2014年12月11日 星期四

逼不得已食老麥

美國華盛頓郵報新聞:Americans are not lovin’ McDonald’s—and haven’t been for years,說麥當勞宣布盈利業績,但是逐年流失顧客的趨勢很明顯。

我有沒有光顧老麥?也有的,不過只會是飢餓難耐,一時找不到其他選擇的時候。

真的是只可以「充飢」,不太貴,但也不算便宜,一個連細份薯條和汽水的「巨無霸」餐,差不多要七澳元,而味道真的很差勁。油站賣的保溫肉批比較好吃,加一枝汽水,沒有薯條,價錢也差不多......


老麥的包完全沒有麵包香,鬆軟得來像塑膠那塊內容複雜,啟人疑竇的「牛肉」,像柴皮一樣,靠廉價的重味醬料麻痺你的味覺。薯條呢,是外購物料,剛炸香的時候還可以,那杯可樂裡面一大塊冰,喝慢一點都會被融化的冰「溝淡」,很沒趣。

咖啡像洗鑊水,奶茶用的茶包是最廉價的,McCafe那邊供應的高級咖啡也是遠不及外面的咖啡店。

唯一可以讚的,是那杯幾毛錢澳幣的軟雪糕,以及其他硬件配套: 營業時間長,公眾假期不加價,室內環境整潔,廁所經常洗刷(近年個別Franchisee 經營者的水準不一,也會間中碰到一間不好的),有WiFi 可用。

唯一覺得老麥好,是深夜在公路上開車,覺得有點餓和疲倦,想找個地方歇歇腳,上廁所,洗個臉,遠遠看見那個 M字,下面燈火通明的時候。

。。。。。。。。。。。。。。

30 則留言:

  1. 我唔鍾意食老麥漢堡包,尤其覺得個啲所謂牛肉好大陳騷味兼鞋,除咗佢既將軍漢堡,不過,又唔係長期供應,所以入到香港、北美或澳洲嘅老麥都係首選魚柳包,次選麥香雞包,三選麥克雞塊。

    至於個包薯條,除非咁好彩撞正佢地啱啱炸,否則衰過隔夜油炸鬼,例如係加拿大一啲大城市市中心或walmart嘅老麥,價錢已經唔平,個包又細,薯條又幼,有啲舖連汽水都無得免費添,真係無乜好揀兼夜晚,唯有揀佢,無講話佢啲廁所,就算個場好多都不太乾淨。

    記得N年前去澳洲旅遊,佢個時啲魚柳包幾大個,最低限度大過香港啲size,不過塊魚柳炸法有啲唔同,澳洲老麥魚柳炸漿比較似炸雞個種,crisp過香港但香港個種就滑啲。

    老麥凍咖啡無哩聞味,熱咖啡普通過普通,最抵唷係軟雪糕。問心,有得揀都好難會揀老麥,北美快餐我覺Wendy甚或Dairy Queen好食過老麥。


    回覆刪除
    回覆
    1. 老麥近年有比傳統的BigMac高級一點的漢堡飽,那塊牛肉比較像牛肉,但一個餐要近十澳元,很貴。

      刪除
    2. 北美揸長程車寧願去找 subway !

      刪除
  2. 我就唔敢去廿四小時營業嗰啲麥當勞坐低食野了,從衛生角度諗,啲坐位都唔知有無邊個露宿者坐過晾過腳,費事一陣唔知邊度惹咗啲蝨呀灰甲呀股癬呀返屋企就有排頭痕了。

    回覆刪除
  3. Raymond上午9:33

    麥當勞,屬最後選擇。有得揀都不會揀。

    回覆刪除
    回覆
    1. 食漢堡包是醫肚的最後選擇。
      老麥是漢堡包的最後選擇。

      刪除
  4. 頗同意一說法,老麥的最大賣點是 reliability 和 consistency。無論去到世界各地,見到個 M 字,就知有可樂飲,有薯條和漢堡包食。在外國食老麥一啲都唔平,食過最貴的是在莫斯科。

    回覆刪除
    回覆
    1. 有得揀,我一定去Hungry Jack's(即是 Burger King)。

      刪除
    2. 同意,Burger King 的漢堡牛肉是燒的〈有一條條黑紋〉,很好味,但唔知點解在香港越開越少,要特登去揾至有得食。

      刪除
    3. Burger King 的管理層可能是低能的。(早一﹑兩年) 有一次去到 Burger King ,間 Burger King 重要係在 灣仔 電車路旁 的商廈地庫 (無"車立"到; 現已"執") ,至知唔記得帶銀包,得張 "達達通", 但Burger King 居然係唔收"達達通" 架,死未 !

      - 漠言

      刪除
    4. 30幾年前香港開第一間Burger King,開在在北角新都城地牢,都不知道是怎樣選址的。

      刪除
    5. 應該係舖租平的關係。唯有响地面做個大燈箱招牌。
      i-Joel

      刪除
  5. 香港老麦胜在平,24小时,密集。有特价项目,鱼柳包九蚊,细汽水五蚊。

    回覆刪除
    回覆
    1. 澳洲的老麥,價錢是香港的2 - 3 倍。

      刪除
  6. 香港M記現在太多蝗蟲 , 怕怕 !

    回覆刪除
  7. My personal experience both @ hk and overseas 牟單樓 soft drink can ask less or no ice !

    回覆刪除
    回覆
    1. Hungry Jack's最大方,汽水任您添。

      刪除
    2. 外國的牟單樓多是 free refill
      不是在counter前面給你
      而是給一個空杯杯自助soft drink

      刪除
  8. 飯亡時段去 寶家徑 牟單樓
    通常暢銷的 products
    都是預早做好的醬汁濕透個飽好難食
    為了可以吃好些
    可以稍為改一下 standard 的
    例如:要求 走青瓜 多洋蔥 不要生菜 多沙律醬
    便可以吃新鮮些嘅飽
    若帶回公司回家吃記著不要 sauce
    另外茄醬吃前才加上否則回到去時
    個飽已經盡濕霖癟癟好難吃

    回覆刪除
    回覆
    1. 好辦法,但憑著差勁的經營者,你說少什麼,他會從例牌的製成品之中,人手抓走便算。

      刪除
    2. 可惜 Burger King 香港上個禮拜一下執了5間(!),原來代理商走咗佬。
      再之後發現,原來香港有兩間代理商代理同一個招牌!

      刪除
    3. Burger King美味得多,無奈商業成功不及老麥。

      刪除
  9. 香港麥記,若非那三款21元的套餐和 9元特價包,其他的套餐也不便宜啊,需接近或超過三十元。
    反而即磨咖啡還好,配得上其十四、五元的身價。

    回覆刪除
  10. 澳洲麥記的 Angus Beef Burger 幾好食,夠大個,好像最初的 burger 咁大,肉夠軟熟,泮菜也多,可惜不是時時有得賣,而價錢也畧貴。

    回覆刪除
  11. 香港老麥真係無對手 -- 我好少食同埋覺得好貴 !
    去老麥當然要碌 Visa 卡

    回覆刪除
    回覆
    1. 同樣是junk food, 有得選擇的話,當然寧願要茶餐廳的餐肉蛋公仔麵了。

      刪除
  12. 自從自製漢堡包研製成功後就頂唔順老麥: 今晚超市經理突然問我加班先去隔離麥記買兩個芝士漢堡頂肚,難食到!依家先知由細食到大嘅麥記漢堡原來係垃圾!

    回覆刪除
    回覆
    1. 真的要在外面吃的話,還是路邊的小店,會做得出好吃的漢堡飽,看你遇不遇得著。

      刪除