2014年11月28日 星期五

形勢逆轉


(轉載網友 Johnxon Tai 貼文)

形勢逆轉:清場,警方惡夢的開始!

經過尋晚,大家可以睇到警察已成為驚弓之鳥!在之前佔領時期,佔領者是守方,警方(也包括黑紅藍等勢力)是攻方,當佔領結束,警察就由攻方變成守方,佢地要防止再佔領,就必須不停留意每一個路口的情況,一有少許風吹草動就立刻要出動,這種每時每刻的警戒狀態其實就是過去兩個月來我地在佔領區的狀態,是很累人的。

如今角色逆轉,輪到他們需要緊張起來防守,那麼示威者就變得輕鬆了,只需要不停流動,甚至不需要做任何事情,只在街上行走、過馬路、等巴士,但只要稍稍一個小動作,無論是跌散銀或綁鞋帶,已令他們神經緊張起來。

所謂的流動佔領,甚至根本不需要真的流動佔領,只需要"扮"流動佔領,他們已疲於奔命。觀乎尋晚既情況,警察跟本無計可施,佔領時他們可以話示威者犯法,名正言順去打壓,但現在大家只在街上行走觀光購物,跟本無人犯法,他們只能靠兇靠惡,但卻無任何法理可支持,他們甚至無法分辦誰是示威者誰是真正平民及遊客。


尋晚已出現誤中副車既情況,亦確實影響店鋪做生意及附近市民生活,而幾乎所有影片所見都是清一色警察打人,連cctvb都無法剪輯到示威者衝擊的畫面,警方形象變成負面,輿論亦逆轉。

相反,對於示威者,呢種流動既方法其實更合付經濟效益,大家不需要每夜通宵留守,不需要儲存物資,甚至連口罩眼罩等裝備都可以唔駛。而且亦唔需要下下都幾千一萬人,每晚只要有幾百至一二千人聚集在路邊就得。行街、睇風景、影相、等人、等巴士、過馬路、食花生,你鐘意做咩角色都得,警察埋黎趕就去下一個路口,盡量避免不必要衝突,但又不散開,之後又可以兜返轉頭,鐘意又可以突然試下行出馬路突圍,要攻要守悉隨尊便!每晚放工後六,七點行街行到十一,二點,咁警察就要晚晚都緊張地應對、封路,警方根本無可能長時間維持呢種狀態!佢地無可能晚晚都封咗成條西洋菜街令店鋪做唔到生意!

簡單d講,佔領時我地在明,佢地在暗。而家清咗場,就變成佢地在明,我地在暗。清場前佢地有明確目標,但而家目標消失、分散,佢地無法分別邊個係示威者。呢種流動狀態根本防不勝防!記住,佔領唔可以佔一世,但行街購物真係可以一世架!
朗思製圖

最後係少少溫馨提示:

1. 進行呢種流動佔領運動必需要隱藏身份,所以唔好配帶任何黃絲帶等代表雨傘運動的飾物,亦唔好著雨傘tee等服裝。記住我地係一般正常生活既市民。

2. 唔需要帶任何物資,眼罩口罩等都可以唔駛(除非你真係諗住硬碰),總之警察一趕就走開少少,但又唔好行太遠,要繼續聚集,只要不作激烈行為,係街上行走佢根本無權話你犯法拉你。相反佢無故打你拉你就係佢唔啱!

3. 唔帶眼罩口罩等亦都係防止被警察查身份証搜袋時會話你係示威者,一旦搜到呢d裝備佢當然無權拉你,但佢可以抄低你身份証資料,而呢d資料係會交俾國安,將來過關返大陸可能有麻煩。

4. 帶定手機相機,叉足電,帶埋奶媽,有咩事隨時影相拍片作為證據。

5. 每晚一有時間就出黎,唔需要下下都成萬人,但要維持一定人數,不斷流動,可以去唔同既路口嘗試下,唔需要真正佔領,只係要keep住俾壓力。

6. 呢場係持久戰,Be Water, My friend!


15 則留言:

  1. 「學問付予力量,人格贏得尊敬。」「如真正熱愛生活,不要浪費時間,時間就是生活。」「茫視環境,創造機會。」「剛木易折,柔枝隨風而長。」「我思故我是。」

    警犬前撲一步,後退兩步,不是被警犬驅趕,是帶領警犬前進。

    回覆刪除
  2. 好計!警察瘋了!

    回覆刪除
  3. Be Water, My friend!
    有內涵 , 有哲學支撐的 , 生命力最長久 , 李小龍的精神在旺角復活了 , 香港的官方至今未有一個李小龍紀念館 , 但民間不會忘記 , 是龍是蟲 , 市民眼睛是雪亮的

    回覆刪除
    回覆
    1. 抽刀斷水水更流!

      刪除
  4. 最重要的是買少少嘢及留 "單"。 (如被果警方查問 , 馬上 show "單"。哈哈哈)

    回覆刪除
    回覆
    1. 買些自由行的熱門貨,如奶粉或紙尿片,扮晒強國人。

      刪除
    2. 要拖埋個行李喼

      刪除
  5. 早两晚7点多都经旺角,一个十字路口四只角,每个街角都企4至6个警察。

    回覆刪除
  6. you need a statesman there and NOW, man!!!

    回覆刪除
  7. 第三點唔同意。只要香港人戒甩去中國(返大陸)呢個死穴同情結就無堅不摧,唔會比老共睇死, 去唔到咪去唔到,呢個世界淨係得深圳河以北可以去咩?

    回覆刪除
    回覆
    1. Raymond晚上8:41

      小弟不會去大陸!

      刪除
    2. 為什麼香港人返大陸要用 " 回鄉証 " ? 那是法律層面指出你不是中國人 , 這樣侮辱的証件香港人用了幾十年竟然無知無覺

      但香港人沒有權力限制自由行的大陸人入境 , 這說明香港現在是中國的殖民地 , 咁簡單的政治解讀也不識

      刪除
  8. 今年的黑色星期五的減價購物日,提不起購物的興致,因為我心目中的目標物為真普選,仍然沒有岀現,大家應該留係香港多消費,小啲北上,台灣的傾陸政策已經得出結果,紏結共產黨一定會被選民甩掉,中央就是怕香港有這一天,佢唔釋出一些善意合理的回應行動,香港的佔領運動係唔會停止的,唔好以為硬就掂。

    回覆刪除
  9. 看見台灣選舉,不無感慨,蔡英文講得啱,你做得唔好,人民就會用選票踢你走, 反觀香港, 旺角清場果日, 果兩隻嘢, 一個躝左去北京,一個躝左去韓國, 而香港警察就在前線打生打死,我地每月要俾合共九十萬大元果兩隻嘢, 他們遊完埠番來, 又是癈話連遍. 狠英完全沒有想辦法去平息民憤. 祇是一味推d驚察去死, 如在別的民主國家,他一早俾選民用選票踢走, 一日沒有普選, 一日就有狠英這種人存在.香港人真要自求多福.

    回覆刪除