2014年11月19日 星期三

HKTV 開台

2014年11月19日,HKTV 開台。

我很少追看香港的電視劇,沒有安裝衛星電視,也不肯看網上盜版。有口碑載道,人人都說非看不可,題材合我口胃的,就買DVD來看;每次看多少和甚麼時間看,由自己控制

HKTV幾經波折,遭受無理打壓,終於可以網上開台。我看過一些預告片,製作水準很好,題材涉及很多香港的現實情況,兼有一班熟悉的老戲骨(王晶說「伯爺公」,去他的!)也許會破破例,支持一下.....




香港朋友,最簡便的方法是買一個HKTV 的機頂盒,接駁家中的WiFi和電視。我在南半球,就在網上開了HKTV的帳戶,用Android的手機下載了他們的 Apps。

另外用手提電腦(新寵 Chromebook),登入 HKTV的網站也可以看。

要在家中的50吋大電視(五年前買的,還不是智能電視)看,可以用Chromecast 手指」插在電視的HDMI接口,用手機或手提電腦遙控Chromecast 收看,不算麻煩。如果是智能電視,直接從家中的WiFi接收可也。

無綫電視一台獨大,但是節目質素差勁、新聞報道觀點偏頗專業操守低劣,令人憤怒。香港的朋友,應該支持新電視台,並且教導家人怎樣收看,打破慣性收視。







。。。。。。。。。。。

25 則留言:

  1. HKTV暫時只開放予香港觀眾收看,並不包括內地及海外觀眾。

    回覆刪除
    回覆
    1. 不是吧,如是,Chris 兄開帳戶時,應有提示或拒絕申請。

      刪除
    2. 看得到預告片,以為得,今晚試試便可確定。

      刪除
  2. Raymond上午9:47

    HKTV 的收看方法,有待全面宣傳。怎樣看,對年輕一代或電腦迷,當然易如反掌,但對上了年紀,又或電腦常識只有幼兒班程度者,就不知如何入手安裝了!當然,黃維基如有其他選擇,也不會用這個方法!
    小弟已很少看無線的節目,亞視差不多全放棄。

    回覆刪除
    回覆
    1. 老人家們 , 唔好死要面了 , 開口問問家中的小朋友吧 ! ( 其實80 , 90後都唔細了 , 佢地靜雞雞走左去佔領 , 費事同你地圾氣0者 )

      刪除
    2. 最難攪就係啲老人家,按多幾個制就唔掂,遙控啲英文又唔掂,剩係識按開關同埋按數字轉台。仲有係依家啲電視複雜咗,以前啲大牛龜,同一個制按一下就切換到錄影機,再按一下就切換到有線,又再按一下就切換到NOW,再按就去返電視,老人家只要不停按一個制,終會睇到佢期待嘅畫面出現。

      刪除
    3. 唔好講到啲「老人家」好似好唔掂咁,電視遙控呢啲低層次工具,稍為操練,都絕冇問題。

      而家好多「老人家」,都受過高等教育,加埋人生經驗,查實醒過好多年輕人。他們有示人以弱的智慧,但偏偏很多年輕人,就戇居居信到十足。

      刪除
    4. 我唔係用「死老野」,老人家咁客觀嘅字眼你都要用引號?你教過老人家未?你屋企嗰個係陳方安生教返你轉頭咁好?老人年紀大,樣樣野都日漸退化,認知能力越來越差,呢個要正視,你理解成歧視?

      刪除
    5. 屋企架好新的 Sony 電視,咪又係一味按 Channel + ,「終會睇到佢期待嘅畫面出現」,有幾複雜呀,似乎要正視自己的「認知能力越來越差」啊。

      刪除
    6. 老兄,我屋企架好新的 Sony 電視,一味按 Channel +,係數碼電視台無限loop呀,係唔會去到維基個台呀,要睇係要按SEN,add咗HKTV個app,日後每次睇都仲要按Home再按上下左右選取HKTV個ICON再按ok先至call到個畫面出來呀,你估真係好似開咗電視就即刻有TVB睇咁容易?真係吹水唔抺嘴,唔識就請教一下「受過高等教育,加埋人生經驗,查實醒過好多年輕人」嘅老人家教返你轉頭啦。

      刪除
    7. Sony電視一味按channel+就會睇到hktv?可能你高智商啦,全世界得你可以咁做。

      刪除
  3. 最簡單的方法,是買部有 HDMI 駁口的電視〈如未有的話〉,用 HDMI 線連接到電腦,然後用電腦去相關網頁,電腦看到乜,電視就看都乜了。

    「亞視差不多全放棄」,全日只供應冷飯,是被放棄啊。

    回覆刪除
    回覆
    1. HKTV電視機頂盒$299,不須連接電腦,老人家比較方便吧。

      刪除
  4. 港人想安坐家中看港視HKTV,最簡單是擁有一部智能電視(Smart TV)。港視網頁介紹,韓國及日本四大品牌Samsung、LG、Sony及Panasonic的智能電視皆支援港視,較新的型號已預載了「HKTV直播」app,收看有如轉台般方便,如沒有預載亦只需到App Store下載便可。另一途徑是觀眾需到港視官方網頁下載名為HKTVlivev1.apk的安裝檔案,儲存到USB記憶手指,然後插到電視盒子並執行安裝指令,完成後可透過「HKTV直播」的app收看港視節目。使用桌面電腦、手機和平板電腦收看港視相對簡單,桌面電腦用家只須登入http://www.hktv.com.hk即可收看

    回覆刪除
  5. 王維基顛覆香港電訊業. 有評論話hktv不獲發牌, 或者因禍得福, 另一平台再起風雲, 股價已升一倍以上. 不過亞公點都會落order叫689做野, 統戰/搞掂百厭仔.

    回覆刪除
  6. 因地區限制,在加拿大看不到HKTV.

    回覆刪除
    回覆
    1. 我都係"加燦",識得上網,就容易搞啦,youtube 有教學提供,一樣睇到"維基電視"直播.點播都得....撐維基,撐香港 YEAH!!

      刪除
  7. Raymond下午4:14

    黃維基今早在商業電台說:因海外版權已賣出,為保障買入版權者權益,故香港以外地區看不到!

    回覆刪除
    回覆
    1. That's bad news(for me).

      刪除
    2. 在商言商無計,同當年無線電視海外版一樣,劇集要先比租帶先,電視要一年後先可以有得播,要計外埠利益的。

      刪除
  8. 蘇錦樑都有去hktv開幕典禮, 贊! 希望hktv長做長有.

    回覆刪除
    回覆
    1. 係咪我睇錯,我遙控轉來轉去,tvb都見到蘇錦樑。

      刪除
  9. 今晚,香港電視的網站大塞車,嘗試多次都無法進入。可想,想看香港電視者非常多!

    回覆刪除
  10. 期待,試過,澳洲看不到。:(

    回覆刪除
  11. Raymond下午6:59

    今天下午,可以順利進入HKTV網頁!不知今晚又如何?希望港人真心支持HKTV,並非三分鐘熱度!

    回覆刪除