謙稱
自稱「貴公司」，這樣的中文的確不濟。
好多香港人話自己「光顧」某某食肆，或者有些大陸網頁叫人「拜訪」他們的網站，都是同類的錯誤。
把對別人的尊稱用來形容自己一方，例如有人在正式場合提到老婆時說：我的「夫人」。
「阿Sir」是紀律部隊人員對比自己高階級的同僚稱呼，最令人反胃是那些散仔差佬，直稱阿 Sir，同市民講：「哪，而家阿Sir 問你! 你知就話知，唔知就話唔知，明白嗎？」
以前的人，真的有禮貌很多。80年代初，我不過是個小官，派駐房屋署時，有次助理署長陳柏先生直接打電話給我，一開頭就說 ：「Mr Leung ，我係陳柏！」
後來我獲派駐警務處，有次高級警司胡肇綽打給我：「阿Chris，我係阿胡呀！」這個世界，人越謙虛，越能獲得人家的尊敬；我大大聲答「係 ！胡 sir，有乜指教？」
...............................................
係加拿大,好多經紀登廣告都自稱Ｘ先生或Ｘ小姐,不會全名示人。但好奇怪英文名就唔會淨登Mr Chan 或Miss Chan, 會登Paul Chan or Amy Chan。
回覆刪除加拿大華人圈子嗎？
刪除海外華人的文化，素來百花齊放。
吓？自稱貴公司，咁都得？邊個大文豪傑作？香港人定祖國香港人？
回覆刪除咁以後介紹自己老婆咪要叫貴老婆，咁稱呼人定嘅老婆就要叫你老婆，嘩，唔得，唔得，唔係幾高貴喎，你自己個件黃面婆都係貴老婆咯，咁人家個件怕且應該叫金老婆喇！
從此我哋個仔要叫貴仔(唔好叫錯鬼仔，否則人家以為你屋企養鬼仔，但又唔係揍鬼個啲鬼仔)，個女要叫貴女(但未必係閨女，因為家下好多十五六歲既��妹雖未結婚，但實情無資格抖利市)，自己老母叫貴老母，人家嘅老母叫你老母！呀，係係金老母先啱！不過咁會唔會攪錯以為人家有件舊老母，金老母原來係今老母！
弊傢伙，越攪越亂，呢舖真係中文你老味，香港就蒞死喇！
無錯，網友證實，有些港人打電話到學校，叫自己仔女為「貴子弟」。
刪除Maybe when they use「貴公司」, they just want to warn potential customers that their food is expensive. Ha ha.
刪除中國前總理朱鎔基，算是讀書人了，與妻女參觀胡雪巖故居後，題詞留言，
回覆刪除落款曰：「朱镕基二00二年五月偕夫人及爱女于胡雪岩故居」，
徑直以「夫人」敬稱自家老婆。
十三億人的大國總理如此無禮，更顯得香港那名警司之謙恭知禮。
還有就是，
刪除在香港已經習非成是，
每日都見到的訃聞：
登報紙者自稱「孝男、孝女」。
有一次我貪玩地介绍我的太太為「賤內」，那位朋友竟然說：「你駛唔駛呀？」，回家後妻子哭訴说我當眾侮辱她，說她「賤」，其實「賤內」的「賤」字是說我自己，是謙稱。這隻死貓食得真唔低。唉！
回覆刪除你講「拙荊」嘛，尊夫人未必識聽。
刪除我老豆那一代，一定是講「內子」或我個「煮飯婆」／「黃面婆」，
中性一點的就講「我女人」。
依 新中国 講法，應該話：「我嘅愛人」... 之後 (在一巴 "如來神掌" 打到之前) 唱番句：「我嘅女 ~ ~ ~ 神」... (立刻 反敗為勝 ~~贏晒~~ 嘻嘻~~)。
刪除仲有老虎乸。
回覆刪除以前我老爸向朋友介紹我們一家人的時候, 會謙謂"呢個係我女人, 呢班係我啲乞兒仔", 當時心中老大不高興, 現在回想起來, 竟是我對他一段很温馨的回憶~~
回覆刪除令公子，貴公子，能否稱自己孩子為公子，公主，網上好多人稱自已兒子為公子。
回覆刪除平時向人這樣自稱，我認為那是失禮。
刪除除非是寫特別的文藝文章，例如「我家的小公主」來講愛女的事情。