古文粵譯：捕蛇者說

捕蛇者說(柳宗元)

永州之野產異蛇，黑質而白章；觸草木，盡死；以齧人，無御之者。然得而臘之以為餌，可以已大風、攣踠、瘺，癘，去死肌，殺三蟲。

永州山野間有一種怪蛇，蛇身黑色，有白色花紋；佢爬過D植物，通通會死清光；人俾佢咬親，實無得救。但係如果捉到佢，風乾蛇肉入藥，可以治療痲瘋、手腳抽筋、頸腫、毒瘡等病；還能去除爛肉，杜死體內寄生蟲。

其始，太醫以王命聚之，歲賦其二，募有能捕之者，當其租入。永之人爭奔走焉。
 
起初，太醫奉皇帝命令，徵集呢種蛇，一年兩次，招募「蛇王」，准佢地用蛇頂替田租，於是永州居民就爭相捉蛇咯。


有蔣氏者，專其利三世矣。問之，則曰：「吾祖死於是，吾父死於是，今吾嗣為之十二年，幾死者數矣。」言之，貎若甚戚者。

有一個姓蔣的人，已經係三代蛇王。我同佢傾下，佢話：「我阿爺俾蛇咬死，我老豆都係。我接手做左十二年，有幾次都幾乎中招添。」講到呢度，佢好似好閉翳咁。

余悲之，且曰：「若毒之乎？余將告於蒞事者，更若役，復若賦，則何如？」
 
我都好同情佢，就講：「你唔想做咩？好啦，我同負責既官員講聲，幫你改番交田租，唔駛你捉蛇，點丫？」

蔣氏大戚，汪然涕曰：「君將哀而生之乎？則吾斯役之不幸，未若復吾賦不幸之甚也。向吾不為斯役，則久已病矣。自吾氏三世居是鄉，積於今六十歲矣，而鄉鄰之生日蹙，殫其地之出，竭其廬之入，號呼而轉徒，飢渴而頓踣，觸風雨，犯寒暑，呼噓毒癘，往往而死者相藉也。

呢個姓蔣既 人，聽我咁講仲閉翳添，流晒眼淚咁講：「大人你係想話可憐我，俾條生路我行嗎？我做蛇王係好慘，但如果要我納番稅，個陣仲慘呀！如果當初我無做蛇王，我一早走路都唔惦咯。我地三代住係本鄉，至今成六十年，班鄉里既生活，一日不如一日。官府追佢地交稅，佢地要賣盡一年既收成，連窿窿罅罅 D錢都挖埋出來，喊苦喊忽離鄉別井，飢渴交迫，衰到痞街，吹風淋雨，凍又凍死熱又熱死，吸埋晒D著毒霧瘴氣，死左無人收屍，都唔知幾多呀。

曩與吾祖居者，今其室十無一焉；與吾父居者，今其室十無二三焉；與吾居十二年者，今其室十無四五焉。非死則徙爾。而吾以捕蛇獨存。悍吏之來吾鄉，叫囂乎東西，隳突乎南北，嘩然而駭者，雖雞狗不得寧焉。

我阿爺個代同時居住係本地的，十戶人家都剩唔到一家；和我老豆個代既，十家走剩兩三家；和本人同住十二年既，十家剩唔到四五家。唔係死左，就係搬走，我一家全靠捉蛇先至捱得到今日。每當兇神惡煞既官來到本鄉，從東便搞到西便，從南便闖到北便，嚇得D人鬼殺咁嘈，雞犬不寧。

吾恂恂而起，視其缶，而吾蛇尚存，則弛然而臥。謹食之，時而獻焉。退而甘食其土之有，以盡吾齒。蓋一歲之犯死者二焉；其余，則熙熙而樂。豈若吾鄉鄰之旦旦有是哉！今雖死乎此，比吾鄉鄰之死則已後矣，又安敢毒耶？」

呢個時候，我小心翼翼地爬起身，睇下個瓦罐，見到我捉個條蛇仲係度，我就有覺好瞓。我到時到候細心喂養佢，平時我係屋企享用番自己既田產，安安樂樂又一年。成年咁長，我搵條命仔去搏，都只係兩次咁多，其餘時間我就悠然自得，點會好似班鄉里咁，長年搵朝唔得晚丫！就算我而家俾蛇咬死，比起個班鄉里，我都賺到啦，又點敢話想唔做呢？」
　　
余聞而愈悲。孔子曰：「苛政猛於虎也。」吾嘗疑乎是，今以蔣氏觀之，猶信。嗚呼！孰知賦斂之毒有甚是蛇者乎！　　　
 
我聽佢咁講，愈加難過。孔子話過：「苛政猛於虎也。」我曾經懷疑過呢句話。而家印證下姓蔣呢一家既事例，孔子講得無錯。唉！有邊個知道官府橫徵暴斂，害得老百姓咁慘，仲犀利過毒蛇呢？

故為之說，以俟夫觀人風者得焉。

因此，我特登寫低呢件事，俾將來負責考察民情既人參考下。


........................................