2011年7月30日 星期六

你需要36倍變焦相機嗎

有個朋友一向用數碼傻瓜機仔,近來萌換機升級的念頭,冀望能拍靚一點的照片。他看了一輪,決定買這個Nikon P500:
這是所謂Superzoom數碼相機,有「36倍變焦」的鏡頭,這個倍數在菲林機時代是做夢都想不到的。36倍遠攝功能厲害之極,最長相當於135菲林機的700mm餘的焦距,多遠的枝頭小鳥都可以「扯」近拍攝大特寫。

以前通行的菲林機,片幅是36 x24 mm,設計生產「廣角至遠攝Zoom」:28--135mm 的4倍,已經很了不起。例如這個Pentax A 系列的28--135mm 鏡頭,龐然大物
前端濾鏡環直徑77mm,鏡頭重達820克,像一個小熱水瓶。裝上它拍照不用換鏡,方便是方便了,但是時間稍長都會手臂酸軟。如果目標是36倍變焦,就算廠家不惜工本做得到,恐怕成品會像一個汽油桶那麼大,要裝上輪子來推!


數碼機仔做得到,是靠感光體(相底)尺碼大縮水。


因為片幅越大,鏡頭越大,才能夠投射合理大小和質素的影象在相底上面;相反來說,片幅越小,鏡頭可以越小。數碼相機有時宣傳其變焦功能還是沿用135菲林機的概念,例如"24-720mm" equivalent,有些還印在鏡環上。Nikon名門大廠,作風老實,印明是 4 -144mm-----就是因為它用上了最蚊型的感光體,有多大?請看前文 「比像素更重要的 的尺寸圖表。

用家拿著一個Superzoom相機,好像有些人開四驅車一樣,心理上覺得比人強,近乎無所不能,拍出來的照片一定很靚。但是我可以告訴你,這是一個廠家刻意讓你有的虛幻感覺而已。那超級遠攝功能,可能拍1000張只會用上一次。這麼長焦距和大幅度變焦,你必須在鏡頭質素、便攜性和最大光圈方面犧牲多少了。
同廠的P7000,只有7倍對焦,一般已是夠用有餘;感光體比P500差不多大一倍,像素只是1000萬(P500號稱1200萬)。

P7000的價錢反而比P500 高,就是因為所拍的照片質素,更有優勝之處了。


(文章允許轉貼,請具作者名字:梁煥松)

104 則留言:

  1. 要成像好,不要買多倍變焦機,ZOOM多遠有何用?光圈不夠大又是手震,1/2.33 CCD比1/1.7的雜訊最少差上一級ISO。

    回覆刪除
  2. Raymond凌晨1:56

    我就是不喜歡變焦,即使28-135,拉近時,隨時會手震,照片效果不理想!想映近,就行前去!

    回覆刪除
  3. Andrew,
    幅度太大的「天涯鏡」,我是沒興趣的。

    回覆刪除
  4. Raymond,
    走多兩步,才會拍到好的照片。

    回覆刪除
  5. Raymond上午9:26

    代郵:

    怎樣用傻瓜數碼機拍出理想的黑白照片。有甚麼地方要留意的呢?

    回覆刪除
  6. Chris兄,
    不知你是否有研究過新的小型MILC?如Sony的Alpha或Panasonic的Lumix?
    我在考慮是否買這種新的或是DSLR。
    你的意見如何?

    回覆刪除
  7. 傻瓜機的變焦鏡質素麻麻,又不能安裝UV濾鏡和遮光罩,所以取景時要注意耀光問題,拍背光主體時最易出事。
    拍側光主體時,提防有光斑入鏡,要在適當角度撐傘或用物件檔一下相機側面。
    拍黑白數碼照片,可在相機Menu 上的設定預調拍成黑白,不過效果未必正,可以先拍彩色,然後用後製軟件來改製,靈活性更強。

    回覆刪除
  8. Linerak,
    我是大小機通殺,Pentax DSLR, Fuji Superzoom和Olympus小傻瓜都有用。
    最新的無反光鏡可換鏡小機,我在研究之中,不過不會成為主力,選擇大概也不出Sony, Panasonic和Olympus。
    你買這類機,除非一定要最小型只有LCD屏取景的,我提議最好選兼設有傳統Viewfinder的中型機,取景較靈活,相機貼著臉來拍照也比較穩定。
    有些小機可以另加Viewfinder,不過價格不菲,擺明搶錢。

