2012年7月10日 星期二

下台!

西方很多民主政體,政府之首的總理並非直接由國民一人一票選出。在全國大選中國民普選議員,之後政黨數人頭,有黨員佔多數議席的政黨上台為執政黨,黨的領導人成為總理。有時這個人和「黨主席」並非同一人,例如英國在90年代保守黨當政時,首相是馬卓安,而黨主席是彭定康。爭取連任執政時,馬卓安順利當選,而肥彭在自己的選區落選,連議員都選不上,才會「偷雞唔到鴨都拿」,來香港做最後一個總督。


總理在任內下台的,原因或會是做了錯事,受到彈劾,引咎辭職。有些時是民望插水,得不到在朝的黨友支持,被迫下台。一人下台,一人上台,過程中當然有很多醜陋的鬥爭、誣告、出賣、妥協。

迫現任總理下台的,往往是他最信任,一手提拔的副總理!澳洲80年代以來,便出現兩次:Paul Keating逼Bob Hawke,以及Julia Gillard逼Kevin Rudd下台。有時是他親手策動「政變」,或黨員「黃袍加身」,其中又可能牽涉到沒有議席的黨內「大老」、幕後的所謂 Powerbrokers、黨外以金權支援的商業集團等等。

通常是黨的聲望低落,人心思變,蘊釀一段時間,一次幾個鐘頭的閉門會議,支持和反對的黨員「曬馬」,舉手數票,落敗的一方便要接受結果。

被擠下台的總理更要表現風度,宣讀(預先寫好的)致全國人民演講詞,多謝這個多謝那個,呼籲大家支持續任人。政變而不用流血,股票市場不會大波動,政府工作如常,人民可能對當日的球賽結果,比換總理的新聞關心多一點,這就是民主制度的好處。

部長下台,通常是因為不可原諒的失職,要表示對後果負責----雖然很多時犯錯的是政府部門中實際做工作的公務員----誰叫你大言炎炎,誓言推行種種良政,又承擔督促政府達成嗎?

除了失職,也許是失德,貪污、個人醜聞等等,總之黨內認為留你在位,是黨的一個負累,累及民望,即是選票、下屆當選的機會。如果不是極之嚴重,犯錯的部長只是辭去部長的職位,由前排退到後排,暫時做個普通議員,不須辭去議席。因為執政黨還需要他的一席來保持優勢。要是連議席也辭掉,實行地區補選,說不定就給反對黨趁你病、取你命,奪去議席了。

引咎下台的部長,說不定過了幾個月的「冷河」,到時獲得委任剛好出現的其他前排職位,又是一條好漢了。

這類的「下台」,不過是聊息民憤,虛應故事,象徵式下台而已。


(文章允許轉貼,請具作者名字:梁煥松)

 ............

54 則留言:

  1. Chris兄,

    >>>這類的「下台」,不過是聊息民憤,虛應故事,象徵式下台而已。

    對港人或老共治下之華夏狗奴才,此等虛與委蛇行動不單是求之不可得、或望之無可能;甚至乎想都不敢想也,因久經勞役管制,早已非人,連禽獸亦有所不如矣。

    回覆刪除
    回覆
    1. 個個大拿拿幾十萬一個月,要他們下台都幾難。

      刪除
    2. 現在的香港人或是其他地區的人民根本唔夠政治意識,阿共自然可以用「下台」來平息民怨,根本管制人民騙局!

      刪除
  2. 最近澳洲政壇鑊鑊新鮮,樂見綠黨和工黨鬧翻,Chris兄的州政府要狀告聯邦政府,打得你死我活,喬麗德下台之日不遠矣

    回覆刪除
    回覆
    1. Gillard民望之低,和狼英互相輝映。

      刪除
    2. 鬼婆今次真係無得留低,但NZ 國家黨一心為商界服務,工人階級非常不滿!
      國家黨十年無玩行,連 Pansy Wong 亦捲入利益沖突醜聞
      再大選的話國家黨 (National) 真係 goodbye!

      刪除
    3. 政黨輪替平常事,但澳洲現在的執政的工黨成績那麼差,大概要下野四屆才有望翻身!

