2013年11月5日 星期二

政治粵曲

香港的靚妹歌手王菀之 說:「我討厭政治」。

你可以討厭政治,不想聽別人怎樣搞政治,覺得很吵鬧,自己也不想談;但是政治無孔不入,無時無刻在影響你的衣食住行,連看甚麼電視節目也管到。你甚麼都不理,只想唱好你的歌,政治權力也會箝制你的演出機會,有時還會要你「被自願」為政治服務!

王小妹親自為我們示範,她多討厭政治也好,還是要為政治服務,最近她做義務的「基本法大使」了。

粵曲名伶紅線女,五十年代從香港回歸大陸,初時享受頂級藝術家的待遇,也能演「搜書院」之類的純藝術粵劇和電影,不出幾年,便要唱歌頌共產黨的粵曲。女姐六十年代文革更被批鬥、抄家,剃陰陽頭、押著遊街、高叫自己的反革命罪狀,被侮辱到極點。批鬥罷了,女姐重獲演出機會----演那些不知所謂的改良粵劇樣板戲:「沙家濱」和「海港」。

70年代,朋友借過一隻黑膠唱片給我聽,大概是50年代灌錄的,是女姐和林小群分別主唱的愛國粵曲「 羊城新八景」之「鵝潭夜月」和「東湖春曉」,我反覆聽了多次,自己都識唱了。兩首都是出色的撰曲家所作 ,很好聽,歌詞描寫景物很優美;幫黨開聲的幾段,當然是「遵命而作」,極之肉麻了。

唱片一早已歸還給友人,好在我影印了歌詞,留到現在:


這裡可以聽:http://v.youku.com/v_show/id_XMjIzMzM1ODY4.html

BBC特稿「香港觀察:‬「我討厭政治‭!‬」的政治課

P.S. 承網友留言提到女姐唱的「荔枝頌」,找到了:


不過作曲、編曲都很差。非驢非馬的「粵曲」,我未聽過女姐唱得這麼難聽的......


(文章允許轉貼,請具作者名字:梁煥松)
 ............

101 則留言:

  1. 還有「荔枝颂」 和 「珠江禮讚」。所謂「人在江湖、身不由己」,頌讚自己的國家和人民,在那個時代,這是她起碼能做到的吧。

    回覆刪除
    回覆
    1. 女姐是直接參與搞政治的,也和陶鑄有密切關係,卒之引火自焚。

      刪除
  2. 王菀之說:「我討厭政治」, 當是藝人行走江湖, 不想惹是非吧 !
    但她做義務的「基本法大使」, 便覺得她很虛偽, 很會玩政治了, 「基本法大使」是很政治的東西, 那你不是自打嘴巴嗎 ? 義務的, 那便不能用接job開脫了

    回覆刪除
    回覆
    1. 「不理政治」也是一種政治立場。
      可以選擇做世外高人,搞不食人間煙火的藝術;但言猶在耳,轉身就做政治的代言人,就很難看了。

      刪除
  3. Raymond上午9:29

    紅線女回大陸,有一個解說是為了逃稅。

    幾年前,在一宗親會的農曆新年聯歡上,聽過來自大陸的唱家班高唱讚頌香港回歸的歌曲。

    王苑之太天真了。妳可以不理政治,但政治偏要理妳,避不了!

    回覆刪除
    回覆
    1. 可不是嘛!

      刪除
    2. 那不是叫天真,叫混為一談。

      所謂「討厭政治」者,既然為政府服務,即是他們討厭的並非「政治」本身,只是討厭「反對」、討厭「吵鬧」而已。

      刪除
    3. 希望自己甚麼都不用理,當政者是聖君賢相,一切代民打點,實施仁政.....
      這還是很多中國人的願望,我只能送他們三個字:
      「唔駛諗」!

      刪除
  4. 鴕鳥也是不理政治的,埋首沙裡. 結果是...

    回覆刪除
    回覆
    1. 聖經有句話很對,要馴良如鴿,靈巧像蛇。

      刪除
    2. 王苑之可能係異常高班,除聖經外她也聽懂了黄老(永玉)的説話: "對付魔鬼必須要用魔鬼方法".

