2014年5月19日 星期一

白癡局長

本來要明日才發文罵他的,忍不住,真的太吹漲了。

下月恐「無錢交水費」 陳茂波籲市民慳水

立法會拉布戰未停,發展局局長陳茂波早前指,拉布不結束會令水務署「無錢交水費」,影響輸入東江水。事隔數天,局長又撰文呼籲市民要「慳水」,縮短用花灑沐浴時間一分鐘。
陳茂波早前出席活動時指,五月份東江水費約三億六千萬元,六月初便要交費,面對議員拉布,水務署要考慮情況,調整開支,而且語重心長道出一句:「受害的都是我們市民」....


白癡!

家陣市民用了水,冇水費交俾你架?

香港市民由今日起,就算一滴水都唔用,你都要獻金你阿爺,俾足東江合約供水量嘅錢,輸入多餘嘅水放出大海架?
呢十幾年都唔知道放左幾多喇。

「無錢交水費,影響輸入東江水」? 你唔知道,香港都向大陸提出過少D輸入東江水,你阿爺睇住大舊錢,死都唔肯減咩?

市民聽你講用少D水,交少D水費,政府咪仲缺錢。

正一弱智局長。

最晒水同最晒錢,係你個垃圾特區政府。

香港呢輪成日落雨,停供東江水,最好!

局長,你趁地淋喇。


公眾難忍業餘政客


51 則留言:

  1. 方以類聚,物以群分。涼震鷹同佢啲痕症會議成員、問窄官員,全是業餘政客。撇開政治理念不說,比喻香港為有七百萬員工的企業,張痔肛同吳黑鉗,有乜可能做董事局成員,靠佢地,必仆街。

    睇埋曾得繩嘅「何罪之有」論,真係要講「operational agriculture」。

    http://www.rthk.org.hk/rthk/news/expressnews/news.htm?expressnews&20140518&55&1007181

    回覆刪除
    回覆
    1. 建議一些學生哥照辦煮碗,試下學曾德成當年,在學校派傳單反對奴化教育,倡議取締水貨客來香港買美日貨的不愛國行為,睇下點。

      刪除
    2. 議事廳裡面咁多保皇黨, 立法會佔多數, 有控制權, 改例廢拉布, 唔知點解做唔到? 財委會又落入敵方手中? 回歸差唔多十七年, 呢班中央千挑萬選嘅人才, 加埋班土共牆頭草, 少少野都搞唔掂, 仲未將香港完全強國化, 要問責.

      刪除
  2. 東江水不是免費的嗎 ? 中國日日講恩賜香港原來是假的 , 局長果然白癡 , 竟然踢爆了中國 , 局長今次冇得撈啦 !

    回覆刪除
    回覆
    1. 不是免費,而是超貴。
      有些強國人以為是免費的,難怪大鬧香港人忘恩負義。

      刪除
  3. 局長先關部份泳池, 反正而家細佬準備考試, 停d噴水池. 又話有一, 兩成食水因水管老化流失, 咁就快快整好佢啦!

    回覆刪除
  4. 梁 Sir,罵得好!

    回覆刪除
  5. 梁sir好少咁燥, 飲杯涼茶(啤酒都得)下下火. 為班眼高手低嘅庸官死細胞, 唔值得.

    回覆刪除
  6. 我同意陳茂波係白痴,但跟你以上所報道無關。

    首先,為響應「世界善用食水日」,水務署舉辦節約用水重點推廣活動--「齊來慳水十公升」,此活動跟[拉布]是獨立兩回事。即係即使沒有拉布,此活動種種呼籲不變。我同意慳水是人人有責,跟供應無關。即你有錢,唔等於可以浪費。新聞有意無意把兩回事拉扯在一起,是踩搏曚界線。。。做人要醒目啲好。。。

    回覆刪除
  7. 陳茂波即使搏曚,亦只係藉出藉活動時話拉布影響政府支付水費,並無暗市民因此原因要慳水,閣下錯誤把兩回事連在一起。。。

    回覆刪除
  8. 報道有講「事隔數天」的。點講,他都是自打嘴巴。
    1.拖欠水費,大陸會停供東江水,廢話。
    2.政府放水出海,又叫市民慳水,都係廢話。

    回覆刪除
    回覆
    1. 如果真的拖欠水費,無論原因是什麼,大陸會不會停供東江水 ? 這個處境就真係玩死大陸了,停與不停,都好惡搞,哈哈哈

      刪除
    2. 梗係唔會停啦!香港錢歸根即係阿爺錢,香港儲備,阿爺真要用,你吹咩?