      刪除
  3. 衰在只政黨輪替,而非有statesmen搞長治久安。

    回覆刪除
    回覆
    1. 真正的「政治家」,可遇不可求。

      刪除
  4. 睇睇香港教育局印製既國民教育教材《中國模式國情專題教學手冊》其中一頁: (幅國偷偷地連的 :X)
    http://xbe.xanga.com/d37e302166235282612978/m225292459.jpg

    其中一段, 說中國行的是"民主集中制",

    四、進步、無私與團結的執政集團
    經過多年的變遷和蛻變,民主集中制實現了一個擁有高度同質性和相對團結的統治集團。與西方民主國家的政黨輪替方式不同,中國執政集團以服務國家、服務人民為主,管治理念和方向相近,確保了政權的延續性和社會穩定。

    而美國行的民主制度則"政黨惡鬥,人民當災"...

    WELL, 我覺得自己選擇食屎總比人家夾硬質你食屎好少少既. 起碼我都叫揀過, 怨都係怨自己...

    (將"一黨專政"包裝成"民主集中制", 實在是天才 XD)

    回覆刪除
    回覆
    1. 「民主集中制」,笑死人無命賠。

      刪除
    2. 改做"大鑊飯"吧

      刪除
    3. 浪費三千萬就是做壞事,連陳克勤都當中大校董,香港還有學術自由?
      笑話!

      刪除
    4. 他真是跳樑小丑。

      刪除
  5. Raymond下午6:03

    民望如此低,梁振英怎樣捱下去!

    回覆刪除
  6. 民望於他若浮雲,他只需要西廠的支持。

    回覆刪除
    回覆
    1. 背境、背境、背境,大到不能倒下去。

      刪除
    2. 真正管治者是西廠,屍歪根本是影武者。

      刪除
    3. Exactly!
      所以不是人選,是制度的問題。

      刪除
    4. 長青同學講得好好笑,佢就好似我地喺網上建個影子文件咁,個文件點用點玩我話事,其它人得個睇字

      刪除
  7. Let us face it. From May 4 Movement to June 4 Movement almost 100 years have passed. The Chinese society remains a paternalistic, tribalistic feudal society no matter how many revolutions, campaigns, re-education movements have gone through. Sociologists can tell how difficult to change the culture of a nation.

    Samson
    Ontario, Canada

    回覆刪除
    回覆
    1. 昨日網友在FB貼出收到的電郵,香港的「國民教育」見效了:

      1.回歸15年,誰在香港最冇言論自由?係中央,佢打個吃嚏都比港人鬥爆叫佢收皮... 有人話,中聯辦就快連行出街都比人告遊蕩罪。

      2.雙非嬰 - 呢個漏洞係香港自己一手造成。中央曾話過父母無居港權係香港生既B都一樣無,係港府/法院自己死執住莊豐源案話有,先搞到今日田地。衰D講,蝗蟲災難唔係中央指使入侵,係港人自己傻仔打開後門叫人入黎。

      3.中央當年應承左2012年普選,係何俊仁帶頭做枱底交易話要2017。點解?特首選舉已比晒答案你。

      4.邊個逞英雄幫賓賓搞居港權?係公民黨。但雙非嬰問題上呢班政棍有好似幫賓賓咁落力實質做D野幫港人同政府爭取過咩?而阻撓實行最低工資最賣力係邊個?係地產黨既立會代言人。

      5.點解咁抗拒梁振英做特首呢?唔係口口聲聲成日話政府弱勢對住班有錢佬冇符咩?依家終於有個唔賣有錢佬賬既強人出現,你地又唔要.... 究竟想點?

      6.幾年前東江乾涸,廣東省人勒緊褲頭捱制水,中央都唔肯減少一滴供水比香港;你地諗住抗議班人當年有幾多個自動節約用水同國家共渡時艱?

      7.香港有冇犧生小我完成大我既精神去配合國家既鐵路發展?當全國省市已積極配合動工甚至通車時,菜田村仲係度為雞蒜咁大塊地拗餐懵。中央有哼過你地一句嗎?

      8.自由行係邊個要求的?係港人,因為沙士後百業蕭條,要靠大陸泵水。亦係港人要求CEPA攞著數的。

      9.港府自己犯賤死撐自駕遊,港人大力反對下,中央即刻妥協話大陸D車唔落黎但香港D車可上去。你估大陸城市塞車唔嚴重咩?

