2014年10月8日 星期三

收了錢

這幾個月來,澳洲華人朋友會面,無論是來自中港台,或遲或早都會有人勾起「佔中」或「反梁振英」這個話題。

也好,平日飲茶灌水,嘻嘻哈哈的「朋友」,在這個話題上,顯露了他們的智慧和信念,起碼一些他們的價值觀。

每個星期,我會和幾個朋友飲茶,上星期有人講起學生罷課聚集金鐘公民廣場,一人馬上接上:「那些學生是收了錢的。」

哈!又會這麼清楚,這麼肯定的......


每個星期,我又和幾個退休港男打乒乓球,前日又講起「佔中」,他們異口同聲說:「民主係要爭取,但係唔可以咁架嘛,塞住條路,阻住人做生意!」 聽來都幾好笑,我心想:「咁不如去佔領蒲台島或者塔門囉。」 

有誰想睡在街頭捱催淚彈,有誰不想和平理性非暴力地,由有代表性,衣冠楚楚的議員,在議事堂之中各抒己見,然後政府從善如流?但是這十幾年,香港人試盡了方法,增強民意代表能力,不成功。我們試過民調和民間投票,參加論壇,和平靜坐,請願,遞信和遊行,得來的是一次又一次的拖延和抹黑,這兩年來更使用出動下三濫手段來「反擊」和蒙騙。香港人不用這個方法,可以,但是有什麼更好的方法,願聞其詳。

寫得離題了,言歸正傳;這個球友跟著說:「那個黃之鋒,收了美國佬啲錢,搞亂香港之嘛。呢!搞到你班友無啖好食,到時佢無事架,咪有得移民美國囉!」 (嘩,你又知?)「嘿!報紙都有講,連俾十八萬元嘅文件,都影埋出來啦!」

回家我馬上向Facebook的幾百個朋友求助,問有沒有人看過這張圖片,結果是無回應,大家有看過嗎?

我想分析的,是當有人說阿甲做的事,皆因是「收了錢」,是什麼意思。

阿甲本來是沒意思做的,收了阿乙的錢,為了錢才做。

所以阿甲做這件事,只是為了自己的利益。

阿甲做的事,其實是阿乙想做的事。

阿乙想做的事,有「不可告人之目的」,不是為了大眾,而是為了自己,自己不想出面,所以給錢人做。

阿乙是壞人。

所以阿甲收錢做的事,是壞事。

阿甲收錢做壞事,阿甲也是壞人。

若果你問:「黃之鋒和其他學生領袖收了錢,那麼其他參加的那麼多人呢?人人都收了錢嗎?

當然你會得到的答案,是:『美國佬大把錢,有乜出奇?冇收錢都去那些人?佢哋受人煽動囉!」


(文章允許轉貼,請具作者名字:梁煥松)

。。。。。。。。。。。。。。。。。。。。。。


30 則留言:

  1. 民 x 聯一晚籌款籌到七千萬個單嘢呢?七千萬一晚喎!

    "阻住人做生意"?... 佔銅﹑佔旺﹑佔尖是催淚彈效應喎。 928那天,十多二十個警察,阻止過十萬人和平地去政總。邊個唔啱在先?至今政府道歉都無個。講 "阻住人做生意" 啲人和生意受影響啲人,唔該去向政府追究。(這當然是全民埋單啦!)

    "黃之鋒收了美國佬啲錢"?... 無見到證據。"有得移民美國"?好多大陸人唔使攪革命都可以移民美國啦。(重移咗好多年﹑年年有人移喎。重發緊夢!) 黃之鋒想移民美國,使乜攪學生運動?啲人真係霎戇!

    回覆刪除
  2. 眼中只有錢的人,就會以為世界上人人都是為了錢才去做事。

    回覆刪除
    回覆
    1. 梁 Sir ,早晨 !

