2015年7月30日 星期四

片刻安寧

片刻安寧

鄰居是兩層共有五個單位的平房,對正我書房和睡房窗口的是一伙尼泊爾人。

前天早上一早,吵到翻天,聚集了幾個同鄉,大包小包搬上車,原來約定在他們家集合,然後幾輛車出發去旅行,這兩天終於可以靜一下,因為平時他們都是夠吵的了。


兩房的單位,兩兄弟合住,兩個都有老婆,加上其中一對夫婦的一歲多嬰孩。

男男女女都在家打躉,其中一個男的告訴我他的職業是廚師,可能當餐館夜更,總之白天就是人聲鼎沸,像走馬燈的走出走入。

南亞裔女人,有男人在的時候比較寡言,整天就是聽到男的不停在高聲講話,同老婆講,兩兄弟講,講電話,用的當然是他們的家鄉話。

有時講手機用免提擴音,拿著在外面走廊行來行去的講,機主和對方講甚麼,我當然聽不懂,但是語音傳過來,粒粒聽得分明。

一日三餐都是在家煮咖喱,氣味隔幾間屋都聞得到,烹飪過程很大陣仗,像我們煮中餐,煮食器皿的砰拎崩冷碰撞聲音,刀劈肉的聲音。

然後就是播出大聲的兒歌,大人弄兒為樂,經常把他不哭搞到大哭,又把他逗。我平生最不喜歡兒童和大人玩細路的聲音,真的受不了。


。。。。。。。。。。。。。。。。。
*倘有留言未能即時上板,是自動過濾去了spam之故,諸君稍安無躁,版主每日檢查幾次,一有發現便會救回*


(文章允許轉貼,請具作者名字:梁煥松)

35 則留言:

  1. raymond清晨7:16

    偷得浮生多日寧,老兄可以看書寫文了!

    回覆刪除
  2. 搬可也!無得拖!

    回覆刪除
  3. 我試過喺大學宿舍同阿拉伯flatmate住,佢無堂上就日日喺屋企霸住廚房玩slow cook,煮親四五個鐘,重要攤晒啲嘢出嚟成個廚房佢玩晒,我同另一flatmate唯有食杯麵或者玩"深夜廚房"!結論:所有第三世界/failed countries人民共通點:煮煮煮!(鍾意煮嘢嘅意大利法國同學都無咁犀利)

    回覆刪除
  4. 讀畢梁 Sir 文章,感同身受,移民澳洲享有的寧靜生活,全因毫無關係的咖喱人,蕩然無存。

    梁 Sir 生性豁達,比著係我,真係會抑鬱。曾到外國參加研討會,也遇上過妮撲以人,是善良的人,但直接的說,就是低等民族。

    回覆刪除
    回覆
    1. 梁 Sir是高等民族,所以生性豁達。

      刪除
  5. 兄台住這一區已經被入侵同意 DK 兄說早搬早著
    就算尼泊爾佬一家搬走下一次可能是更加煩擾的

    回覆刪除
  6. 他們是租客,我卻是20年的自住業主.....

    回覆刪除
    回覆
    1. 20年前的物業升值不少
      趁入侵族群還未成為一個社區
      物業還有市有價
      可以賺會20年居住還有餘錢
      等到全面入侵成為族群社區後
      買家就有限制矣

      這是一貫舊區的時代演變
      本地的主流族群不斷套現
      再搬往新的區
      另覓新天地
      再種新土壤

      刪除
    2. 梁 Sir20年前的入侵, 現在已變成本地主流土著。

      刪除
    3. 我從來無嘈住人,鄰居不拖垃圾桶出去讓市政車來,我仲幫他們拖埋,對得天地良心住。

      刪除
  7. 屋住落就會出現轉換,業主住客問題,再加上屋區更老化,好啲嘅買家唔會入嚟買,再加你的鄰居是出租的多合院,變成王小二過年,為自己的舒適生活,健康及投資起見,應考慮放盤,揾過其他有潛質的屋盤,再十年后,你的投資更好,你的健康更好,你有更多好文章給我們。
    好像我從舊居搬家就是因為新搬入啲人級數越來越差,一屋人多咗,周街泊哂車,這些現實改變不了,只有自已搬走。