      10.今次選舉爛攤子,邊個出黎執手尾?仲要執完仲要比你地鬧干預。我想問下希望流選既人,有冇仔細諗過流選後邊個先最適合做特首?同埋香港已經咁分化,你有信心7.1交接前大家可以有共識?

      呢15年來,中央對港人做過咩衰野,要如此不共戴天處處撐到行?佢有無殺左你全家?佢盡力比最大利益錫住你,你又為佢做過D嘜?我寫完自己都覺慚愧,中央好委屈。佢做野比人鬧干預,唔做比人鬧唔撐... 香港小市民, 共產黨從無係你手上榨取過一分一毫,搾乾你地既係班地產黨賣港賊同貪曾政權。中央比既所有利益佢地蠶食晒,但就中下階層付出代價。民怨沸騰時就擺中央上枱話佢會出坦克鎮壓市民;你地係咪仲做無恥之徒既棋子行出去反梁振英?點解班土豪咁怕佢?因為梁生要佢地嘔番比我地呀!土豪最叻用普遍人怕中共心理想將佢拉落馬,你仲要中佢地計?香港而家係需要分化,定齊心?請用良知去做正確選擇。多多得罪了!

      刪除
    2. 我冇受"國民教育",但我同意駕!

      Hin

      刪除
    3. 可見老兄的「覺悟性」比較高!
      意見大可自由,事實卻不能搞錯。
      第6點,當年廣東大旱,香港政府建議減少東江水輸港,用乾香港水塘的存水再說。是廣東省政府要錢不要水,堅拒減產。

      刪除
    4. 其他各點呢? 唔該指教.

      Hin

      刪除
    5. 嘩!咁多,搵義工至得!
      賈真兄,kwok姐,長青兄,神線手,有興趣comment冇?

      刪除
    6. HA HA! 要call 馬帮拖,原來冇料之人扮有料. 嘥gas!

      Hin

      刪除
    7. 係呀,我識好少野架咋,嘥你時間睇我個Blog,唔好意思囉。

      刪除
    8. 我就冇乜野好講. 不過文中口口聲聲"港人要求", 我係港人, 但我似乎從來無要求過要"自由行, CEPA, 東江水同梁振英"囉. 我家人, 朋友亦似乎無想過亦無本事可以"要求". 難道你有本事要求到? 去邊度問邊個可以要求到? 唔通你有電話專線連去同國家主席要求? 麻煩教教我. (真心求教! orz)

      至於係咩野人"代表港人"要求呢D. 是香港市民嗎? 不是吧. 我投票選的泛民候選人根本不敵有中共大水喉射住可以派"蛇齋糉餅"同種票既民建聯參選人. 千辛萬苦鑽進議會既少數泛民代表又不敵功能組別分組點票等體制. 我們市民又何來機會去要求呀???

      至於特首, 咪玩啦! 68X 票又點可能有我份呀? 你說梁振英代表我同其他香港人?????? XDDDDD 我唔敢當囉, 1票=100萬人?

      刪除
  8. 既然港人咁寸,中央一於米鬼理ィ巨地,等ィ巨地自生自滅迷仲好。自由民主ロY馬,可以當飯食?(我係五無人士)

    回覆刪除
    回覆
    1. 強國人民和香港市民心連心,中央政府一定「射住」香港的。

      刪除
    2. 係呀,最好阿共比香港獨立,咁可以用少D錢植票。

      刪除
  9. 賈真回應:一個諧音'dill'字,對喪屍如何能授予人語?

    同枱食飯,各自修行!正如kwok博友所言,大陸及香港有不少人型物體不單對'被人家夾硬質你食屎'無反感,反而對被餵食屎心存感激,甘之如飴,咁樣你話點救點教,救返都嘥藥費。

    本來呢類白黐行為佢地係有其自由去接受被虐,但最'不該'就係迫我地同佢一齊食屎,而且最'PK'就係話我地唔食係唔啱,兼出動文攻武鬥要我地落疊做狗奴才。

    老共做過啲乜好事?就算有做過雞毛蒜皮的咁多,做乜諗野要感激涕零?國家係屬於人民,政府只不過係公僕,係人民出錢請佢地打工代為管理,做得好應份,做唔好炒魷,點解吓吓將自己放低為奴僕身份,要買怕所謂中央,為何唔企起身維護自身天賦權利?

    >>>佢有無殺左你全家?

