2013年5月16日 星期四

幸運號碼

現在香港正值學唱粵曲的的高潮,好些認識的友人都說在學唱。幾個地區的會堂,如西灣河、沙田、屯門等等,加上傳統的新光戲院、修復開放的油麻地戲院等等,長期都有票友的演唱會舉行。

選曲有新有舊,但都是才子佳人、王候將相的古老題材,氣氛傷感幽怨的多,比不上傳統粵曲的多姿多彩。

四、五、六十年代的粵曲很有活力,肯創新,常有以當前社會為背景,甚至有嘻笑怒罵,諷刺時弊的作品,例如今次介紹的這首以入馬場為題的「幸運號碼」:


原曲約40分鐘,這個Youtube片段節錄了9:50分鐘,已是難能可貴。主唱的兩個佬倌梁醒波和譚蘭卿,給一般人的印象總是肥胖的丑角----查實他們二人年青時都是擔正的小生花旦,後來體形膨脹,才不得不改變戲路和唱腔。

任何事物,小如一張電車票,過了幾十年,就添加了歷史參考價值;這首50年前的粵曲,曲詞裡有很多當年的事物, 我們今日聽起來,特別有味道。

網上找不到歌詞(P.S.謝網友留言提供),好在我有本陳年的「金牌粵曲皇」,可以一饗知音粵曲之中插入英文,不出奇。大家耳熟能詳的那齣「鳳閣恩仇未了情」,其中就有一幕用半鹹淡英文朗讀「番邦來書」亂七八糟的鬧劇:

賽馬心得都可以用來填詞,這位作者真巴閉
聽到那些馬和騎師的名字,資深馬迷一定會回心微笑
P.S. 土豆網有全曲可聽:http://www.tudou.com/programs/view/V4eCvElf7o0/

(文章允許轉貼,請具作者名字:梁煥松)
 ............

27 則留言:

  1. Raymond上午9:33

    看來,這類新潮粵曲保存了不少二三手史料。

    回覆刪除
  2. Raymond上午9:45

    即使沒有歌辭,也聽得清楚!

    回覆刪除
    回覆
    1. 大老倌念白唱曲,足為後人楷模。

      刪除
  3. 現在細心聽才知道係寳. 歌詞認真啜核,完全反影出當時的廣府人生活俚語,再夾雜一些英語單字,真佩服填詞人. 十分可惜粤曲這嶺南民間藝術未能發揚光大,而更日漸被大部份人遺忘.

    波叔同卿姐演繹生猛精彩,想今日已少有這類人才矣.

    回覆刪除
    回覆
    1. 很難想象譚蘭卿初時是瘦女----長期夥拍馬師曾的。

      刪除
  4. 梁醒波 譚蘭卿-幸運號碼 (39:33 分鐘)

    http://www.tudou.com/programs/view/V4eCvElf7o0/

    資料來源:
    http://www.009y.com/forum.php?mod=viewthread&tid=29322

    幸运号码 梁醒波谭兰卿 (生赛龙夺锦)