    回覆刪除
  9. 他看了一輪,決定買這個Nikon P7000 (SHOULD BE P500)

    回覆刪除
  10. 是的,我打錯了,已改正。

    回覆刪除
  11. 無反機個人喜愛OLYMPUS,因為可以做到真的小型,雖然SONY機身小,但鏡頭大過OLYMPUS很多,OLYMPUS因機身防震,鏡頭可以比PANASONIC小。OLYMPUS操控覺得如果是玩開單反,會比PANASONIC 和SONY就手。

    回覆刪除
  12. Olumpus不啻是「日本Leica」。

    回覆刪除
  13. Raymond上午9:45

    我有一部很舊但很好用的樂聲牌數碼相機,只有四百萬像素,ISO由50--400。我拍照時,陽光普照,ISO-50,陽光好,ISO-100,陰天就ISO-200,室內及晚上則ISO-400。變焦最高12倍,但拍出來的照片質素極差,我不用。變焦12倍我當望遠鏡來用!

    回覆刪除
  14. 那是早期的感光體和機內電腦軟件不濟的原因了。

    回覆刪除
  15. 梁sir, 憑你經驗,日元升跌對相機價格有無影響?我見日元係咁跌,可能相機會減價?

    回覆刪除
    回覆
    1. 貨價一定受匯率影響,尤其是水貨,見效更快。

      刪除
  16. 梁sir乜嘢叫prepaid card?而家Nikon做緊£30 cash back,但係經Nikon prepaid card回番水,係咪即係等於voucher下次買Nikon嘢扣返?

    http://www.nikon.co.uk/sites/cashback/offer-uk-spring13.html

    回覆刪除
    回覆
    1. 買了相機,寄回購買證明,廠方會送你30鎊的Prepaid Card,可以當Visa Card去買任何東西(我的理解是不限於Nikon產品),多除少補。

      刪除
  17. 梁sir我終於買咗Nikon D3100,£285,算抵了。我看過好多喺Youtube教學,大多數影相佬都唔鍾意相機嘅Pop-up flash(甚至唔用);
    pop-up flash喺咪真係咁廢?
    如果係嫌佢太直接造成陰影,加張薄紙可唔以令其柔化?
    External flash係咪必備?

    回覆刪除
    回覆
    1. pop-up flash不好之處:
      光度太弱
      位置太低,太接近鏡頭,受光的拍攝對象,尤其是人面,一片白,無陰影,無立體感。
      外置閃燈需要才買,不是必備。
      DSLR可用較高的ISO,加一支單腳/三腳架,用慢快門,就可應付很暗的場面,不是很多時需要閃燈。
      我有外置閃燈,不過很久沒發市了。

      刪除
    2. 明白了,外置閃燈要影室內人像才會用上?係咪而家啲外置閃光燈係可以無線遙控?它們是怎樣聯繫?靠紅外線?

      刪除
    3. 外置閃燈拍人像,室內景物、微矩都得。
      可直接插在機頂熱靴連接,
      可以用extension cord 拉遠拉高,
      也可以無線由相機遙控。
      高級機甚至可以一機多燈。

      刪除
    4. 唔該梁sir,嘅然閃光燈唔係必須品就遲啲有先買,買都只可afford強國閃燈,梁sir有無聽過強國Yongngo?比大牌子Nikon平幾倍!(窮人玩機係咁啦)

      會唔會買多支Nikon 55-200mm(about£90)仲實用過買閃光燈?(我甚小影人像,主要影風景為主,也影影近攝)

      刪除
    5. 這個牌子的閃燈我未用過,但知道eBay上賣到好行,台灣的網友風評不錯。
      買支55-200 Zoom先吧。

      刪除
  18. 啱啱訂了遮光罩,我見幾平平地幾銀。我諗緊,如果遮光罩咁簡單又其實,點解生產商唔索性做埋落鏡頭,成為"神聖不可分割一部分"?或者問,係咪有啲時候反而唔需要遮光罩?

    回覆刪除
    回覆
    1. 無耀光斜入鏡頭時就不需要遮光罩,不過長裝也沒問題無影響。

      刪除
  19. 使唔使因應實際光源角度而需要靈活扭動?蓮花型,扭扭大細瓣有分別嗎?