    要等佢或俾權佢殺你全家?係米黐膠線?

    >>>佢盡力比最大利益錫住你,你又為佢做過D嘜?

    妖!請伙計打工唔係為老闆爭取最大利益,請佢地返蒞擺呀?我地使乜Q為佢做乜,出咗錢重要我地做,咁使鬼用老共呢班廢柴。

    >>>我寫完自己都覺慚愧,中央好委屈。

    呢啲五毛或糞青絕對有權去覺得慚愧,因為世上有啲人型物體鍾意被虐,享受被虐,但所謂中央有乜咁委屈,唔老例米唔好打呢份工,無謂咗住地球轉。

    回覆刪除
  10. 7.香港有冇犧生小我完成大我既精神去配合國家既鐵路發展?當全國省市已積極配合動工甚至通車時,菜田村仲係度為雞蒜咁大塊地拗餐懵。中央有哼過你地一句嗎?

    回︰一定犧生小我配合國家既鐵路發展?搵D中低下層人見鬼犧生又無善後安排,要人露宿?

    已經全國大批高鐵停工,仲要香港有冇犧生小我。好呀~起多點高鐵負債更多!


    鐵道部負債率六成 大批高鐵停工
    http://paper.wenweipo.com/2012/02/21/CH1202210014.htm
    =======================================
    8.自由行係邊個要求的?係港人,因為沙士後百業蕭條,要靠大陸泵水。亦係港人要求CEPA攞著數的。

    回︰自由行是董建華主動提議,佢事前有無同阿爺傾定?
    靠大陸泵水真的太漂亮!國內人山長水遠掃貨為乜?還不是國內補充斥假貨﹑有毒食品,我們還被迫買
    貴野。


    ====================================
    9.港府自己犯賤死撐自駕遊,港人大力反對下,中央即刻妥協話大陸D車唔落黎但香港D車可上去。你估大陸城市塞車唔嚴重咩?

    同自由行一樣我真懷疑港府事前又北大爺傾好,幸港人強烈反對,已經不是塞車嚴重,小悅悅事件香港人睇到都怕怕。

    =================================================

    回覆刪除
  11. 謝賈真和長青兩位英雄。

    回覆刪除
  12. Chris兄,

    何足言謝。

    只不過覺得世上有啲盲毛自甘墮落,本來都由得佢去舐腳趾也好,熱面皮貼冷屁股也好,佢死佢賤,但做乜春要拉埋我地落水,重要靠嚇靠惡,歪理亂噏,既然講到所謂中央咁偉大,唔啱送埋老婆仔女父母獻媚呀,笨。

    唉,見到呢啲病毒上腦喪屍,真係而得...一把火燒清光,替天行道。

    回覆刪除
  13. Chris老師言重,那些根本算不上論點,亂up當秘笈。

    最慘香港人真有唔少人當這些喪屍歪理是真。

    回覆刪除
  14. 上面覆左篇, 似乎唔夠認真. 但卻是真心覺得"特區政府不代表我". 其實我一直好少談政治, 覺得"日子過得到就算啦, 唔好攪咁多野喇." 但似乎中共就是看準了我這種無知婦孺心態, 越來越過界, 迫得植物人都要彈起身反抗囉.

    1. 關於言論自由 - 你說中央冇言論自由, 中央不是一直都想說甚麼都說甚麼嗎? 你看文匯大公每天的社評. 香港人有沒有跑去兩間報社和中聯辦砸搶放火? 沒有吧. 倒過來呢? 有人只叫了條問題就給警察帶走啊. 所謂言論自由, 不是你可批評我, 我也可批評你, 最後沒人被罰嗎? 現在卻是香港市民單方面被打壓啊.

    2. 雙非嬰 - 首先源頭係自由行, 有幾多香港人說過想要自由行? 由小圈子選出來既董生話香港人想要, 咁就來左. 你話"中央曾話佢地冇居港權", 大哥, 而家唔係封建帝制, 皇上金口一開就變成事實. 一切事係要講根據, 經唔起法院挑戰就唔可以過, 求其搵個人UP兩句就變成法律仲成乜野世界? 法治是香港的根本啊.

    3. 普選 - 中央真係肯俾2012普選的話為什麼還要做檯底交易? 我唔明乜野答案, 所以呢條唔知點應你. 或者你可以爆D內幕出來俾大家明白下?