    想发横财问阿拉,我拿手赌赛马。妙也,妙也,欲想家财大把,真需要施奸诈,只要全心买马。买定啦,买定啦,好易博得几盆花。(白榄)今日着翻呢套新西装,带翻个奥美架,挂住个望远镜,仲带埋“屈边”太阳卡,你估我去边呀那,因为今日呢场“啦史”大赛马,我有个朋友做骑师,个名叫做芝浩华,佢有内幕贴士俾出嚟,话明千万要留心只威特霸,仲叫我睺住只“偏多拿”,夹落佢只火花,因住只突尾华呙,冷门提防爆出只幸运号码,佢话唔输就包会赢,点都有翻拃渣,所以我博命赶去马场,希望占翻支求财卦嘞。(滚花)呢铺就缸瓦全打老虎,因为我有晒揸拿呀,今日快活谷一定人海人山,米嘞,我都要及早入场将位霸。(白)喺嘞,呢边又无的士,咦,个边有架的士,过马路截车,的士。(刹车声)(旦白)唉哟,真系嚇死我呀,我啋。(对花)边一鬼个,心都惊怕,实情系等车瓜,要遵法例嚟望下,要认真将佢话,边一个中昏鸡,真抵骂。(生白)你晓唔晓揸车咖。(旦接唱)车瓜你都应该,仲将我骂。(生沉句滚花)唉吔吔,嚇到我当堂块面色,变咗七彩卡拿。(白)唉,系嘞。(滚花)成身泥浆,十足变咗只泥湴蛤乸。(旦白)肥佬,无事呀嘛,唔死得呀嘛,我架车真系好彩咯。(赛龙夺锦中段)几乎架车揩花,几乎我架车揩花。(生接唱)我险些车瓜,险些车瓜。(旦接唱)你想过路,例要睇真下啦嘛。(生接唱)你开快车,已经错差,你实有违例。(旦白)笑话。(接唱)我揿咗喇叭,架新车好彩未曾被你整哪渣。(生白)呀仲抵死,架车好彩未曾整哪渣。(旦白)梗喺啦,整花要赔添噃。(生白)喂,斑马线车避人嘅噃,你总知嘅咩。(二黄)简直草菅人命,你曾否学晓,把车揸。(旦唱序)米话我自夸。(接唱)若非我驾驶术,高明。早已将你垫于,车轮下。(生唱序)你仲讲啲风凉话。(接唱)好彩生成够吨位噃,否则已瞓直咗嘞,等当下。(旦唱序)你仲系度一棚牙。(接唱)做乜你阻住我开车,是否想乘机,敲诈。(生白)混帐,笑话。(十八摩)请你,睇下,我后栏经已开咗花。(旦接唱)啋,个衰佬讲得咁羞家。(生接唱)并无虚言乱说话。(旦接唱)真定假。(生接唱)实无假。(旦接唱)你是否当街想丢价。(生接唱)你呢隻八婆都迓惯喳。(旦白)吓,你几时死呀,话我八婆添,我边处迓惯喳,条马路行车咖嘛,你行路要带眼得咖。(减字芙蓉)实在过失皆在你,你只正式系失魂虾。好似赶住去投胎,真系一只撞死马。乱咁中开嚟马路,应该睇住我转“干那”啦嘛。(生白)系斑马线嚟转“干那”?(旦接唱)你赖死就行远啲,我有名系霸王鸡乸。(生白)自称系霸王鸡乸。(接唱)我唔理你系边一个,总之你唔会系“阿娃加拿”。(白)做官咩你。(接唱)你又知道我乜“呵士”。(旦白)屈崩锁匙几咁闲呀。(生白)“要奴唉温呢呵士”,乜野屈崩锁匙。(旦白)你话屈崩锁匙呀。(滚花)唉吔,我真系唔识听你个啲咸虾话。(生木鱼)我依家问你知唔知我系乜野人马。(旦接唱)我识得你系摩罗差。(生接唱)你仲居然敢话唔识我添。(旦接唱)唔通你系“呔伦炮华”。(生白)呀。(旦白)呀咩,睇到咁实,索野呀。(生白)你唔系谭兰卿?(旦白)识我噃,好话就系老娘嘞,喂,你系唔系梁醒波个肥佬呀。(生接唱)好话嘞就系阿拉。(旦接唱)哦原来系自己人。(生白)自己人,第个真系要同你讲数咖。(旦白)讲乜野数呀。(生白)唉,惨嘞,时间呡嘞,(接唱)俾你害到我见财将水化。(旦接唱)你仲嚟乘机撒赖噃。(生接唱)我唔系纸扎嘅下巴。(旦白榄)点解你讲得咁出奇啫。(生接)你误咗我去马场嚟赌马。(旦接)咦几时学识铺草皮呀?(生接)叻过全港啲马评家。(旦接)咁你有无睇晨操。(生接)咁早起身势系假。(旦接)咁你有无睇下纪录。(生接)咁鬼劳神,我一生最怕。(旦接)啲马匹嘅升降你知唔知。(生接)呢层我又口哑哑。(旦接)咁你又点会赢。(生接)想问我贴士我偏唔话。(旦白)你唔话唔系罢啰,你估你啲贴士实赢嘅咩。(生白)实赢。(旦中板)讲到赛马,呢一层,我亦有多年经验,都未敢话九稳,十拿。(生接唱)什么嘅马路,与马经,我一概唔知,只知实赢,咁至够声架。(旦白)烂叻。(接唱)边只马善跑,长程。边只系短途健将,唔到你将额水,乱扒。(生接唱)我唔使理,咁多,米话我长短不分,因我买亲,都跑出“超那”。(旦接唱)有乜秘诀,会实赢,可否公开嚟研究。(生白)你就想。(旦接唱)我最多请你,去饮茶。(生接唱)我唔讲,你点知,我全靠啲贴士发财,预知边场,边一只杀马。(旦接唱)你米咁,天真。贴士完全可靠,几多人输到,依起棚牙。(生接唱)呢啲系内幕,贴出嚟。自然系与别不同,佢仲话明,稳阵过威也。(旦接唱)你讲得咁,沙尘。(生接唱)绝对无沙尘。(旦接唱)我同你赌埋牙较,等你米咁,自夸。(生白)又同你赌埋牙较。(滚花)咁我一于要坐住你——(旦白)啋,撞鬼你呀,成吨几重坐住我呀,肥膏都俾你坐出嚟咖。(生接唱)一于坐埋你架老爷车,赶去马场。(旦白)呵呵,搭我车系嘛,好啦。(接唱)横掂老娘,都想买翻几匹心水马。(白)上车啦肥佬。(生白)你架咁嘅搣得烂。(七字清中板)欣然踏上老爷卡。(旦滚花)踩油飞车。(生白)喂喂,安全稳阵啲吓,大佬。(旦白)定啲啦。(滚花)我唔怕抄冧巴咖。


