2013年10月17日 星期四

當手機不再是電話

走到哪裡,無論是公共交通工具、餐廳、商場、街道、沙灘......都見到低著頭的「捽機一族」,有人譏之為現代人的病態。

最妙的是餐廳裡幾個人共坐一桌,並非雜亂搭檯,肯定是互相認識的人,但是人手一機,各自看Facebook、打Whatsapp或短訊、覆電郵、上網、看相片等等,很少開口講話。不禁令人懷疑他們是否在互相用手機溝通!

另外一個極端,是我認識的一些朋友,堅持「電話就是電話」,到現在還未用或不願意用智能手機。 

這兩個極端之間,其實有「很大的發展空間」。手機只是一件工具,能夠幫到你或令人沉迷不能自拔,主宰是人自己。


從我20年前買第一個的「256KB大容量」Casio Digital Diary,到十幾年前考慮買一個黑白屏、1 MB容量的Palm PDA(終於沒有買)---------到現在用的16GB三星Note 2手機,無法不讚嘆科技進步一日千里。

手機發展到今日,已經是集多種電子產品於一身的隨身工具 ,如果要你通通帶出街,要一個背包才放得下。不用下載很多apps,已經可以有下列的功能: 


圖片:http://www.huawei.com
鐘/錶、鬧鐘、計時碼錶、中西曆對算表;

計數機、指南針、電筒、溫度計

字典、電子書閱讀器、翻譯機;

相機、攝錄機、錄音機、收音機

相簿、文件包、日記簿、筆記簿、通訊錄

mp3 唱機、錄影機、電子遊戲機

 平板電腦、地圖(包括鳥瞰圖和街景)、衛星導航.............

最後,手機是可以有時用來打打電話的。


(文章允許轉貼,請具作者名字:梁煥松)
 


39 則留言:

  1. 手機還可以用來訂票、留位、過數、睇片...。新的汽車大都附有藍牙系統,WIFI 接上汽車本身的收音機,可以一路駕車一路講,完全不需手動。這是一個新時代的來臨。堅持「電話就是電話」的朋友們,應該考慮跨這一小步。

    回覆刪除
    回覆
    1. 尤其是老人,學下新玩意也不俗。

      刪除
  2. 其實堅持「電話就是電話」的朋友們,當年有冇笑過當年的老人家話「嗨! 淨係識講電話,而家啲人唔寫信喇!」?

    回覆刪除
  3. 唔見左個手機, 點算 ? 重要資料一次清倉, 失去所有社會聯繫, 變成遊魂野鬼, 慘過跌落18層地獄

    回覆刪除
    回覆
    1. iPhone和Android都有雲端後備儲存吧。

      刪除
  4. Raymond上午8:38

    帶著智能手機上街,萬一遺失,很多沒有備份的有用資料資料都沒有了!

    有了智能電話,人際關係也開始改變了!

    是否踏出這一步,其實要看各人的需要。對老人家或退休人士,一部較先進的手提電話已經足夠!

    回覆刪除
    回覆
    1. 也不用買,執子孫的舊機就夠了。

      刪除
  5. 手機內有大千世界,但需要有一個無限上網plan。
    KL

    回覆刪除
    回覆
    1. 我在家時間多,用 WiFi,手機Plan一個月1GB都用不完。

      刪除
  6. Nth 匿名上午10:02

    >> 低著頭的「捽機一族」

    最差的是 當你在趕時間,你的面前卻有一個 或 幾個 「邊慢慢行 邊捽機 族」 同步在你面前 築成 「人肉護土牆」。{In the old time, almost everyone was in hurry mode -> maybe to find a phone to respond to pager calls. Ha.ha.ha.}

    回覆刪除
    回覆
    1. 記得當年的「和記天地線」電話....

      刪除
  7. 乜手機用來做電話嘅咩? 我重以為係用來做鬧鐘嘅潻. --zpdrmn

    回覆刪除
    回覆
    1. 就快可以用來剃鬚和吹頭.....(「國產凌凌漆」)

      刪除
    2. Hahahaha. -zpdrmn

      刪除
    3. 手機鬧鐘厲害處是在夢正濃時叫你起身呵尿!

