2015年3月19日 星期四

換腦的考慮

我用的電腦主機,平均幾年才換一部,比起真正玩家,可以算是極為追不貼新科技的了。

現在用的一部桌面式電腦,CPU還是Intel 的 i 3/5/7之前(現在它們都出到第五代了)的Pentium 雙核心,RAM 有 4G,原本是行 XP的操作系統,前幾個月500G的硬碟暴斃,換了一隻 256G 的SSD硬碟,改用 Windows 7,運行暢順,登時有升了幾級的感覺,更不用換機了。

近日有換腦的考慮,因為發覺電腦有時開機或在休眠狀態回復時 boot不起機,最近更無端端偵測不到WiFi,無法上網。找相熟的技師修理,終能起死回生;不過他說電腦底板可能年紀老邁,隨時死亡云云。

我不是玩家,不打遊戲,不做複雜的Graphics 和影音編輯工作,只是上網看資料,發放文章,入門級電腦已經足夠應用。電腦壞了必須要換,以每日對著幾小時的用量,其實那幾百澳元物超所值,比手機抵用得多;最大的問題是:換哪一種機?......


入門級的電腦,我估計每隔五年價錢便跌一半,但是規格則會提升一倍。看看一張最新的宣傳單,可證不虛。

選擇範圍:有傳統式的桌面電腦、Lap Top 和 All-in-One。

電腦店老闆說,他們的桌面電腦越賣越少,一般人都是用平板或Laptop上網。我已經有iPad 和 Chromebook,不過屏幕大小,長時間用比較傷眼神。用桌面電腦,屏幕可以用現在的23寸,甚至升級到27寸;而且控制打印機和掃瞄機都比較方便。

用桌面電腦的話,是買名牌廠機還是買本地電腦店的土產「砌機」?以往是「砌機」比廠機便宜,不過現在已經相反!朋友說,是因為微軟以20美元一部的價錢把Windows的OS賣給大廠,朋友的電腦店向微軟來貨,要百多二百美元一部。買「砌機」主要是方便,有問題拿到朋友處即日可以修好,小意思更不收錢。廠機一般有兩年保用,但是修理的話肯定要等幾日,還有我的電腦肯定不止用兩年。

Laptop 的好處是自備電池,不怕剎那停電(澳洲經常發生,閃一閃,幾秒鐘後回復,沒有後備供電的桌面電腦馬上off)。

新的選擇是所謂All-in-One 電腦,一樣有廿多寸大屏幕。老友說其實是Laptop機件的桌上版,一塊看來和普通電腦一樣的Mon,只是後面比夠厚,已經容納了底板、硬碟、音卡、DVD Drive、Card Reader,喇叭 等等。Apple的 iMac 機絕大多數已經是這個設計,廢棄那個龐然大物的機箱。

Windows PC 也有這類型的產品,不過師傅說維修起來,由於機件高度密集,沒有傳統機箱的容易搞。

是了,是繼續用PC,還是試一下Mac機?

後者當然是好,但是價錢貴了一半。有人說Mac機好用,一試上癮回不了頭,還有Mac的硬件質素用料,遠比一般 PC耐用可靠,是真的嗎?

.......................................................................

*倘有留言未能即時上板,是自動過濾去了spam之故,諸君稍安無躁,版主每日檢查幾次,一有發現便會救回*

(文章允許轉貼,請具作者名字:梁煥松)

38 則留言:

  1. "Mac的硬件質素用料,遠比一般 PC耐用可靠,是真的嗎?"

    從前我兩者都用過。要死的終歸要死。PC 的最大問題是 Microsoft 的無止境 Updates。(我至憎!) 往往 update 過後突然有些軟件便不能操作....咁點算好?! 好處是多軟件及平宜。Mac 機原本因為簡單及顏色靚,但軟件貴及少,從前Mac 機價錢貴 PC 一倍,但用上較新科技。

    依家Mac 機漸多 apps 及價錢下降,將兩者水平拉近。咁就要視乎 Mac 機有否閣下想要有的功能及 "mobility"。(如 multimedia, 剪片, etc) 除非閣下是美學主義者,否則我建議都係慳錢買下一代電腦好了,因為... 要死的終歸要死... Any dead 機 都係 total loss,... 科技不僥人呀。

