2013年5月24日 星期五

兩首滿天神佛

兩首「滿天神佛」,都是志在搞笑的粵語流行曲,借道士開壇唸咒的唱誦,加入當時的流行曲旋律,亂配歌詞,包括社會俗語諷刺時弊。

首先是60年代的一首,由銀幕上演作法道士最多的高魯泉(第二的,一定是林正英)主唱:

有網友筆錄下了歌詞,但有一些明顯的錯字,我看得到的都改過來了。有幾句反覆聽也搞不清楚的,以問號為記:

一聲鑼鼓響叮噹 請到滿天神佛降道堂 請埋登月英雄杭斯朗 二郎神楊戩四大金剛 齊天大聖同唐三藏 哪吒兄弟呢  共托塔天王


焚香一拜請 請到天上玉皇大帝 如來佛祖 太上老君 觀音娘娘 太白金星 太陽神 太陰星
弟子虔誠奉請 今有三角褲妖精 殺氣騰騰得人驚 
污穢向正靈神位 弟子生意拍烏蠅

嚇到我面青 三餐吔燒餅 朝朝心驚驚 問卜冇陣靈

皮嘢去交租 追到冇命 三叉擋風水 都未得法術靈

兩聲鑼鼓篤篤篤 飛上天堂請阿福 班齊阿John阿Jack將妖捉

成功過陣就very good 我請你地去香港仔食seafood 即係喫海鮮 阿伯

焚香二拜請 請到天堂天主 耶穌基督 聖母瑪麗亞 謨罕默德 活佛喇嘛

活佛基督 做好事救番德叔 同情老金 抵佢餓到面木木
呢排吊砂煲  甩米又冇添煲粥 朝夜惡妖精 等我地免落地獄
現代妖精衆仙望見心郁郁 佢迷魂夾風騷 曲線又正啖啖肉
驚住衆仙家黐線就變酸薑粥 色迷衆仙心 搞到扮蟹入地獄
本法師殺手鐧多多 聽住黎啦

三聲鑼鼓仲巴辣 請埋蠄蟧通曱甴 鐵嘴雞共掛爐鴨

買一開三就殺 買二開四都殺 三隻都是六哩 大細通殺
焚香三拜請 請到陰間十殿閻羅 牛頭馬面
冤鬼傻鬼 腎鬼癲鬼 懵鬼戇鬼 為食鬼潮氣鬼 污糟鬼賤格鬼 爛賭鬼兼夾鹹濕鬼
我有法子出了哥 班齊衰鬼鬥三煞 捉埋神與佛 來完成計劃
拜托各位堅仙家 驅除妖魔去三煞 至橫財入宅 貧窮人發達

哎呀南無菩薩大施法 鬥三煞 遷阻褲妖精 捆咗佢入埕 兼夾掃除污糟兼邋遢

哎呀南無菩薩增德法 去三煞 生意滔滔 訓出特靈 先至大財滔隆盡發
…....................................................

第二首是約10年後,由鄭君綿唱的「新滿神佛」 ,我當年是聽黑膠細碟的,現在也略略修正過網上流傳的歌詞,如下:

生生神靈在 世世保安寧 無災亦無障 永保得安寧
清淨法水 日月華蓋 中藏北斗 內有三胎 神水灑淨 濁去清來 靈符蕩穢大天尊 

焚香一拜請 焚香二拜請 焚香三拜請 請到救苦救難觀世音菩薩 買熱爆冷梗殺 買冷開熱都殺 

又嚟請到北方真天真武玄天上帝 阿彌詰諦 孤寒皇帝 輸乾輸淨賣當借王帝 大小爭風 揼心揼肺 日本投降 軍票作廢 老闆閙完 加人工冇計 

又嚟請到南海廣利洪聖大王 最得人怕果個托水龍王 茶煙飯吊索氣大王 鹽倉土地陰濕大王 蛇王鱔王 食完等腳 果班麻雀大王 

弟子虔誠奉請 今有瘴氣烏煙 冤氣騰騰 開壇送煞 酒奠三杯 奠瞑 叩首

初聲鑼鼓響叮噹 列位星辰降道場 天宮發夢我周時上 仙女同埋請我去食薑 玉皇王大帝請我嚟睇相 如來佛祖等我去出糧

近日天堂真係唔似樣 神行太保走去坐包廂 拜得神多自有神庇佑呢 燒金銀衣紙呢 咪孤寒呢
利是大封多大吉呢 滿天神佛都聽我敲喙 天堂地府都同一樣 元寶蠟燭呢 都可以買得命長呢

