前輩粵劇名伶上海妹(原名顏思莊，1909-1954)，便是這樣的奇才。
她體型弱質纖纖，且有肺病，聲音沙啞，音域又窄，無高無低，絕對唱不有如出谷黃鶯的花旦子喉，卻憑其功架和獨特的唱腔，成為一代名伶，是當時最紅的小生薛覺先和馬師曾的舞台拍檔。
當時有形容上海妹唱歌「鬼咁唔好聲，鬼死咁好聽」的佳話。
以下介紹現存她最出名的幾首傳世之作：
這是她與丈夫半日安(反串老旦演惡家姑)合唱的「胡不歸之迫媳離婚 」
與 薛覺先合唱的「陌路蕭郎」
與任劍輝合唱的「好女兩頭瞞 」
與馬師曾 合唱的「刁蠻公主戆駙馬 」
(文章允許轉貼，請具作者名字：梁煥松)
............
方艷芬的 “芳吭” 也颇聞名！
回覆刪除十分滑溜。
刪除Chris兄，
回覆刪除＞＞＞當時有形容上海妹唱歌「鬼咁唔好聲，鬼死咁好聽」的佳話。
可能吾生也晚，始終無法領略上海妹歌唱韻味及其獨有技巧；或者當時所流行既劇本及歌曲正好配合上海妹纖弱身形兼身段，所以有相輔相成相得益彰效果，致使受歡迎無限亦說不定也。
＊＊＊＊＊
another匿名君：
＞＞＞芳艷芬的"芳吭(腔)"也颇聞名！
第一代年輕時既玉喉譚蘭卿亦好正㗎！
譚蘭卿的女丑腔聽得多，子喉我都未欣賞過。
刪除Chris兄，
回覆刪除＞＞＞譚蘭卿的女丑腔聽得多，子喉我都未欣賞過。
我都係'N'年前係香港電台第一次聽過譚蘭卿既子喉，當時真係唔相信會係譚蘭卿，因只知佢既肥婆奶奶形象兼唱腔。雖然家中故長輩常常提及譚蘭卿有玉喉之稱，重話佢唱歌好似吹簫咁吹咁好聽，但點都無法想像，直至聽到那首曲為止，才知真貌，可惜已不記得那曲曲名，否則可上網搜查有否上載而能公諸同好。
現係 youtube 尋到一首佢同馬師曾合唱既'天國情鴛'，大家有興趣可一同欣賞：
http://www.youtube.com/watch?v=fr9-2TJq5sY
特別 7:22 開始，佢既子喉大發揮。
聽緊！
刪除我媽年輕時睇過做花旦的譚蘭卿。
那時戲棚無擴音設備，很多花旦音量不足，後排觀眾聽不到，唯恐是「譚蘭卿個死人頭夠晒聲」。
聽完，麻麻咋喎。
刪除蒞多兩首：
回覆刪除王妃入楚軍〔馬師曾、譚蘭卿〕
http://www.youtube.com/watch?v=WUGgWleSjFc
白駒榮與譚蘭卿 (壹灣新月鬥氣夫妻)
http://www.youtube.com/watch?v=oC-bap_UVVk
Enjoy!
不過重未揾到佢另外亦好出名既木瓜腔唱曲。
「鬥氣夫妻」較好。可能是我喜歡銀鈴似的女聲。
刪除Chris兄，
回覆刪除＞＞＞唯恐是「譚蘭卿個死人頭夠晒聲」
係！係網上睇寫佢尐演藝生平，都有大量提到佢係當時擴音設備不完善既戲棚或戲院環境，譚蘭卿唱曲由前排到後排都聽到佢唱乜，兼吐字清晰。
＞＞＞聽完，麻麻咋喎。
我不清楚此等歌曲錄音是何年月，亦不知是否譚蘭卿當紅時期，不過，同佢後來唱醜角腔口分別有確係幾大，初次聽佢唱子喉個種震撼性在我來講有真係唔細㗎！
至於話係咪真係咁好聽，我估計不單那時流行唱腔同現今有好大分別，甚至曲詞劇本等表達方式同現時都有絕大不同，(例子：怕且家下啲人會話舊馬難聽，但戰前戰後佢就鬼咁受歡迎)，而且亦不要忘記個時男花旦重未全面消失，所以會否譚蘭卿以女花旦真身演戲較男花旦有些少優勢亦未可料，所以就咁受讚譽歡迎，真正係此一時彼一時，難以作準。
＞＞＞「鬥氣夫妻」較好。可能是我喜歡銀鈴似的女聲。
我未聽哂，只係咁啱係 youtube 摷到，先 upload 以供備案，後慢慢細嘗。
呢分鐘聽緊熊飛影既大喉霸腔'武松大鬧獅子樓'，唯一可惜既係唔唱中州古腔。有興趣可入下列網址：
http://www.operasiu.com/forum/viewtopic.php?p=2280
scroll down to the fourth message and find the 檔案下載 and listen to the song with real player.
撞＊，講粵曲好似得番你閣下同我兩個。--- sigh ---
飛影梗正啦！
刪除唱大喉的仲有妙生，都是家母先向我提及的。
Chris兄及各位，
回覆刪除再蒞一首'守華容'，今次飛影用中州話唱重咬弦重過癮。琼仙是唱孫夫人，相信唱孔明既應是妙生，而飛影是唱關公：
http://www.operasiu.com/forum/viewtopic.php?p=1839
scroll down to the 2nd song.
下列網站有不少曲詞供參考：
http://operawillis.appspot.com/?sortby=-Artist&tc
而'守華容'曲詞就如下：
http://operawillis.appspot.com/lrc/shouhuarong?tc
Chris兄，
回覆刪除＞＞＞唱大喉的仲有妙生，都是家母先向我提及的。
如兄所願，就請兄台欣賞妙生所錄既「劉關張趙古城會」：
http://programme.rthk.hk/channel/presenters/player_popup.php?pid=684&eid=253769&d=2014-03-19&player=mp3&type=archive&channel=radio5
源妙生的唱腔，雄壯純正，兩個花旦相比之下，差了幾皮。
刪除小弟對粵曲一曉不通, 不過見此文亦有感香港(以至整個華人社會?)對審美的單一化。
回覆刪除以近年的女星為例, 美是美, 但總覺面目模糊, 全都像是同一個模模出來的。
說回音樂, 尚記得以前曾和朋友討論一曲被多人翻唱過的without you, 我說我喜歡Air Supply的版本, 聽起來感覺比較"對"; 朋友則說他覺得Mariah Carey版本最出色, 因為比較多喊高音的部份。
其實那個版本較出色我不會分也不執著要分, 不過對友人的高音就是好的觀念一直都不以為然
我聽女聲喜歡滋陰野，最怕鬼渣大嗌的唱法，
刪除如Whitney Houston的歌，我一首都聽不完。
亦各有所好而已。