2012年7月27日 星期五

香港人，站出來！

7月29日，香港人，站出來！

拒絕 黨奴教育


《全民行動。反對洗腦。729萬人大遊行》

日期：7月29日（星期日）
時間：下午三時集合
路線：從維園遊行至金鐘政府總部


學民思潮 呼籲所有市民在729走上街頭參與「全民行動」！經過浸大爆出染紅教材和共產黨黨員親自撰寫課程，教育局局長吳克儉仍堅持「先推行後檢討」，學民思潮決定聯同教師、家長、大專生、學者、文化人、傳媒人和社會各界人士在729籌組遊行，務求以街頭行動向政府施壓，要求政府和教育局在九月前撤回國民教育課程。是次遊行可能是整個反洗腦運動的「最後一擊」，呼籲各位市民務必參與其中，缺一不可！



 ...........................................

反國民教育常見問題 (Kursk 老師) 
NO patriotic education (方潤老師)
馬家輝反國民教育五論
只為擁護現政權——香港教師眼中的國民教育   (梁正燁)
如秋水長天（慕容雪村 -香港書展演講稿）  
國民教育與心理學(W. Wong教授)


哀哉如此國民教育
中國模式
英雄出少年
................
發表於
文章分類:

79 則留言:

  1. Kwok晚上10:51

    頭先見到兩個唔知乜水0係CCTVB新聞受訪問, 一個講話政府要"擇善固執", 要堅持推行國民教育科到底喎. 嘩, 你當D市民死架?

    一個就話諮詢左四個月, 而家推行無問題, 仲話大部份市民都支持. 但到底諮左D乜野意見呢? 做乜唔公佈? 你接受左幾多市民意見來設計課程呀? 市民而家係支持你... 唔住囉.

    仲有吳克儉個光頭伯父, 話要控制幾千老師去洗腦好難, 課程真係洗腦佢第一個負責喎. 出晒指引去教人點洗, 清楚到"聽到國歌唔感動要反省"都列埋出來, 要洗腦有幾難呀? 搵佢負責? 聽聞佢六四時第一時間飛去美國國務院拿美國國藉囉, 第日仲搵唔搵到佢呀?

    我打算去... 希望唔好落大雨 -_-" 我雖然讀完書好耐, 仔女未有, 但我有十幾個甥/姪, 我唔希望一個二個變晒只知服從政府既屁民.

    回覆刪除
    回覆
    1. Chris晚上10:57

      這不是「擇善固執」。
      是「死牛一邊頸」或「死雞撐飯蓋」。
      他不能不做，因為梁振英要做。
      梁振英不能不做，因為胡錦濤落了order。

      刪除
    2. Chris晚上11:02

      「梁振英」或可用「特區政府」代替。
      公道D。
      貪曾蠢唔晒，明知呢壇野仆梗，任內死拖爛拖咪搞佢，留俾下一個食。
      不過梁振英拿到西環的支持，多數認屎認屁，話包係佢身上，會搞得成。

      刪除
    3. Kwok晚上11:12

      果兩個人說話中既MESSAGE: 一定要推.
      我估中央落晒ORDER, 死都要推, 香港人嘈都要推, 總之氹佢地推左再改善都必定要推!
      順手觀察下香港人既反抗力度有幾大, 為廿三條立法, 普選問題之類可以一開波來個"漫天開價"做好準備.

      所以呢幾日應該會聽到更多保皇黨"齊心合力"將推行國民教育既合理化. NO MATTER幾多人去七二九遊行. (除非又有五十萬啦!)

      刪除
    4. Chris晚上11:19

      呢班高官都幾慘。
      不過，鬼叫你做咩？
      大拿拿廿九幾萬一個月，唔係要你擋子彈，要你黎飲茶食飯呀？

      刪除
    5. 長青凌晨12:10

      CCTVB同ATV吾知邊個離譜，周融講國民教育是為增強學生競爭力………
      要小學生扮軍隊﹑升國旗要感動等於增強競爭力？
      洗腦電視台！

      刪除
  2. Kwok晚上11:05

    我估政府可能"感覺"到今次遊行人數幾可觀(主辦單位預定1萬人), 所以臨急去約家長代表星期六會面, 本來仲想搵埋D官方單位去耍D家長代表, 人地唔肯就死死氣應承單獨會面, 我希望D家長唔好俾佢地氹到拖到星期日唔去遊行啦. 佢地本來目標係話要政府撤回既.