      刪除
  5. 如果紅線女一直留在香港, 五六十年代的香港粵劇, 應該會更燦爛多姿, 女姐的藝術可能更上層樓

    回覆刪除
    回覆
    1. 所以近日香港芭蕾舞團的刪剪事件, 是重創藝術需要的自由土壤, 雖然被傳媒曝光後回復原狀, 但那種恐嚇警告的政治姿態, 給藝術人很大的陰影, 香港的無形價值就是這樣一點一滴流失的, 所以聽見政府權貴, 口口聲聲說什麼發展創意產業, 很可笑囉

      刪除
    2. 香港芭蕾舞團,門票收入不夠,大部分經費要靠贊助,很多贊助人有中港生意,一定顧忌多多。

      刪除
    3. 藝術需要自由的土壤才有生氣,不過中共建國初期的確有新氣象,令很多人有憧憬,女姐本人在內地出生長大,中共又給她很優厚的條件,除非有很高的政治警覺性,回歸大陸很自然。

      刪除
  6. 我最愛聽女姐的曲:紅燭淚
    http://www.youtube.com/watch?feature=player_embedded&v=yYKb_Zcscfg

    回覆刪除
    回覆
    1. 王粵生為「搖紅燭化佛前燈」寫這首歌,女姐很不喜歡,甚至不想唱,想不到會成為代表作。

      刪除
  7. 做人公平啲好。。。王宛之做「基本法大使」,做嘅係乜東東?宣揚叫港人去熟悉基本法。這何罪之有?如果佢話「大家熟悉咗基本法之後,自會支持第23條立法,國民教育,明白振英叔做乜都係為香港好」,咁就話有理由反駁聲討啫。。。政府利用基本法詭論,你要反駁,係咪亦要熟悉基本法呀?知己亦要知彼。。。唉!

    討厭政治,要凡事不沾邊?即政府乜康樂文娛活動,一概要堅拒?王宛之大使,只係企出嚟嗡一輪對白,算政治表態?你話佢突然參選,或做某人助選團,就話積極參與啫。。。

    欲加之罪,還振振有詞。。。唉!

    回覆刪除
    回覆
    1. 不是判她「有罪」,只是說搞藝術來搵食,自鳴清高、完全不沾政治,很難。

      刪除
    2. 唔好咁 naive 同 theoretical 喇。

      如果惶軟知自己出嚟平和、理性地討論韌帶色髮是否適當〈記住,不是反對〉,太公、聞燴唔打到佢變柿餅,我同你挽鞋喇。

      刪除
    3. Horai 你沒看清楚 Chris 寫甚麼。
      整本基本法,都是政治。若是要討厭政治,不討厭基本法,豈不離奇﹖

      還有,你多看幾次基本法廣告,究竟裡面賣甚麼意識,還不清楚﹖
      (「一切源於基本法」,嘩,你有自由選擇職業、去旅行,都係阿爺「恩賜」架。呢d係人權,應得架。就算基本法冇寫你都應該畀我架。
      何況你當年同英國佬面向全世界承諾左架,你唔好講「一切源於聯合聲明」﹖)

      刪除
    4. 冇人話個隻嘢有罪唉!

      刪除
    5. 她是做「基本法賣膏藥大使」,不是做「基本法冤情大使」,許諾會有的雙普選,點解冇左,她提也不敢提啊

      刪除
    6. @方潤:我不認為「討厭政治」意思可以廣泛到覆蓋所有事物。。。我討厭政治,我登記做選民,去投票,就是虛偽?

      刪除
    7. > 我不認為「討厭政治」意思可以廣泛到覆蓋所有事物

      如果你是回應我而不是自說自話,就不要歪曲我的論點。我何時有說過「討厭政治」覆蓋「所有事物」,我只是說「整本基本法都是政治」。如果你連這也要否認,我不知該說你天真純情還是為虎作倀。

      > 我討厭政治,我登記做選民,去投票,就是虛偽?

      如果你說選舉也不算政治,我除了「哈哈哈哈哈哈哈哈哈哈哈哈哈哈哈哈哈」之外沒甚麼可以答你。
      如果你說討厭政治只是指討厭政治當中的爾虞我詐,那麼選舉工程也是最爾虞我詐的。你參與投票即是「受人利用」,可以省口氣。

      所以,聲稱討厭政治,卻去投票「參與政治」,若非出自無知,確是最虛偽不過。

      刪除
    8. @方潤:閣下意思係:大家如果討厭政治,就咪虛偽去登記做選民,登記咗後家下討厭政治嘅,亦千萬咪再去投票!好,冇問題。大家聽見啦?一於照做喇!

