2014年11月3日 星期一

外國勢力

攻擊時下香港的民主運動,常見論點之一,是這個運動其實有「外國勢力介入」,外國之目的不是真的協助你發展民主,而是特登搞亂香港,給中國添麻煩。只因為西方國家(主要是英國和美國)害怕中國強大,會威脅他們在世界上的主導地位和利益。

我也認識一些朋友,有類似的觀點。首先是早在90年代,香港主權移交之前,和我共用一個辦公室,留學倫敦大學的公務員同事;最近的例子,當然就是澳洲的華人朋友:「挑!班學生個個十零歲,毛都未出齊,邊有咁叻呀!梗係美國佬係佢地後面架啦!」

「外國勢力介入」是很空泛的說法,所謂「外國勢力」是甚麼?美國CIA,英國MI6?聯合國安全理事會?人權組織Amnesty International?環保組織Greenpeace?台灣民進黨?

我都好想知道......


所謂「介入」,即是怎樣?派人來指揮?派錢叫人瞓街(有人真的這樣說)?還是給黃之鋒巨款和綠卡(更可笑的,是美國海軍陸戰隊教這個四眼奀仔「格鬥術」)?.....我也聽過,學聯諸子每人從美國佬那裡免費得到一個 iPhone 6 ,當然是子虛烏有的詆毀。

不單是那些五毛,連香港大學英文系一級榮譽畢業、美國史丹福大學政治碩士前保安局局長現任立法會議員葉劉淑儀也說,看佔領人士的物資供應這麼充足,行動這麼純熟,沒有可能不是有外國勢力操縱的。

我真的希望中共國安機構,儘早公佈他們抓得到甚麼證據,幫香港打預防針;但是直到現在,除了在大公文匯之類的宣傳喉舌在打嘴炮,完全付之闕如。

灣仔循道衛理教會,宣布開放教堂給市民,此時此刻當然包括佔中人士,讓他們療傷和休息;也有傳聞說,是有一個「有美國背景」的人打電話給本堂牧師,叫他這樣做的。到底「有美國背景」即是怎樣的人?是紅鬚綠眼的美國白人,還是入了美籍的華人?美國政府還是民間組織駐港的代表?在美國留過學的香港人?通通都沒有證據,純屬狗噏。

網上的謠言日日新鮮,近日流傳「黃之鋒的綠卡」,有效日期是1980年,在他出生之前16年,還有出生地是Republic of China,即是台灣。連中英文名字都搞錯,好笑嗎?

散發謠言的人真低能,改圖都改得唔湯唔水。我有尋根究底的精神,找出這張「綠卡」,原來是改自另一張網上流傳,偽造馬英九的綠卡(其實連綠卡也不是,是臨時工作卡),大家比對一下編號便會明白:

來源

有外國籍又怎樣?香港那麼多富商身兼政協,他們身懷美加澳護照的,一定不在少數,那就是代表有外國勢力滲入政治協商大會嗎?

別的不說,幫港出聲的周融有居英權,就算未正式換領英國護照,也算是有「英國背景」人士。民建聯法律顧問/山西省政協/「F---ing Chinese」 大狀,19年前和我一齊在澳洲做社運反歧視的馬恩國,就貨真價實是澳洲籍喇!

梁振英和林鄭月娥的子女都在英國,在英國有產業;葉劉淑儀正在幫女兒辦出國留學;習近平的女兒在美國留學,親姐弟入籍美國和澳州,他們是不是勾結外國勢力?

推動社會變革,與外國人來往乃屬必需;不要說現在的Globalisation了,一百年前孫中山本人就是入了美籍,向歐美國家的華人募集金錢、直接向日本的政治團體求助、民國成立後主張「聯俄容共」;現在統治大陸的中共,最初就受蘇聯指使和資助,目的是推翻國民黨之後,把中國成為蘇維埃的一部份!

。。。。。。。。。。。。。。。。。。。

張超雄在立法會的發言(5:00 論外國勢力與佔領)


。。。。。。。。。。。。。。。

網友Cherrie 寫了一個寓言,讀來令人嘻哈絕倒,現在轉貼在下面和大家分享:

好多人理解佔中的角度:「發生呢啲事邊個最開心?美國!人民反抗政府,最開心就是敵人就是美國!看你有亂局坐享其成,所以這事是錯的!又一定是美國煽動的!我們絕對不要中計!不要讓敵人開心!

當中還不乏讀過書的人,真的很神奇。

我就當美國真是你最大敵人又真的會開心到中風,咁又點呢?

如果你老母病了,你情敵最開心就係你老母病好,身體健康然後日哦夜哦你,唔比你出街,咁就你無時間陪條女,佢就可以乘虛而入。

咁,你會唔會唔帶你老母去睇醫生,由佢病死喺屋企?

