.jpg)
進場就是大公園和停車場，走過草坪是入口。
進去是一條步行徑，叫Tabbil-Ban-Dhagun Boardwalk, 在濕地上蜿蜒而行，一大段路程是木板離地，全程1.5公里，原路折返就是3公里，很優悠。
水邊的水鳥多過人，有人遛狗、釣魚，有人在水上扒獨木舟。到此遊覽，完全免費。
不折返的話，可以走公路返回停車場，路程約半公里。有一家Pam's Cafe，是一個越南家庭經營，已經有幾十年歷史，是步行遊人和單車客的熱門駐足休息地點。
漢堡包、熱狗、三文治、炸魚薯條等西人食品為主，如店主不太忙時，可以幫你做越南粉或簡單的中餐。
........................................................................................................................
*倘有留言未能即時上板，是自動過濾去了spam之故，諸君稍安無躁，版主每日檢查幾次，一有發現便會救回*
(文章允許轉貼，請具作者名字：梁煥松)
偷得浮生半日閒，一樂也！
回覆刪除兄曾到香港天水圍的濕地公園嗎？
未去過，今次回來不會錯過。
刪除ARIZONA在西面(Yuma Wetland Park) 及南部(Tucson Sweetwater Wetlands Park)各有一個大大型的濕地公園，唔準帶狗及踏單車, 全部免費的，早幾年YUMA WETLAND仲發生山火，啲契弟玩火玩大咗。
回覆刪除ARIZONA只有大峽谷要收費，我試過半夜由INDAHO及UTAH開車抵達，收費亭未有人開工，唔會學中式管理封閘，門禁大開，上到山頂等多一兩粒鐘，睇日出，另一次在VEGAS回程時看到曰落，然後在附近的紅石城SEDONA過亱，也在當地睇日出，真飄亮，美加邊境的大瀑布也夠氣勢，也夠晒濕啦！
澳洲風景比較粗獷，美國得天獨厚，連風景都是秀麗雄偉兼備，恨死隔籬。
刪除加拿大溫哥華及CALGARY的BANFF也很美，溫哥華夏天可以住下來，食嘢拍得住香港，CALGARY夏天十二點鐘都未天黑，澳洲及新加坡現在對我來說好像太遙遠了，以前在香港工作時有免費機會都唔肯去，當地啲金融機構有邀請去上堂，但要我薟賣身契，如果三年內離職，我要償付所有費用，所以未有成行，到我移民后澳洲的ROAD SHOW又唔輪到我，因為我哋有幾位澳洲老外呀住。
回覆刪除多姿多彩還是數北美。
刪除澳洲自稱Downunder，我譯為「天腳底」，
有些老澳一世人未申請過護照出過國。
use satellite view 來看 比較容易明白
回覆刪除boardwalk 清楚可以見到
不過離開兄台府邸頗遠吧
開車半小時可以到達。
刪除都好靚 , 我在 NZ 多數去 Mission Bay 同 American Village Cup 遊玩
回覆刪除澳紐地方第一樣野係唔會見到香港康文署九屁不通的「通告」
包括 : 請勿踐踏草地
澳洲的馬會，就算在賽馬當日，入場觀眾一樣可以在跑道中間的草地野餐，全家大小嬉戲的。
刪除去過亞省既Banff，Lake Louise，Jasper等睇風景過夜，又去過Drumheller Museum/Badlands同Brooks Dinosaur Provincial Park睇恐龍化石，個人來講唔喜歡Lake Louise，間酒店唔係唔靚，對住個湖又面對個山，但就因為咁夏天都覺得凍，況且酒店對一般非住宿遊客不太友善，呢度唔准入，個度唔准去，重特登用簡體字寫到明，難怪，因為周之無日萬七咁多強國人拖男帶女，趁墟咁款。
回覆刪除Jasper國家公園風景唔錯，有山有水有急流有瀑布，沿途又可參觀哥倫比亞冰川(要睇趁早，因為冰川溶咗好多，事關氣候變暖)，只係路程稍遠，由卡加利開車都要五六個鐘先到埗。
Chris兄講到話有些老澳一世人未申請過護照出過國，確唔出奇，因為2005年同朋友去Drumheller玩時，係市中心問路(唔記得係問點去恐龍公園睇化石 or Brooks)，個鬼婆30多歲咁上下，恤衫西裙，似打寫字樓工，誰知佢話唔好意思，佢成世人未離開過Drumheller，死未？
好聽叫璞素，唔好聽叫老套！咁既人生真係要寫個服字。
係加拿大個邊睇尼亞加拉瀑布，係就係壯觀，不過冬天12月時候去，真係又濕又凍，市面遊客稀少，賭場都水靜河飛，睇完瀑布食埋晏，即坐巴士返紐約。
遊北美，地大廣闊，風景就睇邊區啦，最難頂係無啖好食，記得係紐約join四日團去Tennessee，早餐多係motel包埋，無乜選擇，十有八九係pancake個類，或者自費時，導遊慳時間，好多時去老麥/老肯/老溫等快餐，食到牙肉都損。
吃喝玩樂，亞洲區似多啲揀，睇文化藝術歐洲好選擇，北美城市特色似較少，不過地方寬廣，澳紐氣候較溫和，又較英式化，行路揸車較易適應。