      我最順得人。。。嘿嘿嘿嘿

      刪除
    9. 投票率高利乜政黨都唔知,嘿嘿嘿嘿。大家記住呀,討厭政治,就咪去登記做選民,亦千奇咪再去投票!俾人笑你哋虛偽就無謂啦係咪?

      刪除
    10. 投票率高利乜政黨都唔知------------>討厭政治既人,我都唔期望佢要投票畀你講既政黨囉,我亦費事「利用」佢啦,哈哈哈哈哈哈哈哈哈哈哈哈哈哈哈哈哈哈哈

      刪除
  8. 睇過之前Chris寫的中,港政治題目, 一直都無表態,但今日用紅線女來對比王菀之!!! 我感覺大家太過比面共產黨,王菀之. 以我所認識的中國人(年齡超過40之上),絕大部份都係用相同答案. 依家係甚麽年代,毛伯伯年代巳過,現在人人都係為錢生存. 等如黃秋生講,巳經移左民班香港人,就一定想香港死,仲係香生存班香港人,只有兩條路行,一係就做共產黨子民,一係就繼續反中.
    王菀之level,永遠不能同紅線女比較. 我係兩面都唔幫,

    PNG Sammy

    回覆刪除
    回覆
    1. 「我係兩面都唔幫」,真係「醒目香港仔」典範,點夠你撈。

      如果我同老細講,「我兩個方案都唔 buy,full stop」,我唸佢會即刻炒我。

      刪除
    2. 這就是自由民主的好處, 要睇你用甚麼眼光去睇 [我係兩面都唔幫]. 紅線女係比王菀之高班好多,係一位愛國之人, 只不過她睇錯中國[共產黨]. 點樣幫? 王菀之是香港中產家庭之後, 家人可能未經歷過[共產黨]傑作,以藝術水平,她無可能同女姐比較. 點幫? 如果你老細真係炒你,就代表他無腦. (如果我係你老細,一定會開心問你有冇第三個方法,總會對你好好.. 我不是醒目香港仔, ‧香港只是我的過去式, 97之後兩年就眼見不對勁,99年就離開香港一直到现在.

      PNG Sammy.

      刪除
    3. 明白和尊重你的看法。

      刪除
  9. 廣告可以令大家明成本基本法?嘩!邊間廣台公司拍嘅咁勁?

    通常人話「我討厭政治」,係指我唔會參予政治行動所必有的爾虞我詐,你嘅意思係討厭政治,就要對基本法不聞不問?乜邏輯?咁都得?叫人去明白常識,原來係政治活動。。。

    外國通常邀請演員做 public service announcement 之廣告,宣揚防止家暴呀,吸煙危害健康呀,醉駕毀己毀人呀等。。。其中有「投票乃國民責任」,咁亦係「討厭政治者」唔准做嘅?唉!

    回覆刪除
    回覆
    1. 唉!

      刪除
    2. Horai,一男子話特別多謝你!

      刪除
    3. @匿名(2:20):我婉拒閣下任何。。。嘿嘿嘿嘿嘿嘿

      刪除
    4. > 討厭政治,就要對基本法不聞不問?乜邏輯?咁都得?

      嘩,原來說她不應該擔任基本法大使就等於叫她對基本法不聞不問﹖ 乜邏輯﹖ 咁都得﹖ LOL

      刪除
    5. @方潤:嗱,我快人爽語,大家既要認真討論就咪玩婆媽文字遊戲。。。咁你係咪贊成港人應認識基本法吖?咁到底你點解反對王菀之做基本法大使?理由係。。。?請明示。唉。。。

      刪除
    6. 1. 我當然贊成香港人認識基本法啦。我自己去考政府公務員基本法考試試身手添。

      2. 贊成香港人認識基本法,同質疑「討厭政治」既明星去宣傳基本法,係兩回事。我地講緊既佢本人既 integrity 係咪一致既問題。

      3. 唔贊成「佢」去宣傳基本法,邏輯上同贊唔贊成香港人認識基本法,係兩碼子事。

      刪除
    7. 原來你針對嘅係王菀之一個人,唔妥佢話討厭政治又叫人去認識基本法。。。即係任何人做基本法大使都冇問題,但係王菀之做呢,就王菀之人格有問題,話討厭一樣野但又去做,即使王菀之做個樣野本身係你贊成,全力支持嘅。係咪咁呀?哦 ~~~~~~~~~~~~~~~~~~ 唉。

      好,討厭政治嘅,切勿再參予任何政治抗議活動,冇人稀罕你!咪埋嚟影衰哂!