      刪除
    3. 如果香港儲備不知什麼原因冇晒 , 唔交水費 , 咁大陸又點 ? 是不是好痛苦咁供水 , 日日揼心揼肺 , 哈哈哈

      刪除
  9. Raymond下午2:59

    陳茂波教市民節省用水!為甚麼不叫政府節省用水,少建無用的大白急象!

    回覆刪除
  10. 慳水活動是水務署攪嘅。。。

    1。拖欠水費冇問題,波波亦冇話會落閘停水。
    2。閣下言下之意:港人不必慳水?哦~~~

    水塘因連場大雨而流走大量食水(放水防洪)係理據不必慳水?哦,原來有世外高人可以預測天要下幾場雨。。。今朝富,等於朝朝富,不必顧慮再有大旱。。。

    回覆刪除
    回覆
    1. 落雨多,排洪要放水,
      但香港長年也因東江水多到用唔晒而放水。

      刪除
    2. 拖欠水費應該正名為停止進貢 , 讓中國明白想做大佬係要食宵夜找數的 , 否則背後會俾人唱到面黃

      刪除
    3. 攪清楚這是兩回事:

      1。香港需水量依人口增減生活習慣而變,而香港供水量靠天+東江水。天意你測到?未雨(旱)綢繆得唔得?先養成良好生活習慣。天真要大旱,亦可能影響到東江水供水能力。

      2。東江水合約政府應爭取彈性供水是另一回事。。。不能因此而說[使乜慳水?]。。。


      刪除
    4. Horai:

      慳水可以慳返過濾淨化同抽水入屋"口既"電力,
      同埋減少淨化過程"口既"化學污染,絶對值得做。
      不過你要攪清楚,你冇提過呢點,所以同你"口既"論點係兩回事。

      至於水多到要排洪,的確係唔仗慳水"口既"理由。
      反正無法將多餘"口既"水儲起蒞留返天旱用,
      咁用過至倒,點都冇唔用就倒咁浪廢。
      慳水無助防旱,只係慳咗個人荷包。
      而且香港水塘儲水乾淨過東江水好多,
      大大減低化學污染問題,就算用多咗,罪惡感都少啲。

      至於東江供水能力,根本不成問題。
      幾年前大旱,廣東唔少地方乾到地面龜裂;
      香港政府提出減少輸水到港,留返啲水畀災民用,
      都被拒絶。
      結果香港呢邊繼續倒水落海,而廣東災情無法紓緩。
      香港同粵海一旦簽咗供水合約,只要合約期間東江唔斷流,
      香港人都冇資格驚大旱。
      我哋唔可以預測天會落幾場雨,但係中港政府都係x街x家剷就眾所x知,
      以上做法一定唔會改變。
      唔通你又咁激,夠膽預測跟住嗰幾年東江會斷流?

      amo

      刪除
    5. @amo(2:33): 不過你要攪清楚,你冇提過呢點,所以同你"口既"論點係兩回事 =====》閣下請移玉眼看我第一則留言(1:33)[首先,為響應「世界善用食水日」,水務署舉辦節約用水重點推廣活動--「齊來慳水十公升」],世界善用食水日乃聯合國所提倡,麻煩閣下自己搜索一下 2014 United Nations Wprld Water Day,其網站有非常詳盡資料,在下錯誤以為想認真討論此話題者,會憑我已提供的 topic 自己去查一下有關資料,是我高估了,我不智,抱歉。

      刪除
    6. 改正: 2014 United Nations World Water Day...

      刪除
    7. @amo: 中國現今乃人治社會,人治特色是什麼?因人而異話事。你認為當年大旱東江水冇停過等於信心十足未來大旱東江水亦會先足量供予香港再處理周邊地區因缺水而生之民怒民怨?哦~~~

      刪除
    8. Horai閣下:

