2011年3月21日 星期一

無啖好食

澳洲的餐館很多,正是一雞死一雞鳴,不停有捱不住的要倒閉,也不停的有新餐館開張。

餐館的生意,主要集中在星期四、五、六。星期四是發薪日,午市開始便旺起來,一直旺到星期五、六。在香港星期日也是餐館生意滔滔的日子,澳洲就有點不同,有些乾脆星期日休息,星期一也休息,星期二才開門做另一個循環的生意。

星期日西人少上餐館,大概是錢已花得差不多,要勒緊肚皮,有些人星期日是家庭日,一大幫人在家後園燒烤喝啤酒,開心又省錢。大多數的西人一是不吃,一吃就要吃得風光的,一瓶酒不可少,前菜、主菜、咖啡,每個人花50澳元很平常,所以一個星期只能在外面吃飯一兩次。


華人則不然,一個星期去飲茶四五次,晚上再出去吃飯兩三次的大有人在,這是戒不掉原居地的飲食習慣使然。很多華人是退休和半退休人士,手頭較寬裕,又不用上班,上餐館就是主要的消閒和社交活動,所以大多中餐館是做足七日的。

布里斯本市的華人餐館,大大小小的有粵菜、台灣菜、星馬菜、越南菜,近年多了大陸移民,連四川、湖南、東北、上海、北京、新疆菜都有了,表面看來選擇很多。
本市一家餐館的廣告
餐館競爭激烈,午餐一般每位消費10元以下;實際上可以點菜的晚餐「套餐」,包例湯白飯名茶生果甜品,每人15元以下,一樣有人做。

照菜牌九折、八折還不夠吸引,有一家還推出晚上九時後買一送一,即是半價。價錢定得那麼低,蝕本生意無人做,惟有在出品質素方面配合一下。

每家新開的唐餐館都誇口「禮聘特級名廚主理」,是耶非耶?有沒有那麼多特級名廚,大家心中有數。澳洲是番邦,本市又不過是100萬人的中型城市,生意額有限;華人顧客的數口算到盡,餐館價錢不能定得高,中國菜的烹飪物料不大充足;縱然是一級唐餐名廚,也會有龍游淺水志不能伸,高手被迫做低級菜之嘆。

行內比較有水準的廚師,都成為緊絀人才,哪間餐館新開張,就高薪從這家挖一個過去頂三幾個月;打響了招牌,生意穩定了,師傅又會蟬過別枝,由二三廚頂上。有時在這家新餐館吃了頓合意的,下次再光顧可能發現走了樣,就是這個原因了。

(文章允許轉貼,請具作者名字:梁煥松)

22 則留言:

  1. 原來如此!
    華人素來數口精,本來沒有不懂一分錢一分貨的道理,不過實際行動(選擇餐館)時又喜歡有咁平得咁平。點解?真係唔知,不過可能跟華人另一特質有關:互不信任。心想,付好價錢可能吃到九流品質,倒不如付九流價錢,起碼不會感到受騙失望。

    回覆刪除
  2. 十零蚊一位的晚飯套餐,我稱之為「自殺餐」,根本無錢賺,餐館得個做字。
    材料用到最平,桌椅擠迫不堪。我不敢評人家粗製濫做,但肯定不會撚手精製,總之不是享受。

    回覆刪除
  3. Guybrush Threepwood清晨7:42

    我諗同香港或者中國大陸的物價有關。

    香港一碟粟米班塊飯要三十幾蚊,澳洲一般要十蚊,即係港紙七十幾差唔多八十蚊。當然我明日呢邊賺呢邊使嘅道理,但係人始終會比較︰喂同一碟野差成陪價錢喎。咁樣個價錢好難可以加得幾多幾多。

    回覆刪除
  4. 澳洲做生意的成本很高,很多餐館都是得個做字。
    一些投資移民的,更是蝕本都頂來做,當俾錢買護照,頂爛個市。

    回覆刪除
  5. Raymond下午1:03

    那麼,唐餐館的廚師是否全本自香港、台灣和大陸?

    回覆刪除
  6. 呢幾年係維州多左好多新疆、四川菜,我一次都未試過,連諗到冇諗過,唔知係咪受到新聞影響,驚佢地既原材料由中國直接到,咁就同係大陸食冇乜分別。

    回覆刪除
  7. Raymond,
    是的,有些本來已經是廚師,有些在這邊才學的,功夫就各顯神通了。

    回覆刪除
  8. 力,
    醬料或納雜配料就一定是來自大陸,菜和肉就是本地的多。

    回覆刪除
  9. 澳洲食野唔算貴啦, 香港去翠華炒碟野分分鐘都貴過呢度, 拎老麥做例, 香港做一個鐘都買唔起一個餐, 澳洲買得起有凸......

    回覆刪除
  10. 咁又係。
    澳洲做賣麥當勞有十幾澳元一個鐘。
    折港紙都有舊幾水。

    回覆刪除
  11. $54 四個菜 =0=... 呢個價錢係我返工個度2 個菜都食唔到 >_<
    看似brisbane 食野好 =)

    不過如果中菜館淨做華人生意好難生存 ~_~
    華人 9 成無"醒"又多多要求又無禮貌,
    又唔似'鬼佬'咁叫酒叫飲品, 好多時都係飲水, 無咩drinks 生意, 要做得住, 一係好好食無得彈, 一係就賣得平一平/幕後老闆大把錢. 如果唔係睇怕唔夠一年就say byebye @_@

    回覆刪除
  12. 其實係一個惡性循環,我住悉尼市的. 基本上每次去唐餐館食完野一定後悔冇自己煮, 因為有味精>.<食完返屋企要大量飲水.久而久之平貴唐餐我已經麻木...冇期望. 貴價野我都唔想俾錢食. 呢邊餐館大把國際學生做廉價勞工, 7蚊8蚊/HOUR大有人在...所以餐館係自己人剝削自己人以此經營下去. 西人上台唐餐館係漁人得利而已.

    回覆刪除
  13. 味精、平價油、平價醬料、舊米、雪藏貨.....我有幾個做過kitchen hand的朋友,都說永遠不上唐餐館食飯,寧願開罐頭煎隻蛋。

    回覆刪除
  14. Denise,
    鬼佬一坐低,大人飲酒(就算是自己帶酒,corkage都收一元半一位),小孩每人一兩罐可樂,淨酒水都賺了十幾元。跟住食蝦片、炸春卷、炸燒賣,又十幾元。

    回覆刪除
  15. 香港飲食賺錢,係社會所然。人人都由朝做到晚黑,邊有心力煮,就唯有出街食。加上人口密集,行兩步路就有。而且人人屋企都細都無倫,廚房一人轉個身都辛苦。

    回覆刪除
  16. 四人餐做五十幾蚊澳紙﹐咪差唔多平過香港酒樓﹖(當然香港有做得更平)

    回覆刪除
  17. Omnibus,
    還有香港人流如輪轉,廚師也很多。這變有個「大廚」,在香港時是小廚,他對我說做過旺角以前那家「國際酒樓」,單是做腸粉就有40人!

    回覆刪除
  18. 文少,
    就是嘛,好在有廣告為證,不然人家會以為我亂講。

    回覆刪除
  19. 醬料或納雜配料就一定是來自大陸----------->咁就足以令我唔敢食

    回覆刪除
  20. 這樣就真的要食自己了。

    回覆刪除
  21. 食物係香港人留係香港既重要原因

    回覆刪除
  22. 我每次回香港都食到過晒籠。

    回覆刪除