      小心一語成讖。好,就如你所願。

      刪除
  10. 荔枝頌有很大的存在價值啊. 有了它才知甚麽是好曲,甚麽是"好直." -zpdrmn

    回覆刪除
  11. 荔枝頌真是難頂,王宛芝唔出聲冇人話妳啞,一句我討厭政治俾人笑足一世.唔衰攞嚟衰竭

    回覆刪除
  12. @匿名(2:08): 睇下俾乜人笑啫,佢在乎嘅人,佢會上心。。。如果係無相關痛癢嘅閒人,介意嘅都白痴喇,係咪?

    回覆刪除
    回覆
    1. Horai,
      你連王宛芝係工具也不知嗎?
      你太睇小 Chris 和這裏的留言者!

      刪除
    2. 。。。嘿嘿嘿嘿嘿嘿

      刪除
    3. Horai,
      哈哈哈哈哈加雞汁啊笨!

      刪除
  13. everything is being conducted because of politics, said old Mao, man!!!

    回覆刪除
  14. @匿名(2:35):我是真不知「王宛之係工具」。。。好,我認才疏學淺,閱人有限,不知世道險惡。但我知恥近乎勇,我懇請閣下及 Chris 賜教:王宛之是什麼工具?閣下之理據又是什麼?只因為你不滿政府,所以有人要提議大家去熟悉基本法,就是工具?即是支持民主就連基本法是什麼內容也不應知?唉。

    如果有人訪問去投票的選民,他們討不討厭政治,你估答案會是什麼?

    回覆刪除
    回覆
    1. 唉 !

      刪除
    2. @匿名(3:58):賜你四字成語,黔驢技窮。。。

      刪除
    3. 嘿嘿嘿嘿嘿嘿。。。

      刪除
  15. 大家熟悉了基本法,就表示你要接受別人對基本法之演繹?我就對自己有信心,你拿基本法演繹我就不會?大家咪逐字拗,你政府唇槍我不會舌劍?唓!

    回覆刪除
  16. 大巧若拙,解決好似好複雜嘅問題,不如 simplistic 啲,用個二分法,自己決定,王小姐做「基本法大使」,究竟係定唔係政治活動。

    Horai 當然話唔係〈雖然佢講下講下,開始有啲自相矛盾〉。

    純粹個人意見,《基本法》橫睇掂睇,點會唔係香港政治氛圍嘅主菜,我會揀「係」。

    回覆刪除
  17. 一句「我討厭政治」就要批評?
    「基本法大使」可能是公司代接工作。
    我覺得人們過於敏感,上綱上線。

    回覆刪除
    回覆
    1. 十年前,我沒想過香港會像六十年代的大陸,杯弓蛇影,只問立場,不問對錯。

      刪除
  18. 大家不用這麼燥,毋須嚴責這個小女孩、罵她「偽善」等等,請留意我的意見,是give her benefit of doubt 的:

    .....你甚麼都不理,只想唱好你的歌,政治權力也會箝制你的演出機會,有時還會要你「被自願」為政治服務.....

    回覆刪除
    回覆
    1. 同意Chris兄和Raymond兄。
      我看不過眼一些留言者上綱上線。

      刪除
  19. 好,不需多拗,我只問一簡單問題,大家回答時要撫心自問,對自己誠實:

    你討厭政治嗎?

    我先回答:我討厭政治。

    好了,大家各憑良心。Case closed。

    回覆刪除
    回覆
    1. 我不討厭政治. 只是討厭冇Integrity (中譯:誠信- 但我認為未能完全譯出原意)
      Integrity 唔喺死撑到底, 堅持立場不變. 而喺持守心中相信嘅價值觀, 表達係言行間. 當發現經驗與事實不符合, 肯重新思考, 檢視, 最後能夠作出結論. 或是保持確認固有立場, 或是承認需要改變, 以致要推翻一貫觀點.

      簡單啲講. 今日政治, 多的是政客: 無論左中右, 都係死雞撑飯派, 膠派, 風見雞派, 牆頭草派. 有幾何揾到過政治家? 重要佢嘅立場同自己接近.