      我 "當" 有人咁精叻以攪"運動"去搵錢,咁都唔會精叻成咁,去咗實輸個邊去攪架?!民 x 聯啲低能 (注意:高音)分子,年年唔使做嘢,年年年薪都唔止十八萬啦!以黃之鋒的能力,隨便搵份工,年薪亦都唔止十八萬啦!啲人真係可以蠢成咁!真係唔知道啲人諗乜。

      刪除
    2. "眼中只有錢的人,就會以為世界上人人都是為了錢才去做事。"
      我都覺得係! 這是曾人富貴厭人貧的經典!

      刪除
    3. 一語中的

      刪除
  3. 美國佬只用了十八萬元 , 收買黃之鋒 , 便產生這麼大的衝擊力 , 可把香港搞成咁 , 中國都害怕到可能出解放軍 , 香港和中國的金融損失可能高達十幾萬億 , 那美國佬實在太厲害了 , 這樣的世界霸主 , 你不要背後講他壞話啊 , 可能你的手機已把你一舉一動上傳給美國佬了

    回覆刪除
  4. 或多或少透露左香港人的價值觀,除左錢就咩都無。
    香港人總是這樣,相信凡事皆有動機,而該動機必定為錢!
    人家對你好,你總覺得人家想謀算你。人家站出來,你總覺得人家想出風頭,求利益。
    很討厭。

    回覆刪除
  5. Raymond上午9:36

    我都想知道,甚麼社團、婦女團體等在報刋刋登的半版、全版支持政府廣告,誰交廣告費!

    回覆刪除
    回覆
    1. 紅色商人找數

      刪除

  6. x ,我好 x 肯定嗰幾萬示威人士冇收錢,仲要貼錢買水買麵包,拿到補給站。我又好 x 肯定,衝擊旺角示威人士班乞兒,是收了錢做嘢。著 x 哂西裝,在立法會閹割人民民主權利,就唔 x 係暴力,靜坐在街道就是暴力,呢啲係乜 x 嘢邏輯。

    回覆刪除
  7. 其人之道應返佢﹕「果個特首……收左錢架﹗冇收錢但去打示威者果d暴民﹖受人煽動囉﹗」LOL

    我仲以為即刻會有人彈出黎話「係囉﹗去佔領塔門咪好囉﹗」XD

    回覆刪除
  8. Chris , 你 D fan 裡面有冇臥底 , 收了錢 , 小心啊

    回覆刪除
  9. 身邊工作, 朋友圈子對佔中冇投訴, 有反對佔中嘅都認為政府同警方處理得好差. 想出亂子嘅亞公鷹派, 冇亂子就冇藉口高壓統治. 同食飯者有人承認收過錢反佔中, 著件t shirt出去行下, 乜乜同鄉會吹雞, 呢個會同某富商有關, 另外出錢俾黑社會打人叫維穩費. 邊個號召到群眾就敵人, 共慘黨靠搞運動起家, 好忌你照辦煮碗.

    回覆刪除
  10. 我有個澳洲華人朋友 , 講得更加精彩 , 民主要這樣爭取的嗎 ? 太蠢了 , 移民澳洲咪得囉

    當年澳洲鬼佬仲著數呀 , 帶隻羊送俾土人 , 土人投票通過鬼佬可以留低 , 咁就可以享受民主

    回覆刪除
  11. 我都好唔明,我阿爸8兄弟姊妹,得我老豆係投票比長毛,其他人一味話咩學生搞亂香港
    同樣係老一輩,Chris兄, 點解佢地大是大非都分唔到?
    明明同一個香港大, 係比人洗左腦定係自己放棄思考? 定係真係咁_蠢?
    仁義禮智, 禮義廉恥去晒邊?
    最可恨係好多呢D人仲大大聲周圍佢散播呢D流言
    17歲香港土生土長學生係美國間諜你都信, 弱智都唔信啦,好心

    回覆刪除
    回覆
    1. 估計你老豆係喜歡閱讀嘅人, 見多識廣, 唔容易受宣傳機器蒙蔽, 佢嘅兄弟姊妹生活圈子狹窄, 思想單純.