    4. 外傭居港權 - 公民黨既成員係律師, 有人搵佢幫手打官司, 佢接係好正常. 香港係法治社會, 有人想FIGHT FOR SOMETHING, 透過打官司係理性同合法既渠道, 有乜問題? 難道要弄得好像內地維權人士般, 沒人肯幫你打官司, 大量苦主有冤無路訴, 迫住去北京上訪再被人押去黑監獄折磨才叫好???
    最低工資 - 無錯我希望有最低工資立法, 但是不是反對立法的人都最好消失? 我想不是. 議會本來就是有不同聲音的地方, 有人不贊同也沒法, 該做的是找更多更好的理據去爭取市民支持. 我夠想集體談判權可以通過啦, 難道應該跑去殺了推翻議案的人嗎? 而且建制派通過既惡法也不少吧. 為什麼你只提公文黨?

    5. 抗拒梁振英 - 首先, 佢不是普選出來的, 怎能冀望得到大家支持擁護? 其次, 由佢既舉動(訪中聯辦, 安排紅色背景人士入政府)睇來, 令大家深信佢與中共政權關係密切. 香港市民厭惡中共對香港既干涉, 討厭佢亦很正常吧. 另外, 你說佢"唔賣有錢佬賬", 我暫時還沒看出來. 但卻看到佢對之前承諾既"港人港地"諸多推敞.

    回覆刪除
  15. 6. 東江水 - 呢個CHRIS都有回. 香港當時係有要求減少東江水輸入的, 而且事實上之前香港曾因為東江水過剩迫住要倒入大海, 但中國方面仍不肯減少供應. 我不知道是不是因為利益方面既問題啦. 但把香港人說成自私鬼, 不肯共渡時艱似乎唔公平囉.
    事實上, 我也想說說常被國內人把香港說成"香港沒中國供應食物和水就會死"的話題. 據我看過的資料說, 香港其實可進行海水化淡, 加上水塘儲水, 足夠應用. 只是海水化淡成本較高, 有較便宜的東江水所以才會放棄. 另外亦有說是中國方面要求供應香港食水, 以求建立更多聯繫, 我不知是不是真的, 但我認為這絕對影響了香港的獨立生存的能力. 至於香港食物則是從多個不同地方進口的. 要說是祖國恩惠嘛... 那也要感激很多國家了.

    7. 鐵路發展 - 首先我不認為香港必須要興建更多鐵路去連接中國大陸, 有可能是方便一點, 但沒有亦不是甚麼重要問題. 香港地方不是大, 交通已算四通八達, 坐九廣鐵路, 大巴和飛機已經可以到中國內地, 為什麼還一定要起甚麼高鐵讓所有地方連成一氣? 說到底這條鐵路是方便了誰?
    另外, 甚麼是"犧牲小我完成大我"??? 香港人有其個人權利, 不容別人隨便說"你要犧牲"就犧牲掉. 我們要保障每個香港人的權利, 因為我不想自己明天就被"犧牲掉". 沒錯這的確是花多了時間, 但最少沒人被靜靜地"犧牲"掉. 國內被強拆的人的哭聲你聽到嗎? 希望你被強拆時不要哭, 因為那是犧牲小我完成大我.
    中央可以哼甚麼呢? 自己的無法無天想拆就拆, 香港現在還沒淪落至此. 而且, 它也有大堆建制派, 左報輿論幫忙哼.

    再說, 相比中國十三億人, 香港那七百多萬是"小我", 我還真怕那天被犧牲掉...

    8. 自由行與CEPA - 上面提過, "港人"並沒有要求過. 是中央欽點的特首自己提出的. 至於大陸泵水, 最近有報導提過從自由行實際獲益的只有大企業. 市民"享受"到的主要只有租金和物價上升.
    http://news.hotpot.hk/fruit/art_main.php?d=20120709&s=1&m=&i=&a=1&c=%E8%B2%A1%E7%B6%93%E5%9C%B0%E7%94%A2&b=financeestate/art/20120709/16495988
    "限制多多 搵唔到食 CEPA九年 只0.5%港企受惠" (2012/07/09蘋果日報)

    9. 自駕遊 - 不太明白你想指責誰? 是中央欽點而成的特首所組成的港府嗎? 反正我是不想上去, 更不想他們下來就是了. 港人們積極反對沒有不妥, 中央不滿意的話最好也不要放港人自駕上去吧.