    另一方面亦睇到D官幾CHEAP丫. D學生去講數就好少理, 又扮電話收唔到又話唔俾傳媒一齊會面. 而家家長都出聲喇, 講晒要遊行反對你先怕. 家長講話你就聽, 學生既意見就唔係意見?

    今日明報社評: (延長開展期只能治標 押後再商議才能治本)
    ...政府若要看周日7‧29遊行人數多寡才決定怎樣回應，則這種放棄理性對話，以遊行人數決定政策的取態，並不明智，因為這是鼓勵市民以街頭鬥爭方式捍衛權益，對於社會穩定沒有好處。 ...

    回覆刪除
  3. 攞你命三千晚上11:10

    星期日天氣好轉
    好適合一家大細上街散步

    回覆刪除
    回覆
    1. Chris晚上11:15

      今次好多小朋友老人家，曾偉雄要醒少少，落定order叫差佬不要好似7.1咁亂出胡椒噴霧。
      有乜死傷，保安司同佢兩個都要墊屍底。

      刪除
    2. 長青晚上11:18

      我估明天遊行最少十萬
      多的話無法估計

      刪除
    3. Chris晚上11:20

      官方數字，實同你打個二折。

      刪除
    4. 攞你命三千凌晨12:20

      其實會有相當機會出事
      維園剩係得一個球場,唔多似裝得晒d人

      刪除
    5. Chris上午8:47

      大人帶細路去遊行，請小心保護。

      刪除
  4. Kwok晚上11:16

    文匯社評: 回歸已15年 是時候推行國民教育

    政務司長林鄭月娥表示，社會普遍認同德育及國民教育科，如因部分市民有不同意見而不推行，會令很多人失望。事實上，香港經歷百多年的殖民統治，令很多香港人對自己的身份產生疑惑，導致港人對祖國產生誤解甚至隔閡。回歸15年來，身份認同一直是港人面臨的深層次文化問題，應該是時候推行國民教育了。推行國民教育不僅是國際慣例，而且特別適合經歷了長期殖民統治後回歸祖國的香港。

    英國統治香港一百多年來，從來就沒有停止過推行殖民奴化教育。由此產生的香港與祖國母體隔離的觀念意識，阻礙香港的人心回歸，影響深遠。回歸以來，國民教育不但沒有及時推行，而且還將中史科從初中必修科中剔除，造成國民教育被邊緣化的狀態。自2000年教育局課程發展處容許學生自行選擇是否修讀中史科後，470多間中學，已有120間在初中課程無開辦中史科。針對國民教育的缺失，特區政府2010年提出增設國民教育及德育課程為中小學必修課。去年初，課程指引作首次諮詢，今年初又正式諮詢4個月，才產生了現時的指引，當中已盡量反映社會特別是教育界對指引的意見。去年的一項調查已顯示，八成教師認同政府的國民教育課程。林鄭月娥說不推行國民教育會令很多人失望，符合事實。

    國民教育又引發爭議，是由於一本新推出的《中國模式國情專題教學手冊》被指偏頗。然而，這本小冊子只是眾多參考資料之中的一種，而且校方可自由選擇課程內容。說一本小冊子就會「洗腦」，不僅言過其實，而且缺乏對學校、老師和學生應有的信任和尊重。同時，學校推行國民教育的空間和彈性都十分寬鬆，有3年的開展期，小學不是一定要在今年9月推行德育及國民教育科。

    其實，國民教育引起爭議原因很多，包括對教材內容、推行模式、課程設置等問題，看法不盡相同。爭議反映了家長多元的訴求，教育局應繼續與學校和家長溝通，回應家長的訴求，以便不斷完善國民教育課程。應該指出的是，家長的多元訴求，與反對派政黨和政客通過妖魔化國民教育作為選舉造勢和操作的手段，性質完全不同。

    國民教育全世界都在做，並非香港獨有。美國推行國民教育的巨大成功世人皆知，而香港的競爭對手新加坡，國民教育成為星洲經濟騰飛的精神動力也廣為人知。新加坡從一個人多地少、資源匱乏、政治動盪、經濟畸形、種族紛爭、滿目瘡痍的島國，迅速崛起於東南亞，成為新興的現代化發達國家，其國民教育發揮的作用功不可沒。香港回歸已15年，無論是從建立港人對國家民族的認知，還是從激發港人的家國意識和進取精神，都是時候推行國民教育了。

    ...末日好像就來了?