    (生娱乐升平)开快车顾住人前面个架,因住下左边个架,睇住下呢边个架。(旦接唱)你指挥我仲条气更难下。(生接唱)嚟啦,嚟啦,嚟啦,对面有货车卡。(旦接唱)你死啦。(生接唱)死啦,等瓜。(旦接唱)把衰口真衰啦,乜咁耐未停过,米出声无话你哑嘅。(生接唱)皆由实觉心惊怕啦嘛。(旦接唱)你大胆试下,大胆试下,我习惯未怕啦。习惯米怕啦。(生接唱)今帐实等抄冧巴。(旦接唱)我驶车嘅护照早已花。(生接唱)我头晕夹肉跳,好似老虎背难下,嚇到我唔会话。(旦接唱)我慣咗例。(生接唱)你慣乜野例。(旦接唱)我见车就要爬。(生白)咁惨嘞。(接唱)撞板等瓜。(旦接唱)依家有无瓜啫。(生接唱)你好想去瓜咩。(旦接唱)包保你实无差,我包保你实无瓜。(生接唱)喂有只白蚱噃。(旦接唱)边处有只白蚱。(生接唱)你自己看下,隔后尾几架,顾住佢会扠。(旦接唱)顶多不过罚款,交监有乜鬼迓揸。(生白)咁又唔想啦。(旦白)最多唔喺俾钱。(生接唱)你休多说话,应知性命要紧呀。(旦接唱)我非多说话,你偏多说话。(生接唱)我仲想要过尾祃。(旦接唱)经已嚟到马场,入去叹翻杯下午茶。(白)到嘑,落车啦。(生滚花)头场仲有五分钟至开闸,开讲话执输行头,真属惨过败家。(旦白)喂肥佬。(接唱)呢场你买边只独赢,你啲贴士,究竟系真抑或系假呀。(生戏水鸳鸯)米话我唔关照,呢啲系行内人说话,有心想发横财,就买啦,你唔怕,跟下,买威特霸,有衰呢,都系攞嚟嘅咋,实在无差,米话我唔话,你应该买嘑,使乜想啫,你真唔化。(旦送君)翻开纪录调查,状态边匹系好马,查内边睇去,应该买翻只蛤乸。(生接唱)险些笑甩只大牙,边有蛤乸呢只马。(旦接唱)你要查问下,真系未化,蛤乸系田鸡东啦嘛。(生白)哦蛤乸系田鸡东。乜你系顺德呀度左右咖。(旦白)个边左右咖。(生白)咁实行同你赌埋牙较都得嘞。(滚花)嗱,嗰啲马都经已排齐入闸,唔使几分钟内,你块面口就要变苦瓜。(旦接唱)我唔该你米咁滋油,等到跑完,至可以分高下。(生快乐伴侣)你嚟望下,睇下我只威特霸,佢唔系假,仲要睇真下,尽力搏命猛爬,今番我有晒揸拿。(旦接唱)唓你未必赢实卦,我未必输实咖,你嚟望下,睇下只蛤乸爬,佢尽力搏命咁爬,一冲就过“干那”。(生接唱)全凭个卫林义,趁住四号猛帮勾将位迓。(旦接唱)呢彭日成仲架鬼势,拚命一飚几十码。(生接唱)你要嚟望下,睇下我只威特霸。(旦接唱)你要嚟望下,睇下只蛤乸爬。(合)哗,尽力搏命猛爬,跑出个边哪。(生士工慢板)我中正只独头标,呢次我赢到实,话你又唔信,边个叫你眼力,得咁差。仲讲乜野睇晨操,又讲乜野查纪录,辛苦自己攞嚟,仲搞到毫无,代价。(旦接唱)呢一场独头标,未知边个赢,一齐过终点,你米估实有,揸拿。我买个只田鸡东,亦系榜上有名,马匹既属同班,未必就输于,你只威特霸。(生白)你仲要第一,百足眼球都有假嘅,呢次你丢实价咯,我去收钱,唔同你讲。(旦白)我输?真系你够运咯。喂肥佬,米咁老定噃。依家又着红灯,影紧相添,好野。原来头马系我只田鸡东。你只威特霸,哦原来输咗个马鼻之差。(生白)唉,衰马病马,惨咯,咁又输得唔抵咯。(三脚凳)原来影相输个马鼻,输得我够肉麻,睇落眼都冤,气到我几乎爆炸。(旦接唱)鬼叫你唔够运,点会买到马嘅精华,而家开跑第二场,你应该要变化。(白)唔好揸得咁板嘑肥佬,你眼光唔够我,跟下我尾啦。(生白)唔紧要,呢啲当手震俾过马会。(旦白)咁你第二场买乜野马呀。

