2013年5月22日 星期三

學非所用

日前香港一些報章大幅報道,有一個中學會考九優、中大畢業的會計師樓分析員,辭去高薪工作,去了做巴士司機 (頭條日報新聞)。

平時很多人掛在嘴邊的「職業無分貴賤」,在華人社會中,不過是說說吧了。說到底,哪個父母不想子女做醫生,或甚麼師甚麼師的專業人士,斷不會鼓勵他們讀「搵唔到食」的學科的。

在外國,以我住了19年的澳洲為例,西人在這方面不大緊張,不會催促子女讀「有前途」的學科,大學畢業生做了與所學毫不相關的職業,也很平常。


幫我做過小手術的某澳洲華人外科名醫,有個兒子尊重他的要求,讀到醫科畢業,但是沒有做醫生,做了廣告公司。有個朋友找人到府噴殺蟲水,那個自僱經營的技工,原來是本地名大學音樂系畢業的。無他,「搵到食,咪得囉」!

在澳洲,職業收入差距不大,撇開最高層那些年薪數百萬澳元的打工皇帝CEO不談,比如一間銀行裡,最基層的櫃台職員的月薪,和他們的supervisor(相差可能不過幾百澳元),以至負責整間分行的經理(可能只是一倍)的收入差距,遠不如香港的大。

打工而不是自己開業做生意的「專業人士」,如工程師、會計師、律師,幾千元月薪,其實和中學教師、巴士司機、巡邏的警員、派信的郵差相比,高不了多少。

如果說到找工作,泥水、造木、電工、水喉匠、油漆佬,分分鐘更吃香,收入有過之而無不及。自僱經營,很多開支可以報稅抵消,比固定月薪的硬扣一大筆更上算。

中年移民,很多都不能在外國找回自己在原居地的工作,找得到也要做低層次的職級,心中很不好受。你肯忘記過去坐冷氣房,學一門手藝,做比較「辛苦」的工作,養妻活兒不太困難。

澳洲最容易找的工作是開的士,的士公司長期找人,連印度留學生也不拘,而且越來越多。你有車牌就可以應徵,短期受訓之後就可以開工;新入行可能先要做人家不做的輪班,如夜班或週末,你做熟了就有數講。

就算你是一點專門技術也沒有,可以上門做鐘點執拾家居洗抹吸塵,幫人剪草,做開了自然會有熟客。尤其是我們香港人兩文三語,多了一重語言便利,光是做同生意也不用愁。我有很多朋友,找人做清潔和剪草,都說很難找到好的,有好的也做不長,問有沒有介紹呢。

(文章允許轉貼,請具作者名字:梁煥松)

 ............

38 則留言:

  1. Raymond上午8:12

    行行出狀元,大學主修甚麼並不重要!

    回覆刪除
  2. 話雖如此,但做父母的,當介绍自己的兒女時,说「我的兒子做醫生」、和「我的兒子整水喉」,是有些分別的。這是可惡的現實。

    回覆刪除
    回覆
    1. Raymond上午9:57

      還有,我的兒子或女兒月入多少多少,向人家炫耀。

      刪除
    2. 「我個仔啊,在羅便臣道買了樓!」

      刪除
  3. 有口碑的華人教車師傅除稅收入也好過很多專業人仕。

    回覆刪除
    回覆
    1. 也不是唯錢事尚,最重要的是社會需要各行各業。

      刪除
  4. 因為在民主政制下, 人的整體感受, 是彼此更為平等, 在自我的肯定上, 減少對財富的倚賴

    某些地方的人, 無法安心落地生根, 金錢是走佬的必要工具, 所以咪更加勢利囉

    回覆刪除
    回覆
    1. 在外國,大富豪除外,一般人都是住差不多的屋,開差不多的車。

      刪除
    2. 認賊作父 數典忘祖 崇洋媚外
      你條契弟唔死都無撚用

      刪除
    3. 有冇辦法可以block左D網上圾垃?

      刪除
  5. 我是fb=Aabbkftai Po
    小朋友晒命,如父母係老殘,要佢供養,又要供樓,還有幾個細佬妹要佢照顧交學費,睇佢有冇這般風騷?風騷得幾耐?
    現時年青人不要說刻苦耐勞,連毅力都冇,三分鐘熱度罷了
    追尋自己夢想,希望你不會堅持得長久,高學歷搶低學歷人的飯碗.為興趣,可買架巴士來玩吓.
    李嘉誠與小士多舖老闆仔,街市小販之間的爭,冇分別.

    回覆刪除
    回覆
    1. 有人懷疑九巴故意放料,改善形象!

      刪除
    2. 我想香港/傳統華人社會最大的問題, 就係個個都將 "照顧父母老弱" 呢個口號不斷掛在嘴邊. 然後大家都如 chris 老師所說, 一窩蜂去擠進所謂有前途的專業... 點解香港鼓勵唔到創意工業, 科研發展, 唔能夠只賴政府冇政策推動, 事實上就算比錢去搞, 都冇人入行...

      我也是需要照顧屋企一族, 可是我看到這位年青人敢行出來追夢, 仍會為他鼓掌! 佢依家之所以多人去 "讚" 佢, 唔單只係 "會計師 -> 揸巴士", 而係代表左一種年輕人心態上的改變. 他們不會再因循苟且, 會思考目前環境是否理所當然, 會去求變求出路.

      養家絕對是對的, 可是假如有人真的沒有家慮, 為什麼就不能讓他們嘗試去走一條新路? 依家有好多討論都話香港太依賴地產 + 金融, 難得有人勇敢的思考新方向, 為什麼我們就要看不過眼, 要打柴佢地? 世事難料, 香港假如能由 "步向底特律之路" 走出來, 話唔埋就係呢班有guts 的年輕人的功勞. 至少我覺得, 唔會係關地產商事law.

