2013年11月15日 星期五

洗頭水可用可不用

洗頭水含有一大堆化學添加劑,問你怕不怕?
認識一些朋友,每次見到他們,都聞到一股洗頭水的「香味」,原來有人是習慣每天都洗頭的。

超市和藥房裡的頭髮用品貨架,陣容鼎盛,各式洗頭水、護髮素、定型膠,看得你眼花撩亂,人人都要用,不買貴也買便宜的,肯定是大生意。

為甚麼有人要日日洗頭?我猜原因是:


汗和油脂分泌過盛,覺得過了一天頭髮就髒得有味

頭皮痕癢、不抓它一頓不舒服

愛洗頭後的清爽感覺

就是喜歡那些「香味」

但我懷疑,大多數洗頭水的香味是添加的,並非天然,而使人覺得「去污力強」的起泡功效,是靠工業化學劑,另外還有-----請看:

「....近年常用的防腐劑MI和MCI/MI,致敏比率正急速上升,恐會引致皮膚過敏或濕疹大爆發,呼籲禁用。英國皮膚過敏協會會長奧頓更指,目前已有近10%患者對該兩種物質過敏......(蘋果日報報道全文)

現代人「敏感」的越來越多,有些固然是天生的,自然病變的,但有可能是你用化學劑虐待你的身體,它給你的抗議。所以有些人是頭皮越癢越洗得密,但是越洗就越癢,沒完沒了。

其實如果你每日都洗頭,用暖水沖沖即可洗去汗和油脂,甚麼洗頭水都不需要用,更不需要用完洗頭水之後頭髮枯乾,是必再用甚麼「護髮素」來變回柔軟。天曉得那些護髮素,含有多少人工香味和化學添加劑!


或者你可以試試阿婆那一代的習慣,用純天然的「茶籽」來洗頭,這裡有些資料:

茶籽
茶籽粉的功效及用法
古老當時興 ~ 茶籽粉洗頭/洗碗


42 則留言:

  1. Raymond上午9:50

    兄每天都洗頭嗎?
    看見洗頭水瓶子上印的那堆英文字,真的很驚!

    回覆刪除
  2. Chris 兄是否 practise 緊「冇洗髮水」洗頭,效果如何?

    另見 Chris 兄頭髮污黑油亮,令人羨慕,不知有否染髮。

    回覆刪除
    回覆
    1. 我無染髮,兩三日才洗一次頭,用普通的肥皂為主。
      天天洗身,肥皂也儘量不用。

      刪除
  3. 洗頭水和護髮素係可以用,但可能有80%用家唔識用, 只可以講,最好不要買太多鹼性成份洗頭水用,澳洲有一個品牌 是S.N S..K就係有這個問題, 點樣去smell鹼性味就好難教人.而香味潻加係好難cover鹼性味. 亞洲人直頭髮會容易打理,黑人頭髮唔洗頭就90%會在頭皮與頭髮之問生蟲.
    部份護髮素係比電髮或做過Colour頭髮用.如果唔用,會令頭髪變成髪菜一樣. 我們也不能講所有護髮素都係好.
    我每日早上起牀都洗頭,晚上睡覺之前三小時都會洗多一次, 多數用連部份醫院護士都用N......好多英文子母的shower gal, 但如果發覺頭髪太dry,就要用shampoo 同 conditioner. 我太太係PNG做黑人頭髪Hairdresser,以前上過美國一間有名黑人頭髪學校在Brisbane開training course班. 如果想知一點怎樣做洗頭水的方法, Chris可以去city間圖書館找到那書睇吓, 本書叫how to made .....!!!

    PNG Sammy

    回覆刪除
  4. 我日日洗頭,因為我覺得頭髮很容易隱藏灰塵。 :)

    父親日日用肥皂洗頭,我嘗試用了幾年,但感覺頭髮乾和hong(不知怎寫,發音是貿易行的「行」),所以改用洗髮水。

    回覆刪除
    回覆
    1. 是因為「去污」能力過甚了。

      刪除
    2. C,
      乾和hong = 乾旱

      刪除
  5. 有一隻標榜去頭皮的洗頭水,用完後個頭重痕過未用時。

    回覆刪除
    回覆
    1. 不適合你的話,馬上停用好了。

      刪除
  6. 多年前,皮膚乾燥、痕癢,請教朋友,朋友教沖涼唔好用番梘,聽後反應是「有冇搞錯」,唔用番梘,點會乾淨。試行後,真係冇哂事,現在也只會在好需要時,才會用番梘沖涼。

    在日常生活中,基於惰性,通常都唔會去挑戰一些根深柢固的概念。明天試試唔用洗髮水洗頭,看看效果如何。


    回覆刪除
    回覆
    1. 用肥皂洗身,會去除皮膚上的油脂,所以你會有洗完一摸,有很「爽」的感覺。
      但是去得太徹底,有些人就會感覺癢。
      你以為不乾淨,去洗多幾次,結果就是更癢。

      刪除
    2. 有些人皮膚癢,以為有菌,多用藥性肥皂「殺菌」,有時衰多二錢重。

      刪除
    3. 真不明白為何有人認為洗腸有益健康,常識告訴我們,咁 intrusive 嘅做法,只會擾亂身體自然調節機能,連腸的保護層和益菌都洗埋。

      刪除
    4. 匿名下午5:38, 應該加多D菌畀條腸用先至啱. 乳酪入靣D乜嘢乜嘢活乳酸菌? --zpdrmn

      刪除
    5. 「腸」,唔係咁洗既!