唔會架嘛!!

痴線!

你考慮事情係應該思考件事:

1) 是否正確,是否符合公義

2) 對你或社會有無利益,長線或短線
3) 你開唔開心

吓話?!至於情敵嘅考慮,咁你可以養好你老母身子後,同佢傾個方案出黎等佢安心又好,你自己搬出嚟住又好,咁咪解決咗囉,唔駛害死你老母咁笨柒架吓嘛??

你反,OK,用啲合理嘅理由,我明有時係睇法/價值觀問題,有啲人真係個仔去學游水唔駛坐多程車就中哂1、2、3架喇,我理得你屠殺哂啲人,Baby Kingdom好多。但至少唔該唔好再用呢啲咁可笑,又無法證實嘅陰謀論嚟講,懶係高人,懶係睇透,露哂餡喇,低能仔。



55 則留言:

  1. 老老實實 , 周融放棄了居英權未 ? 唔好走數喎 ! 否則他領導的什麼 " 幫港出聲 "組織 , 就是外國勢力

    回覆刪除
  2. 香港的中環金融機構 , 大學的教授 , 很多講普通話的 , 都是拿外國護照的 , 他們就是外國勢力了 , 去捉佢地啦

    回覆刪除
    回覆
    1. 一方面說美國成日想中國死,美國好叻咩?民主可以當飯吃嗎?
      另一方面,把財產老婆仔女都調哂去美國。

      刪除
    2. 美國佬唔叻點解日日求佢賣啲最新最高檔次的武器比佢,最近兩位大大胡咁塗及習種登鳮前為什麼要先去花旗打招呼,根本佢自己才是勾結㚈國勢力,請問美國佬攞過你多少財多少地?財咪全部花喺燕京大學,你比咗幾多地給蘇大哥,週邊啲國家又食咗你幾多地皮,老毛老周老邒,呌日本佬將釣魚台袋住先,點解當日建交時唔搞清搞楚,當時香港搞保釣你哋做緊乜,咪勾結外國勢力囉。
      今時香港嘅佔領運動完全喺中聯辦張妖明跟狼英兩手兩腳搞出嚟,還要將一件假古董老好人從垃圾堆填區挖翻出嚟做代言人,老實講為什麼那位掃把頭在香港還會有市場的,咁無常識嘅嘢都嗡得出,香港的眼科醫生真的嚴重不足。
      張超雄一直喺我偶像之一,喺美國時已經經常幫助弱勢,佢離美返港時加州OAKLAND市長都表楊佢,仲有一位李柱銘也是我的偶像之一,幾十年前我做靚仔時,老板呌我送份官司文件給他,我去到他房間,佢呌我坐低,然後拆信封,佢問我點解唔坐下,我話我係送信的後生,老板話你收到就給他打個電話,然后佢好嚴肅咁同我講,你同我都係平等的,我喺律師並唔係高你一等,期間佢見我無坐低佢自不然地站起來再跟我說話,事情過了幾十年了,我還歷歷在目,歷史是沒有錯的。

      刪除
    3. ".....歷史是沒有錯的"   所以 李柱銘是狀門岳不群

      http://daimones.blogspot.com.au/2007/11/blog-post_03.html

      刪除
    4. ".....歷史是沒有錯的"  所以馬XX是狀門 fucking chinese

      刪除
    5. 李柱銘是狀門岳不群與馬XX是狀門 fucking chinese 有何關聯?

      刪除
  3. 你個B食大陸奶粉定外國奶粉 ? 為了防止你個B被外國勢力操縱 , 俾佢食四鹿牌奶粉啦

    回覆刪除
  4. Raymond上午9:36

    甚麼都外部勢力!如果真有外部勢力想破壞香港,香港早就獨立自主,或繼續由英國管治了!

    回覆刪除
  5. 真心覺得中國人社會的政治很污穢,他們從不會和你講道理,亦不會和你坐以論道,只會陰陰濕濕在你背後搞小動作。搞完重會覺得自己好醒……

    回覆刪除
  6. 道理上講你不過,就說你立心不良,別有用心,受人唆擺。

    回覆刪除
  7. 外國勢力介入? 如果佔中事先張揚嘅時候已經知道, 點解冇行動制止? 如果而家先知, 情報部門要人頭落地. 會唔會情報或國安單位別有用心呀? 出到外國勢力介入呢個理由, 激發起民粹主意, 做乜都中華民族行先, 大把人受呢套. 而家內地人覺得香港人好麻煩, 貪得無厭. 好多人仲未信, 未知六四事件, 或者佢地嘅版本天安門廣場冇死人, 有死嘅都解放軍.