    回覆刪除
    回覆
    1. (生白)我已经胸有成竹嘅。(板眼)讲到呢一次,我一定买火花。(旦接唱)我偏偏同你咬颈,要买只美丽华。(生接唱)我只系首席嘅热门,坐冠望亚。(旦接唱)我只三甲甚稳,机会唔差。(生接唱)我只系首选之才,系呢班称王称霸。(旦接唱)而家又开跑嘞,好心你米得棚牙。(生白)美乜丽华,实行系火花,火为财呀嘛,睇住呀。(生小曲)欲想攞威水望佢要杀马。(旦接唱)你嘅“山埃”贴士真正实情系太假。(生接唱)今番自然系到我恶下。(旦接唱)输咗头场你仲未怕。(生接唱)噢噢噢噢上啦,火花。你唔赢我实等瓜。(旦接唱)睇真下火花,跑长途实等瓜。(生接唱)无谓咒我只马。(旦接唱)你只马变弹牙,因乜你唔买只美丽华。(生接唱)我唔信只美丽华。(旦接唱)你唔信又试赢啦。(生沉腔滚花)唉吔吔,激到我变生虾。(七字清中板)呢两场都唔知真定假,当堂输到我眼都花,莫非其中有奸诈,因何啲贴士得咁差。跑二三,都无咁丢价,跑出梗颈四,太羞家。(滚花)米嘞,应有尽有在呢铺,返本全凭。(旦白)喂喂,肥佬,你返本全凭边一只呀,谂清楚啦。(生白)唔使谂嘑,呢次尽地最后嘅嘑。(接唱)尽地最后在呢只幸运号码。(旦长句二黄)我大笑嘻哈,睇你在马场,将泪洒。真正系可怜可笑,十足一只无爪蠄扒,若果贴士都可以赢钱,仲边度有人嚟赌马,你就草皮铺晒,我就频笑,哈哈。(生白)唔使咁滋油,老襯当旺,无得讲。(旦接唱)你唔信我嘅良言,又何必要疑真,疑假。(生白)好呢,好呢,唔好咁沙呢。(叹板)唔该你,唔该你米仲嚟靠翳。(旦白)啋,而家边个翳你啫。(生接唱)点解自己啲运气得咁差。(旦白)俾条手巾仔你抹眼泪啦。(生接唱)若果呢场再唔赢。(旦白)喂你保重呀肥佬。(生白)无啦,摷晒个身都得咁多,可惜无带多啲钱嚟,同佢博大命。(接唱)呢场都唔赢,难免血管当堂会硬化。(旦白)唉,好心咯肥佬,好心你米咁紧张啦,睇下我呀。(咸水歌)我又中咗孖宝独赢,激死你个烧坏瓦呢兄哥。呢场我买安全第一。(白)安全第一。(接唱)若果唔信你就即管睇住爬呀呢。(生白)仲话我烧坏瓦,我话你瓦风岭就真,安全第一。(旦白)你赢过钱未呀。(生白)老襯当旺啫,安全第一,你揸车就安全第一咯,你买只安全第七就真。(醉头陀)你居然系处口花花,我唔信你跑赢只幸运号码。(旦接唱)喂马场应该讲玩玩下,唔计输赢就一乐也。(生白)唔赢钱边个孖佢赌呀,我要包赢嘅。(接唱)你米咁风骚,米咁沙尘,若果赢我叫你做阿嬤。(旦白)闸住,乜叫得我咁老呀。(生白)即系尊敬你咁解。(旦接唱)你有无想真,米纸扎下巴,若果唔赢你我叫你做阿爸。(生白)吓。(旦白)乜你咁快就应嘑咩。(生白)我听唔真你个阿爸抑或阿迓。(旦白)即系我唔赢得到你匹马呢,我就叫你做阿爸咁解。(生白)咁我应埋你个阿迓都唔怕嘑。你睇下,我只马由头带到落尾,呢次相信唔会见财将水化。好嘞,赶去收钱。(旦白)喺噃,呢次叫你做阿爸都得嘞,咦,米咁定住,肥佬,睇真吓,红灯又着。(生白)又着红灯?喺噃。(旦白)原来你嗰只马犯咗规,取消咗头马资格,我嗰只安全第一补上,又我赢,呢轮你唔气死都会激瓜咯。(生白)唉,攞景咯,今次无晒行啦(滚花)我就燶埋口面,佢就大笑嘻哈,我就输净输清。(白)松咯,咦。原来呢张套票嚟嘅。(接唱)套票呢张,都费事对冧巴。(白)掉鬼咗佢咯。(旦白)米掉佢住,使乜咁灰心啫,对下佢先啦,或者张套票有行都未定嘅,几多号冧巴呀?(生白)1818,实发实发。(旦白)唔喺噃肥佬,咦,中咗噃,你自己对真吓呀。(生白)戴翻个眼镜先,系噃,1818,8181,实发实发,真喺唔多得,多得你。(旦白)乜野多得又唔多得。(生白)唔该晒你,唔系差啲见财化水,呢次好过赢马,咁又唔同嘑,明明跌落地,好彩,挪就挪翻拃金沙。(旦卖相思)我地两个都赢钱证佳话,理应庆祝一下。(生接唱)我满心欢畅,今晚请你做啪哪。(旦白)米拘。(旦接唱)总系要有钱赢,不分多与寡。(生接唱)我地两个经已赢钱,大家都欢笑咔咔。(白)多得晒,我请你食晚饭。(旦滚花)我发财全凭安全第一,你呢全靠幸运号码。(生白)我请你食晚饭。(接唱)实行饮杯嚟庆祝,一定要揾间全港嘅最大酒家。


      G

      刪除
    2. 我找不到,閣下幫了我,真多謝!