      刪除
    2. 個「獅徽」〈係咪咁叫〉好正。

      「獅徽」變「紅風車」,見微知著,精緻、decent 和 sophisticated 的香港,被粗陋的共產紅取代。

      刪除
    3. "見微知著,精緻、decent 和 sophisticated 的香港" -- 緬懷八十年代。九十年代已經開始走下坡。

      刪除
    4. @Lion Cheng: 凡政治皆髒,no exception. Conventional wisdom is: You can't run a clean campaign and win. Honest politician is an oxymoron. You only pick the lesser evil...

      我對政治沒有憧憬,民主不會帶來賢者,民主只能保護我們,沒有最壞。。。唉。

      刪除
    5. 政治污唔污髒, 同我討厭與否無關係. 好多嘢都污髒又要有人去做. 倒垃圾; 通厠所; 同個細佬換屎片, 再洗屁; 送失禁老人去急症室; 我都做過, 而且有大把人都做過, 做緊. 重有好多重污髒都有人做, 亦唔會諗討唔討厭.

      政治本來就喺管理眾人, 分配資源. 一定有不同意見, 一定會有人玩手段. 不過食禁藥就請佢離場, 無誠信就唔投佢. 如果自已夠薑又頂唔順班二打六, 就捲起恤袖自已上. 例如孫文, 孟達拉, 馬丁路德金, 甘地, 佢地都未喺完人, 有缺點俾人彈, 但總唔可以話佢地喺oxymoron, 或者喺污髒政客. 喺,我喺話有幾何搵到過政治家? 我認為難搵, 所以更加要搵.

      政治唔喺污髒, 污髒既喺政客人格,

      刪除
    6. 「廁所唔係污糟, 污糟嘅係整污糟廁所的人的人格」?整污糟廁所的人離開後,廁所就唔再污糟?

      唔明。


      刪除
    7. @Lion Cheng: 人格嘅污漕好似同物件嘅污漕有好大分別喎!我會感謝洗廁所嘅阿嬸,你會唔會感謝使橫手嘅政客?政治既然是髒,你可以不討厭爾虞我詐,我不可以。我嘅拗點係政治嘅遊戲規則,係冇可能令一個完全清澈一塵不染絕不耍手段嘅人當選。當選嘅都係有其見不得光之手段,只是程度分別而矣。你可以說是身不由己,政治就是玩弄手段。當選後政績,則是另一話題。以上是基本大前提(即政治這遊戲不可能是清潭)。如果我哋大前提已分歧,咁再拗就不是邏輯之爭,是純口舌之爭了。

      Oxymoron 意思是自相矛盾。

      刪除
    8. 討厭政治,並不表示你消極放棄。美國最大民主國,絕大部分投票選民被訪問時都說他們 fed up politics and the sleazy mudslinging (抺黑),但他們明白討厭歸討厭,他們別無選擇,要盡公民責任,唯有揀一個衰少啲嘅。。。不過美國投票率偏低,僅過半數登記選民去投票而矣。

      不過香港呢,大家討厭政治,就咪鬼去投票呀!俾人笑虛偽㗎!聽見冇?

      刪除
    9. 打漏:fed up with politics....

      下次唔㗰時間改錯漏喇。。。

      刪除
    10. 政治, 不一定只有民主國家先有. 極權國家, 家長制度, 王朝世代都有. 只要有人, 有資源分配, 就有政治. 政客就真喺民選制度嘅產品. 政治家就任何制度都可以出現.

      你先問人憑良心答, 又要Case closed. 有人答, 你又由污髒扯到去感謝. 再定論凡政治必定污髒, 污髒就一定會受人討厭. Conventional wisdom喺乜?傳統智慧? 通識? 常識? 金科玉律? 一定係咁架?

      咁我地而家大概會重有一個大清國, 唔係中國, 或者會好似中東或係非洲咁, 劃分成十幾個國仔; 南非重係黑白分家; 奧巴馬唔會係美國總統; 孟加拉,巴基斯坦同埋印度都叫做印度, 喺事頭婆名下嘅一粒名珠.

      我講立場, 你話"拗點係政治嘅遊戲規則". 你會唔會有啲一定要人同聲同氣至肯Case close.

      刪除
    11. 唔好意思,覺得你寫啲嘢,好似前凸手曾吟拳講英文咁,扮流利,博你聽唔切。

      可能係我語文能力低,讀完你的一大串文字,都 get 唔到一個 point。

      「政客就真喺民選制度嘅產品」?中國歷史好耐以前,好似已經有政客嗰喎,唔通嗰陣時已經有民選?