    回覆刪除
    回覆
    1. Chris晚上11:23

      「一本小冊子就會「洗腦」，不僅言過其實，而且缺乏對學校、老師和學生應有的信任和尊重。」

      幾盒毒奶粉就會害死人，不僅言過其實，而且缺乏對家長、醫護人員的判斷力和孩子的免疫能力應有的信任和尊重。

      刪除
    2. 長青晚上11:27

      文匯社評其實吾係垃圾因為代表土共喉舌，
      想香港人好似佢地定既愛國？
      可是中國人永遠拚命轉人。

      刪除
    3. Kwok晚上11:54

      quote 呢篇係因為我唔識野, 好多疑問.

      1. "英國統治香港一百多年來，從來就沒有停止過推行殖民奴化教育。" <= 有沒有人知道例子? 老實講我七十後既連英國國歌都唔識唱呀...

      2. "自2000年教育局課程發展處容許學生自行選擇是否修讀中史科後，470多間中學，已有120間在初中課程無開辦中史科。 " <= 政府覺得有問題點解仲會批准? 定係根本PLAN左取消中史開國民教育費事俾人話重覆?

      3. "八成教師認同政府的國民教育課程" <= 我在GOOGLE呢句想搵下個調查既資料, 但睇左十幾頁都未搵到. 比較近似係呢段:
      "據香港文匯報消息，雖然社會人士對香港德育及國民教育科的具體課程内容有不同意見，但其實過去多個調查均顯示，無論教師或家長，都傾向支持推行國民教育的理念及大方向，包括逾8成教師贊成應培育學生對世界、國家、家庭等5個範疇的正面態度，而也有較多家長認爲港生需要認識國情，並不認爲該科是洗腦教育。" <== 這個就是"八成教師認同政府的國民教育課程"?????? 唔知佢點得出呢個結論.
      反而去教協網見到呢篇: (七成教師反對增設必修科　贊成在現有基礎上加強 新聞稿 2011.08.09)
      http://www.hkptu.org/education/newsdgrd/20110809.htm

      4. "美國推行國民教育的巨大成功世人皆知" <= 我在找資料, 原來文匯兩日前既社評有解說:
      "美國《公民與政治課程標準》的目標是：「培養認同美國憲法民主制度基本價值觀和基本原理的合格公民，並使他們有見識、負責任地參與到政治生活中。」事實證明，美國人普遍都有一種優越感和自豪感" <== 呢個同我地香港既國民教育有邊忽一樣?

      ===============================================================
      我覺得成日吹話"香港好多人支持/好多國家都有國民教育", 睇真D根本就係兩回事囉! 但唔認真睇下D資料真係好易俾人呃左都唔知. 唉...

      刪除
    4. 長青凌晨3:03

      回Kwok少妹


      1. "英國統治香港一百多年來，從來就沒有停止過推行殖民奴化教育。" <= 有沒有人知道例子? 老實講我七十後既連英國國歌都唔識唱呀...

      當然沒有所謂殖民奴化教育，那些報紙比北大人睇妖魔化外國人就習以為常，我連英國國歌都唔覺聽過，唔會好似現在咁浮誇讚揚中國偉大，一樣讀到鴉片戰爭，英國幾時逼我地做英國人？

      2. "自2000年教育局課程發展處容許學生自行選擇是否修讀中史科後，470多間中學，已有120間在初中課程無開辦中史科。 " <= 政府覺得有問題點解仲會批准? 定係根本PLAN左取消中史開國民教育費事俾人話重覆?

      我想都問點解中學無開中史？打死我都唔信共產黨不會過問，實際將來洗腦教育方便，如果直確讀歷史尢共近代邊會相老共既野。

      3.根本強姦教師的意志！

      4.又係魚目混珠公民教育同國民教育邊一樣，還有美國講愛國仲有其他普世價值。

      香港人已經知道今次乜事，7月29日又要市民力量！重要香港人要知道依家報紙﹑電視﹑議員不會幫香港人一定靠自己！

      刪除
    5. Chris上午8:45

      「英國統治香港一百多年來，從來就沒有停止過推行殖民奴化教育。」
      很多大陸人想像，一定是這樣的。一就是文匯社評在眼光光講大話，騙97後出世的人。
      我讀了英文中學五年「西史」，無教過英國歷史！
      英國國歌的歌詞不知道，學校裡的典禮中一次都未奏過，我們只把它惡搞成「個個渣住個兜......」唱來玩。