      刪除
  5. 幸運號碼 梁醒波譚蘭卿 (生賽龍奪錦)

    想發橫財問阿拉,我拿手賭賽馬。妙也,妙也,欲想家財大把,真需要施奸詐,只要全心買 馬。買定啦,買定啦,好易博得幾盆花。(白欖)今日著翻呢套新西裝,帶翻個奧美架,掛住個望遠鏡,仲帶埋“屈邊”太陽卡,你估我去邊呀那,因為今日呢場 “啦史”大賽馬,我有個朋友做騎師,個名叫做芝浩華,佢有內幕貼士俾出嚟,話明千萬要留心只威特霸,仲叫我睺住只“偏多拿”,夾落佢只火花,因住只突尾華 咼,冷門提防爆出只幸運號碼,佢話唔輸就包會贏,點都有翻拃渣,所以我博命趕去馬場,希望占翻支求財卦嘞。(滾花)呢鋪就缸瓦全打老虎,因為我有曬摣拿 呀,今日快活穀一定人海人山,米嘞,我都要及早入場將位霸。(白)喺嘞,呢邊又無計程車,咦,個邊有架計程車,過馬路截車,計程車。(刹車聲)(旦白)唉喲,真 系嚇死我呀,我啋。(對花)邊一鬼個,心都驚怕,實情系等車瓜,要遵法例嚟望下,要認真將佢話,邊一個中昏雞,真抵罵。(生白)你曉唔曉摣車咖。(旦接 唱)車瓜你都應該,仲將我罵。(生沉句滾花)唉吔吔,嚇到我當堂塊面色,變咗七彩卡拿。(白)唉,系嘞。(滾花)成身泥漿,十足變咗只泥湴蛤乸。(旦白) 肥佬,無事呀嘛,唔死得呀嘛,我架車真系好彩咯。(賽龍奪錦中段)幾乎架車揩花,幾乎我架車揩花。(生接唱)我險些車瓜,險些車瓜。(旦接唱)你想過路, 例要睇真下啦嘛。(生接唱)你開快車,已經錯差,你實有違例。(旦白)笑話。(接唱)我撳咗喇叭,架新車好彩未曾被你整哪渣。(生白)呀仲抵死,架車好彩 未曾整哪渣。(旦白)梗喺啦,整花要賠添噃。(生白)喂,斑馬線車避人嘅噃,你總知嘅咩。(二黃)簡直草菅人命,你曾否學曉,把車摣。(旦唱序)米話我自 誇。(接唱)若非我駕駛術,高明。早已將你墊於,車輪下。(生唱序)你仲講啲風涼話。(接唱)好彩生成夠噸位噃,否則已瞓直咗嘞,等當下。(旦唱序)你仲 系度一棚牙。(接唱)做乜你阻住我開車,是否想乘機,敲詐。(生白)混帳,笑話。(十八摩)請你,睇下,我後欄經已開咗花。(旦接唱)啋,個衰佬講得咁羞 家。(生接唱)並無虛言亂說話。(旦接唱)真定假。(生接唱)實無假。(旦接唱)你是否當街想丟價。(生接唱)你呢隻八婆都迓慣喳。(旦白)嚇,你幾時死 呀,話我八婆添,我邊處迓慣喳,條馬路行車咖嘛,你行路要帶眼得咖。(減字芙蓉)實在過失皆在你,你只正式系失魂蝦。好似趕住去投胎,真系一隻撞死馬。亂 咁中開嚟馬路,應該睇住我轉“幹那”啦嘛。(生白)系斑馬線嚟轉“幹那”?(旦接唱)你賴死就行遠啲,我有名系霸王雞乸。(生白)自稱系霸王雞乸。(接 唱)我唔理你系邊一個,總之你唔會系“阿娃加拿”。(白)做官咩你。(接唱)你又知道我乜“呵士”。(旦白)屈崩鎖匙幾咁閑呀。(生白)“要奴唉溫呢呵 士”,乜野屈崩鎖匙。(旦白)你話屈崩鎖匙呀。(滾花)唉吔,我真系唔識聽你個啲鹹蝦話。(生木魚)我依家問你知唔知我系乜野人馬。(旦接唱)我識得你系 摩羅差。(生接唱)你仲居然敢話唔識我添。(旦接唱)唔通你系“呔倫炮華”。(生白)呀。(旦白)呀咩,睇到咁實,索野呀。(生白)你唔系譚蘭卿?(旦 白)識我噃,好話就系老娘嘞,喂,你系唔系梁醒波個肥佬呀。(生接唱)好話嘞就系阿拉。(旦接唱)哦原來系自己人。(生白)自己人,第個真系要同你講數 咖。(旦白)講乜野數呀。(生白)唉,慘嘞,時間呡嘞,(接唱)俾你害到我見財將水化。(旦接唱)你仲嚟乘機撒賴噃。(生接唱)我唔系紙紮嘅下巴。(旦白 欖)點解你講得咁出奇啫。(生接)你誤咗我去馬場嚟賭馬。(旦接)咦幾時學識鋪草皮呀?(生接)叻過全港啲馬評家。(旦接)咁你有無睇晨操。(生接)咁早 起身勢系假。(旦接)咁你有無睇下紀錄。(生接)咁鬼勞神,我一生最怕。(旦接)啲馬匹嘅升降你知唔知。(生接)呢層我又口啞啞。(旦接)咁你又點會贏。 (生接)想問我貼士我偏唔話。(旦白)你唔話唔系罷囉,你估你啲貼士實贏嘅咩。(生白)實贏。(旦中板)講到賽馬,呢一層,我亦有多年經驗,都未敢話九 穩,十拿。(生接唱)什麼嘅馬路,與馬經,我一概唔知,只知實贏,咁至夠聲架。(旦白)爛叻。(接唱)邊只馬善跑,長程。邊只系短途健將,唔到你將額水, 亂扒。(生接唱)我唔使理,咁多,米話我長短不分,因我買親,都跑出“超那”。(旦接唱)有乜秘訣,會實贏,可否公開嚟研究。(生白)你就想。(旦接唱) 我最多請你,去飲茶。(生接唱)我唔講,你點知,我全靠啲貼士發財,預知邊場,邊一隻殺馬。(旦接唱)你米咁,天真。貼士完全可靠,幾多人輸到,依起棚 牙。(生接唱)呢啲系內幕,貼出嚟。自然系與別不同,佢仲話明,穩陣過威也。(旦接唱)你講得咁,沙塵。(生接唱)絕對無沙塵。(旦接唱)我同你賭埋牙 較,等你米咁,自誇。(生白)又同你賭埋牙較。(滾花)咁我一於要坐住你——(旦白)啋,撞鬼你呀,成噸幾重坐住我呀,肥膏都俾你坐出嚟咖。(生接唱)一 於坐埋你架老爺車,趕去馬場。(旦白)呵呵,搭我車系嘛,好啦。(接唱)橫掂老娘,都想買翻幾匹心水馬。(白)上車啦肥佬。(生白)你架咁嘅搣得爛。(七 字清中板)欣然踏上老爺卡。(旦滾花)踩油飛車。(生白)喂喂,安全穩陣啲嚇,大佬。(旦白)定啲啦。(滾花)我唔怕抄冧巴咖。