    回覆刪除
    回覆
    1. One more thought,買部 laptop 加個外置屏幕 (閣下正用緊的那一個)。(要留意睇中既 laptop 可否加外置屏幕!) 既 "不怕剎那停電",又可 (在家裡) 到處去。(All-In-One 就咪攪我,因為真係無得自已 upgrade。) 但 laptop 的電池好易死,幾年後要買新的。但若一直用濕電便唔使理舊電池。到遲啲連所有軟件都在 cloud 上的時候,至真正係 All-In-One 的年代。依家的 All-In-One 似是呃錢多啲。

      刪除
    2. One more thing about 錢銀。從前用 Mac 機時買了部 scanner,過一千大元 (美金)。到部 Mac 機入土為安時,買咗部 PC,但部 scanner 唔啱 interface 用唔上。若買個 adapter,要百多元 (美金)... 若買部新 (低級數少少的) scanner,同様都係百多元 (美金),重連埋軟件兼唔洗煩。自此之後,我不再 "跟車太貼",特別係 "高科技嘢",因為有啲價錢,低處未見低,祇有更低。 (一笑)

      刪除
    3. 多謝教導。

      刪除
  2. 砌機而家唯一好處係每件野都可以自己揀,廠機啲套餐總係會搭啲豬頭骨畀你

    回覆刪除
    回覆
    1. 我一路都是用砌機,未買過廠機。

      刪除
  3. 我部 win7 (i5) 都試過從休眠狀態甦醒時畫面黒麻麻,要按 CTRL-ALT-DEL 才彈番個畫面比我。(Boot up 時就無試過有問題。梁 Sir 你部機難道要換電池?) 我部機唔算舊,所以不一定係硬件問題。 有可能係 Windows 作怪。

    因我個 router 太舊,所以主要依賴電缐上網 (長長的電缐),WIFI 留番比手機及 laptop 或有親朋戚友來時才用,費事辰時戍時為 WIFI 嘔血。總之舊嘢有舊嘢好、新嘢有新嘢可愛。若梁 Sir 你個 WIFI 有問題,如果可以嘅話,試吓用電缐上網,睇吓可唔可以頂住擋先,若可以,便可能是 router 個 WIFI 嘅問題,而唔關你部機事,咁就唔使無端端去換咗部機。

    回覆刪除
    回覆
    1. 不是無畫面,而是有個待機welcome畫面,但是等啊等都返不到桌面。

      刪除
    2. 『工具』應該可以幫助我們流暢地完成甚或享受我們的工作(甚至忘了它的存在),而不用花心神遷就它!我建議Mac!

      刪除
    3. 如果係剛 update 過 Windows, 有機會係 "新" Windows 同你部機的硬件有啲嘢唔夾。理論上如果硬件有事,最可能係連機都開唔到或出現死亡藍幕。有個待機welcome畫面,係 Windows 做緊嘢而可能硬件比唔到佢。

      如果 梁 Sir 唔需要帶部機出行,查實依家的 desktop (performance-wise) 抵玩過 laptop。

      Mac 機係超靚,但 梁 Sir 既要求又好似唔使去到咁盡。另外要考㢜有冇舊檔案需唔需要轉換去 Mac機、現有打印機等等舊件用唔用得番等等問題。

      刪除
    4. "而是有個待機welcome畫面,但是等啊等都返不到桌面"

      咁就有機會係死hard disk, 我之前部機都係咁,boot極都唔著。

      刪除
    5. 唔會係死hard disk,因為梁 Sir 話係新碟。有人話去吓 Safe Mode 會醫好,又有人話記憶體問題,亦有人話係 virus 影响 Bios,更有人話取出電池幾十秒再放回,等等等等等不同做法,怕且要梁 Sir 既好友親自睇吓救唔救到。但係近日係有新的 windows update,唔知係唔係問題所在。

      刪除
    6. SSD 一瓜就成隻瓜, 有可能 Windows 個Registry / Startup 花左
      要用 Windows 碟修復模式一次就 ok

      刪除
  4. 梁兄,講咗好多次,MAC MINI係為你啲老PC友而設計的,可以保留PC所有配件,MONITOR. KEYBOARD 及 MOUSE!,主機豐儉由人,我總共有六部,而且我哋也用它代替MAC PRO做GRAPHIC效果良好! 去年以$625買了部i7全新的連膠紙都未柝,我兒子自從用了mac 後已經沒有再砌機玩了。
    今天嚇飧𡁏,近午飯時間買完嘢去老友間中餐館放低份稿順便買午餐,車到餐館附近聴到嘭嘭聲有人開槍一死五傷變成國際新聞,美國佬鐘意玩槍,開槍等於開飧。