      刪除
    6. May上午9:24

      每天電視新聞前都播國歌洗腦.香港人民到了最危险的时候,每个人被迫着发出最后的吼声!起来!起来!大家7月29日要出來啊！

      刪除
    7. Kwok上午10:21

      聽聞九七前電視收台前好似會播英國國歌? 我只識哼個音樂, 唔知歌詞, 因為學校冇教過.
      關於文匯報社評, 我以為堂堂報紙, 佢講既都有一定事實, 唔多唔少有D例子? 但我GOOGLE左十幾頁, 大部份都係簡體網站提過"殖民奴化教育"呢個TERM, 多數都係內地人說香港有"殖民奴化教育", 教到香港人把中國當成陌生人, 不愛中國.

      有篇大紀元文章講得好:
      ...香港回歸後，英人遺留下來的「威爾斯親王軍營」由共軍進駐，在軍營大廈外牆，貼上一幅標語，叫「愛祖國愛香港」。在土共心目中，這樣做是「愛國教育」，如果回歸前殖民地當局在牆上貼「愛英國愛香港」，則是「奴化教育」。然而這樣的標語從來不曾在香港出現過。...
      ...「奴化教育」應該是合乎英國殖民者利益的，何以他們一點也不熱衷。理由是完全沒有必要。一個從梧桐山邊界越過鐵絲網，從流浮山海域冒生命危險，九死一生游上香港海岸的人，你還要告訴他殖民地好、英女皇好，共產黨不好，不太多餘嗎？

      睇呢D左報... 可以睇出共產黨既古惑, A->B->C->D. 好多時事實A俾佢以B既形式扭曲左, 再引用來出C謬論, 跟住就變成佢口中既事實D. 追根究底你先發現D同A差左十萬八千里. 咁同老作有乜分別呢? 但佢會話D係基於事實作出既正確結論. 唔帶腦去睇同分析, 信左佢就PK.

      所謂國民教育咪又係咁既一回事. 表面係"讓學生了解祖國歷史, 發展, 國情", 但重點絕對係要大家"認同國家發展方向, 政治, 政策, 價值觀" = 唔好反對政府, 乜都要贊成呀...

      刪除
    8. Chris中午12:50

      電視台每晚收台時播英國國歌是以前的「麗的電視」(Redifusion)，即「亞洲電視」的前身，是一家英國公司。
      無線1967年開台，我記憶之中是沒有的，麗的轉了邱德根做老闆的亞洲電視也沒有。或者Raymond兄可以糾正一下。

      刪除
    9. Chris下午1:35

      殖民地時代，中學必修中史科。鴉片戰爭、八國聯軍的國恥，英國的侵華惡行，照樣有教，並無隱瞞。
      反而97後，為甚麼取消了中史科？
      建議的「國民教育」，近代史語焉不詳，一味歌頌中共，報喜不報憂。
      哪一個才是奴化教育，不是很清楚嗎？

      刪除
    10. Kwok下午2:50

      慚愧得很, 我完全唔知香港中學幾時取消左中史科. 身邊家人朋友都唔多清楚, 真是"無聲無息"啊.

      我是95年會考97高考(唔好計我幾歲 >_<), 中一起到中五, 中史世史都有讀. 世史唔會著重英國, 印象中好像只有"工業革命"部份, 其他乜都有讀, 文藝復興, 伊斯蘭教, 佛教甚麼的都有讀, 不過多數都還返俾MISS了.
      中史的話就真的從夏商周讀到近代辛亥革命, 記憶中也有文化大革命之類, 但已是課本最後最後, 大約得三五行, 而且好多時教到清末已經唔多夠時間, 老師亦多會說近代史好少考, SKIP左唔教或求其介紹下就算.

      小學升中時覺得要讀中史世史好難好煩, 基本上中一中二都肥佬. 但世史第一課老師都會解HISTORY點解係重要既"STORY". 而中史老師更往往會提唐太宗既"以史為鏡，可以知興替". 當年係讀得好苦, 但人大左, 思想整理一番後可以了解到好多由史學得出既道理.
      朝代交替是自然, 封建帝制最後還是腐敗失民心, 下下望天賜一個明君來改善生活, 不如自己動手起義實惠.