    (生 娛樂升平)開快車顧住人前面個架,因住下左邊個架,睇住下呢邊個架。(旦接唱)你指揮我仲條氣更難下。(生接唱)嚟啦,嚟啦,嚟啦,對面有貨車卡。(旦接 唱)你死啦。(生接唱)死啦,等瓜。(旦接唱)把衰口真衰啦,乜咁耐未停過,米出聲無話你啞嘅。(生接唱)皆由實覺心驚怕啦嘛。(旦接唱)你大膽試下,大 膽試下,我習慣未怕啦。習慣米怕啦。(生接唱)今帳實等抄冧巴。(旦接唱)我駛車嘅護照早已花。(生接唱)我頭暈夾肉跳,好似老虎背難下,嚇到我唔會話。 (旦接唱)我慣咗例。(生接唱)你慣乜野例。(旦接唱)我見車就要爬。(生白)咁慘嘞。(接唱)撞板等瓜。(旦接唱)依家有無瓜啫。(生接唱)你好想去瓜 咩。(旦接唱)包保你實無差,我包保你實無瓜。(生接唱)喂有只白蚱噃。(旦接唱)邊處有只白蚱。(生接唱)你自己看下,隔後尾幾架,顧住佢會扠。(旦接 唱)頂多不過罰款,交監有乜鬼迓摣。(生白)咁又唔想啦。(旦白)最多唔喺俾錢。(生接唱)你休多說話,應知性命要緊呀。(旦接唱)我非多說話,你偏多說 話。(生接唱)我仲想要過尾祃。(旦接唱)經已嚟到馬場,入去歎翻杯下午茶。(白)到嘑,落車啦。(生滾花)頭場仲有五分鐘至開閘,開講話執輸行頭,真屬 慘過敗家。(旦白)喂肥佬。(接唱)呢場你買邊只獨贏,你啲貼士,究竟系真抑或系假呀。(生戲水鴛鴦)米話我唔關照,呢啲系行內人說話,有心想發橫財,就 買啦,你唔怕,跟下,買威特霸,有衰呢,都系攞嚟嘅咋,實在無差,米話我唔話,你應該買嘑,使乜想啫,你真唔化。(旦送君)翻開紀錄調查,狀態邊匹系好 馬,查內邊睇去,應該買翻只蛤乸。(生接唱)險些笑甩只大牙,邊有蛤乸呢只馬。(旦接唱)你要查問下,真系未化,蛤乸系田雞東啦嘛。(生白)哦蛤乸系田雞 東。乜你系順德呀度左右咖。(旦白)個邊左右咖。(生白)咁實行同你賭埋牙較都得嘞。(滾花)嗱,嗰啲馬都經已排齊入閘,唔使幾分鐘內,你塊面口就要變苦 瓜。(旦接唱)我唔該你米咁滋油,等到跑完,至可以分高下。(生快樂伴侶)你嚟望下,睇下我只威特霸,佢唔系假,仲要睇真下,盡力搏命猛爬,今番我有曬摣 拿。(旦接唱)唓你未必贏實卦,我未必輸實咖,你嚟望下,睇下只蛤乸爬,佢盡力搏命咁爬,一沖就過“幹那”。(生接唱)全憑個衛林義,趁住四號猛幫勾將位 迓。(旦接唱)呢彭日成仲架鬼勢,拚命一飆幾十碼。(生接唱)你要嚟望下,睇下我只威特霸。(旦接唱)你要嚟望下,睇下只蛤乸爬。(合)嘩,盡力搏命猛 爬,跑出個邊哪。(生士工慢板)我中正只獨頭標,呢次我贏到實,話你又唔信,邊個叫你眼力,得咁差。仲講乜野睇晨操,又講乜野查紀錄,辛苦自己攞嚟,仲搞 到毫無,代價。(旦接唱)呢一場獨頭標,未知邊個贏,一齊過終點,你米估實有,摣拿。我買個只田雞東,亦系榜上有名,馬匹既屬同班,未必就輸於,你只威特 霸。(生白)你仲要第一,百足眼球都有假嘅,呢次你丟實價咯,我去收錢,唔同你講。(旦白)我輸?真系你夠運咯。喂肥佬,米咁老定噃。依家又著紅燈,影緊 相添,好野。原來頭馬系我只田雞東。你只威特霸,哦原來輸咗個馬鼻之差。(生白)唉,衰馬病馬,慘咯,咁又輸得唔抵咯。(三腳凳)原來影相輸個馬鼻,輸得 我夠肉麻,睇落眼都冤,氣到我幾乎爆炸。(旦接唱)鬼叫你唔夠運,點會買到馬嘅精華,而家開跑第二場,你應該要變化。(白)唔好摣得咁板嘑肥佬,你眼光唔 夠我,跟下我尾啦。(生白)唔緊要,呢啲當手震俾過馬會。(旦白)咁你第二場買乜野馬呀。