    回覆刪除
    回覆
    1. 多謝指點。Mac Mini 最平一款在袋鼠國賣A$619.
      1.4GHz
      1.4GHz dual-core Intel Core i5
      4GB memory
      500GB hard drive

      刪除
    2. 買得 MAC 機,要預咗佢既壽命無 PC 咁長。我部 XP 行咗成 八、九年才轉機,因為太多人用 XP,Microsoft 唔能夠一刀切。但 Apple 最鍾意出新機賺錢,同時加啲新功能去引人換機。睇過有人話 Apple 有可能在下一個新 OS 唔再支持 MAC MINI。所以要做吓功課先好落搭。買得 MAC 機,要有心理準傋係件貴的時款玩具。

      刪除
    3. 這一欵不要買,買后MEMORY不能自己expand!,買舊一兩年的形號更好,買二手機又何妨,
      MAC upgrade OPERATION SYSTEM完全免費,除笨有精,買部laptop跟買部mac mini都係要使錢,唔嘗試點知有分別。

      刪除
    4. A promise is a promise, 免費豪比你,但到時你部機裝唔到新 OS 或行得慢,就唔關佢事了。

      "Mac Mini" 其實係部 desktop。laptop 有電池。因此 "Mac Mini" 應該比同價錢的 (mac) laptop 勁。就如 PC desktop 比同價錢的 (pc) laptop 勁。

      廠機同砌機除咗價錢貴一啲外,其實無大分別。早好幾年唔記得邊個牌子已經比人客自己選取 configuration。(但廠機會裝有啲無謂軟件,ignore / uninstall 就得了。)

      新機出廠多數無問題,除非 QC/QA 做得差。(Google 一下便知邊個牌子要避開。)一過了保用期,便可以開蓋換碟、換記憶體,一如砌機。Desktop 有大啲 upgrade 空間 (如加隻碟),laptop 就衹係換碟、換記憶體。

      梁 Sir 個 case 可以問吓個 friend 可否衹換主機板,睇睇要幾多錢。橫掂已有 win7,睇睇有幾多嘢可以用得番。若太貴,便買新機好了。

      刪除
  5. you could buy a laptop with HDMI output and connect it to a monitor. best of both worlds.

    回覆刪除
  6. 梁兄,如果你的電腦超過5 年,再瓜的話可以捐贈或二手俾收賣佬
    看到你的廣告是在 Dick Smith 剪出來吧.. 我做電腦行業,給你的建議

    1. Apple - 貴,如果你唔介意的話,配件同維修都比 PC 貴好多,不過真係好耐用
    不過食電

    2. All In One - 一體過,不過無得 Upgrade , 散熱同配置都係問題.. 一壞就成部報廢
    同Laptop 差不多錢 , 勝在慳位

    3. Laptop - 方便,但功能限制,玩唔到大堆頭。慳電

    你圈住的 Acer E5 , 唔玩大堆頭係 ok , 睇片係讀獨立 Display .. 畫質靚
    比多少少錢加到8GB 已經綽綽有餘

    我自己用 HP ProBook - 3 年前的機器,仍然非常耐用 ! (Intel i5 , 可惜無買貴的 i7)
    另加一個 22" 的顯示器,看書同報紙最正..
    SSD 快就快,不過有機會隨時玩完.. 梁兄應盡快把資料放去 DVD !

    回覆刪除
    回覆
    1. 我有外置硬碟做backup。
      不過都死過兩隻!

      刪除
    2. 本人中招.. 勿買日立

      刪除
  7. Francis上午8:30

    You can get an Apple computer and install a copy of Windows OS side-by-side with the Apple OS.

