2014年1月18日 星期六

何不食肉糜

特首:年青人大把世界---在香港讀完大學,有世界視野,然後上大陸發展。有辦你睇啦。 

大學畢業生:上大陸發展?要有本錢啊。 

特首:按左住開層樓套現,再問你老豆同親戚借錢打本。 

大學畢業生:我地住公屋咋,邊有樓喎!又無富貴親戚肯借錢俾我。 


特首:咁你買間樓先囉。 

大學畢業生:錢從何來? 

特首:努力工作。 

大學畢業生:我香港份工得一萬銀一個月,做多十年都搵唔夠錢做首期喎。 

特首:搵過一份好D的工啦。

大學畢業生:點搵呀?邊度有呀?




特首:死蠢,返上大陸搵嘛!

大學畢業生:@#$%^&*!

...................

《晉書,惠帝紀》:惠帝,性愚騃,時天下荒亂,百姓餓死,帝曰:「何不食肉糜?」

20 則留言:

  1. 米當佢真系黃帝得咖,其實佢都好慘,眾叛親離,出本咁嘅報告已經比人插到暈。且看高官當中有邊個唔系咁講嘢咖?!一日無人敢話要取替苛政,一日都肯定有政府中人咁講嘢咖, man!!!

    回覆刪除
  2. 自相矛盾又犯駁的地方很多 , 今時今日 , 能夠搵到一份可儲首期的工 , 至少要30k以上 , 不能是合約工 , 請你的公司不會執笠 , 如果你是沒有背景的大學畢業生 , 聽完特首講野 , 好想兜巴星佢

    回覆刪除
    回覆
    1. Raymond上午9:59

      上世紀六十年代,能進入大銀行、大洋行做工,一世無憂,如今無這首歌唱了!

      刪除
  3. 大學畢業生應該問特首 :

    1. 點解咁多大陸人在香港讀完大學唔走 , 留在香港就業 , 點解政府又批准 , 不是應該先保障本地人工作機會嗎 ?

    2. 大陸咁好環境 , 點解很多大陸人在香港讀大學時 , 連仔都生埋 , 申請埋大陸的 老公/老婆 來港 , 你是不是講大話 ?

    回覆刪除
    回覆
    1. Raymond上午9:53

      特首不能說出來的真心話:我要將香港的青年人送上大陸,由大陸來者取代。

      刪除
  4. Raymond上午9:56

    今天的中學生,即使有中史可讀,恐怕不會讀到這一段歷史了!

    回覆刪除
  5. 仲衰過叫人去賭錢。

    回覆刪除
  6. CY's 'Helping the poor' policy is just for Mainlanders. My husband's relative has two flats in Canton as well as receiving retirement fund (woman can get it at the age of 50 but CY never copy this to benefit HK pensioners) but she still can get the Caring Fund HKD2000 (which suppos to help the poor people in HK) from HK government (she has HKID) because they never check the Mainlanders' assets in Mainland. For those Mainlanders who know how to play the game, they can get as much as the benefits from HK taxplayers' pockets (mostly from middle-classed's who are not qualified to get any benefits and have a flat to mortgage). Go to hell, CY!

    回覆刪除
  7. 港局就是侷賭嘛, man!!!

    回覆刪除
  8. 國家有好的統治者乃人民之福 , 李光耀的治國理念是治國者必須是最優秀的人才精英 , 新加坡政府明白要提升人口質素 , 首要條件是讓人民住得舒適 。相別之下 , 整個香港的人口質素在下降中 , 統治香港的官員和大陸貪官同樣是 "走佬官員" , 可以想像 , 當香港樓市泡沫爆破 , 儲備用光後 , 香港將面對一個經濟爛攤子 , 受害的是在香港扎根長大的市民

    回覆刪除
  9. 呢隻太監英布望佢俾烏繩踢死俾豆腐啃死,呢條癈柴唔死繼續遺禍港人

    回覆刪除
  10. 特首思維: 上邊有金礦大把金執,你地大學生學我咁齊齊上去執金咪好囉,話時話執唔到唔好賴我,係你地冇我咁醒者.

    回覆刪除
  11. 咁撚奇怪嘅,廣西咁撚正,凸手啲仔女,唔係第一個衝上去,反而去撚哂英國嘅。

    〈對唔住,博主,我知我唔應該用個「撚」字,但我真係好撚㷫。〉

    回覆刪除
  12. 我諗狼震鷹祖宗十八代應該唔係山東人,佢地可能原先係 kong moon人,因此佢呢份所謂施政報告或係用 kong moon 話。

    回覆刪除
  13. 為何不用 Marie Antoinette why not eat meat pie 呢?

    回覆刪除
  14. 梁特首:咪玩啦!講D唔講D。

    廣西並不是法治之區、食品領域又涉及不少質檢及稅收,不會是一個初出茅庐既年青人能應付的。

    回覆刪除
    回覆
    1. 梁特首不如先加插:我識一位年青人,爸爸在國內曾當兵,參加過對越自衛反擊戰...............到廣西找到爸爸那位己做了XX市委書記既昔日戰友,一齊開拓高端飲料市場。

      刪除
  15. 用晉惠帝來比是抬舉了他。
    惠帝只是蠢,不算是大壞人。
    他是奸險小人,王莽、趙高之流。

    回覆刪除
  16. 有可能此青年當初係帶二億上去廣西闖。。。

    大陸係人治社會,做事有一千種潛規則,冇人脈網絡或可靠(內地)親朋戚友肯做你帶路明燈,你靠個「勇」字就去闖蕩大江南北,真係 too simple, sometimes naive ....

    回覆刪除
  17. Raymond下午2:41

    今年行年宵,記得買包梁振英廁紙!

    回覆刪除