      對唔住,唔想打搞你咁耐,以後就唔再讀你啲文字串喇。我自 close〈唔係自宮〉自己個 case。拜拜。

      http://woshizhaojinyong.blog.163.com/blog/static/69970754200992455946970/

      刪除
    12. 所以話呢, 你只需要把「關鍵字眼」寫出來便可以, 方便大家對話啊

      刪除
    13. @Lion Cheng: 哦,原來閣下係要我收嗲, case closed 就封口咪對任何人嘅立場再「說三道四」。。。早講吖嘛,我最易話為。。。

      我再大膽偷雞總結一下,即係咁:

      唔討厭政治嘅,請繼續赴湯蹈火,為民請命,熱衷政治活動。

      大家討厭政治嘅,就咪登記做選民,千祈咪去投票!亦咪去參予任何政治表態活動呀!否則俾人「哈」你十幾聲嘲諷你虛偽㗎!

      刪除
  20. 在Chris兄「地盤」各位留一手吧。有睇開「子貓」Blog嘅好多都係Chris兄老朋友,年齡層實唔細。呢度「有料人」都一定唔少,要嘈交玩辯論最少過百留言!最少玩1-2日…
    今次王宛之件事是非對錯明眼人都識分,傾計有話題「有火花」好呀!對拆局同分析能力好,睇嘢都遠D,全世界「單一思考」好危險,思想跟住人「走」,無進步。
    ……但係太多「偏激同歪理」就無謂喇。

    Chris兄,原來今日係Vivien Leigh百歲冥誕,本人而家係買緊火鍋料,今晚一邊火鍋,一邊開套「亂世佳人」回味吓先。

    回覆刪除
  21. 別以為政治只跟隨你,其實它早已走在你面.
    JOHN是我心中的評判,謝謝.
    有些留言者言詞略過火.

    回覆刪除
  22. 同枱食飯,各自俢行. 人有天真,亦有冇品.「有料人」,「冇料人」齊齊開枱焉不更好?(可以笑我天真).

    回覆刪除
    回覆
    1. 「有料人」亦要多開聲, 否則只有「冇料人」在場玩, 變成所謂沉默的大多數, 被人代表了, 也無謂怨啊

      刪除
    2. 同意。

      「劣幣驅逐良幣 (Bad money drives out good)」,君不見恆證會議、問窄官員成班劣幣,能力、品德低劣,遲早搞死香港,香港人似是待宰的羊。

      刪除
    3. 「劣幣驅逐良幣」 -- 沒錯。反共者的低劣邏輯和人身攻擊愈來愈似共產黨思維。

      刪除
  23. 王小姐你平時去開的間教會係乜背景 ? 大家心照
    另外「基本法大使」呢個位收左幾多錢出鏡費 ?

    回覆刪除
    回覆
    1. 邊間?好多高幹去那間嗎?
      幫政府宣傳,有無形利益,義工都有人肯做。

      刪除
    2. 天下沒有免費午餐, 無形利益不是白食的, 到要還的時候, 希望不要再用討厭什麼什麼來應對

      刪除
    3. 正所謂:出得來行,預了要還。

      刪除
  24. 近5年香港開始新思想啟蒙,睇吓醒覺幾多,大家吸收多少了。
    香港生活步伐急,人人為口奔馳,少理政治/有心無力係人之常情,進度慢是正常。
    好彩科技發達,方便接收「真正」新聞同各方消息了解真相,仲未死得哂。
    多咗「有料之人」出嚟分析事件同拆局係好事,破解大量糖衣包裝嘅「慢性毒藥」… !但「正氣」貼文者太少了,暫時見人數不多。「無料扮有料」嘅投機者/博上位博俾人招安有着數嘅就充斥市面,搞到前路難行…
    舊香港有大量文人,多數係「中間」思想。(報紙寫稿人、神秘投稿人、學者等等)佢地嘅行為、文章或傳播嘅係比較正確同有益嘅嘢,有教育作用。睇吓以前啲男女,就算市井之徒/無乜讀書嘅都出口成文,句句四字真言,思路清晰,這就是大家感染大家,人傳人嘅威力,社會氣氛都比較正面。
    但現在有料人買少見少,好多已經5x-7x…(本人69年,眨下眼都44了)
    「已經俾人分隔緊,不斷教單一思考,教你做人得幾樣野,其他唔使理!……舊人死哂就會斷層,再唔救…影響深遠…」
    Chris兄我欣賞嘅,睇「子貓」4年幾,為人思想「中間」,可文可武可粗俗(本人最欣賞)另外時事政治娛樂乜都講、其他古今文學文化又有,最緊要佢講「舊香港文化」。