      聯合國網站講乜,都係聯合國"口既"事,閣下之前真係冇講過。
      閣下既然認真討論,唔該自己寫出蒞。
      唔好話我懶,或者吹毛求疵。
      市面好多唔夠閣下咁認真"口既"雜誌報導評論,
      都會將眾所x知"口既"背景、論點簡單列出。
      你咁認真,冇理由唔提。
      老實講,呢幾年真係好少見有閣下咁認真"口既"人。
      blog主將同一人做兩件事攞出蒞評論,
      閣下都話佢將兩件無關係"口既"事拉埋一齊講係錯誤啦;
      咁閣下又點可以唔提有關係"口既"事,犯啲咁低級"口既"錯誤?
      究道兩種錯誤邊種低級啲?我諗都應該認真討論吓。

      閣下話我要按閣下提供"口既"資料自己去查,咁重要"口既"資料,
      點解閣下有冇畀link呢?
      定係閣下係我老師,講乜我都要自己好認真喺網上上下求索。
      我咁有信心話香港會得到優先供水,閣下又唔去查吓我點解咁講?
      哦!閣下高明唔使查都知啦。
      不過隨便東拉西扯都打發到我,何必花時間寫咁多教精我?

      閣下呢頭又話大陸係人治,上面點解又話
      「如果真的拖欠水費,無論原因是什麼,大陸會不會停供東江水 ?
      這個處境就真係玩死大陸了,停與不停,都好惡搞」?
      既然人治,鍾意點就點,使乜理合約?有乜咁惡搞?
      呢啲咁深奧"口既"嘢,一定係閣下咁聰明咁精通邏輯先解得通;
      我咁蠢真係唔識。
      就算我再「醒少少」,閣下肯解我都係唔會明。

      閣下下面"口既"留言,介唔介意我再請教?
      噢!我咁蠢,無謂要你多費電力時間教精我,真係唔環保。
      雖然環保只係生活態度,無關道德(因為你冇話有關),
      不過閣下似乎對生活態度好執着,
      我都係無為得罪高明嘞!

      amo

      刪除
    9. @amo: 即係咁,我人懶又唔好為人師,你唔識自己查資料我冇問題喎,我又冇誓死要你同意我之觀點。我既已提 topic heading,就由識查資料嘅看官自行判斷我論點是否有理,公平喇?

      閣下請載番老花眼鏡,認清楚邊則留言先係我所寫。。。唉。

      刪除
    10. Horai:

      你肯認又懶又好為人師就最好啦,以後冇得頼人唔識你又無的放矢亂咁詆譭。
      預期他人理性討論,但係唔提出「重要」資料,是為懶。
      喺上面1:33叫chris兄「做人要醒目啲好。。。」,連chris兄你都咁熱心教導,
      當然係好為人師,直頭好到上癮啦!

      你講'口既"topic heading係指乜?
      「世界善用食水日」同「齊來慳水十公升」?
      你喺上面1:33提出蒞嗰陣,唔係陳述自己對活動意見,係講劏房波出席活動咋喎。
      你後來係有提到認為應該慳水,咁係咪慳水就=支持「世界善用食水日」?
      其實我都認為你似乎支持「世界善用食水日」,
      但係支持「世界善用食水日」即=支持聯合國網頁內容?
      如果我咁推論,以你"口既"習慣,我講得唔啱聽,你又會話我輕率靠估啦。
      你叫人小心睇清楚你寫"口既"嘢之前,係咪有責任自己寫清楚先至公平?

      你梗係冇「冇誓死要」我「同意」你「之觀點」啦。
      我反駁你"口既"論點,你一啲都冇回應過,證明你一啲都唔在意。
      例如我喺上面2:33寫「至於水多到要排洪,
      的確係唔仗(更正:應該係「使」)慳水"口既"理由」嗰段,
      雖然我冇提到交易媒界、機會成本、external cost同供求性等術語,
      但係有中學程度"口既"人都應該一眼睇得出,我係套用淺到高中都教"口既"經濟學觀點。
      你有心公平討論,就算反對,就算經濟學上駁唔到,起碼都寫返句「唔可以只顧經濟,
      環境更重要」之類套語啩?
      甚至霸道啲話「我喺度講緊環保,你做乜扯咗去經濟?」都得。
      咁你又寫咗啲咩回應我?
      我其他論點你都冇回應,不過我費事再同你拗落去。

      你自詡敢言,呢點我都舉腳贊成。
      我冇喺網上查你講"口既"資料,你就斷言我「唔識自己查」;
      你唔識我,唔知我年紀同視力狀況,又叫我戴返(唔係「載番」)老花鏡,咁算點?
      誤導老屈詆譭大話都寫得出!邊個夠膽話你唔敢言?呢度最敢言一定係你。

