2010年10月22日 星期五

衰婆!

如果你在街上,有隻貓向你咪咪的叫,撒嬌示好,你會怎樣?

這個英國高文地利市(Coventry,Lotus 跑車的發源地)的45歲女人,和你我一樣,與貓貓玩了一會,然後......

她竟然掀起旁邊垃圾桶的蓋,提起貓貓,扔了進去!

結果貓貓困在在裡面15小時才給人救出,幸而沒有死去。

事情發生在8月,她的虐待動物行為,給路邊的監察鏡頭紀錄下來,終於被拘捕。片段被網民上載公之於世,激起公憤。人肉大搜索之下,她的身份敗露,是皇家蘇格蘭銀行的職員,有人用電郵罵她,有人在她的電話上留口訊罵她,甚至恐嚇要取她性命。

10月下旬,法官裁定有罪,判處罰款和5年內不准養寵物。

判決之前,她向公眾道歉,說工作壓力大,父親有病入院,當時不知道怎樣糊里糊塗,只是 just for fun。

結案之後,代表律師在庭外說,她已經得到應有的懲罰,最大的懲罰是丟了做了27年的職位,希望大家就此罷休。

雖是這樣,我還是要罵她一聲「衰婆」!

Coventry Telegraph的報道 

(文章允許轉貼,請具作者名字:梁煥松)
...

29 則留言:

  1. 她的這種行為真是令人髮指 @x@ !!!
    真是天有眼,被人影到,可憐的貓貓~

    回覆刪除
  2. 犯了法,總是用「抑鬱」來作庭上的辯護理由,聽到人生厭。

    回覆刪除
  3. 一聲有壓力或有抑鬱,就可推卸一己的罪行,簡直討厭。

    回覆刪除
  4. 簡直是辯無可辯時的狗up。

    回覆刪除
  5. 想到如果無CCTV, 再黎有架垃圾車用機械手將垃圾筒清理...咁隻貓咪係咁大...真係可惡!!!!

    回覆刪除
  6. 佢地平時儲埋儲埋好多病症,需要果陣就會攞黎應急

    回覆刪除
  7. 太過份了!自己壓力大就可以如此糟蹋另一條生命嗎?

    回覆刪除
  8. 你叫佢衰婆都好厚道下喎...

    我好憎d人做完咁既賤野, 虐貓虐狗殘殺動物斷肢切掌, 之後終於比人捉到一次, 就扮哂野出黎話自己有壓力呀, 失戀呀, 抑鬱呀, 低落呀, 死邊邊個呀

    我唔覺得會因此而虐待動物囉, 佢地講果d我都經歷過, 頂佢, 你唔開心你咪界自己斬自己隻手落黎囉, 有乜理由走去殘害動物????!!! 大哂呀唔開心? 邊個無唔開心呀! 我而家睇完好唔開心好大壓力係咪可以車佢兩巴淋佢漒水先???

    離譜!!! 虐待動物的人是完全不可以原諒!!!完全!!!!!

    回覆刪除
  9. Bing,
    咁就實無命囉。

    回覆刪除
  10. 司,
    還有那些強姦犯,老作古仔話自己幼年時也遭性侵犯!

    回覆刪除
  11. Tammy,
    炒魷是一件事,罰幾百真的太輕了。

    回覆刪除
  12. Cherrie,
    係囉!
    自己慘就搵人陪。
    我們香港人會講:
    「咩呀!唔順呀?hum頭埋牆丫,笨!」

    回覆刪除
  13. 一踏正咗,人性陰暗點就發作,不過好明顯佢係蓄意喎,冷血無情癡癡地!

    回覆刪除
  14. Just for fun...有些人虐待動物,有些人 bully 同學,有些人插陌生人一刀,呢個 fun 可大可小好唔簡單!Criminal mind + 心理變態。

    回覆刪除
  15. 雖然佢咁做係唔啱,
    只要係真心改進嘅,
    其實又唔洗炒佢魷魚吖,
    只要知錯能改就可以,
    人誰無錯呢?

    回覆刪除
  16. 其實今次產生一個警惕作用,一時快樂,換來名譽掃地及丟了一份工作.
    不要因一時快感而抱憾終生!

    回覆刪除
  17. 如此也做得出?這個女人真不是人。

    回覆刪除
  18. cherrie下午1:15

    Chris, 你句「咩呀!唔順呀?hum頭埋牆丫,笨!」
    金玉良言呀!!!!!!!!!

    回覆刪除
  19. 匿名,
    我都希望她講的是真話,一時 short 左而已。

    回覆刪除
  20. babala,
    把快樂建築在別人的痛苦上,fun乜鬼?

    回覆刪除
  21. 新鮮人,
    真的炒了.....

    回覆刪除
  22. 易明,
    那個城市是小地方,她以後都幾慘。

    回覆刪除
  23. Cherrie,
    係喎,以前我們吵架時係這樣講的。

    回覆刪除
  24. Fung,
    做甚麼都諗下後果先好。

    回覆刪除
  25. 之前睇有線新聞睇過呢條片, 好似話隻貓係個女人嘅鄰居養, 而個女人唔妥個鄰居好耐所以咁做.

    回覆刪除
  26. 哦!
    貓貓怎樣都屬無辜的。

    回覆刪除
  27. 原來外國都有憤青行為....(笑)

    個女人已經唔係妹妹仔,心智成熟,做出依d行為係抵佢死既。

    回覆刪除
  28. 人肉大搜索之下,她的身份敗露,是皇家蘇格蘭銀行的職員,有人用電郵罵她,有人在她的電話上留口訊罵她,甚至恐嚇要取她性命。

    外國版高登起底組﹖ XD

    回覆刪除
  29. 講人肉搜索,還不及中國的勁。

    回覆刪除