    回覆刪除
    回覆
    1. 這樣複雜的技術,要找人幫手才做得到。

      刪除
    2. Bootcamp + 另買 Windows 正版 CoA.. 大陸正牌 OEM 寄回香港約 $170

      刪除
  8. Windows 10 is coming!‏
    http://windows.microsoft.com/en-au/windows-10/about?OCID=newsletter_r_Feb_Hero_Win10LearnMore

    回覆刪除
    回覆
    1. 所以拖得就拖,最好能等到Windows10出來再說。

      刪除
  9. 我一向都做電腦相關工作,屋企電腦都係自己砌,以你情況建議upgrade底板,CPU及RAM就可以,機箱、火牛、鍵盤、SSD甚至RAM(如果是DDR3)都可以用得返,唔駛買新機,另外你用的WINDOWS 7是另行買,不是隨機送的嗎?如果是的話就更好,可以安裝去新機,將來出新WINDOWS,又可以用較便宜價錢upgrade。
    响EBAY打入”Intel CPU Motherboard RAM PC Upgrade Kit”,就可以搵到不少套件,比我買最平$220的都夠用,如果你要剪片就買i3或以上的,最好有8GB RAM。

    回覆刪除
    回覆
    1. 多謝意見。
      底板,CPU及RAM 都有六年以上的歷史,通通都已經風燭殘年,
      師傅話新的底板插不到舊式RAM;
      火牛三年前燒過,換新。
      再砌機的話,不如火牛和機殼一起換,也不過是幾十澳元而已。
      SSD硬碟,留得當然留,win7 可以再裝。

      刪除
    2. 6年前的機種,好大機會係 DDR2 .. DDR2 已經唔出.. 底版係D 位未必放到新 U
      現在新機咁平 Upgrade 真係無乜 so .. 電腦野 4-5 年買部新就差不多

      刪除
  10. 如果考慮隨時隨地都能使用,建議購買 Apple MacBook Air, 13吋。幾個優點:輕薄,做工好,電池續航10個小時(完全脫離電源,絕對是一種享受)。想象一下,在牀上、車上、咖啡館、餐廳、酒店,隨時打開MBA寫寫文章,絕對是件美妙的事情。
    iMac的最大的優點在它的屏幕,比任何其它品牌電腦的屏幕都要好(Apple MacBook Air也是這樣)。但如果只是辦公上網,用這麼專業級的屏幕是有點浪費的。

    Apple的電腦還有一個好處,無論系統升級,還是軟件安裝、更新,都比Windows要簡單很多,而且很少出莫名其妙的問題。

    我現在在用聯想Thinkpad W520,性能很強勁,但做工質量真是大不如前,而且續航僅能支持3個小時。

    回覆刪除
    回覆
    1. 多謝意見.
      如果單是上網,我的 Chromebook已經足夠,續航力也有七八個小時。
      桌面電腦的好處是可以配大屏幕,看起來比較輕鬆舒服,而且要靠它做掃描和打印。
      或者用Macbook Air外接大屏幕也是一個辦法。

      刪除
  11. 梁兄:
    推薦你一個非常好的購買二手電腦綱站,牠是BEST BUY的附屬,以前BEST BUY在EBAY賣嘢,依家自己賣-COWBOOM.COM 慳番啲錢,好多時會好平,有新又有舊機,新機因為OVERSTOCK或者季尾,二手機多是退貨或OPEN BOX,再或是TRADE IN 的二手嘢,好處就是有30天免運費及不用問理由的退貨,BID咗你都可以唔要但好像是限幾個月一次之類,唔知有無INTERNATIONAL shipping,先睇吓得過知字,去年我以$320投咗部SONY A65,送咗比朋友,好多時佢哋有啲嘢話係OPENBOX,其實係新的完全未開過,去年投了幾個MONSTER DNA headphone $50 全新一個,BID嘢係BID啲星期五下午到期嘅最好,佢吔還有POPCORN BIDDING 條欵有兩分鐘EXTENDSION time唔使啲友仔最後一分鐘趙咗去。

    回覆刪除
    回覆
    1. 如果要收國際郵費,就唔多化算。
      4月尾去香港省親,睇下有無筍嘢執到,自己手提返澳洲。

      刪除
  12. 對不起他們唔做國際的。
    花些小時間到APPLE STORE試吓佢哋啲產品比較一下,再談下一歩,梁兄你好像台灣電視劇保鏢一樣,講咗十幾集都係未郁手,掌握住啲資料等回香港有筍嘢係眼前你都識得執。

    回覆刪除
    回覆
    1. 舊機拖得就拖,亦是為環保故,不要製造多D電子垃圾。
      反正科技日新月異,早買早享受,遲買可能還平幾舊。

      刪除
  13. 同意,小心做足安全措施,唔係領咗嘢,唔見晒的資料就大劑。
    遲買平幾舊,早買做阿壽,出IPHONE 6 $700時我買IPHONE 5s $330,科技嘅嘢你點可以跟到足。

    回覆刪除