2014年6月3日 星期二

自助餐心理學

我不算是有「橡皮胃」的大食客,但是也喜歡吃自助餐。

我貪其可以一次嚐遍多種食物 ,價錢比有人侍應的a la carte 點菜吃法便宜。

一個簡單的三度菜晚餐---頭盤、主菜、甜品,價錢已經超過同一家酒店的自助餐,後者還包括各式的湯、沙律、冷盤、咖啡/奶茶/雪糕呢.....

圖片來源
我吃自助餐,從來不會貪多,只挑自己喜歡的來吃:先是一兩輪的沙律,喝個湯,試試冷盤----我喜歡冷火腿和煙三文魚。然後我會吃一兩小片新鮮做好的燒牛肉或燒豬肉,配一點薯蓉和熱蔬菜伴碟。見到有咖哩的話,我會拿一點點伴飯;最後來一點甜食、咖啡 / 茶,就是這麼多。

有些食客專要挑價錢比較高的食物,一見有新盤出來就搶先「掃貨」----如生蠔、蝦、蟹,能吃多少落肚就多少,一掃十隻八隻,食完再取一次的大有人在。他們覺得,苟非如此,便不能爭取到最高的經濟效益,今次真是「唔抵」了。

有時侍應拿一大盤生蠔出來,前面的若是有三四個華人的話,輪到你時可能已是「美人照鏡」,或只剩下孤伶伶的幾隻,就算我不拿,也是頗令人臉紅的事。

這是「食德」與「食相」的問題,也反映了一些人的心理。

我認為呢,付出了一定數目的錢,吃到味道及得上應有的水準的食物、份量夠我吃得飽、坐得舒服,這三個條件加起來就是「抵食」。吃自助餐的原意是隨意、款式多、不用等得久、價錢不太貴就OK。

如果志在「有賺」,到頭來撐爆了自己的肚皮,何苦來由哉。


(文章允許轉貼,請具作者名字:梁煥松)
 ............

40 則留言:

  1. 有些(華人)是餓鬼投胎 , 否則很難解釋 !

    回覆刪除
    回覆
    1. 自助餐現象反映中國人窮得久,寧願飽死好過餓死

      刪除
    2. Buffet, in certain aspects, is hazardous:
      1 you take too much quantities, jamming your tummy
      2 you take too much varieties, each may call for different kind of digestives, that your stomach cannot secrete in time....so overloading....

      刪除
    3. 所以食Buffet , 同打麻雀一樣 , 是露出你真面目的場合

      刪除
    4. 自助餐現象反映香港人認賊作父 數典忘祖 崇洋媚外

      刪除
    5. 鬼佬冇此劣行?你一係崇洋一係井底之蛙。。。儲錢去 Las Vegas (聚集最多自助餐供應)行一轉喇唔該!

      刪除
    6. 我反而睇唔過眼中國式浪費。。。真人真事:

      有次食晚飯,隔離枱兩人用普通話傾生意(隔枱有耳聽到啲)叫咗八碟餸,結果碟碟淺嘗即埋單。嗰間酒樓唔平㗎,我估三四千蚊埋單。。。你如果係住酒店冇得打包就咪叫咁多喇!擺明擺闊,唓!

      刪除
    7. @匿名(1:28):以閣下邏輯,咁著西装梗喺認贼作父數典忘祖喇,閣下你全家唐裝衫衭出街?去邊度多呀?我想去見識下。。。

      刪除
    8. 咦,中國領導人個個着過西裝上電視,原來家賊難。。。

      刪除
    9. 不過講到底,就算人人隨量,
      由於酒店要保留滿桌食物到最後一小時左右,一定有大量逾時即棄的食物,也有浪費。

      刪除
    10. 著西裝 , 梗喺認賊作父 , 數典忘宗啦
      寫殘體字 , 做俄國奴 , 更加係認賊作父 , 數典忘宗添

      刪除
    11. @匿名(2:37):咦,咁閣下你阿爸有冇着過西裝呀?你有冇認賊作父呀?嘿嘿嘿嘿

      刪除
    12. Horai著西裝 還算中國人嗎 ? 好好反省吧

      刪除
    13. @匿名(3:27):嘿嘿,係你自己白紙黑字寫嘅,我冇同意你觀點喎。。。唓,閣下公罵自己阿爸係賊,仲鬧埋自己成家都數典忘祖,又關我事!

      刪除
    14. Horai你著不著西裝 ? 好好反省吧 , 不要數典忘宗啦

      刪除
    15. 「自助餐現象反映香港人認賊作父 數典忘祖 崇洋媚外」

      其實 Horai day-one 就唔應該回應,條友擺明貪「手」爽,求其寫句佢自己都唔明嘅嘢出嚟。

      刪除
    16. 嗰匿名細路幾趣緻吖,咪玩吓佢囉。。。不過真正目的,係殺雞儆猴。。。嘿嘿嘿嘿

      刪除
    17. 你阿爸的阿爸的.....阿爸是着西裝的嗎?從第幾代的阿爸開始, 着起西裝 , 不做中國人 , 數典忘宗啦

      刪除
  2. Raymond上午9:49

    倘在香港的有生蠔吃的廉宜酒店自助餐,生蠔只出一兩次。食客會在桌前等候,生蠔到即搶。

    我一年只吃一兩次自助餐,亦只選自己喜歡吃的。生蠔等高危海鮮,絕不會吃!