      刪除
  12. 八十年代初香港乒總為擦鞋及增加他們領導人在國內的生意而巴結國家隊,揾一些在大陸有成績而未起眼的球員來做顧傭兵代表香港隊打比賽,碌削本地球員的代表資格,我跟幾個波友向傳謀爆料,佢哋咪又係個句,幕後有不可告人的目的,睇見佢地啲反應咪笑飧死,最初幾年都收儉一下,過兩年咪變本加厲。
    港大跟你參不多同期的波友砲灰鄭灰俊及莫小文,七八十年代我經常跟他們練吓衛生波,移民后不彈此調久已。

    回覆刪除
  13. 另一個個人覺得十分驚訝的看法,有些人認為學生被洗了腦,並因此認越得多書越死。

    回覆刪除
  14. 我聽到就唔係咁,係打金融戰,港台阿石老師個節目揾咗個基金佬史理生都係咁講。其實係阿爺揾學聯裡面學宛派老鬼,叫班細佬借果三條傻佬過橋嚟搞大佢,引班美國佬入局,用香港主場,殺佢一鑊勁,拖慢美國佬復甦,爭取時間搶位。圍內好似陳鑑都執到唔少。所以而家好多鬼佬都出嚟勸退。

    回覆刪除
  15. 松兄:

    係咪呢遍?

    http://paper.wenweipo.com/2014/09/25/HK1409250001.htm

    回覆刪除
    回覆
    1. 這篇我看過,但沒有過水的文件圖像。

      刪除
  16. 唉!唔怪得香港人的報紙話:「痛,佔中撕裂社群;悲,同枱摯友反目」喇,你就唔啱啦,中央都話外國勢力嚟攪事,亡我之心不死。咁外國勢力揾人幫手唔係靠派錢,唔通靠民主信念咩?複旦教授蘇長和都話咗啦:「中國是為數不多搞真民主國家」吖嘛,睇吓蘇教授點講:http://news.takungpao.com.hk/mainland/focus/2014-09/2716817.html西方啲劣質民主邊度有銷路呀?啲學生唔喺為咗錢,又會為乜?

    回覆刪除
  17. 美國佬十八萬就可以攪到香港,雞毛鴨血, 中共的維穏費以億計, 共產黨真是豬豬

    回覆刪除
    回覆
    1. 非也。中共要好多蛇齊餅糉來組織人海戰術。三幾億小菜一碟。中共大把!哈哈哈!!!

      刪除
  18. 真係中到應一應囉~ 心都涼晒~ 成日屈學生收錢,冇証冇據信口開河,
    今次有証有據, 收"外國勢力"錢, 班人肯定又扮冇野唔出聲
    "澳洲傳媒:梁振英曾收5千萬「秘密報酬」" 最新消息 - 請自行google

    回覆刪除
    回覆
    1. 澳洲大報消息,相當可靠:
      http://www.theage.com.au/national/hong-kong-chief-executive-cy-leung-faces-questions-over-secret-7m-payout-from-australian-firm-20141008-1134yv.html
      哪,呢單就真係有齊文件你睇喇。

      刪除
  19. 忽然間咁多人變身福爾摩斯力證美國佬出錢攪亂香港,中國人真系無得頂。

    回覆刪除
    回覆
    1. 中國愚民多如恆河沙數, 沒享應有的人權, 沒做人的尊嚴, 還以為處於中華盛世之中.

      刪除
  20. 你度够有好多 “五毛” 收左" 咁又点回应先 ?

    回覆刪除
  21. 不要说愚民五毛之类的了,我朋友中有很多留英留美的香港大陆精英律师都这样认为呢!而且还在facebook上公然说支持占中的人无脑,完全没有意识到自己已经被大多数同行朋友暗地拉黑,defriend 了。香港和大陆人没有完全经过台湾人的政治冲突,对于一般朋友之间慎谈政治这一点还不够有体会啊。这是很伤感情的话题!

    回覆刪除