    回覆刪除
    回覆
    1. 佢哋日日講咪剩喺得果個 NED (The National Endowment for Democracy), 這個民間組織由美國政府資助,只是資助別國推動對對民主的認識,搞啲民主研討會,並非幫手搞革命顛覆政府推翻政權,就係捐過一的啲錢比李卓人的職工盟,何來組織一千人的佔中訓練,這是CCTV 狗嗡。

      刪除
    2. 外國勢力入你屋企搞你, 點可以忍呀! 堂堂大國自居, 講到含糊閃爍, 有失身份. 應該將證據公之於世, 驅逐對方大使, 同佢絕交. 再向聯合國投訴, 國際找盟友支持, 中華民族先可以抬起頭來.

      刪除
    3. 中國作為一個 " 大舊衰 " , 假假地 , 都叫做聯合國常任理事國 , 講大話都唔好咁假啦

      刪除
    4. "王亭之還可以證明,英國、美國人都想搞一份報紙,專門針對中國與回歸後的特區政府。1993年王亭之準備離港赴加拿大,在上機前一晚,一個傳媒人於半夜敲門來訪,叫王亭之留下,因為搞報紙的事已水到渠成,準備買廠房、買機器、買寫字樓,計劃聘王亭之為總編輯、徐東濱(王延芝)為總主筆、李怡為副總主筆兼新聞採訪主管。王亭之坦白地問他,辦這份報紙有甚麼目的?來人說,當然是先提高公信力,然後對付共產黨。他同時透露外國人給出來的利益很大,整間報館的股份就歸我們幾個人所有,等於每人送一筆錢,而且還可以月月支高薪,因為每年都有津貼。王亭之回答他,對有政治目的的報紙沒有興趣。如若不然,恐怕香港老早就有一份「雪梨日報」(王亭之吸煙多,所以日日食天津雪梨)。"

      刪除
    5. " 英國、美國人都想幫王亭之搞報紙 , 專門針對中國與回歸後的特區政府 ? "

      是不是英國、美國 , 預早知道特區政府和97後的主流傳媒 , 專講假話 , 所以想搞一份講真話的報紙呢 !

      刪除
    6. 主流傳媒?報紙定互聯網(特別指社交網?特別指社交網中的FB?)?
      專講假話?出名好多作者(記者?)好多狗仔隊嗰份?

      刪除
    7. CCTVB CCATV 文X 大X 日月 , 白粉 , 人言 , 生果, RTHK..............

      刪除
    8. 今時今日,FB 影響力好利害。

      刪除
    9. 甲:生果報最真,唔講假話。
      乙:生果報最假,專講假話。
      兩者可能都一廂情願,但肯定生果報成為焦點,引起讀者興趣。

      刪除
    10. 生果報 is a tabloid. It sells gossip and populist politics.

      Mr Leung was an editor, I'm interested in his view on 王亭之 and 王亭之's comments.

      刪除
    11. 我也很憎惡蘋果的侵藝人私隱,造謠中傷,口味低俗,看到頭版的大字就不想看。
      王亭之的東西,只在90年代之前的明報有看過,素來不欣賞;近來他講過甚麼,我都無謂評論。

      刪除
    12. 蘋果用娛樂性吸引讀者。

      刪除
    13. 樓上那段傳聞,我未見過原文,不知道可以信多少成。
      王亭之份人素來牙擦擦,自吹自擂,
      如果是真的「搞報紙的事已水到渠成,準備買廠房、買機器、買寫字樓」
      國際大計劃,就會因為請不到他做老編,就打退堂鼓?
      除了他無人能勝任呀呵。

      刪除
    14. 蘋果搶到其他報紙嘅讀者,因為無加鹽加醋嘅新聞平鋪直敘較嚴肅。

      刪除
    15. 唔想生活「乏味」,轉睇蘋果啦,哈哈哈...

      刪除
    16. 陳健康事件:
      http://zh.wikipedia.org/zh-hk/%E9%99%B3%E5%81%A5%E5%BA%B7%E4%BA%8B%E4%BB%B6

      刪除
    17. 不過呢,有甚麼讀者,才會有甚麼報紙。

      刪除
    18. 照梁生意思,這大概顯示香港很多人精神生活真的很「乏味」,要借這些「娛樂」調劑心靈了。

      刪除
    19. Raymond下午3:03

      找王亭之當總編輯,他夠班乎!徐東濱才夠班!找李怡當採主,開玩笑!這傳聞,絕不可信!

      香港喜看文字的老餅或準老餅,閱讀香港現今的綜合性中文報章,都會搖頭!

      刪除
    20. 琴棋書畫、醫卜星相都掂, 王亭之有其牙擦本錢.

      刪除
    21. 痰石永講下博你唔識嘅紫微斗數都或者可以,做老編,唔係做老騙,如樓上所言,「夠班乎」?