    香港近10年搵$思想入哂腦…要改。

    所有「機器」係哂人地度…現在得番網上啟蒙方式了(唯一渠道)…

    回覆刪除
    回覆
    1. 多謝你跟了敝博四年多!以後請多一點發表意見啦。

      刪除
  25. >>>女姐本人在內地出生長大,中共又給她很優厚的條件,除非有很高的政治警覺性,回歸大陸很自然。

    有時俾個皇帝你做,都要諗吓自己係乜料。

    當然,紅線女走返上大陸最終原因係乜,只有佢知。

    怪論連篇:話唔定佢早已係地下黨員,領導單位要佢仆返上去,佢唔敢唔去;又或話唔定佢既身份似乎有跡象(甚或已經)洩漏,遲早會俾前殖民政府驅逐出境,咁不如敵未動我先動,因此棚尾拉廂嗱嗱臨三步作兩步dek佬,最低限度保持一個所謂愛國老倌形象。

    另一可能,老共手上持有不少紅線女黑白材料,要脅兼夾利誘一啖砂糖一啖屎之下,趙到滿嘴白泡無鞋挽屐走無瓜撚隻茄咁溜返上去。

    回覆刪除
    回覆
    1. 你最後一句很久沒有聽過人這樣講,要老廣東佬才能夠明白其妙處。

      刪除
    2. "無瓜撚隻茄"有甚麼妙處?賈真兄或Chris兄可以說明嗎? :)

      刪除
    3. 「 無鞋挽屐走,無瓜撚隻茄。」
      上下句對偶,上句講走得快,下句講邋得就邋,乜都不放過。

      刪除
    4. 見到 Chris 兄的解釋,忍唔住 kit 一聲笑出嚟。

      身為廣東人,真係自己都服咗自己,點解廣東話可以搞到咁傳神,咁「抵死」。

      其實呢排真係有興趣開始搜查一些廣東話的出處,應該很過癮〈話時話,「過癮」點解解做「過癮」〉。

      刪除
    5. I haven't had such a good laugh for quite a while. It brings out my tears. Thanks for sharing.

      刪除
  26. Chris兄,

    唔該哂。

    ******

    C君,匿名君(4:36),

    得Chris兄啜核解釋,相信兩位已知其意。

    話時話,未悉兩位或其他博友有否穿著過木屐經驗?

    舍下家人現時仍有穿着,都是從敝鄉買回來,香港似乎無幾何地方有售。

    回覆刪除
    回覆
    1. 謝謝Chris兄解釋。
      賈真兄,我從來沒有穿過木屐。廿多年前在香港街市肉檔工作的人仍有穿,現在似乎沒有了。

      刪除
    2. 我細個時著,幾毫子一雙,人字拖較貴,著唔起。

      刪除
    3. C 兄,

      不是啊,現在香港好多潮流女士,仍著木屐行街。當然唔係豬肉佬屐,係潮流款式嗰種。

      好似話著木屐,是有益腳部健康的。

      刪除
    4. 再補幾句。

      廣東俚語都是充滿街頭智慧的。「無鞋挽屐走」其實呼應 Chris 兄的說法,鞋當時是較木屐名貴。

      「無鞋挽屐走」的 implicit meaning 是「如果你冇鞋著,得屐著,都要挽屐走」。

      真係嗒落有味。

      刪除
    5. 謝謝匿名兄(上午1:09)補充。由此可知我是不跟潮流的麻甩佬。 :)

      我覺得最抵死的廣東俚語是「屎坑關刀」。

      刪除
  27. 各位,

    其實「無瓜撚隻茄」除咗邋得就邋,乜都不放過咁解外,亦有另一個意思,就即係話無瓜邋就算啦嗎,何必撚隻茄攪到自己跎手撚腳咁濕滯。

    回覆刪除
    回覆
    1. 我心術不正,「無瓜撚隻茄」會唔會係啲 sex joke。

      刪除
  28. 匿名君(12:32),

    唔好意思呀兄台,夢幻破滅,事關呢句說話nothing related to the juicy thoughts,哈哈!

    回覆刪除
    回覆
    1. 失望。Anyway ,多謝。

      刪除