    回覆刪除
  6. (生白)我已經胸有成竹嘅。(板眼)講到呢一次,我一定買火花。(旦接 唱)我偏偏同你咬頸,要買只美麗華。(生接唱)我只系首席嘅熱門,坐冠望亞。(旦接唱)我只三甲甚穩,機會唔差。(生接唱)我只系首選之才,系呢班稱王稱 霸。(旦接唱)而家又開跑嘞,好心你米得棚牙。(生白)美乜麗華,實行系火花,火為財呀嘛,睇住呀。(生小曲)欲想攞威水望佢要殺馬。(旦接唱)你嘅“山 埃”貼士真正實情系太假。(生接唱)今番自然系到我惡下。(旦接唱)輸咗頭場你仲未怕。(生接唱)噢噢噢噢上啦,火花。你唔贏我實等瓜。(旦接唱)睇真下 火花,跑長途實等瓜。(生接唱)無謂咒我只馬。(旦接唱)你只馬變彈牙,因乜你唔買只美麗華。(生接唱)我唔信只美麗華。(旦接唱)你唔信又試贏啦。(生 沉腔滾花)唉吔吔,激到我變生蝦。(七字清中板)呢兩場都唔知真定假,當堂輸到我眼都花,莫非其中有奸詐,因何啲貼士得咁差。跑二三,都無咁丟價,跑出梗 頸四,太羞家。(滾花)米嘞,應有盡有在呢鋪,返本全憑。(旦白)喂喂,肥佬,你返本全憑邊一隻呀,諗清楚啦。(生白)唔使諗嘑,呢次盡地最後嘅嘑。(接 唱)盡地最後在呢只幸運號碼。(旦長句二黃)我大笑嘻哈,睇你在馬場,將淚灑。真正系可憐可笑,十足一隻無爪蠄扒,若果貼士都可以贏錢,仲邊度有人嚟賭 馬,你就草皮鋪曬,我就頻笑,哈哈。(生白)唔使咁滋油,老襯當旺,無得講。(旦接唱)你唔信我嘅良言,又何必要疑真,疑假。(生白)好呢,好呢,唔好咁 沙呢。(歎板)唔該你,唔該你米仲嚟靠翳。(旦白)啋,而家邊個翳你啫。(生接唱)點解自己啲運氣得咁差。(旦白)俾條手巾仔你抹眼淚啦。(生接唱)若果 呢場再唔贏。(旦白)喂你保重呀肥佬。(生白)無啦,摷曬個身都得咁多,可惜無帶多啲錢嚟,同佢博大命。(接唱)呢場都唔贏,難免血管當堂會硬化。(旦 白)唉,好心咯肥佬,好心你米咁緊張啦,睇下我呀。(咸水歌)我又中咗孖寶獨贏,激死你個燒壞瓦呢兄哥。呢場我買安全第一。(白)安全第一。(接唱)若果 唔信你就即管睇住爬呀呢。(生白)仲話我燒壞瓦,我話你瓦風嶺就真,安全第一。(旦白)你贏過錢未呀。(生白)老襯當旺啫,安全第一,你摣車就安全第一 咯,你買只安全第七就真。(醉頭陀)你居然系處口花花,我唔信你跑贏只幸運號碼。(旦接唱)喂馬場應該講玩玩下,唔計輸贏就一樂也。(生白)唔贏錢邊個孖 佢賭呀,我要包贏嘅。(接唱)你米咁風騷,米咁沙塵,若果贏我叫你做阿嬤。(旦白)閘住,乜叫得我咁老呀。(生白)即系尊敬你咁解。(旦接唱)你有無想 真,米紙紮下巴,若果唔贏你我叫你做阿爸。(生白)嚇。(旦白)乜你咁快就應嘑咩。(生白)我聽唔真你個阿爸抑或阿迓。(旦白)即系我唔贏得到你匹馬呢, 我就叫你做阿爸咁解。(生白)咁我應埋你個阿迓都唔怕嘑。你睇下,我只馬由頭帶到落尾,呢次相信唔會見財將水化。好嘞,趕去收錢。(旦白)喺噃,呢次叫你 做阿爸都得嘞,咦,米咁定住,肥佬,睇真嚇,紅燈又著。(生白)又著紅燈?喺噃。(旦白)原來你嗰只馬犯咗規,取消咗頭馬資格,我嗰只安全第一補上,又我 贏,呢輪你唔氣死都會激瓜咯。(生白)唉,攞景咯,今次無曬行啦(滾花)我就燶埋口面,佢就大笑嘻哈,我就輸淨輸清。(白)松咯,咦。原來呢張套票嚟嘅。 (接唱)套票呢張,都費事對冧巴。(白)掉鬼咗佢咯。(旦白)米掉佢住,使乜咁灰心啫,對下佢先啦,或者張套票有行都未定嘅,幾多號冧巴呀?(生 白)1818,實發實發。(旦白)唔喺噃肥佬,咦,中咗噃,你自己對真嚇呀。(生白)戴翻個眼鏡先,系噃,1818,8181,實發實發,真喺唔多得,多 得你。(旦白)乜野多得又唔多得。(生白)唔該曬你,唔系差啲見財化水,呢次好過贏馬,咁又唔同嘑,明明跌落地,好彩,挪就挪翻拃金沙。(旦賣相思)我地 兩個都贏錢證佳話,理應慶祝一下。(生接唱)我滿心歡暢,今晚請你做啪哪。(旦白)米拘。(旦接唱)總系要有錢贏,不分多與寡。(生接唱)我地兩個經已贏 錢,大家都歡笑哢哢。(白)多得曬,我請你食晚飯。(旦滾花)我發財全憑安全第一,你呢全靠幸運號碼。(生白)我請你食晚飯。(接唱)實行飲杯嚟慶祝,一 定要揾間全港嘅最大酒家。