    回覆刪除
    回覆
    1. 蓮花型是大細邊,因為片幅是長方型,不能扭歪來用。
      看起來較「專業」,不過我覺得很醜,且無謂做到咁樣。

      刪除
    2. 梁sir仲會用菲林機嗎?如果做類比CD/LP唱片=數碼/菲林相機恰當嗎?我個人認為CD對LP的傾覆唔算太大,LP存在價值比菲林更大,LP聽落係有仲溫暖感,只係麻煩小小,但係我真係玩唔返菲林轉頭!

      刪除
    3. 菲林機還有幾部SLR在,不過都不用了。
      玩LP不用求人,有個唱盤識較唱臂就得。
      玩菲林要沖晒,搞個黑房?咪預我了。

      刪除
  20. 影完有無做啲後勤功夫?如使用黑房軟件如Photoshop, lightroom之類?

    回覆刪除
    回覆
    1. 我只做簡單的後製,也不拍RAW,用免費的Neoimaging(光影魔術手)已夠。

      刪除
    2. 我買咗filter一套三件(UV+CPL+FL-D),Zeikos,雜嘜。UV長裝當保護鏡頭用有無問題?會導致"失真"嗎?其他兩件實用嗎?如果使用CPL/FLD使唔使將UV拆落嚟先定係就咁疊上去用?

      刪除
    3. UV可以長期安裝,失真有限,不過太平的雜牌可能加膜欠佳,易起光斑。
      其他兩個用法看這裡
      http://answers.yahoo.com/question/index?qid=20091229195019AAQZ4RS
      用時先除下UV好一點。

      刪除
    4. 唔該晒梁sir! (真係平到有啲驚,£6.99)
      http://www.amazon.co.uk/gp/product/B001KNAWZ4/ref=oh_details_o03_s00_i00?ie=UTF8&psc=1

      刪除
  21. 又想請教梁sir: Sigma/Tamron鏡算唔算雜嘜?Sigma/Tamron AF 70-300mm f4-5.6, 同Nikon 55-200MM F/4-5.6 AF-S VR DX幾乎同價,(Sigma/Tamron 似乎策略上唔想直接同Nikon競爭所以係70-300mm)
    一個名牌,一個得zoom更近, 如果比你你會點揀?

    回覆刪除
  22. Sigma 和Tamron, Tokina 等都是所謂雜廠鏡,以原廠的五六成價錢,生產原廠的同焦距鏡頭。
    雜廠貴過原廠都有,如Zeiss, Schneider, Angenieux,就會比原廠更正。
    Sigma 近年也出一系列高級鏡,原廠八成價錢左右,質數直逼原廠,不過二手價就被人壓低,不及原廠。
    正廠的鏡也有平貴不同的款式,如果價錢同雜廠差不多的,質素也是差不多。
    正廠也有用雜廠鏡OEM生產正廠的鏡頭的。
    總之一分錢一分貨,沒錯。平價鏡是差一點,但經濟能力不夠時,有得用總好過無。
    但是不要貪平,買一大堆平價雜廠,不如保留彈藥,買一兩支原廠正野做主力。
    你看看我這篇Sigma平鏡使用報告:
    http://chrisleung1954.blogspot.com/2008/02/blog-post_2803.html

    回覆刪除
    回覆
    1. 唔該梁sir,我明了,Sigma和Tamron二手市場無人接貨,如果好似梁sir可以用$30奧紙買到又唔怕玩,但原價就制唔過,而且伸到咁長嚇死啲鬼,無謂搞到咁凸出,而且又無咁遠攝需要,買200mm夠晒!

      講開用遮光罩,我發確用廣角18mm時會影到個"蓮花邊",要上返24mm先影唔到,係正常嗎?定抑或個罩做得太細唔合規格?

      刪除
  23. 那就買原廠吧。
    跟鏡的原廠罩不應該這樣,如果是的話就太馬虎了。

    回覆刪除
    回覆
    1. 噢,應該係我錯?原來佢話fit for 50mm鏡(乜有50mm鏡㗎?), 但係本身個mount係 52mm?
      http://www.amazon.co.uk/dp/B006LXH9HC/ref=pe_217191_31005151_3p_M3T1_dp_1

      中伏了!

      刪除
    2. 50mm是鏡頭焦距,直接影響涵攝角度。
      你說的52mm是鏡頭前端的濾鏡尺碼,兩回事。

      刪除
    3. 係,佢指明50mm焦距,咁無呃秤,有用家都話用於18mm廣角唔掂,起碼24mm。

      點解我部D3100非常食電(EN-EL14 lithium battery)?用咗一星期,影咗一百張,只用過幾次閃光燈,從未拍過video就無晒電要充電?正常麼?