    10. 選舉爛攤子 - 為什麼會有爛攤子? 因為可以選的人被限制了. 為什麼只有那三個人可以參選??? 一切都因為"小圈子選舉". 如果全香港人都可參選, 怎麼會變成這樣"得3個人揀但2個人都有誠信問題卻迫住要揀"既場面? 是香港人做成的嗎????? 而且老實講, 我有份選既話會選何俊仁囉. :P 有乜爛攤子姐.
    我就冇權去望佢流選架喇, 但有片刻幻想過陳方安心李卓人甚至葉劉淑儀做特首會點. (其實我好憎葉劉架, 因為我仲好記得佢推23條時個衰樣. 但佢之前想參選整出來既政鋼我卻出奇地喜歡) 結論係, 只要係我地全港市民真正有份選既, 社會一定會變和氣左. 因為我地選出來既佢要向我地負責.
    但事實而家梁振英係中央欽點出來的(你口中既執手尾), 市民批評佢咩? 佢話聆聽, 但"意見接受, 態度照舊", 人人都感覺到. 就好似大家質疑佢誠信, 佢一於少理, 咁叫向香港市民負責?
    我唔覺得香港好分化, 市民其實都好一條心想有好D既政府, 好D既生活. 有人積極行出來叫口號, 有人就比較被動. 如果中央可以少D干預, 讓香港人可以選自己信任既人去組成政府, 邊個會咁得閒三十三度曬住去遊行?

    回覆刪除
  16. 呢15年來, 中央對港人做過咩衰野? 衰野就唔敢講, 但反感既事一定有.

    - 欽點D不倫不類既人做特首"代表港人"算唔算衰? 佢地擅自向中央乞左一大堆"祖國恩惠", 令香港人變晒做"乞兒"被內地人恥笑又算唔算? 我地港人明明無權選特首, 卻變成"港人多多要求", 你話曾蔭權集團貪晒D著數, 但佢都係你中央欽點出來的, 我地港人有乜法?
    - "沙士"都算係其中一件大禮喇, 中國國內爆發疫病你唔公開, 結果惹到香港死左近300人, 真係多得你大陸唔少囉.
    - 自由行帶來一大堆黑工, 妓女, 偷鐵賊, 斬樹黨, 遊客周街大小便, 成條彌敦道變晒金舖, 廣東道令港人卻步, 旺就旺左D大企業, 但租金狂升, 小店執笠, 物價上升, 條數都唔知點計. 仲有雙非問題都係自由行引出來.
    - 共產黨無0係我地手中搾一分一毫? 但佢地叫話要花700億起高鐵, 就只為"同中國接軌"
    - 中央欽點出來既特區政府不停想通過惡法限制港人自由, 網絡廿三條, 辱警罪. 警察下下出胡椒噴霧去射示威人士, 郁D拉人控襲擊, 有理無理拉左先, 你叫港人如何繼續安心? 單是中聯辦門口既花槽已看到那種中央跟港人既隔閡.
    仲有好多不勝枚舉既反感事, 但我今晚已打左太多, 停下啦...

    (唉, 做五毫, 無前途呀...)

    回覆刪除
    回覆
    1. Kwok妳竟然真的非常認真去覆D「悟舞」文!!
      由老董開始成日去乞求天朝恩惠,自我偏值人家看不起來香港人唔緊
      要,最慘連香港人真的當自己乞兒,連自我價值都唔要,可憐。

      刪除
    2. 嘻, 就當我無聊啦. 而且都唔係話非常認真, 係我長氣姐. 一直都有呢D諗法但冇好好組織過, 就當一生人一次亂UP啦. 希望大家唔好笑. XD

      我唔想做乞兒呀. 成日上網見到內地人講到香港無左大陸就完蛋, 真係想咒阿董生囉. 最慘有D香港人又信, 乜都唔敢出聲, 而家真係俾人踩到上心口呀.

      刪除
    3. Kwok女士,Bravo! 你d高見人先識睇,活死人就唔識睇。

      刪除
    4. 香港資金提供大陸工人的職位超過1000萬,
      旅遊消費也是香港人在大陸多過自由行,
      香港人買食物和水是真金白銀俾錢的,水肯定是很很很貴,食物就要計下先。
      到底大陸和香港是誰靠誰!