      所以我覺得歷史科其實唔應該取消. 亦唔係國民教育科可以取代的.

      刪除
    11. 長青清晨5:08

      原來我其實比Kwok姐細一年= =

      我那間職業先修中學無史歷讀，校長回歸第一日就講覺得中國人身份令他很自豪，唔洗殖民地人好開心，真夠不知所謂。

      我識同事就相信「一個明君來改善生活」這套，如果佢有妳這種觀念就唔會比共產黨洗腦………

      刪除
    12. Chris上午8:00

      有「明君聖主」當然正，但你投胎百次也未必遇到一個唐太宗。

      刪除
  5. 匿名凌晨1:22

    支持！

    回覆刪除
  6. 匿名凌晨1:44

    現今大陸假嘢、毒嘢日日新,尚幸香港仍能把關力拒輸入。如今仲想夾硬整劑咁毒嘅國民教育俾D細路嘆,真係火都黎埋,惟有學盧海鵬試咪 ”DLLMH"! 7.29唔上街衹有等死。

    回覆刪除
  7. 賈真清晨7:57

    ＞＞＞是「死牛一邊頸」或「死雞撐飯蓋」。

    我話佢地係「死狗撐大眼」；after all 佢地只不過係老共，土共或紅色大肥貓個類既爪牙狗，況且佢地真係撐大眼講大話，指鹿為馬，洗腦毒素都可以講成為"擇善固執"，如果今次洗腦酷劫係精明家長、有腦學生、正義港人集體反對下瓦解，咁呢班狗口長不出象牙狗契弟就會死狗咁衰樣。

    回覆刪除
    回覆
    1. Raymond上午9:41

      同意兄所言！希望所謂國民教育在廣大市民、家長的反對下瓦解。

      刪除
  8. Raymond上午9:20

    香港人站出來，反對洗腦"國民教育"。

    回覆刪除
  9. bob上午9:29

    且看有無百萬人上街！！！

    回覆刪除
  10. Kwok上午10:00

    http://www.youtube.com/watch?v=kE3pvls26q0
    【世界奇妙物語 ‧ 23分鐘的奇跡】

    前兩日貼過, 再貼一次俾大家睇下. "洗腦"話易唔易, 話難亦唔係難. 用對方法, 大人細路一樣中招. 唔好以為"自己聰明識分辨", 就一定唔會中招.
    我本來堅持唔去學中國國歌, 但日日睇六點同六點半新聞聽兩次, 回到香港兩年下來, 忽然發現唔知幾時D歌詞已經"入晒腦". 已經入左腦既仲有乜方法可以踢走佢?

    細個睇D廣告, 壞人叫你吸毒"試下啦, 邊有咁易上癮, 你有自制力家嘛", 而家D官叫你試國民教育"試下啦, 邊有咁易洗腦架, 你識分邊D0岩邊D唔0岩家嘛"... 香港人真慘...

    回覆刪除
    回覆
    1. Chris下午1:25

      請看文末加入的新連結，哲學教授W. Wong的「國民教育與心理學」。

      刪除
  11. 匿名上午11:40

    如果實行國民教育共匪會得寸進尺----再看以下網頁:

    http://hkm.appledaily.com/detail.php?guid=16554730&category_guid=4104&category=daily

    回覆刪除
  12. Unknown中午12:32

    救救孩子！ 7．29 3pm 維園見！

    長青兄,人力可會有相應活動？

    回覆刪除
    回覆
    1. 長青晚上11:50

      John Lee兄這件大事人力當然會參與，不過我今次要帶朋友遊行吾會跟人力
      大隊—00—

      http://www.hkreporter.com/talks/thread-1636916-1-1.html

      人民力量劉嘉鴻 / 學民思潮 反對洗腦國民教育

      http://www.youtube.com/watch?v=VRN0Cq-4iig&feature=player_embedded#!


      人網二線主持也不停吹雞。

      刪除
  13. benjamin中午12:43

    差佬用滅火筒胡椒噴霧嚇怕好多人唔敢遊行 , 全港師生大罷課最實際

    回覆刪除
    回覆
    1. Chris中午12:53

      最後一步，真的要推行時，家長入紙聲明咪搞我們仔女，要求豁免他們上國民教育，改去圖書館自修。

      刪除
    2. 長青晚上11:53

      家長搞個擺學行動可能有用。

      刪除
  14. Kwok下午2:55

    剛看完新聞, 家長代表同吳克儉談判破裂. 說談判, 估都估到家長有家長講, 局長有局長勸.
    局長話睇唔到有任何因素撤回科目, 睇來係中央俾左膽佢啦. 就睇下聽日之後又有冇因素?