      刪除
    4. 正常應可拍三四百張的。
      新電池要用完/再充幾次才會達到最佳電量的。
      如果你上用相機來試瞄,試行對焦,那摩打也很食電。
      另外,相機如有firmware update就要做,有時會改善耗電情況。

      刪除
    5. 明白了,如果每次充電時特登充耐啲,即係顯示燈話"end"照充,有無用?會傷害電池嗎?

      刪除
  24. 顯示燈說完了,就不會再充,繼續插都無用,拔線可也。

    回覆刪除
    回覆
    1. 廣告提供嘅samples可信性高嗎?Nikon 55-200mm都可以拍到月球表面?

      http://www.amazon.co.uk/gp/customer-media/product-gallery/B000O161X0/ref=cm_ciu_pdp_images_0?ie=UTF8&index=0

      刪除
  25. 又請教梁sir:變焦鏡頭係咪焦段越窄越好?例如70-300mm好過55-300mm;100-300又比70-300mm好?
    同樣都係影200mm,用55-300mm影200mm, 比55-200mm扯盡影200mm好?

    回覆刪除
  26. 是這樣說,變焦幅度越廣,要克服的技術問題越多,包括一切:鏡頭的光圈、重量、體積,成像的銳利、色差、變形.....否則做一支 12-500出來,就真的是一鏡走天涯了。
    至於 100-300是不是比70-300mm好,這類問題,還是要個別產品比較,不能一概而論。
    初學這一定迷戀變焦鏡,以為有了就無所不能,慢慢你就會知道定焦的優點,光圈大、影像靚、鏡頭細,其實帶三四支就應付到95%的拍照要求。
    或曰:「費事換鏡」,但換鏡是玩單鏡反光的主要目的啊!

    回覆刪除
  27. 我選定了Nikon 55-200mm VR(£100)或者55-300mm VR(£160)。梁sir熟識呢兩支鏡頭嗎?邊支好,睇啲網民評論,睇莫衷一是,外國網民普遍認為55-300mm比好,只是簡單話zoom遠啲(鬼佬諗嘢直線啲),而香港網民就覺得55-300除Zoom遠啲外好多嘢比唔上55-200,例如光圈較細,對焦慢,又話冇IF(?唔知係乜)。我只關心55-300在用短焦時(e.g.100-200mm)會唔會差個55-200mm?如果只係為咗Zoom遠啲(未必成日用)但係犧牲短焦段質素係咪好唔值?(差£60)
    梁sir點睇?

    http://www.amazon.co.uk/Nikon-55-200MM-4-5-6-AF-S-Black/dp/B000O161X0/ref=sr_1_1?s=electronics&ie=UTF8&qid=1369012178&sr=1-1&keywords=nikon+55-200mm+vr

    http://www.amazon.co.uk/Nikon-AF-S-NIKKOR-55-300mm-4-5-5-6G/dp/B003ZSHNCC/ref=sr_1_1?s=electronics&ie=UTF8&qid=1369477523&sr=1-1&keywords=nikon+55-300mm+vr



    回覆刪除
    回覆
    1. 這兩支鏡我都未玩過,能給是的只是common sense的評論。
      你初學,又要慳住駛,買55-200吧。光圈一樣大,多100mm的影像大不了多少,APS-C s DSLR片幅比DC仔大好多,crop出來都唔曳。
      至於話55-300對焦慢,如果有用家這樣講,要聽,因為這個是很重要的考慮。

      刪除
    2. 多謝梁sir指路!(剛發覺55-300比55-200mm重一倍!)

      刪除
  28. 梁sir用開乜嘢相機袋?我怕多支鏡擺喺普通袋內會互相碰撞,但係好多相機袋個設計好柒!

    回覆刪除
    回覆
    1. 我用大中細的Lowe Pro袋,不過其他牌子一樣有靚的,一分錢一分貨吧。

      刪除
    2. 以前我有部Canon EOS菲林機有個mode係朦鏡效果,一按就可以拍「沙龍照」;但係而家啲數碼機無論機仔/DSLR無咗呢個fuction?想做朦朧效果要用後製軟件先做到嗎?