      真逼bk底線"口既"辯論水準同道德,居然講究「認真討論」同「公平」?
      請問「認真討論」同「公平」你係咪用契丹文寫"口架"?
      google translate冇契丹文譯喎,麻煩你譯返做中文。
      冇人睇得明你講乜,真係冇辦法同你「認真討論」。

      amo

      刪除
    11. @amo: 大佬呀,你自己[識]查資料但又唔肯查,要我提供點查?好,我就你,嗱,你開電腦,去 google 網站,打以下文字:United Nations World Water Day,咁呢,就有好多網站列出嚟㗎喎,你求其入一個喇!網站內容有詳列大家應慳水理據㗎!你唔同意聯合國列出嘅種種理據,我冇問題喎。唓!但你睇完資料你唔明乜再問喇,好冇?唉!

      即係咁,有人要我由頭教到落尾點查又要我詳細列出我提嘅資料呢,恕我不奉陪。你唔明我嗡乜,咪當我發嗡風囉,咁得未呀?識查又肯自己花時間查資料嘅,就大家交流,公平喇?

      閣下老花,提咗你仲聲大夾。。。唉!你所提嘅[閣下呢頭又話大陸係人治,上面點解又話
      「如果真的拖欠水費,無論原因是什麼,大陸會不會停供東江水 ?。。。],嗰則留言唔係我寫㗎!!!唉。

      刪除
    12. 我反駁你"口既"論點,你一啲都冇回應過,證明你一啲都唔在意。例如我喺上面2:33寫「至於水多到要排洪,的確係唔仗(更正:應該係「使」)慳水"口既"理由」嗰段。。。
      =====

      好,駁埋你呢點俾明嘅人聽。

      唔計環保層面只講供應,水多到要排洪係因為天降大豪雨後先有得排水,你係世外高人可以預計未來邊年會雨水充足就人人可盡情用水,反正個天會補足。但你預測唔到未來呢,就今日要慳水,雨水結果充足你冇事,天結果大旱你亦唔使慌亂。人類習慣性,好花時間培養㗎!居[安]時養好良好習慣,我支持,因為天要變就即變,[危]隨時降臨。你反對,我冇問題喎。

      刪除
    13. 講開又講,香港教育有兩大敗點(1)學生養成凡事要被[hold hand]。即任何知識,都要明攤在學生面前,學生自己不懂如何尋求資料(2)人云亦云。學生唔識諗[咦,呢單野唔多合理喎,等我自己查下獨立資料先。。。]。。。大學教嘅,除專業知識外,最重要其實都係教如何運用批判式思考,但睇嚟。。。唉!

      刪除
  11. [環保]是生活態度。。。例如我有大把錢,我日日百餸十湯食幾啖就算其餘倒哂得唔得?錢係我嘅,我用一百世都用唔完,使乜慳?

    回覆刪除
    回覆
    1. 不知你可否"環保"些,不要說那麼多話, 珍惜網絡資源和大家的時間呢? 謝謝


      G

      刪除
    2. Francis凌晨2:39

      Oh no, I think you have just kicked over the hornet's nest ;-)

      刪除
    3. Of course NOT!
      In US, if you waste water, you will be charged
      In German, if you waste food, you will also be penalized!
      You can burn your money, but you SHOULD not waste earth resources!

      刪除
    4. @G (12:58) : 我所論唔啱聽污了閣下慧眼?我錯!我改!閣下英明,全人類使命是要令閣下滿意(您爸是。。。?),那閣下請頒下指令,你要我歌頌誰阿諛奉承誰?請明示,因在下不善揣摩聖意。。。

      刪除
  12. G君,

    >>>不知你可否"環保"些,不要說那麼多話, 珍惜網絡資源和大家的時間呢? 謝謝

    我都好贊同閣下意見,不過可惜者就係世上真有啲人係死牛一便頸,講道理係哂氣。

    左膠膠上腦,人家永遠唔啱,人家贊成既左膠就一味反對,人家反對既左膠一味話你低能無理,有佢講無人講,一路彈三彈四話難食但又繼續食,監人賴後最高境界,都唔好話唔犀利。

    回覆刪除
    回覆
    1. 似中國膠多過左膠 !