      刪除
  8. 依家啲智能手機對用戶私隱太冇保障,而又未聽過任何政府話要立法管制。
    好似大陸呢類國家,連政府都偷埋用戶資料一份。
    唔止通話內容,重有電話上各種資料;唔止自己資料,連家人朋友客戶甚至搭錯綫資料都撻埋,
    實在恐怖。

    流動電話最大問題係一定要長期連接電話網絡同跟身,
    連自己都唔為意"口既"資料都會畀唔知咩人撻埋。
    如果要用電話上嗰尐方便功能,不如買部只可以上wifi"口既"平板電腦,用完就熄機。
    就算wifi被系統偷偷開咗,附近冇得連接一樣傳唔到啲資料出去,比較穩陣。

    打電話都係用返feature phones好過;又平又禁又細部,又唔會成日冇電。

    amo

    回覆刪除
    回覆
    1. 這樣就是back to square one?

      刪除
    2. 都唔算back to square one。
      我都有用phone apps,不過好少帶出街之嘛。
      有時預計要排好耐隊或者等好耐,例如換護照、睇醫生,都會帶部ipod去玩。

      feature phones另一好處係冇乜人吼,我又唔係身懷機密,唔會有人偷,
      只會自己唔小心遺失。
      不過我咁大頭蝦,都未試過唔見手提電話。

      amo

      刪除
    3. 用物而不為物所制,明智之舉。

      刪除
  9. 今個星期日,比起手機上網的planA、B、C、D更有意思。

    回覆刪除
    回覆
    1. 商務及經濟發展局局長早應由王生做嘛。

      刪除
  10. 智能手機係個人選擇,冇話我有就 cool,你用老爺舊機就 out,係嘛?我反對嘅係 phubbing,大佬呀,冇禮貌用智能手機做藉口?

    回覆刪除
  11. Phubbing 唔係指「低頭族」,我如果同你3唔識7你24小時低頭用手機上網 who cares?但係親朋戚友相聚,就唔該有起碼嘅尊重喇!前世五百次的回眸才換來今生的擦肩而過,何況是親朋戚友?專注眼前人喇唔該!

    回覆刪除
    回覆
    1. 有次做個 seminar 比同業後輩,眼見五份一人,間中攞部手機出來篤,真係有啲怒從心上起。心諗,我在 do you a favour,如果大哥、大姊真係咁忙,抽唔到空,未能撥冗光臨,咪唔好嚟囉。既然比面光臨,可唔可以唔篤部手機住呢。

      有時喺地鐵見有人很忙碌、費神地篤手機,望真原來是玩搬磚遊戲。其實唔篤手機,就算發吽豆〈學術點來說,是沉澱心靈、冥想或思考人生〉,都對身心較為有益吧。

      高智能手機是可以衍生低智能下一代的。

      刪除
    2. "phubbing",學到個新字。

      刪除
  12. 「無法不讚嘆科技進步一日千里 」, Chris 兄所言極是。坐低諗一諗,真係有啲驚。

    書桌裏還有三吋半 1.44 MB 磁碟,現在買一隻 16GB USB,容量等於 11,111 隻三吋半磁碟。量度一盒十隻三吋半磁碟,厚 5 cm,把 11,111 盒向上疊,高 555 米!

    香港 IFC 和台北 101 大樓分別才高 414 米和 509 米。

    回覆刪除
    回覆
    1. 更正,應是 55.5 米。 My apologies.

      刪除
    2. 1GB硬碟初抵澳洲時,賣700多澳元。現在一隻500GB的,只是幾十元。

      刪除
  13. 同我90年來時,電子及影音產品越來越平,但物價就越來越貴。

    回覆刪除
  14. PDA 仲有用的,例如地鐵的/八達通的收費系統,電子排隊系統的控制器
    係要用 PDA 收集資料並傳送去總部處理...

    我五年前仲係用緊 PDA 電話.. 一部 Smartphone 真係將傳統電話變成過氣玩具
    最意外就係 Nokia 越做越差,結果俾人收購..

    回覆刪除
    回覆
    1. Nokia樣樣要與人不同,操作又低B過人,襟撞襟跌有鬼用,抵佢執。

      刪除
  15. 在加拿大,手機Data Plan無五六十蚊吾落得樓,我不捨得花這個錢。我用pre-paid才一佰蚊一年,無得上網無問題。

    回覆刪除
    回覆
    1. 澳洲最抵的pre-paid plan,$39.90一個月,國內無限通話,包4GB data。

      刪除
  16. 我跟我爸和老公出去吃饭等上菜的时候就见他们一个跟女朋友wechat,另一个跟朋友whatsapp,我拿手机最多查查邮件,然后看着他们发呆。还好菜来了手机就放一边,大家开始聊天了。

    回覆刪除
    回覆
    1. 老人肯學玩電子產品,我倒是特別支持。

      刪除
  17. 有智能電話仲好,搭車唔會聽到人地大聲講野。
    比較討厭的係因為Whatsapp迫人買智能電話,點解唔用有電腦版的LINE?

    回覆刪除