2015年7月15日 星期三

求人不如求己

求人不如求己

現代的車匙有智能,有些內藏晶片,和汽車配對,所以車主如果找鎖匙佬,用機械方法複製一式一樣的車匙,還是開不到車,要配就必須要回原廠訂購。

一般的車匙,也有遙控車門或行李箱開關鎖的功能,要靠內裝的鈕型電池供電;現在大多是用鋰電池,比以前的水銀電池耐用得多。我的Toyota Camry 13年了,遙控還是操作正常;但是另一輛Subaru Impreza,只是五年車齡,還是比較少用的,忽然車匙遙控功能失靈,兩條車匙都是。

最大可能,是電池電力已經耗盡,要更換了;但是拿回總代理的維修部,肯定要幾十元一條埋單,實在是心有不甘。就算拿到商場裏專門換電池的鐘錶檔口,也要十多二十元一條。

想自己打開車匙來看一下,它只用一粒十字螺絲鎖緊,但是尺碼比較特別,我有的十字螺絲批不適用,夾硬來弄爆了就糟糕。於是拿車匙到電子零件店,給櫃面的師傅看一下,他一看就知道是屬於電腦或珠寶一類的螺絲批,多少錢一支?「三元」。



扭開螺絲不難,只要牢固按著用陰力輕轉,避免弄崩那個十字孔。鬆掉螺絲,再用另一支扁頭螺絲批一撬,打開膠殼一看,嘿,只是普通的CR1620鋰電池,不用去原廠買,到處有售,只是三元一粒而已。

換電池,用尖咀鉗一夾一抽,扔掉,新電池一推即到位,易過借火。把膠殼回復原狀,上緊螺絲,半分鐘搞掂一條。

換好一條車匙,馬上出去試試,但聽見車門應聲開鎖;餘下一條亦照辦煮碗,測試OK。

這樣,只是跑一兩趟電子零件店,花了10元,學到一樣新工序,還多了一件備用的工具。


。。。。。。。。。。。。。。。。。。。。。。

*倘有留言未能即時上板,是自動過濾去了spam之故,諸君稍安無躁,版主每日檢查幾次,一有發現便會救回*


(文章允許轉貼,請具作者名字:梁煥松)
。。。。。。。

26 則留言:

  1. 梁兄:
    我每個月都會停吓間男人玩具店揾野買,你可以買定幾把萬䏻羅絲批,一把內收摺有十多條不同呎碼,有十字六角八角,種種唔同的,一兩皮一把,萍果用啲特別的,我都有,方便upgrade, 呢種電家中的車房遙控,抬頭電子鐘,BOSE遙控器都要用。
    大哥好多車廠已經將技術改了,車匙已是全封閉的,一定要幫佢買過條新的,里面係DIGITAL CODE,你部車仲用舊技術,我部2005 MURANO,十年車已經用code匙,要同車行配,伹你可以在AMAZON買了後到配匙店上CODE比同車行買平得多。

    回覆刪除
    回覆
    1. 為換電要換新匙,好搵笨。

      刪除
  2. 梁兄,奇怪車匙無電點解會兩條一齊同時間出現,兩條車匙用量不同,肯定會先后不同時間斷電,車匙插入去撻車,車會對冲密碼,大餅電好少咁短壽,會唔會你車的KEYLESS REMOTE 對撞,下次換油可以問吓DEALER,有時啲野出現MANUFACTURER DEFECT好的,DEALER會免費take care 給你REPLACEMENT!

    回覆刪除
    回覆
    1. 換了電,兩條都work,觀望住先。

      刪除
    2. 咁個REMOTE keyless你無提及?

      刪除
    3. 咁咪好危險兩條車匙的電池同時斷電,咁何來後備,肯定係PROGRAM CODE 出現問題,scran 唔到個code!
      奇怪,真係要問問DEALER!!