      刪除
    3. 是「柔光」效果?
      不要在相機做,先拍清晰的照片,之後用軟件搞到七彩都得。
      現在的DC機,很多都有變乜變物的功能,現在的叫法是甚麼 Filter。
      甚至有主體清、背景濛、淺景深的假裝遠攝鏡效果。
      後製軟件很多是免費的,功能很強大,初學者夠用有餘,不用花錢買Photoshop。

      刪除
    4. 梁sir你嘅Lowe Pro相機袋係咪用 Nova 140/160?

      http://store.lowepro.com/nova-140-aw

      我一機加一鏡(D3100 kit+55-200mm), 這個140夠唔夠用?旁邊果一格放唔放得落鏡頭(似乎防電池等雜乜)

      點解好多相機袋示範都係相機正面向底panel向上?有乜玄機?

      刪除
    5. 這個夠用,不過將來加鏡就要另買大袋。
      我是由大(二機六鏡)到細(一機一鏡)分四級的袋都有的。
      鏡向下背向上,是放機入袋時順手,鏡頭向下,鏡頭蓋都不用冚,不怕意外撞到鏡片。

      刪除
  29. 梁sir:啱啱收到Nikon 55-200mm了。原來只可影遠不能影近,近攝不能對焦(kit鏡18-55mm是可以的)這正常嗎?

    回覆刪除
  30. 長鏡不能近攝,這是物理限制。除非是特製的定焦Macro鏡。
    雜廠鏡肯犧牲多少質素,賣大包,可以影近一些,原廠鏡則古板一些。

    回覆刪除
  31. 明白!另外盒內冇嗰張warranty,應該係水貨?鏡頭冇咗warranty重唔重要?

    回覆刪除
    回覆
    1. 重要!水貨都會有,至多是來源地適用的。

      刪除
    2. 咁要查問吓先! 呢啲就係ebay買嘢嘅風險!

      刪除
    3. 梁sir: 我問過seller,佢會覆話廣告說明係自己seller供應保養無廠保養喎;(the lens come with our 12 month seller warranty against manufacturer defects hence there is no Nikon warranty card with it.)
      唔知乜情況吓會無warranty卡?二手?假貨?就算賊贓都無理由淨係無warranty卡但其他嘢齊?(而且個seller做得好大賣好多,唔係小賣家)
      比識影相嘅朋友睇過話又唔似二手同假貨喎,(不過真係平£97,比出面店舖平一大節--窮人玩機!唉!)
      梁sir又點睇?

      刪除
    4. 咁講法唔通,原廠張保用證特登扣起/丟左,然後自己保用?
      不過二手或老鼠貨都好,收得你平,無花痕和用得就無問題。我一大堆都是N手鏡。

      刪除
    5. 唔怕二手/老鼠貨/番新,至驚假貨,鏡頭會唔會有假?(做到都要有好高技術!)

      刪除
    6. 未聽過有假鏡啦。
      自己做無技術,搵支sigma來充馬上會看出,也無乜錢賺。

      刪除
    7. 唔該晒梁sir,支鏡我都係收咗佢算鬼數,冇理由搞一爛餐退貨,跟住又買過另一支貴多幾十鎊係為咗張warranty card咁無聊。嗰幾十鎊不如買多支二手Tamron/Sigma好過(又多支鏡那喂)

      刪除
    8. 梁sir如何解決鏡頭蓋容易唔見問題?開開合合,我咁大懵多多都冇,買個cheap嘅即使唔見唔會肉!(原廠必貴)定抑或:蓋都費事襟,只要唔係硬物碰撞裝咗filter就唔怕?

      刪除
    9. 鏡頭蓋在ebay買雜牌的就可以了,有濾鏡就鏡頭蓋都可以慳回。

      刪除
    10. Thanks梁sir! 另外你話呢啲係咪壞習慣: 我成日驚影得唔好,同一個景用唔同mode影一次,仲要轉入manual再用唔同暴光組合大包圍;最後同一個景影咗十幾廿張,當返到屋企load落電腦度自己睇番都覺得係疲勞轟炸於是唔想再睇,更加無動力去edit去玩後製;唔知點取捨,最後影埋好多唔再睇嘅file喺電腦度。呢種現象係咪數碼機出現後嘅"濫拍症"?如果培養正確攝影態度?我覺得用數碼機一嘢㩒落去唔使成本唔使負責咁,唔同以前菲林幾年代,每一張都好謹慎咁去影。