再聲鑼鼓響叮噹 請到齊天大聖果個馬騮王 西天請埋果個唐三藏呀 同埋去打十三張 我揸住三啤就齊標汗呀 我唔知點擺呢 我就發哂狂呢


三聲法語口花花 請到十三太子個李哪吒 佢做野失魂兼哪喳 雪茄學食佢話咬茶瓜 呢無錢豆泥真係鬼都怕 有錢大把人爭呢 叫亞爸呢


天靈靈 地靈靈 今朝走去九龍城 開工搵埋個徒弟勝 佢學人拍拖上咗老襯亭 我唔上山搵阿正 肥雞燒肉自己一樣拎

檯上剩番元寶蠟燭 鬼五馬六 幾個潮州柑 夠黃又夠熟 菩薩唔好爭 仲有
大個酸醙包 一毫買兩件 搵的牛油搽上面 賣到七毫嚟博亂
哎呀 最怕吊起沙煲 講來周身軟 搞到周時唔得掂 充吓南無嚟搞掂
呃呃騙 呃呃騙 呃騙 呃騙 呃呃騙 騙騙呃騙 呃呃騙 

哎呀燒肉香 雞少見 快的買樽孖蒸添 今晚撐硬嚟就笠笠暖
走人

...........

我請教過粵曲前輩,知道「滿天神佛」是三四十年代的粵劇演員譚炳庸的原唱,但一時找不到更多資料了。(P.S. 謝網友留言補充)

 

17 則留言:

  1. 第一首的 "possible changes":

    問福冇陣靈 -> 問卜冇陣靈
    阿Jack將妖捉 -> 阿積將妖捉
    成功過陣就 -> 成功果陣就
    搞到慢嚇(?)入地獄 -> 搞到扮蟹入地獄
    鐵嘴雞同掛爐鴨 -> 鐵嘴雞共掛爐鴨
    我有法子出妖梭 班齊衰鬼扣三煞 捉槐神於達(?) -> 我有法子出了哥 班齊衰鬼鬥三煞 捉埋神與佛
    拜托各位元仙家 -> 拜托各位(?)仙家
    至橫財入閘 -> 至橫財入宅
    扣三煞 遷阻... -> 鬥三煞 遷阻...
    捆咗佢入櫥(?) -> "混"咗佢入酲

    -M&M

    回覆刪除
  2. According to "www.youtube.com/all_comments?v=RKaeowzuBfM"

    活佛基督做好事夠心得縮 行情撈金 抵佢磨到面木木 -> 活佛基督做好事救翻德叔 同情老金 睇佢餓到面木獨

    就會穿香燭 -> 就變酸羗粥

    -M&M

    回覆刪除
  3. 多謝晒兩位!

    回覆刪除
  4. 「滿天神佛」好似講緊而家香江

    近日天堂真係唔似樣 神行太保走去坐包廂

    又嚟請到南海廣利洪聖大王 最得人怕果個托水龍王

    天堂地府都同一樣 元寶蠟燭呢 都可以買得命長呢

    請到十三太子個李哪吒 佢做野失魂兼哪喳 雪茄學食佢話咬茶瓜

    回覆刪除
    回覆
    1. 現在香港群魔亂舞,人神鬼不分。

      刪除
  5. 重有葉德嫻的天師捉妖,電影版有句堅叔佢衰收尾,CD冇左,好可惜。

    電影版:
    http://www.youtube.com/watch?v=iCV5HXnXeao

    CD:
    http://www.youtube.com/watch?v=pWCAYmqlgIk

    回覆刪除
    回覆
    1. 嫻姐呢首正!

      仲要加埋黃霑作的「道道道」:
      https://www.youtube.com/watch?v=9LdxsdUOzQY

      刪除
  6. Chris 兄,原裝的「滿天神佛」唱者為譚秉庸,我小時常常聽,現在仍可在土豆網找得到。
    http://www.tudou.com/programs/view/w9irjyFCaCU/

    我認為比其他兩首好得多。

    回覆刪除
    回覆
    1. 多謝,原來是「秉」字,怪不得我搜索不到。

      刪除
    2. 鑼鈸和唱誦的口音更似南無佬。

      刪除
    3. 對。和幾十年前的喃無佬無異。

      刪除
  7. More changes:

    抵佢餓到面木木 -> "睇"佢餓到面木木
    呢排見砂煲 諗佢又冇添煲粥 朝夜唔叫聲 等我地要落地獄 -> 呢排"吊"砂煲 "甩米"又冇添煲粥 朝夜"惡(音: 互)妖精" 等我地"免"落地獄
    拜托各位元仙家 -> 拜托各位"堅"仙家
    遷阻縛妖精 -> 遷"咗褲"妖精

    回覆刪除
  8. 哎呀南無菩薩增大法 去三煞 生意滔滔 滾出實靈 -> 哎呀南無菩薩增"德"法 去三煞 生意滔滔 "訓速特靈" 

    回覆刪除
  9. 一一改了,謝!

    回覆刪除
  10. YouTube 有歌詞
    www.youtube.com/watch?v=g5En6qdoHqw

    回覆刪除
  11. 類似歌曲還有
    鄭錦昌-滿天神佛 1990年版本
    www.youtube.com/watch?v=Yksm8LPOoX4

    陳良忠 - 新潮滿天神彿
    www.youtube.com/watch?v=umxo_ShN1x0

    回覆刪除