    回覆刪除
    回覆
    1. 哈哈,還有繁體版添,確醒神!
      難得有人一個個字的打出來放上網,還附有曲牌名字,欽佩。

      刪除
    2. 香港的事物, 這是必不可少的版本 !

      刪除
    3. 多謝以上匿名君同放上網者,我都係,欽佩!

      刪除
  7. 這麼長的粵曲,可以一韻到底,作曲人功力很深。

    回覆刪除
    回覆
    1. 博主 有那麼多真貴的絕版資料,
      有無考慮把它們全掃瞄了分享呢?

      G

      刪除
    2. 舊一點而已,不敢說是絕版啦。
      最近看到有人買到幾十本怡紅生、靈簫生的小說,那才厲害呢。
      陸續分享吧。

      刪除
  8. Raymond下午3:23

    希望有唱片商出CD。

    回覆刪除
    回覆
    1. 我相信很多錄音母帶已失,擁有版權的唱片公司也倒閉多時了。

      刪除
    2. Raymond下午8:14

      倘若找到沒有太多雜音的唱片,而唱片版權期已過,也可以出CD。

      刪除
    3. 出CD比較冒險,事關工厰訂單數量最少二千隻才接受印製.今天賣到二千隻可不容昜,做卡式盒帶或可考慮.

      刪除
    4. 我絕少上大陸網站的。這次才知道土豆有豐富的粵曲資源。
      大家有興趣就去聽吧。

      刪除
  9. 撰曲人徐子郎,正是《鳳閣恩仇未了情》的編劇。此劇不是我那杯茶,但無可否認有其獨特的吸引力。

    回覆刪除
  10. 綱上的讀友們真知識淵博及臥虎藏龍呀!

    回覆刪除
  11. 全曲:http://programme.rthk.hk/channel/radio/programme.php?p=684&e=229593&d=2013-09-02&m=episode

    回覆刪除