      刪除
    11. 我從來不用mode的,一是用programme,不然就是光圈先決,自選光圈控制景深和速度,想清楚才按快門,看viewfinder時已經構好圖。
      同時雙腿要勤力D,行前行後,企高蹲低,不要光是靠 zoom。

      刪除
  32. 梁sir, 想問街攝的道德問題:在街上影唔識嘅人,對他們是冒犯嗎?如果吓吓都問過先影咁就唔使影了。我每次影完總有點內疚感怕滋擾人,也怕被當地人話「d亞洲人成日影影影,真怪」

    回覆刪除
    回覆
    1. 影人就係,他唔like的,可以視為騷擾;
      在澳洲,如果未得兒童的父母同意就影,就他們無甚動作、衣著整齊,要告都告得你侵犯兒童的刑事罪。
      影景就唔係,因為建築物的外觀是給公眾任影的,但是用遠攝影人地窗內的東西又有得拗。
      不過有好多灰色地帶,你影30尺外的街景,番屋企crop某些人物出來,或用遠攝鏡拍了邊個人,佢根本唔知,咁又無乜你符。

      刪除
    2. "未得兒童的父母同意就影.....告得你侵犯兒童的刑事罪"

      咁學校嘅roadshow呢?係公開演出又怕唔怕?(我已經用200mm)
      如果擺喺facebook有無事?(不是公開public,friends only)

      有啲驚添 :-D

      刪除
    3. 話明公開梗得,不過是表演者,你瞄D觀眾偷影的話,一樣會被不友善的人X你。
      FB發表,同公開發表分別不大,你試下在FB同你D friend話阿邊個女仔係出來做的,一樣可以告你毀謗。

      刪除
    4. 保護兒童絕對需要,但發展到英澳這般田地,如梁sir前文標題:過猶不及!(遲啲連向兒童微笑都可能被人告)
      >>>影相佬小咗好多題材!!

      刪除
    5. 梁sir:我英國呢邊終年多雨(毛毛雨嗰隻),如何在下雨天拍照時保護攝影器材?(當然大雨收工)即使擔住遮,雨粉還是從四方八面飛來,換鏡頭時更加係生死時速度!相機設計可抵擋小雨嗎?回家有乜善後工作可做?(暖爐"慷"相機驅濕?)

      刪除
    6. 暖爐不需要,太熱反而不好。
      毛巾抹乾表面水珠,鏡頭除出,不用加蓋,機身和鏡頭放在書檯的桌燈下兩三個鐘,讓裡面也乾透。
      鏡頭如入了水氣,起濛狀,就咁照未必有效。用一個密不透起的玻璃盅,如「雀巢咖啡」那種,先用吹頭的電風筒吹到裡面乾爽又熱,放入除掉頭尾蓋的鏡頭,扭實瓶蓋兩三個鐘,抽出鏡頭裡面的水氣很有效。
      相機有weather proof的,例如我部Pentax K-5,Nikon 也有吧,不過你的3100 不是。

      刪除
    7. "鏡頭除出,不用加蓋"---咁㗎相機同鏡頭迷中門大開?怕唔怕就嗰兩三個鐘入晒塵?

      刪除
    8. 你屋企好大塵?
      相機機身45度擺,窿向下咪得囉。
      不除蓋去不到濕氣。
      CMOS感光體入塵比較難搞,不過都有專人識抹。
      鏡頭入塵好少事,鏡尾最後一塊鏡片沾了塵也很容易吹走。就算肉眼見到鏡片之間黐了塵又吹不走,拍出來的相都唔覺的。

      刪除
    9. 多謝梁sir,我的知識天天增長!
      屋企唔係好大塵,只係睇個一個關於換鏡頭嘅教學video,彷彿好似跌粒塵落相機同鏡頭就會死咁!
      http://www.youtube.com/watch?v=syglAWwtNOE

      查實使唔使咁換?係郊外影相再擔住遮邊有咁多隻手?

