安寧。問:你系邊度聽聞?答:我每日都看香港文匯報。(我偷笑!)
    我說:而家人地講自由,好似自由戀愛咁。你那一代可能唔見講,但現今你問問你個女,要唔要你指定婚姻?
    老兄低頭不答! 哈哈哈!

    回覆刪除
  11. 叫人袋住先,系想搵人老襯。

    某議員系立法會指林鄭亦來“嫁住先”。睇到我騎騎笑!!!

    回覆刪除
  12. 冇結局既 ?

    阿香最後係咪離家出走 , 揸住碌遮最參加革命黨 ?

    回覆刪除
  13. 離家出走,系阿香既最好唯一選擇,劇終落幕。

    回覆刪除
  14. 美國人明白一個極權國家連小小的民主都唔開放,連香港咁有品及有一國兩制招牌的地方都唔放過,而背信於世界,當這個國家再強大起來加上只要有一個領導人出現人格分裂,世界就大亂,全世界愛好和平的中國人應該醒覺起來,不要貪圖目前的小利益而出賣良心,世界大戰十年八年間必到臨界點,你唔開放民主,人民無權監察它,這就會出亂子,開放香港民主就可以釋出和平的訊號,其他週邊國家對你的不敬,是因為你這個政權從沒有尊重過人民,你怎能夠呌人家尊重你,不要每天說人家怕你強大,強大不可怕,只怕被強大沖昏頭腦至一發不可收。

    回覆刪除
  15. 下集如下:

    件事一直拖,最終阿香搵埋七妹、八妹及九妹發現動和平抗爭,霸佔家中廚房間、廁所及多名兄弟姊弟的房間門口,唔准各人出房飲食大小二便沖涼,因此各人寃聲載道!

    大姐逼著出嚟解釋,阿爸無話逼你和果啲男仔結婚做人世,只係想你試下同果三個男仔拍拖,如果唔鍾意,幾年可以再選過,或者你鍾意呢!結咗婚都可以離婚啦!幾年後阿爸㸃想無人知,因為大家都睇到阿爸思想一直與時並進。但阿香唔接受。

    阿香怪落阿媽度,話阿媽失職無幫佢向阿爸爭取,而且阿媽有私心,幫住阿爸順便攞着著數,阿媽話無,只係巧婦難為無米炊,只想頭家好。阿香唔信,兄弟姊妺十幾人有啲信,有啲唔信,有啲唔出聲!

    阿香話要斷絕母女關係,阿媽無表示,只係話我係,阿爸娶,阿爸無話唔要是我,加上全部都係阿爸意思。

    大家捱咗八、九日,最細個妹終於出聲:我都有少少支持你。但阿爸間房有廚房有廁所,你做嘅嘢對佢無乜影响。你以為佢會驚失禮親戚朋友,依樣無人敢肯定,因為阿爸太有錢,唔係太多人夠膽得罪佢,加上今時唔同往日,啲姊妹越大越靚,阿爸有幾愛,無人知。不過,佢門常開,你唔滿意,可以自己行入佢房親自同佢講,幾步就到!唔好攪到我無覺好瞓!無啖好食!

    阿香就死都唔夠膽入阿爸間房,因為當年佢都未出世,曾經有家姐入過阿爸間房要自由戀愛,結果俾阿爸生劏,埋咗喺邊都無人知!

    成家人而家唔知㸃算,大家都估阿爸幾時忍唔住衝出房對付阿香,到時無人拉得住,生劏阿香不特止,仲可能誤中副車受傷!

    回覆刪除
  16. 妙不可言!

    回覆刪除
  17. Raymond上午7:36

    阿女無奈嫁住先,洞房也洞住先,最後逃出來,找了個婦科醫生補住先,扮處女尋覓真愛!

    回覆刪除
  18. 阿香原來有班鬼佬朋友 , 勾結在一起 , 霸左屋企個後欄 , 自已開鋪做生意 , 撈到風生水起 , 間中救濟下弟兄姊妹 , 老豆激到爆血管

    回覆刪除
  19. 阿香原來掌握了 , 老豆在外包左幾個二奶的証據 , 睬佢都有味 !

    回覆刪除
  20. 拋磚引玉,歡迎加料。

    回覆刪除
  21. 其實出面人都知亞香老豆黑社會大佬, 表面做正行, 做唔少衰野. 佢由得下邊d"靚"搞個女, 你班八掛鄰居"記者"想爆大鑊, 打埋一份. 亞香老豆仲有一頭家北方, 二十幾年前直頭連個女都被"消失".

    回覆刪除
  22. 阿香,出去省城幾年,發現自已原來是領養的,迫婚的老豆,實際是靠黃賭毒起家,所謂你不仁我不義,一於去衙門告到佢甩褲

    回覆刪除
  23. 最後阿香發現所謂老豆不單止係人渣禽獸,原來屋企既兄弟姊姊都各有私心,走咗佬既大哥無眼屎乾淨盲,嫁咗個啲家姐只緊要姐夫繼續賺錢俾佢哋去打牌買名牌,話之佢哋包二奶,同屋但分居既阿媽就最緊要繼續有家用或繼續打斧頭,所以就派個曾做薄娃娃管家既表伯勸亞香無謂鬥,無講話嫁住先或拍住先,就算俾個幾個騎呢怪係咁輪住上都當佢鬼責損數,阿香應為穩定頭愛生事家庭,劈腿唔着褲長瞓以迎新知舊雨都應該,兼且可為一眾隔離鄰舍帶來生機。阿香聽到嘔血,無計可想之下諗著向外尋求幫助,鬼知個個怕佢老豆與及睇錢份上,無人騷阿香,無計可施,阿香只可決定同佢哋攬住死---伊波拉、禽流感都在考慮之列,不過,首先會傳向表哥阿鷹,事關佢無良沓到阿香成身傷,繼而向週打卜女公關臨床試驗以觀效果,若然有效,將會蒞個一鑊熟。

    不過話到尾阿香係有人性之士,所以行動前佢苦口婆心叫鄰里走得就走,逃得就逃,寄寓海外,無需為一個家不成家既垃圾站犧牲。

    回覆刪除
  24. Chris兄,

    An hour & so I posted a message under this thread and I pretty sure it's already been here. However, now it's gone & I don't know what's happening. In fact, I find lately I have faced such problems with google blogger particularly when I was posting Chinese messages.

    Any advice?

    Thanks!

    回覆刪除
    回覆
    1. 又是去了Spam Folder,幫你救回來了。

      刪除