      刪除
  7. 以前簡單用「木頭車/孖寳/輝哥牌」番梘,可以洗頭加沖涼,冇乜特別化學物質。依家要求高咗,又要香又要亮麗又要頭髮有營養,出街個頭又要反光先叫「正貨」… 咁玩法人地實落足重料,要你洗完一日,啲化學料搞到容易出頭油又痕,之後又要洗。

    回覆刪除
    回覆
    1. 唔係「勞工牌」香梘咩。

      刪除
    2. 就是嘛,都是一個騙局。
      想頭髮亮,以前的阿婆用的「刨花油」又平又無副作用。

      刪除
    3. 「勞工梘」至真,完全不香的。
      要到後來美國的「佳美」、「棕欖」、「茄士咩」、「力士」,英國的「加信氏」上市,才有「香梘」這回事。

      刪除
    4. 洗完頭塗些少[雙妺濹]護髪油效果也不錯,味道又懐舊.

      刪除
    5. 下次回香港買一樽。

      刪除
  8. 木頭車正是勞工梘,孖寳係類似勞工梘,牛油紙包裝,不過有花香/檸檬味(微香),以前某D辦館有售,輝哥係香梘。

    回覆刪除
    回覆
    1. 「孖寶」同「輝哥」我沒甚麼印象,反而記得大陸的「美加淨」和「蜂花」。

      刪除
    2. 舊時阿嫲用「美加淨」。我老豆初期就「孖寶」,後期就用「力士」一雞兩味咁用到而家,試過買「Dove」俾佢沖涼,用過幾次後話:「太滑,用毛巾刷唔到身(老一輩多數沖涼時有條刷身毛巾)好似唔乾淨咁…」買「沙宣」俾佢洗頭,直情用都唔用,比佢笑死。

      刪除
    3. 以前的人洗澡是「省」身的。

      刪除
  9. 香港人,基本上大部分人都日日洗,可能天氣關係,早年中學時有個紐西蘭回港的同學,看看佢頸上的老泥、頭上的頭皮,我諗佢一個星期都唔沖一次涼,會不會是外國空氣好,又乾燥唔洗日日沖涼呢?

    回覆刪除
    回覆
    1. 不沒出汗不洗澡也可,腳就一定要洗。

      刪除
  10. One of my friends told me about Soapberry series shampoo which may effectively control bacteria, hair loss and itch or even promote hair growth. Have you heard of that?

    回覆刪除
    回覆
    1. 沒有見過,下次去藥房時留意一下。

      刪除
    2. 昨日買 soapberry〈無患子〉洗髮水試用,洗後爽而不膩,好介紹。

      刪除
  11. 可以用蘋果醋加baking soda來洗頭,聽說可幫助除去平日用洗頭水時積積埋埋的化學品。但記住要沖乾淨,否則會"醋味大發"。
    蘋果醋(或白醋)和baking soda比茶籽更易買到,而且用途廣泛,只是醋的氣味強了點。
    請問澳洲的水是硬水定軟水?

    回覆刪除
    回覆
    1. 澳洲城市人喝水塘儲的雨水,是軟水。

      刪除
  12. 聽說印度人出生到死前後沖二次身,頭髮長期用布包住,更加唔會洗,是否真的?

    回覆刪除
  13. 不是。
    包頭只是部分人的風俗,包括錫克教徒。
    印度人也有日日沖涼的,你黎明時分到恆河邊,就看到很多人跳落河洗身洗頭。

    回覆刪除
  14. 我而家洗碗沖涼都係用茶籽粉,其實乾淨過化學嘢好多。

    回覆刪除
  15. 我都只用香皂洗頭,用皂洗頭後覺得枯罕唔係因為皂去油力較強,而是因為髮絲表面呈鹼性,放小小白醋在水中,再用呢啲醋水過一過頭髮,你會摸到未試過咁軟熟,連護髮素都唔駛。

    洗頭水既主要成份Sodium lauryl /laureth sulphate 係強到可以要嚟洗車,而且穿透皮膚滲入人體,至於點解洗完頭後唔會鞋手,感覺上好溫和,係因為大量添加左:甘油、脂醇Stearic alcohol、矽靈sillicone/dimethicone/ methicone……等等滑嘟嘟既野令到用家感覺良好,長此下去把頭髮有很多build up,容易變「立」,而且因為佢其實去油力好強,洗清晒天然皮脂,反而刺激皮脂過度分泌。

    回覆刪除
  16. 敏感, 癢還其次,更恐怖係甩頭髮(除性無能外男人最怕)!!

    回覆刪除
    回覆
    1. 一眾香港高官.....眼冤。

      刪除