      刪除
    5. 高見真係唔敢講, 咁長一篇都唔知有冇人會睇. 打完可能都係SIDE GAS :X 而且發現都幾多錯字下...

      講真, 香港同大陸關係, 真係唔知邊個欠邊個. 話香港人上去投資提供職位, 其實都係貪佢成本低D, 人上去消費都係因為佢以前D野平. 但當然最重要是港人有一大堆親戚0係上面, 想唔上都唔得. 但一切你情我願, 我賺左得來你都有著數, 何必下下要講"益左你地香港人"? 現實D講句, 貨銀兩訖. THAT'S ALL. 從前國內經濟不算好, 香港人一直都冇話以大恩人自居, 但現在國內經濟好了點, 很多國內人卻說"香港人都是靠中國吃飯", 這種嘴臉, 點頂呀?

      "肛人一直自以為高人一等, 有莫名其妙的優越感, 現在看著中國富有了, 自然心理不平衡" <= 自虐地跑去看看中國的天涯論壇香港版, 不難看到這種稱港人為"肛人"的文.
      說身為港人有沒有優越感? 也許是有, 因為我可以想講乜就講乜, 唔駛用埋D"ZF, GCD, 散步"等等既明語暗語來討論. 我真係好慶幸生於香港. 但經濟甚麼的, 我沒感覺, 從前沒有覺得自己很富有, 現在也沒有覺得自己特別窮. 亦不因國內變有錢了而不平衡, 大家一起變有錢不好嗎? 而且我係妒忌都妒忌左誠哥先啦. 自卑甚麼的亦沒必要, 任何地方都有窮人富人, 有屋住有飯食還不平衡甚麼.
      我想要的只是平等自由的環境, 努力的人可以向上游咋.

      刪除
    6. Kwok,千萬多保重!還好今日香港仲有表白自由,但已是個有理很難説得清的反智時代. 淺見認為只要堅守做人原則,其它不須太認真。清者自清。

      刪除
  17. 我也不避淺陋,步賈真、長青、Kwok諸兄試答十題 :)

    1. 請中央記住一國兩制、高度自治。
    2. 這個有點道理,但亦顯示香港尊重法治。
    3. 出處呢?我只知﹕http://www.cmab.gov.hk/cd/chi/basic/pdf/decision.pdf
    4. 公民黨認為行政措施已經是有效措施。最低工資--我想起廿蚊張。
    5. 梁振英是否唔賣有錢佬賬要放長雙眼睇。想普選行政長官。
    6. 見http://www.info.gov.hk/gia/general/200812/11/P200812110101.htm ﹕「供水協議保證本港直至二零一一年會有穩定而具彈性並切合實際需要的東江水供應,即使在百年一遇的旱情下仍不受影響。」中港應有商有量,廣東人就不用受這麼多苦。
    7. 高鐵對香港經濟效益成疑。政府為何不考慮高鐵共用西鐵現有軌道?
    8. 這個有點道理。
    9. 這也對大陸旅遊業有利,不只益香港人。
    10. 如果有普選行政長官就沒問題了。

    回覆刪除
    回覆
    1. 喂C兄!
      Kwok是女黎!!!!

      刪除
    2. Oh sorry。謝謝指出!
      首句改為「...步賈真兄、長青兄及Kwok姐之後試答十題」 :)

      刪除
    3. 叫乜都冇乜所謂囉. 反正都係升斗市民吹下水姐. 我FB同BLOG都冇, 費事俾人起底. :P 當我透明都得.

      刪除
    4. 近來先玩Facebook都係長青這個名,一向盡量用唔想改名,FB真的很方面,
      如果想要FB比個人資料小心就得。

      刪除
    5. 大家談得好投契啊。

      刪除
  18. Salute to Ms Kwok!

    John Lee兄,咁多人死,硬係唔見啲活死人死,重要係度也文也武阻頭阻勢,幾時天開眼。

    C兄(orC姐?),我係拋磚引玉,從各位高見學到甚多。

    回覆刪除
  19. 賈真兄,總之大家多保重啦!活死人自古已有,於今為烈,就算殺都殺唔晒,你睇下美國電視片集Walking Dead就知。

    回覆刪除