2015年7月27日 星期一

印度咖喱飯

印度咖喱飯

想食正宗印度咖喱飯,一點不難,因為本市南亞裔移民越來越多,印度餐館和小食店到處都是,每個商場的美食廊一定會找得到。

其實南亞是很大和多民族的地區,一般人習慣稱的「印度餐」,像中國餐一樣,有不同地區之分,粗略來說已經有北印、南印,細分有孟買、旁遮普、尼泊爾、巴基斯坦、孟加拉等等,款式也不一樣,正式名字有其獨特名堂,很少用上「咖喱」這個字。

不過在外國的印度餐,無論餐館是屬於某一派,他們總會同時具備外國人比較熟悉的國際知名印度菜式,方便略識之無的食客點習慣吃的Tandoorie Chicken, Samosa 之類。

印度餐館的主理人,由老闆、廚師至員工,絕大多數是自己友包辦,煮的就是自己拿手的家鄉菜。

這天來到文化匯萃的區域,一個商場之內,除了中餐、西餐、日本壽司、港式麵包西餅,還有菲律濱超市、印度雜貨舖,伊斯蘭Halal肉店。印度餐館有兩間,還是貼近對方,直接競爭。

每逢有這個情形,選見到生意最好、最多南亞老鄉光顧那一間,包無撞板......

我一個人開餐,點個小的咖喱薯仔/豆飯,已經足夠。每客A$4.90( 大的是 A$6.50),可謂全市最平的碟頭飯。

印度米叫Bashmati Rice,米身修長,沒有黏性,煮出來的飯,粒粒全部宣佈獨立,香港人或會覺得不及泰國香米的煙韌好食;不過食落另有風味,而且印度米所含糖分特別低,適合現代人通常熱量過剩的體質。

。。。。。。。。。。。。。。。。。。。。。。。。。


*倘有留言未能即時上板,是自動過濾去了spam之故,諸君稍安無躁,版主每日檢查幾次,一有發現便會救回*



(文章允許轉貼,請具作者名字:梁煥松)

22 則留言:

  1. 印度咖喱最佳吃法是配印度薄餅naan bread

    回覆刪除
    回覆
    1. 有多種吃法,飯分白飯和黃飯。
      麵包另外有一種叫 roti 的。

      刪除
  2. 㗎喱牛/腩飯係小弟之至愛,可惜在ARIZONA 找不到像樣比小弟DIY更好的,現在啲印度人讀書真叻,我有很多客戶都係印度籍醫生,反而印度平民餐廳不多,六十年代住彌敦道油麻地小學對面石壁道口,二樓巴基斯坦人做的㗎喱很正,我地間中會買來食,出身后,中環,銅鑼灣及尖沙咀的南亞餐廳我就經常幫趁,七十年代中環德忌凹街開咗間瑞記,也常幫趁,也會挑海南鳮飯,移民后在北京停留時每多在HARD ROCK餐廳食㗎喱或海南鳮飯,在香港中環的HARD ROCK他們的㗎喱及海南鳮飯也差,HARD ROCK的鳮全部起晒骨的。

    回覆刪除
    回覆
    1. 現在要去重慶大廈了,起碼有五十間給你揀。
      前年回去,試過三樓的Taj Mahal,不俗。

      刪除
  3. raymond上午9:03

    這個價錢,香港茶餐廳也未必辦得到!香港的茶餐廳,碟頭飯平均都要三十多四十元了!

    回覆刪除
    回覆
    1. 我食這樣是細碼,還是素的,所以平D。
      不過就算是有肉的大碼,也是10元有找。

      刪除
    2. 嘩!咁誇張50間係一間大廈內,真係要見識下!咁簡單嘅點解唔DIY,你真係好忙碌,又好充實。
      我哋西面成30咪路有一間中餐館,太遠了,我每年先去一兩次幫佢印餐單,快餐筆筆吓,發現佢嘅柱候牛腩不錯但唔夠稔,每次廣州來的老板娘知我喜歡,就攞兩大盒,其他我乜都唔要,回家再炆一粒鐘,另外挍一碗㗎喱汁,變成兩味餸。

      刪除
    3. 我鄰居有一伙尼泊爾人,一日三餐咖哩氣味四溢,不怕面懵拎個兜過去,都可以試多少。

      刪除
    4. 我最怕㗎喱落香料,好似泰國㗎喱就唔係幾掂。
      印度㗎喱喺香港蘭桂芳食過兩家,太隆重,心又形住佢地隻手用嚟??
      係香港周圍都有好牛腩,係美國買牛腩貴過普通牛肉。

      刪除
  4. 估唔到澳洲食咖哩平靚正. 香港我選鵝頸橋街市惠記(回教的)咖哩, 印巴朋友都幫親, 記得叫埋柚皮同蘿蔔.

    回覆刪除
  5. 梁兄你母校的招牌比狼9,果JAM及大小便三條友拆咗幾粒釘,掉掉吓,連老外校長都比佢地架空,呢條友浄係識鬥爭,鬥爭再鬥爭!

    回覆刪除
    回覆
    1. 惡貫滿盈,眾叛親離,最後會死得很慘。

      刪除
  6. 印度薄餅好正!

    回覆刪除
  7. $4.90, melbourne冇乜可能搵到

    回覆刪除
    回覆
    1. 本市有間 Krishna教壇,中午有任食到飽,
      早十幾年3元一位,兩點後仲免費!
      現在加價,仍是10元左右有交易。

      刪除
    2. 聽聞錫克教廟有免費供應膳食, 要付費都ok啦! 可惜未試過.唔知味道如何.

      刪除
  8. 印度咖喱雞、羊, 手爪餅, 爽米, 薄荷醬, 我也很喜歡, 好好吃!

    回覆刪除
  9. 傷風感冒不太嚴重的話,吃咖哩可把身體內的寒氣濕氣驅出來呢~

    回覆刪除
  10. 印度咖喱香而不辣,與馬來咖喱不同,他們自己不叫咖喱,叫 Masala,即混合香料的意思, 煮魚,肉,菜 都有不同的 masala。梁兄所吃的,顯然是素菜的 masala了。

    回覆刪除
  11. 我多數食黃飯,印度菜都好食,不過薄餅唔好食咁多.. 因為用油脂做的
    全素 nz 以前都有,一個下午都係 $5 .. 唔貴

    回覆刪除
  12. 我公司印度同事間中整佢地印度歺比我地食,在Brisbane我試過的歺廳冇一間有噤好食。佢地話出面好多是買現成醬油做,所以間間差不多味

    回覆刪除
  13. 特價午餐三藩市,洛杉磯,爭爛市四五蚊都有套餐,有湯有曲奇餅,美國其他地方很難找到這價位。

    回覆刪除