    回覆刪除
    回覆
    1. 我相信自助任食的生蠔,質素不及a la carte叫半打上桌的好,食得精還是食得多,貴客自己盤算了。

      刪除
  3. 個人觀察〈未必有代表性〉,近年在香港或澳門食自助餐,已極少見「餓狗搶 x」食客,大多數人表現禮貌。

    個人極嗜生蠔,去食自助餐其實就是為食生蠔,touch wood,so far so good。

    回覆刪除
  4. 香港食自助餐都唔平, 酒店500蚊+, 請問澳洲要幾錢? 港人好多死唔蝕底, 到碟上一座小山. 食唔晒或者唔喜好嘅都搏命, 結果食剩浪費. 食客好多時揀摘, 撩到d食物散晒, 用具又亂丟. 見過有人打包走, 唔要得.

    其實高級酒店食物會補充, 坐下傾計, 等搶食第一波完先出動為上算.

    回覆刪除
    回覆
    1. 澳洲的五星級大酒店,晚餐計,一般是70-90澳元。午餐平一點。
      會所的平得多,25元也很不錯的了。日間15元有交易,自助部分是沙律吧,但都有熱飯和意粉。

      刪除
  5. 老老實實,唔[餓](=食得多)何必食自助餐?自助餐擺明冇鑊氣,你食嘅係 varieties,唔係 quality。只要冇浪費,你攞10碟食得晒我覺得冇問題。衰嘅係浪費,用[呢樣唔好食吖嘛]做藉口。。。攞少少試過啱口味先疊成山咁喇!

    回覆刪除
    回覆
    1. 好像我食小量但多種類也幾好呀。

      刪除
    2. 有d放題勸喻珍惜食物, 不要浪費; 有d就警告要計食剩重量罰錢. 結果一樣滿食剩, 睇黎冇乜效. 有人冇得食, 另一方面有人唔惜食. 香港政府都賣廣告, 叫人惜食, 減少廚餘.

      刪除
    3. 689婆最熱中搞這個,但特區政府猛晒香港人錢。

      刪除
    4. Excuse my ignorance ... what or who is 689婆 ?

      刪除
    5. 香港特首夫人。

      刪除
  6. 各人食量不同,有人食一兩碟飽有人可以食10碟先飽,食得少嘅可以唱人哋食得多係[唔蝕底]心態?佢只要冇浪費,就冇問題。況且自助餐佢係計哂賺蝕平衡點,你食10碟佢都有賺。。。我就唔信有人唔鍾意食嘅都因唔蝕底而夾硬要喇!

    回覆刪除
  7. 素來不喜吃自助餐,總覺浪費食物得很。自己吃得少,浪費了幾百元。自己吃得多,又變相鼓勵酒店浪費食物。很多高級酒店為求賣相漂亮,即使已到該場尾聲,都會把食物堆得滿滿再放出來,但這些食物其實已沒人再拿,酒店又不會把它們放在下場再用,食客不吃實和製造垃圾毫無分別。何況大批大批掏出來的食物,總是有點兒粗製濫造。拿幾百元吃自助餐,我倒情願和友人上餐館。

    可能澳洲物價較高,我倒不覺得在港吃三度菜晚餐較貴。

    回覆刪除
    回覆
    1. 酒店三度菜晚餐一般要80澳元。

      刪除
  8. 我暑假時做過餐廳工(西式),通常食唔哂客人冇掂過啲野會益員工,唔會嘥,因為梗有人要。。。

    回覆刪除
    回覆
    1. 高級酒店應無此例吧。

      刪除
    2. 正是高級酒店。有時有客租場攪 function,訂 100 塊頂級 filet mignon,结果只嚟 90 人,餘番10塊未煮嘅扒,都會益員工(即埸煎咗食),決定權在頭廚,所以頭廚好巴弊㗎!

      刪除
  9. all you can eat Buffet 都是利用 保險業的理論來經營啫!

    加拿大華人經營的 buffet,靠吃得少的給同樣價錢,彌補吃得多的也是給同樣價錢,究竟吃得多的客多呢?還是吃得少的客多呢?

    在香港的 buffet 卻是多用價錢來取利結果造成浪費。

    回覆刪除
    回覆
    1. 浪費是一定的啦。
      想想那些郵輪旅遊,早午晚宵夜都是自助餐....希望不是餐餐之間丟棄「過時」的食物。

      刪除
  10. 我不浪費食物,只會選一D屋企整唔到的來吃,不喝湯類
    我唔食三文魚,刺身... 間中食嚎.. 甜食都係食雪糕,格仔餅咁
    各位注意 ---- "食物矜貴,請勿浪費"

    回覆刪除
  11. 我鍾意煙三文,也是不健康的東西,好在不是常食,和食得不多。
    熱氣騰騰的蘋果批,好食!

    回覆刪除