    回覆刪除
    回覆
    1. Chris下午3:42

      一於係我條橋啦，你有你推，我唔俾個仔上呢堂，吹呀？

      刪除
    2. Kwok下午4:20

      咁唔係路喎, 一陣政府以為佢贏左.
      我覺得佢而家只係第一步, 話就話唔駛考試唔影響升學, 但佢推左出來, 三年後話檢討完覺得唔夠好, "優化"下俾個GRADE, 再過幾年又話列為考試科目, 到時你點????

      俾佢咁易過到, 你想佢收返就好難. 共產黨只會得寸進尺.

      刪除
  15. Unknown下午3:19

    學民思潮三子有理想、有實幹、有承擔,真正英雄出少年. 學民思潮捍衛香港青年良心團隊,燃點香港火炬,薪火相傳！

    回覆刪除
  16. 力下午3:40

    可悲！一小撮人為左自身利益，為虎作倀，自己既子女就去晒外國讀書，你地既子女走唔到就學做少先隊，跟住實變紅衛兵！

    中共所謂既：進步、無私與團結的執政集團，真係每次睇見到想嘔！

    回覆刪除
    回覆
    1. Chris下午3:46

      陶傑提議都正：
      要班高官和議員Declare無居英權，有的拎出來燒掉。
      然後他們的仔女從外國的中學大學、香港的國際學校回歸香港普通的學校讀書，接受國民教育，我們就讓你推了。

      刪除
    2. 力下午4:03

      陶傑有時係幾啜核！

      我突然諗到，其實中共所謂既進步、無私與團結的執政集團，某情況下都幾講得通！一個咁龐大既貪污集團去到咁既規模，比以前真係進步左好多！無私就梗啦！個個都唔科水，邊有得貪？就係因為個個都捨得俾，所以就夠團結一致，維護既得利益！

      真係癡X線！

      刪除
  17. 匿名下午3:57

    真是覺得林鄭月娥都几折墮,換屈前是民望最高的高官,為貪戀祿位,三番四次為洗腦教育護航,但最可笑的是他的兒子在英國讀書,丈夫還要在番邦陪太子讀書,言教不如身教,最簡單就是林鄭和一眾在外國讀書高官回來返祖國求學,大家都沒聲出囉!

    林太,妳雖然好打得,但不要太高估自巳,逆天而行april

    回覆刪除
    回覆
    1. Kwok下午4:22

      佢有乜所謂, 老公同仔都去左外國, 佢做完份工CAP埋D水返去英國一家團聚食長糧, 不知幾爽.

      ...理X得你香港人俾火燒定俾水浸...

      刪除
  18. Kwok下午4:16

    講下講下, 覺得自己冇乜料到. 所以去搵搵相關資料. 大家都望兩眼了解下自己反緊乜.

    ==============================================
    香港教育局-德育、公民及國民教育網頁 (可下載《德育及國民教育科課程指引(小一至中六)文件》
    http://www.edb.gov.hk/index.aspx?langno=2&nodeID=2397

    坦白講, 單就指引(30.4.2012)來睇, 唔覺有大問題. 除左感覺上係想將國民教育"滲透"入各式教學活動(如早會, 班主任時間, 正常課堂)外, 實際提出既教學內容其實"廣泛又空泛".
    不過我覺得當中由學生填寫, 老師批改既"評估表"有夠白痴的. 是要迫學生們寫"抒情文"表達對國家的愛有多深嗎? 老師說"不夠深"是不是要留堂?