      刪除
  33. 如果你的機上裝的是A鏡,現在要換上B鏡。

    袋中的B 先除後蓋
    從機上除A鏡,丟入袋中
    馬上裝B鏡
    最後才幫A 鏡扭上後蓋。
    任何時間,相機的窿不要向上,入塵機會少很多。

    很多人的壞習慣是:
    除A 鏡,從袋中找後鏡蓋,套上A鏡,放好A鏡
    找B鏡,除後蓋,放好個後蓋
    最後才裝B鏡上機身

    機身在戶外開窿時間越長,入塵機會越大。


    回覆刪除
    回覆
    1. 我練成了:先相機向前傾銷;袋中鬆B鏡後蓋,然後鬆相機A鏡(一手hold住);
      同時:攞出B鏡>甩開A鏡>換上B鏡,之後慢慢擺返好支A鏡

      只是個人不喜歡用相機帶(因為唔型!)

      刪除
    2. 唔型總好過跌落地....

      刪除
    3. 有趣一問:梁sir可唔可以憑一張照片就可估到攝影師用幾多光圈,快門幾多,用乜嘢ISO.....?

      刪除
    4. ISO估不到的。
      先憑前後景物的大小判斷是約莫用甚麼焦距的鏡頭( 不過如果是crop一小部分的照片會另你誤會是用長鏡)
      再看景深來猜到是甚麼光圈
      看照片之中現場的光暗程度,就可以猜是甚麼快門。

      刪除
    5. 咁白平衡又睇唔睇得出被調較過?
      技術數字算唔算攝影師嘅"商業秘密"?可唔可以隨便問人用甚麼光圈快門之類?

      刪除
    6. 白平衡就不識睇有無郁過了。
      不過大多人數人影相,相機都是調到Auto White Balance一檔,張張相都是調過的了。
      光圈快門不是秘密,以前的龍友攝影展作品特刊,很多是附有光圈快門ISO菲林的數據的。
      你在網上看的照片,如果原作者無set到隱藏EXIF 資料的,都一目了然。

      刪除
    7. 聞說今晚係"今年最大滿月"?梁sir會影月嗎?

      刪除
    8. 去了飲,沒有影。

      刪除
    9. Raymond上午9:46

      以前學攝影時,導師會要求學員記下每張相的光圈、快門等資料!

      刪除
    10. 那時全手動控制。
      最初玩的機連內置測光錶都沒有,要用手持測光錶來測,沒有測光錶就憑經驗靠估,所以每張相都記得。

      刪除
  34. 我買咗Yongngo 560II閃光燈,呢排想玩腳架自拍(戶外),梁sir有乜tips?我首先諗到對焦就頭痕,如何令聰明的相機識向我對焦,如果我玩構圖唔喺相中心。相機有無功能可以對焦到係中心以外的主體(我)?

    回覆刪除
    回覆
    1. 相機有沒有偵測人頭優先的功能?
      也可以用預先鎖定對焦,這個一定有。

      刪除
    2. "偵測人頭優先"喺Nikon英文叫乜?等我聽日check下先

      刪除
  35. 一般是稱為 face recognition。

    回覆刪除
  36. 我部D3100有人面識辨功能(Face priority AF),但只限Live View mode,即係要拉LV落嚟用個screen睇先有。點解咁怪?Live view好晒電喎(而且仲限時,如果耐唔影佢會跳返原位);其他Nikon係咪咁呢?

    回覆刪除
    回覆
    1. 我未用過Nikon的數碼機,不懂了。

      刪除
    2. 有點驚訝,我以為梁sir玩盡天下機添 :-D Thanks anyway!

      刪除
  37. 梁sir,我有信心危機:同影一達地方,我見到朋友用手機影出嚟唔差得過我部D3100幾多;究竟係自己攝影技術"仍然有好大進步空間"?定抑或以家啲手機攝影質素已經好高?

    回覆刪除
  38. 物理限制,手機的感光體只是數碼單反的幾十分之一,1000萬的像素規格都無用,手機照片的質素永世追不上相機。
    你說「用手機影出嚟唔差得過我部D3100幾多」是拍了照片後,比較在手機和相機屏幕的顯示吧?
    畫面太細,而且很大程度受顯示屏的質素影響。
    兩張相放在電腦Mon上一看,二者的分別就極大了。

    回覆刪除
    回覆
    1. 咁又啱嘅,我只喺facebook做比較,並無將兩者放在電腦Mon進行full-size比較

      刪除
  39. 梁sir,我部D3100喺綠色操作(auto-mode)時pop up flash 明明夠光都彈上嚟,日光日白都係咁,傻的嗎?有乜計?

    回覆刪除
    回覆
    1. 用全自動就是會相機自作聰明,用程式、光圈或快門先決的自動,就可以選Flash On/Off 了。

      刪除