 |
| 這是家父70多年前讀卜卜齋的課本 |
氓之蚩蚩，抱布貿絲。匪來貿絲，來即我謀。
老土鄉下仔，攬住匹布(*)來同我交換絲。你唔係來換絲，想追求我啫。(*也可以泛指「拎住錢」，以前布帛亦屬貨幣）
送子涉淇，至於頓丘。匪我愆期，子無良媒。
我送你過淇水，去到頓丘。同你講：唔係我特登拖延，皆因你未搵到媒人。
將子無怒，秋以為期。乘彼垝垣，以望複關。
你唔好嬲我，不如我地就決定今年秋天啦。我爬上高牆，望住你住嘅復關個邊。
不見復關，泣涕漣漣。既見復關，載笑載言。
望唔見復關，我流晒眼淚。望得見復關，開心到笑出來。
爾卜爾筮，體無咎言。以爾車來，以我賄遷。
你去搵算命先生問下，有無咩阻滯。無就到時駛輛車過來，我會搬嫁妝上車。
桑之未落，其葉沃若。于嗟鳩兮！無食桑葚。
桑樹未落葉個陣，桑葉綠油油。鳩鵲都識揀來食，唔會要老殘嘅桑葚。
于嗟女兮！無與士耽。士之耽兮，猶可說也。
唉，做女人嘅，真係唔好咁多情。男人到處留情，一般人覺得好閒。
女之耽兮，不可說也。桑之落矣，其黃而隕。
女人有咩行差踏錯，真係有排衰呀。好比樹上跌下嘅桑葉，又黃又爛。
自我徂爾，三歲食貧。淇水湯湯，漸車帷裳。
我嫁咗俾你三年，無好日子過。淇河水勢浩大，浸濕輛車子嘅帷帳。
女也不爽，士貳其行。士也罔極，二三其德。
有時女人並無差錯，只係男人行為前後不一致。男人立心不良，對愛情唔得專一。
三歲為婦，靡室勞矣。夙興夜寐，靡有朝矣 。
做了你老婆三年，家務勞苦。早起晚睡，唔係一日半日嘅事。
言既遂矣，至於暴矣。兄弟不知，咥其笑矣。
你有咗我個人之後，竟然變得對我粗暴。我家中兄弟唔知內情，仲笑我被你糟質。
靜言思之，躬自悼矣。及爾偕老，老使我怨。
靜靜地思前想後，只能暗自悲傷。講咩白頭偕老，一諗起年老色衰，我更加閉翳。
淇則有岸，隰則有泮。總角之宴，言笑晏晏，
淇水旁邊有高地，低濕之地有邊涯。以前年輕男女一齊係個度玩，言談笑語幾咁開心。
信誓旦旦，不思其反。反是不思，亦已焉哉！
個陣時你誓神劈願話點樣愛我，而家你都忘記晒！你既然講過嘅嘢都當無件事，我哋玩完咯！
。。。。。。。。。。。。。。。。。。。
子曰：「詩三百 ，一言以蔽之，曰：『思無邪』。」
回覆刪除二千五百年後，中國某地區出了位思歪。地區蟻民摘錄《詩經 (衛風) 氓》贈思歪：
氓之蚩蚩，抱布貿絲。匪來貿絲，來即我謀。〈拎住摺凳和拍子簿〉
爾蔔爾筮，體無咎言。以爾車來，以我賄遷。〈揭發有人僭建，無哂阻滯〉
桑之未落，其葉沃若。于嗟鳩兮！無食桑葚。〈選舉是君子之爭，不會抹黑他人〉
女之耽兮，不可說也。桑之落矣，其黃而隕。〈一個唔知有冇一百磅嘅靚仔被指襲警，受害者是一班手瓜起𦟌的公安〉
自我徂爾，三歲食貧。淇水湯湯，漸車帷裳。〈三年來，就快被樓價的升勢浸死〉
女也不爽，士貳其行。士也罔極，二三其德。〈班蟻民做錯乜嘢〉
三歲為婦，靡室勞矣。夙興夜寐，靡有朝矣 。〈三年來，日日早出晚歸，一個月揾唔夠萬四蚊〉
言既遂矣，至於暴矣。兄弟不知，咥其笑矣。〈又胡椒噴霧，又催淚彈，但人地話我用保鮮紙攻擊你〉
靜言思之，躬自悼矣。及爾偕老，老使我怨。〈有時諗下，嚟緊呢三年，甚至八年，唔知點捱〉
淇則有岸，隰則有泮。總角之宴，言笑晏晏，〈以前在深水埗舊樓天台，同你傾得好開心〉
信誓旦旦，不思其反。反是不思，亦已焉哉！〈攞番份政綱出嚟睇，你好似變咗第個人〉
封建時代, 男尊女卑, 寫有爭議性嘅題材, 作者都好夠勇氣.
回覆刪除男尊女卑 -- I think it was much worse since Song Dynasty, but less so before.
刪除其實，那時非常開放。
刪除即使到了唐朝，仕女穿的衣服，有近乎全露胸者！
一到宋朝，開倒車。
刪除梁 Sir，有一留言好似唔見咗，可否 check check，謝。
回覆刪除找回，排頭位！
刪除老兄解詩經，勁過大小毛公。
謝梁 Sir 粵譯推介，唔怪得之孔子推崇備至，《詩經》文字言簡意賅，生動活潑，點解中文幾千年下來，不但沒有進化，反而退了好多步，《詩經》泊埋又長又尋的白話文，高下立見。
回覆刪除詩經裏的「衛風」和「鄭風」，特別多露骨的情詩，孔夫子也說「淫」，要「放鄭聲」，好在沒全部刪去。
刪除後世解詩經的人，為了補鑊，就生安白做，說這些詩歌，這首那首詩，其實寫來諷刺什麼政事失德的，牽強附會之至。
謝梁 Sir 解釋，學到唔少嘢。
刪除