    回覆刪除
    回覆
    1. 我住的屋地近火車站,這個區特別多短期遊民租住。
      適當時候都要賣出走投。

      刪除
    2. 當我再揾屋搬的時候,第一校區要好,價格自己能舒適應付, 四個房,三車房,三廁所,一層過(木屋兩層耗電,上層及樓梯宏宏聲),掘頭街或鎻匙孔街及馬路唔准泊車,結果全中,最初搬家,被老婆啲同事笑,車路要經過啲舊區,又話遠咗,又塞車,班友完全唔識查,我哋搬入去之後兩年,兩條FREE WAY 開通,一咪路就上到FREE WAY,再分東南西北分段走,屋地135' x 102' ,建築上蓋為72' x 65' 所以左右及后院鄰居有一定之距離,我左右鄰居另加$6萬銀就UPGRADE個1,200sqft的地牢,我沒有做,後來覺得有點笨,原來地牢冬䁔夏涼,唔會使多好多電。

      刪除
    3. 老兄買對了,可喜可賀。

      刪除
  8. 年紀大了,換間細屋,打理易一些,更可有多餘錢吃喝玩樂,享受一下。

    回覆刪除
    回覆
    1. 到了65歲可以考慮住退休村。

      刪除
  9. even fg single house has fg trouble like this, man...one side of our house is quiet; another side fg with car and people noises that can fg shake our windows and fg walls, man...

    回覆刪除
    回覆
    1. 所以選擇屋地要四方的,不要狹長形地,起碼同兩邊鄰居遠一點。

      刪除
  10. 西諺云:你可以選擇你的屋,但不可以選擇你的鄰居。與其忍受,不如搬。一係買埋隔鄰,然後租給合意的無孩夫婦。

    回覆刪除
    回覆
    1. 隔籬業主來收購我間屋重建就最好了。

      刪除
  11. 其他鄰居是否也對尼泊爾人有不滿?

    回覆刪除
  12. 因唔揸車(實廷係唔曉揸車亦唔鍾意揸車),無論係外地或香港落腳,首選係方便、次選亦係方便、三選都係方便,當然,最緊要係唔好嘈,住着啲又嘈又人多出入既就真係攞命。

    係外地居住時,試過住獨立屋,打理前後園,剪草剷雪,無車又好似廢人個種滋味,試過就算,都係 city person living in an apartment is my favourtie choice。

    無可否認,住獨立屋面積細極有限,地方見使好多,又唔使同隔離鄰舍共用牆壁,只要唔係太大聲或個 lot 太細,就話之佢鬼反,如果係舊區兼多老街坊個類,鄰里關係重較親切添,不過千祈隔離屋唔好安個籃球架,如果唔係打起波個時蹦蹦聲,家家有地牢,啲迴響真係攪到無餐好瞓,尤其係我呢啲晝伏夜出夜晚晚唔願瞓朝頭早唔願起身之輩。

    第二唔好面對啲公園/球場/學校/高爾夫球場等等,人來人往車出車入一時大聲一時細聲鬼殺咁嘈,除非有大段距離。

    等三唔一定要住新屋既話就考慮啲舊區,因區域已經發展好,所以衣食住行設備比較方便(特別係公共交通設施),以前啲屋木料又較耐用,況且舊區地段多數較大,就算要拆卸舊屋起過間新面積多遊刃有餘,最可愛就係間間屋外型不同,各有特色,唔似得啲新區由發展商話事,外型設計五款就五款,六款就六款,顏色都有限制,條條街一模一樣,入錯街口都唔識揾返路出蒞,重有一樣衰格就係話為環保喎,啲街燈少好多,隔好遠先棟枝,又黑又暗,住得耐都會變 depress,at least for me。

    個人來講,到現時為止,如係外地居住理想居庭首選係個啲 warehouse/factory/old building...改裝又位於downtown既loft,次選係 boat house。

    唉,食得大頭菜多又係處發夢!