      刪除
    2. @賈真(2:36):我唔明想請教:閣下你發表自己論點時,是否認為自己是[啱]?我可否不同意你之論點?唔可以?此處只歡迎[相同論點者]彼此撐大家言論?其他人要識趣保持緘默?哦~~~ 那敢請閣下公佈此處只歡迎什麼理念?大家想在此發表意見首要條件是撑誰?撐什麼政治立場?懇請明示。

      刪除
    3. 做人要爽快直接,有膽諗就有膽明言,咪人哋問你你又唔敢答,最睇唔起人又婆媽又虛偽!

      我明確話你知我政治觀點大家唔使估,我認為:

      1。社民連及人民力量乃無賴兼低B。
      2。我對建制派事無輕重都可以憑夠票阻撓調查反感。
      3。我對激進派事無大小都提出無聊要求而拉布亦非常反感。

      仲有乜想知,就直接問,我絕對敢言。唓!

      刪除
    4. 哦,原來你的政治觀點是「xx 無賴兼低B、對 xx 反感、對 xx 非常反感」,咁即係點。

      問你鍾意食乜,你話「揚州炒飯無賴兼低B、對乾炒牛河反感、對肉絲炒麵非常反感」,連鍾意食乜都唔敢答,咁就叫做「絕對敢言」,真係比你吹脹。

      刪除
    5. 你唔係吖嘛,你意思[政治觀點]係要忠心某政治黨派,不論議題,只要撐,不要問?

      我定義唔同,我對事,不對人(黨派)。你唔明喱?即係咁:建制派對議案A態度合我理念,我撐建制派之議案。泛民對議案B態度合我理念,我撐泛民之議案。我之選區有建制派泛民候選人,我睇個別候選人之言行而投票。我係中立,即對黨效死忠者口中嘅[牆頭草],你仲有乜唔明?

      社民連人民力量所作所為我冇一件睇得順眼所以對其已有定論,點吖?

      刪除
    6. 「基督教教條 A 合我理念,我撐基督教。佛教教條 B 合我理念,我撐佛教。我睇個別宗教人士之言行而支持。我係中立 ......」

      一般人會話自己冇宗教信仰,唔會話對宗教「定義唔同」,你天生異禀,冇你符。

      刪除
    7. 哦,你意思我政治立場是[對事不對人]就係[冇政治觀點]?得,冇問題!我最就得人。。。以閣下英明之定義,我冇政治觀點。滿意喇?閣下你呢?你政治觀點係乜呀?

      突然啞咗?

      刪除
  13. Raymond上午9:55

    居安思危,香港特區政府要教導香港新舊香港人節約用水了。香港最後一次制水,已是上世紀八十年代初之事,距今超過三十年。要年紀超過四十歲者,才有制水記憶。
    制水之苦,小弟記憶猶新,不會浪費食水。但年輕一代或新移民,就不一樣了。
    陳茂波之言,有道理,但是,目的是要恐嚇市民不要支持拉布。節約用水,變成為政治服務,無奈!

    回覆刪除
  14. 有時真係好 upset,香港點解充斥呢啲劣質公職人員,啲 elite 去哂邊。條仆街講中文都已經唔知講乜,仲要講英文,佢其實知唔知自己有幾垃圾。

    懷念港英年代有原罪,但在港英年代,就真係冇呢啲仆街在立法局獻世。鍾先生,早啲去見鄧侏儒喇。

    http://www.youtube.com/watch?v=0kNEqKACuRA

    回覆刪除
  15. 做香港高官最好,當年劉吳惠蘭一口咬定要起高鐡, 而家高鐡出事, 呢條八婆而家話之你死,走去嘆世界,

    回覆刪除
    回覆
    1. Raymond下午6:30

      要港鐵食死貓!

      刪除
    2. 在立法會舌戰議員的好似係鄭汝樺 , 不過都唔關局長級官員既事 , 佢地係執行上頭order

      刪除
  16. 看Chris你的blog已有幾年,最激動是這篇了.

    回覆刪除
  17. 匿名君@上午8:38

    >>>似中國膠多過左膠 !

    非常對!

    而且經閣下一提點,我認為叫中國膠都有點侮辱咗中國兩個字,應該係中共膠先啱。

    回覆刪除
    回覆
    1. 中國不等於中共, 中國文化在本土已亡多年, 禮失求諸野, 去邊處求?

      刪除
  18. 一句到底,其實係香港人自囉泥衰,上面班高官全部係香港人,香港人都不幫香港人既結果

    回覆刪除