2014年6月16日 星期一

古文粵譯:子產論尹何為邑

古文粵譯:子產論尹何為邑(左傳)

圖片來源:RTHK
子皮欲使尹何為邑。子產曰:「少,未知可否。」

子皮想派尹何做自己封邑的行政長官。子產說︰「佢咁後生,唔知唔掂喎。」

子皮曰:「愿,吾愛之,不吾叛也。使夫往而學焉,夫亦愈知治矣。」
子皮說︰「佢為人老實,得我鍾意,佢不會背叛我。俾他去學下做,就會越做越架啦。」

子產曰:「不可。人之愛人,求利之也。今吾子愛人則以政,猶未能操刀而使割也,其傷實多。子之愛人,傷之而 已;其誰敢求愛於子?
子產說︰「咁唔得 ﹗你喜歡一個人,都係希望呢個人好嗟。現在你喜歡一個人,就叫他管理政務,就好似有人都未識就駛佢去宰割,他割親自己多過食飯啦。你愛佢變成害佢,仲有咩人敢求你愛佢?

子於鄭國,棟也;棟折榱崩 ,僑將厭焉 ,敢不盡言?
你係支撐鄭國既棟樑。棟樑折斷,大陣都冧落黎,容乜易連我都責死埋,所以點敢唔同你直講呢?

 子有美錦,不使人學製焉。大官、大邑,身之所庇也,而使學者製焉。其為美錦,不亦多乎?
你有一幅靚錦繡,斷估都唔會俾個裁縫學師仔較飛啦。大官、大封邑,都是我地身家性命的倚靠,你就俾一個初哥來治理咩。國家大事,比起塊美錦,豈不是緊要得多嗎? 

僑聞學而後入政,未聞以政學者也。若果行此, 必有所害。譬如田獵,射御貫,則能獲禽。若未嘗登車射御,則敗績厭覆是懼,何暇思獲?」
我只聽人講要先學識治理之道,然後至去主政,未聽過話上左任先至慢慢學既。如果係咁,一定會撞大板。即如去打獵咁,射箭和駕車既技術都熟習左,先至能夠擒獲獵物。如果車邊都未攀過、箭又唔識射,怕且會車翻人亡,點會獲得獵物呢?

子皮曰:「善哉!虎不敏。吾聞君子務知大者、遠者,小人務知小者、近者。

子皮說︰「係喎﹗我都係唔夠精明咯。我聽說君子處事,務求要眼光夠闊同遠,小人就細眉細眼,注重小節。

我,小人也。衣服附在吾身,我知而慎之;大官、大邑,所以庇身也,我遠而慢之。
唉!我都算係小人咯。件衫著係我身上,我就識得重視佢;大官職、大封邑是用來庇護身家性命的,我就唔著緊佢。

微子之言,吾不知也。他日我曰:『子為鄭國,我為吾家,以庇焉,其可也。』今而後知不足。自今請,雖吾家,聽子而行﹗」
沒有你呢番話,我都一舊雲添。昔日我曾說︰『由你辦鄭國既事,我辦我家族既事,用來庇護身家性命,大概可以呱。』如今我先知道咁樣仲未足夠。而家開始,我向你請求,即使是我家族既事,都聽從你既話去做至得﹗」

子產曰:「人心之不同,如其面焉,吾豈敢謂子面如吾面乎?抑心所謂危,亦以告也。」
子產說︰「人既心思,就好似個樣貌咁,人人都有唔同。我豈敢說你的面孔和我一樣?只係我心裡覺得有D唔妥,照直同你講聲嗟。」

子皮以為忠,故委政焉。子產是以能為鄭國。
子皮認為子產為人忠誠,於是D政務交託晒俾佢,子產就將鄭國治理得好
咯。



9 則留言:

  1. 「吾聞君子務知大者、遠者,小人務知小者、近者。」

    唔知點解諗起,梁突手夾硬嚟要起牙籤樓,literally,條友個相真係「細眉細眼」。

    回覆刪除
    回覆
    1. 689條眉濃密,似以前的大反派龍剛啊。

      刪除
    2. 衰野就聯想到689, 可見佢俾人印象有幾差.

      刪除
  2. 尹何之後際遇還有故事交代嗎? 子產忠誠, 但會否順便sell自己?

    回覆刪除
    回覆
    1. 尹何後來怎樣,我就不知道了。
      子產則繼續執政廿多年至死。

      刪除
  3. 但功高蓋主,死罪也。。。

    回覆刪除
  4. 睇得梁sir古文粵譯多, 想搵d古文/哲學書睇下. 除四大名著外, 煩請梁sir推介幾部, 最好趣味性高d. 謝!

    回覆刪除
    回覆
    1. 睇鬼古:紀曉嵐的「閱微草堂筆記」
      睇哲學:王陽明的「傳習錄」,禪宗的「六祖壇經」
      睇文學:王國維的「人間詞話」
      睇隨筆雜論:張潮的「幽夢影」
      睇小說:一定是「金瓶梅」!(潔本都得)
      全部都有電子書。

      刪除