古文粵譯：愛蓮說

愛蓮說 (宋．周敦頤）

水陸草木之花，可愛者甚蕃。

花有水生既，亦有土生既，都有好多得人鍾意。

晉陶淵明獨愛菊，自李唐來，世人甚愛牡丹。

晉朝陶淵明，淨係鍾意菊花，由唐朝開始，一般人好鍾意牡丹。

予獨愛蓮之出淤泥而不染，濯清漣而不妖。

我就特別鍾意蓮花係污泥裡面成長，但係唔會俾泥整污糟；係清水當中，無一D過度的媚態。

中通外直，不蔓不支，香遠益清，亭亭淨植。
蓮花條莖中間通心、外面正直，唔會周圍散開晒;佢既香味遠一遠都聞到, 仲好清新添；姿態又傲然獨立。

可遠觀而不可褻玩焉。

人只能夠離遠欣賞，不能接近來觸摸。

予謂：菊，花之隱逸者也；牡丹，花之富貴者也；蓮，花之君子者也。

我認為呢， 菊就等於花之中既隱士, 牡丹係貴人, 蓮花就係君子。

噫！菊之愛，陶後鮮有聞；蓮之愛，同予者何人？牡丹之愛， 宜乎眾矣。

啊! 鍾意菊花既人，陶淵明之後，已經好少有聽聞; 同我咁樣鍾意蓮花既, 仲有幾多人丫? 鍾意牡丹, 似乎就係大眾所好咯。

...............