      刪除
    4. 冇電之時,仍可人手插匙開門,以及發動引擎,現在兩條都掂就算,D嘢有時冇得解釋,費事煩。

      刪除
  3. 清楚啦!你架車的車匙與開關車門的遙控是合併2 in 1, 但功能不是相互性的,電池只係控制關開戶,伹奇怪是正副匙同時間斷電,換了新電關開戶恢復了,但無需REPROGAM CODE,應該兩個系統獨立,一般車一條車匙配一個獨立security remote,如果remote換上新電池,要重新PROGRAM對應車匙之密碼,這種密封車匙如果內部电子壞了,成條車匙換,DEALER 賣$70,零件部賣$30,AMAZON 賣$15,一些相熟DEALER會做人情免費scan code, 出面開鎖店收10皮左右,換電池DIY梗係無問題,小小麻煩就係REPROGRAM,又知多一種車匙。

    回覆刪除
  4. 我部MAZDA CX5 在PNG要配一條車匙成三千八元,㭒等港幣八千幾,比較澳洲貴好多倍,下次落布市前要查吓。
    PNG Sammy

    回覆刪除
  5. 絕代恐龍兄,巴布亞新幾內亞的來客,千幾蚊美金一條車匙,嘩!一般在美國配一條全新最貴咪$160,那你為啥要配一條新的,咁買部新車在你那里要幾多錢?

    回覆刪除
    回覆
    1. 無辦法。這國家是高消費地方。有啲澳洲鬼在這處賺錢。
      PNG Sammy

      刪除
    2. 買CX5 二千五cc價錢同香港差不多。
      PNG Sammy

      刪除
    3. 呢種四頭I-4 SUV 車四個日本仔牌子鬥餐死,以前TOYOTA RAV 及 HONDA CRV 最賣得,幾年來比NISSAN 新出的 ROGUE 打到七彩,MAZDA cx5 始終係排第四,這種車美國賣大約 $22,000 左右,PNG 易揾錢?

      刪除
  6. 我在香港用Carmy,回皇冠車行配一條3800,街邊也要2000.
    很貴

    回覆刪除
    回覆
    1. 這裡補鞋檔口兼做配匙,有時還說可以幫你program後備智能車匙,我問過,約A$100一條。

      刪除
  7. the inner space (from my tablet)下午3:47

    我在加拿大 dollar shop 買了一套
    小型螺絲批 十字頭 八角形 圓形起狗牙 共十支
    回來香港用得著的只得兩三支!

    回覆刪除
  8. 请问电子零件店是否为Dick smith?

    回覆刪除
    回覆
    1. 今次是去 Jaycar買,一定要格價,這粒電池在DS買貴一倍!

      刪除
    2. Jaycar似鴨記

      刪除
    3. ikeyless 或 car and truck remotes 乜都有,買電池一定要行多兩間,
      harbor freight tools 男人玩具店,大陸產工具唔係咁講究無問題,平得很。

      刪除
    4. 是的,像「東京電子」。
      Jaycar的大叔也比較DS的後生店員熟行。

      刪除
  9. eBay 買CR 電,一兩蚊有五粒包郵從Syd或vic 寄到。平時買定比車或車房Remote 用。

    回覆刪除
  10. 小心 EBAY 及 AMAZON 的電池,其生産期久遠的,睇吓啲REVIEW就清楚,要平可以在DOLLAR STORE 揾,但 要check 吓生產期。
    一般電池,近年我已經改用RECHANGEABLE 環保電池,最好係SANYO ENELOOP ,三洋已經將ENELOOP 賣給 PANASONIC 依家又IMPROVE 咗 保證五年內charge 嚟charge去,14 粒AAA 或AA
    costco 賣$25 連 CHARGER,舊電池成曰掉垃圾桶唔係咁虸!

    回覆刪除
    回覆
    1. 這邊的Dollar Shop都有鈕型大細電池大集會,A$3.50 一包有十粒,一款有幾粒,通行的CR2032最多,就是無1620。
      我都有五六套eneloop,Pentax數碼單反用。

      刪除
  11. 大家家中應該在天花上裝有防煙霧器,這個東西三五年啲9V電池就終壽,終壽日過煙霧器每隔一兩粒鐘就滴滴響,有半夜不停響,家中有五個,先過一件過一兩個月陸續有來,現在上網研究過,當第一粒一響要換全部五個一齊換,唔使成日担梯搞嚟搞去,光管情況一樣,一SET光管其中一枝發黑閃閃吓,最好成套換。
    這東西可以自己安裝,現在新的科技,還可探測一些毒氣等等,二十蚊一個,有時半夜瞓得霖,鄰居出事都知乜事,幫吓忙都好。

    回覆刪除