    睇睇呢篇由特區政府出資既公司出既教材(教師篇->教學示例->我學會了唱國歌):
    http://cd1.edb.hkedcity.net/cd/mce/tc/basiclaw/
    (香港教育城更於2002年註冊為「香港教育城有限公司」，成為香港特別行政區政府的全資擁有公司，並由官方及非官方成員組成的董事會監管。)

    當中受爭議的內容: (我學會了唱國歌)
    步驟 4. 同時引導學生說出自己對唱國歌、聽國歌的經驗，可用以下問題引發學生分享：
    · 你們以前聽到國歌時，跟聽其他歌曲有甚麼分別？
    · 你們聽到國歌時，會否想起祖國？會否想到自己是中國人？
    · 甚至會像運動員一樣，以身為中國人為榮，有感動流淚的感覺？

    學習重點: 學生與運動員對比自己聽國歌的態度，讓學生反省自己對國家的態度。

    「中華好兒女」測試:
    1. 請聽教師所播的歌曲，當你聽到祖國的國歌後，請立即站立，以尊敬的態度跟著誦唱，聽後請坐下。
    2. 你是哪一個國家的國民？請大聲說出。
    3-6. (略)
    7. 「我為到自己是一個中國人而高興」 ，若你認同這句話，請大聲說出「我為到自己是一個中國人而高興」。

    ===========================================
    一個字: 膠!

    回覆刪除
    回覆
    1. Kwok下午4:26

      吳克儉話市民將由政府資助既國民教育中心出版既"中國模式-國情教育手冊"同國民教育科一齊講係不幸. 係咪特區政府出資既公司出版既資料都唔代表特區政府立場? 咁仲有乜野好講? 政府有份出既資料都話唔關佢事, 咁邊個出先可信?

      好喇, 而家大家唔講本野, 同你講返果科, 你又實際講到D乜? 係呀你份所謂指引係冇好離譜既資料呀, 咁教師係點教呀? 咪又係要教材, 你話你有份出果份教師可以唔用, 咁用D乜? 你準備左D乜?仲有一個月左右就九月喇, 要開始教喇, 咁點呀? 冇教材要所有老師自己從冇到有編一套出來嗎? 咁又有乜野質素可言呀? 係都要今年推根本就係為推而推囉.

      所謂"三年發展期"根本就係政府俾自己硬推出來既重大藉口...

      刪除
    2. Chris下午4:31

      Kwok姐無得頂！
      要出街，搭唔到嗲，請繼續發表高見。

      刪除
    3. Kwok下午4:52

      「我為到自己是一個中國人而高興」 ，若你認同這句話，請大聲說出「我為到自己是一個中國人而高興」 <==毛管戙!!!

      唔知國內學校有冇做呢一條, 如果學生冇照住大聲講會唔會俾人罰? 亦唔明點解中國人講野下下鍾意大大聲. =.=
      ...唔敢認叻, 之前都係聽人提就提得多, 實際冇乜點睇過D資料. 而家搵到D來源, 睇過就可以大聲D講反對.

      我都要出街蕩下, 夜D再繼續. :P

      刪除
    4. Chris上午8:02

      編教材條友的思路，還是在50年代。

      刪除
  19. 神線手清晨7:39

    天將降大任於香港人也… 當看到自由行客來書展買「禁書」這則新聞時，真有百般滋味在心頭…

    唉，國民教育？呢個遊戲注定係搵老襯咖啦~ 做賊嘅老豆以及做雞嘅老母同個仔講：「你要知道，身為我兩的兒子，是應該接受這個家庭的特有家教，至於我兩的過去或現在，你倒無須太計較啊。」

    回覆刪除
    回覆
    1. Chris上午8:04

      祝大家今日聲勢浩大，和平完成，但是令土共睡不安枕。

      刪除
  20. Unknown中午12:35

    再講一句,政府高官真正人頭猪腦、是非不分。夠膽話國文教育百份百唔會洗腦,事實上任何教育都是洗腦,在乎教育本身内容是好是壊、是真實或是虚假,人若能夠接受真實、真確知識洗腦才能夠造福社群,反之衹會摧毀人性、文化、整個社會。

    佛家智慧: 人性本無明, 儒家有云： 近朱者赤,近墨者黑。 世上衹能夠有小數智者不會被洗腦,被事物表象而迷惑。

    回覆刪除
  21. 匿名下午2:52

    吳康民說政黨騎刦了國文教育,老吳何不是共產黨下的騎刦品,成世人都為共產黨塗胭抺粉,搵個肺講嘢,正一五十步笑百步,kwok說得對,這班垃圾高官cap完水之後,香港有mug冬瓜豆腐拿住外國護照去嘆世界.話之你班人火燒水浸關人鬼事.april

    回覆刪除
  22. Fung下午3:28

    預備出發!