      刪除
    22. Hongkies are a strange lot, 大人小孩如小學雞般乐不疲倦給人起化名.

      刪除
    23. "找王亭之當總編輯,他夠班乎" .. 如果他反共,你們一定認爲他夠班。

      刪除
    24. Raymond下午8:58

      反共都要看他本身的料夠乎!

      刪除
    25. 「樂不疲倦」?以 Hongky 好 proud 咁 speak,Hongkies 唔用呢啲 Chinese 㗎,懵炳。

      刪除
    26. 英文不知。文、史、藝、哲的話,很多人給他攬鞋都不配,料夠乎?

      刪除
    27. hongkies 鬼佬臉前口啞啞 lumber = number, 粵語滿嘴嬾音毒音。重好意思笑鄉下阿嬸(即是他自己的媽)鄉音。。。 deal !!

      學野啦 http://www.cantoneseculture.com/page_Headline/index.aspx

      刪除
  8. x,我未睇過黃之鋒嘅身份證,但我好 x 肯定佢個名嘅英文寫法不是「Zhi Feng Huang」,好心班土共外判工作比深圳大媽大叔時,都做多啲 research 吖,走去圍「肥佬黎」,話要揾「黎胖子」,真係好 x 好笑。有時諗下,班大媽大叔都幾可愛,揾食啫,最可惡仲係香港班土共、左狗,粗口大狀就是其中之一。

    回覆刪除
    回覆
    1. 「Wong G phone」都唔識 , 大媽大叔太屎波了

      刪除
  9. 嘩,Cherrie 咁講法,個情敵真係靠害喎,直情係主角老母嘅仇人啦,不單止算落井下石,重一石二鳥咁毒添?

    回覆刪除
  10. 片段 00:40 ,佔中運動,究竟係背後「一定有」一啲力量/組織係度策動、重會有外國勢力呢?究竟係背後「一定無」一啲力量/組織係度策動、重會有外國勢力呢?定還是查過先會知?
    基於國家安全嘅考慮,應該查。
    只不過立法會並非合適機關嗟。
    張超雄認為,民間有支持,就代表泛民「一定唔會」加入支持?民間有支持,就代表外國「一定唔會」加入支持?唔合理喎!

    回覆刪除
    回覆
    1. 基於國家安全 , 把講普通話的 , 又有外國護照的 , 先抓起來 , 他們是漢奸的表面証據已經成立

      刪除
    2. 講普通話的 , 竟然入了外國籍 , 簡直比「綠卡」更可恥 , 嚴重危害國家安全 , 可恥的中國人

      刪除
    3. 『把講普通話的 , 又有外國護照的 , 先抓起來』
      拉人落水,利用羣眾(做替死鬼)保護自己,佔中三恥用通過的技倆!
      拉人落水,利用對手(做替死鬼)保護自己,黃屍帶也慣用過的技倆!

      刪除
    4. 『講普通話的 , 竟然入了外國籍』
      正式以「言」入罪,也嚴重歧視!
      『講普通話的 , 竟然入了外國籍』...再因此推論『可恥的‘中國人’』
      無限上綱,誰才可恥!

      刪除
    5. 『入了外國籍』, 是有步驟有計劃的行動 , 並且要通過嚴謹的法律程序 , 這並非言論 , 你唔好偷換概念

      『講普通話的 』, 是指出它的身份屬性 , 即身份屬中國人也 , 並不是指它言論的自由 , 你唔好偷換概念

      中國人的身份 , 走去入外國籍 , 這種行為 , 可恥啊 !

      『歧視』和『偷換概念』是膠人常用的招數 , 膠人有左膠和中國膠兩大類

      刪除
    6. 人咃話你以「(所說語)言」入罪啊,真心膠!

      刪除
  11. 當然,有人考慮事情係思考件事:

    1) 是否正確,是否符合公義
    2) 對你或社會有無利益,長線或短線
    3) 你開唔開心

    但,大概亦有些人,判斷自身行為是否恰當時,會考慮:

    1)是否應份,是否過得自己又過得人,還有,是否合法;或/及
    2)會否傷害其他人,長線或短線;或/及
    3)係咪皆大歡喜;或/及
    4)...

    回覆刪除
    回覆
    1. 一個香港人對公義嘅見解:
      http://www.youtube.com/watch?v=F_yHEERQB1o

      刪除
  12. Who is the idiot who made the so called "green card"?? It is so obvious that it is written in a big word : employment authorization card. Such a lazy bummer.

    Rosemary

    回覆刪除
    回覆
    1. Well, who made such kind of things? Who knows they are not "false flag attacks"?

      刪除
    2. 完全反智的年代,你看葉劉近來的發言就知道了。

      刪除
    3. 有人話一定無‧‧‧

      刪除