    (P.S.: Chris兄,睇蒞府上隔鄰業主有人租其屋就算,有點等錢使格局,似乎兄台可作考慮另覓他處作居停也好作投資也好,因敝親居住雪梨,其物業前業主係個建築設計師,專門買地起屋全家大細居住一年多後放盤,每有斬獲,政府又不會向佢收取利得稅,因為佢一家確有居住此屋,現今賣掉只不過係搬屋,並非靠投資物業賺錢,不知布里斯本是否同一法律。)


    回覆刪除
  13. 在美國短期買樓賺價要付稅,伹超過一定年份就可免收,你去賭錢,贏咗錢賭塲即刻同你登記,唔會走鳮,住屋最重要係關聯於份工的路程,你住落後揾工亦以此定位,否則又要揾屋搬,老實講搬屋亦是痛苦事,但老外就樂此不疲,他們喜歡搬離搬去。

    回覆刪除
  14. 我在 NZ 住時搬過兩次屋,離開時仲住在市中心附近

    當初住華人東區,取其有家父老友,但因出 Tech 同大學路程太遠,決定搬
    搬在市中心數公里的舊區,附近鄰居全是印度人,不過煮食沒有特別氣味 。
    關系一般,間中有講有笑。

    住新舊區分別係寧靜,我住大街上D車好嘈的,有時要帶耳塞睡覺。
    D屋一到十年左右又要準備翻新 (包括 :屋頂大洗,水渠,窗戶等!!)

    回覆刪除
  15. 如果梁兄怕嘈 的確很辛苦 有無試常同佢地講 改善下但如講過無乜用勍要自己唸辦法 有無唸過搬呢 但不知當圴的房貴是否同香港一樣 貴到恐布 不過有車 搬遠一些都死以 最緊要住得舒服 安靜。希望你早日解決這問題 有更好的環境居住。

    回覆刪除
  16. 開始留意下有什麼好的退休村,是時候了。

    回覆刪除
  17. 租還是買的!會唔會又係好嘈?

    回覆刪除
    回覆
    1. 看過幾處,老人都很安靜。
      一般是俾一筆錢,約三四十萬澳元,享用99年租住權,每星期付管理費。
      頭幾年退出的話,只能拿回約七成。
      限期過後,可以自由轉讓,但房屋會增值,若有所賺,要與退休村當局對分。
      有些規定,要以原價賣回給退休村。這一類的開頭一筆會便宜一點。
      退休村管理機構,提供的服務,有多有少,有些有飯餐供應,有些連屋內冷氣機煮食爐都負責修理換新,每星期收費亦有高低。
      每條村的細節一定有不同,日後會寫文章介紹下。

      刪除
    2. D條款好辣,奉勸閣下請三思.. 真係升就無份,跌就你食
      我同友人講過呢單野,開發商如賭場,有賺無蝕

      刪除
    3. 還算行得走得,大屋搬細屋,或townhouse也是辦法。
      不過到了最後,一是再搬去High care老人院了。

      刪除
  18. 梁兄:你夫婦剛登六,還年輕,你家的建筑應該幾十年歷史了,搬到退休村,你身邊好多 嘢都未必帶得走,揾過間細啲嘅獨立屋,CONDO 或 PATIO HOUSE 後兩者缺點為其中有一邊牆貼住鄰居,CONDO開始考慮年紀開始大啦要地下層算了,如果可以的話將現居的窗戶換哂DOUBLE PANE WINDOW比較隔聲,不過睇嚟你比較喜歡開窗戶享受自然風那就必然附送㗎喱味,況且UPGRADE雙層玻璃窗日后你賣屋都有幫助,那你現在還可享用。
    PHOENIX最出名有老人屋邨,西面有SUN CITY,而南面有 SUN LAKE,普通獨立屋,LOT 地較細方便打理,街口有閘,內有幾個高爾夫球埸,賣屋時說明只歡迎五十歲以上,沒有小孩的游樂埸,無學校的聯系,這些屋非常受歡迎,大部分為東岸及加拿大的退休人士,如果要人照顧咪搬去LIVING HOUSE,好多有風濕年老人搬來,SUN LAKE 住好多猶太人,我家附近也有一個同樣的區呌APACHE大部分為預制屋,拖到LOT 地上,都係東岸及加拿大人,都有幾個高爾夫球場在內,我認識一些這類朋友,女的比男的還沉迷打高爾夫球,幾年前朋友介紹一對超過八十歲的來印結婚邀請咭,男的還很幽默,攞貨時說你的服務好又印得好合我們意,如果我太太有身孕,我再來找你印BABY CARD!

    回覆刪除
    回覆
    1. 是的,必須小心考慮。

      刪除
  19. 梁兄,有文飛鳥!
    咁奇怪嘅DENENTURE式退休村計劃,有誰能退休(一般65歲)後可享受/壽99年。

    回覆刪除