    回覆刪除
  23. May下午5:57

    香港國民教育促進會主席姜玉堆回應國民教育是否洗腦教育時稱，腦有問題就應洗，正如衣服骯髒要洗，腎病病人要洗腎一樣。

    真豈有此理！*#xo

    回覆刪除
    回覆
    1. Chris晚上10:12

      他是90年代在區議會選舉舞弊，被判有罪的壞人。
      這個愛國陣營裡，就是這些垃圾。

      刪除
    2. Tony凌晨12:32

      中共本身是犯罪集團，甚麼人玩甚麼鳥

      刪除
    3. 長青凌晨4:42

      佢個樣同心地就好有問題，這種垃圾被重用就知中共係乜鳥。

      刪除
  24. kf晚上10:45

    團體：反國教科遊行9萬人 (18:25)
    反國民教育科遊行主辦團體表示，今日有逾9萬人參加遊行，而警方稱，有1.9萬人由維園出發。

    回覆刪除
  25. Kwok晚上10:59

    九點鐘. 遊完行回家了, 腳快斷, 因為警察攪好多小動作, 封路封D唔封D, 一點半到維園, 三點出發, 四點三先出到維園, 七點先行得完. 識左個師奶, 大家結伴同行, 感覺不錯.

    回覆刪除
  26. Chris晚上11:16

    多謝你一回家就告訴我。
    我今晚在外面吃飯(澳洲快香港兩個鐘)，一邊吃一邊用iPad看著FB 朋友上載的遊行照片，我的心和大家在一起。

    回覆刪除
  27. Unknown凌晨12:10

    今天参加了7.29遊行。
    三十多度氣温烈日當空下,
    BB嬰兒車大遊行,在世上應該香港才有吧？
    不少爸媽手拖著三四歳小人兒,安静地行走在電車路上,没有扭計。
    爺爺、公公和婆婆,不少老人家也出來了,都是為了誰?
    美麗的人群,也許就是美麗的明天,我總是希望。
    一點小記：維園門外人潮不少,因鐡欄阻擋,我和老伴需要跨欄走出馬路上. 李卓人走来扶助我一把。 隨著我後面是旦哥（鄭丹瑞）,他状似不穩快要跌倒,我急忙向後扶他一下。 旦哥笑著説只想嚇人而已,我笑説回答：我衹是演戲,跟你學嘢咋。這件小事算是三個陌生人之間的―點和諧嗎？

    回覆刪除
    回覆
    1. Chris清晨7:56

      Wish I were there!

      刪除
    2. Unknown上午11:42

      Wish You Were There & Another Brick In The Wall 都是樂隊Pink Floyd的名曲,尤其是Another Brick In The Wall一曲已成經典,今觀其MV,十分有前瞻性。

      刪除
    3. Chris下午1:15

      在香港睇過電影Pink Floyd the Wall。

      刪除
  28. 長青凌晨4:34

    John Lee兄遇旦哥都算是有點回報，他還是很幽默呢~~所以我幾喜歡遊行總可以和明人見面。
    最我覺得亮點BB嬰兒車﹑家長帶小朋友同行，還有很多老人家在温烈還堅持遊行，警察真的玩野！有人未出維園就頭暈，見到這麼多老人家他們不會心痛？
    由於朋友抱怨太累我發揮自己本領行小路跨越欄，踏上欄杆影相比朋友鬧我太過份……遊行速度遠比平常人快。

    遊行完畢再去會展既動漫節睇到九點先走，又比人屈去打機……我的體力有限架= =

    回覆刪除
    回覆
    1. Chris清晨7:57

      一日的「節目」 ^0^
      這是持續的抗爭行動呢。

      刪除
  29. 長青清晨5:36

    在籌款箱中，有一封感動人心的信件連同六百元正。

    文中提及，各位同學:「你們好，你 / 妳們很乖很乖。小心健康，注重學業。保重身體，免父母掛念。奉上半個月生果金（$600），以資鼓勵。」

    http://www.facebook.com/Scholarism

    回覆刪除
  30. kf上午10:49

    姜玉堆號召9萬人上街,多得佢唔少

    回覆刪除
    回覆
    1. Chris上午11:36

      多謝晒這個「僵肉堆」曲線支持遊行。

      刪除
  31. 匿名上午8:19

    黃毓民於立法會會議中最先反對國民教育，言論有理
    http://www.youtube.com/watch?v=r_vRfRP9dqY&feature=em-share_video_user

    回覆刪除
    回覆
    1. Chris上午8:26

      最好的國民教育是歷史科！

      刪除

訂閱： 張貼留言 (Atom)