      刪除
    3. 如果係故意放料,希望那位司機大哥知道自己被狗巴利用了,然後高調劈炮狠狠咁摑班無恥高層同蠶蟲師爺一巴

      司機大哥唔憂冇嘢做,重後生,咁好學歷,無謂被無恥之徒利用!

      刪除
    4. 咁有未必係要做一世巴士佬。
      不過既然自小都想上試下開巴士,丟低份好工走去玩下呢味野也無可厚非,人是要趁年輕輸得起的時間做做傻事的。
      我移民澳洲,都諗定無野撈時去開的士。

      刪除
    5. 我覺得近幾年,年輕人輸唔得起,幾乎日日都有年輕人跳樓,吊頸,燒炭.自小就自把自為,被各方面寵壞了.

      刪除
    6. 我覺得該位小朋友真的沒什麼值得我們大驚小怪。他不會一世揸巴士的。他只不過放個長假去玩,幾時玩完他還是要回到原來的高薪厚職的工作上。

      刪除
    7. 拾荒者下午6:26

      佢可能真係想揸巴士呢,香港有唔少巴士迷。

      刪除
    8. 家父在巴士公司任職,他說很多巴士司機真的入行到退休都做司機。
      但我希望狀元不應長期任職,因為新入行的巴士司機待遇不比以往。
      當司機只是埋沒了他的能力吧。

      刪除
    9. 年輕人,玩幾年不妨,順著自己的意願走,做人才快樂。

      刪除
  6. 「職業無分貴賤」,在華人社會中,不過是說說吧了。

    沒辦法,中國人直到現在為止都唔知咩叫平等。永遠覺得有了錢就可以唔駛做,從來都唔會想下有錢之後,其實可以做d有意義既野。

    早個排演林肯的Daniel Day-Lewis俾人問,拿完Oscar Best actor award 之後有咩做,佢話想返Ireland練習下自已的木工技術。我身邊個個都話佢癡線……中國人真係唔知咩叫個人生活……

    回覆刪除
    回覆
    1. 我最愛戴的哲學家維根斯坦,做開劍橋大學教授,辭職不幹,走了去醫院摺床單。

      刪除
    2. 中國人直到現在為止都唔知咩叫平等。永遠覺得有了錢就可以唔駛做...

      而且有了錢可以亂點任何人去做,最好係為佢白做,使死人地唔會為止!

      刪除
    3. 中國人的社會缺乏人人平等的觀念, 制度不重視平等分配的原則.

      刪除
  7. 在那边做烧焊也有很不错的收入!

    回覆刪除
  8. 如果個人對某一門知識有興趣,去大學讀返幾年究研吓,增進學識,
    然後做第二啲工,當然冇問題。
    如果對嗰科冇興趣,為咗順從父母去讀,真係嘥錢又嘥時間。
    不過對政府嚟講,如果好多人都只係為興趣去讀書,無人學以致用,就好大問題。
    畀好多錢訓練醫生、工程師出嚟,佢哋走晒去掃街抹車;咁不如慳返啲教育經費,
    叫佢哋一係自費讀書,一係就叫佢哋一開始去掃街抹車好過。

    amo

    回覆刪除
  9. 我的在加拿大做醫生的大舅,三個仔女是醫生。
    又認識一個澳洲的中文教授,三個仔女都是醫生。
    大佬,這個世界要那麼多華人醫生幹嗎?

    回覆刪除
    回覆
    1. 所以造就一個有趣現象,英美電視劇中出現的華人永遠都係醫生。
      律師少見d因為大多數華人都唔係太熱衷讀文科,尤其是係美國。美國規定法律係第二學位,你學士唔係讀文科都好難入到好的law school。

      刪除
    2. 醫生是有牌劏人的

      刪除
    3. 得罪講句,讀醫係好難,但係醫療工作並不講求創造性,基本上係高度跟manual做嘢嘅行業,所以啱晒並不鼓勵大膽創新,"cannot think different" 的華人就讀。(除在醫學上有創新的何大一)

      刪除
    4. 拾荒者下午6:22

      可以番大陸搵人仔...

      刪除
  10. 有心人不做總經理 創高檔農耕品牌
    港有機靚菜 內地爭住要
    【香港有空耕】
    生果報【本報訊】老一輩常說「讀唔好書要返鄉下耕田」,但大學畢業、曾任總經理的黃如榮卻念念不忘兒時田園生活。3年前他毅然放棄高薪厚職,回到老家的農場種菜,將20多年管理經驗融入農場,打造香港有機蔬菜品牌,同時又推出Apps吸引忙碌中產訂菜,現時農場產品有價有市,吸引內地機構主動以天價求菜,為港農殺出新血路。
    http://hk.apple.nextmedia.com/news/art/20130514/18259315

    回覆刪除
  11. http://www.facebook.com/aulawfarm

    歐羅有機農場

    回覆刪除
  12. 拾荒者晚上9:45

    香港無可能做到咁,連搞多少少福利都唔得,

    因為大陸有各種途徑不停放人到香港、

    如果真係要令到各行業工種工資拉近距離,

    恐怕只會令平均工資拉低,唔係拉高...

    回覆刪除
  13. 這位九優車長可能升職得很快
    今次只是九巴的公關攪大宣傳
    梁車長夾着九優計量金融學系
    在四大做經理級分析員的資歷
    在九巴可以前途無限好到極極

    回覆刪除
  14. 傳聞以前中巴時代,繁忙時間唔夠司機用,高層都會落場揸翻兩轉。

    回覆刪除
  15. 70年代,九巴站長黃霖,獲委立法局議員。

    回覆刪除