2013年6月30日 星期日

麗莎

1970年代之初,香港的粵語流行曲全力反撲,潮流淹沒獨領風騷的上海派國語時代曲。

先是英文歌手仙杜拉,為電視劇「啼笑因緣」唱的主題曲一炮而紅;原本只唱英文歌的Band仔許冠傑,為電影處女作「鬼馬雙星」寫的主題曲,連同一串原創的粵語歌出了一張黑膠碟,首首好聽,十分暢銷。

粵語流行曲擺脫了鄭君綿、鄧寄塵素來被人嫌棄是下三濫的級數,新人新歌不斷湧現,電台大播特播,光輝的時代終於來了。

帶領潮流之一的女歌手麗莎,不是香港人,是一個新加坡妹。


以下摘自維基條目

原名黃煥嬋〈Lisa Wong)......初出道時唱國語及英語流行曲,後來老闆要求她嚐試灌錄第一張粵語唱片,憑《相思淚》一曲一炮而紅。在香港演出時,被九龍旺角彌敦道 新興大廈的地庫之東方歌劇院譽為星洲國寶......麗莎在1974年6月 是香港文志唱片公司的基本歌星...... 自1975年後,麗莎退出娛樂圈,後來在1989年生意失敗損失鉅款,在新加坡昏睡長達11年,直至2000年才逐漸康復,當年5歲的兒子在她甦醒後,已經是16歲的少年;而麗莎母親則在她昏睡期間去世。

真是傳奇遭遇,令人唏噓呵!

當時香港街頭巷尾,很多唱片小店,用喇叭對著行人路播歌,哪裡都唱著麗莎的「相思淚」。

麗莎的粵語流行曲,大多是改編自舊有的旋律---當然是極之好聽的---重新配上粵語歌詞。幾位慣用的填詞人很有水準,粵語九聲絲絲入扣,全無拗口錯調的毛病。

旋律的來源有:

舊有的國語時代曲,如這首取自周璇的「月圓花好」的「百花亭之戀」:
又有改編自傳統廣東小曲,如這首原曲是「楊翠喜」的「分飛燕」:

又有重唱以前的粵語流行曲,如這首「勁草嬌花」:


幫麗莎伴奏的,是當時典型的四五人電結他樂隊,編曲和演奏水準只屬二流;錄音方面強調了高低音,很響亮 "HiFi",適合當時一般人能負擔的低價唱機。不過麗莎充滿青春朝氣的聲音很討好,我也是她的歌迷。
今日的麗莎

現在大家可以比較一下1972年原版,和大病不死的麗莎35年之後唱的「相思淚」新版 (原曲是周璇的「四季相思」):



麗莎的Facebook 網頁,有很多照片和Youtube 片段,歌迷請慢慢看:
https://www.facebook.com/LisaWong2012


(文章允許轉貼,請具作者名字:梁煥松)

 ............

53 則留言:

  1. 唔講唔知有段咁嘅故! 唔怪之75年後唔多見麗莎的歌,更無聽過佢昏睡不起11年的事。。。要靠你老哥發掘報導了!

    回覆刪除
    回覆
    1. 我也很感慨。
      人生有幾個十年!

      刪除
  2. 分飛燕一曲無一個歌星曉得"莫教人為你"應唱成"莫交人為你"。她在彩雲追月將音樂的樂唱成快樂的樂,有一點美中不足。

    回覆刪除
    回覆
    1. 匿名博友,

      我同閣下一樣,聽到啲歌女歌仔唱到呢句係咁教教教而唔係交,我就耳都側兼意得...升佢地幾巴,話麗莎係坡妹兼唔係講開白話就無得講,但連香港既徐小鳳都係咁教教教,就絕對抵打,話徐小鳳因祖籍湖南,可能不知廣府話之讀音轉變重可以,但印象中劉鳳萍都係咁就點都講唔通,事關佢伯爺係唱粵曲,幼承庭訓,特別有一段時期劉鳳萍唱粵語曲專登效似台灣來個批帶啲外省音,就真係太過份。

      刪除
    2. 劉小姐父親是劉伯樂,正職是香港著名百貨公司,藝名「天涯」,是業餘粵曲唱家。
      女大女世界,唔教得咁多矣。

      刪除
    3. 「琴姐」李香琴便是唱對的,當年還有一些人質疑她為何唱成「交」音。

      刪除
    4. 唱教的應是吳君麗---https://www.youtube.com/watch?v=mquNCCMV--A

      刪除
    5. 劉鳳屏呢個版本也唱交--https://www.youtube.com/watch?v=OvhqIdt_6eg

      刪除
  3. 小弟當年後生第一次聽麗莎的歌聲亦系《相思淚》、《分飛燕》等。前幾年聽過香港電台訪問佢,佢話,錄唱《相思淚》前系唔識講粵語,挪著張紙(粵語記音)咁唱。

    回覆刪除
    回覆
    1. 新加坡人的語言能力是很強的。
      你聽麗莎現在講廣東話,還聽得出少少南洋口音,但唱歌有調門可依,通常比較容易唱得準。

      刪除
  4. 那個時代之音,清趣、簡單真摯的情感,教人懐念.

    回覆刪除
  5. 不知何故,看到麗莎現在健康快樂,還唱歌如此好聽,有點感動和激動。

    回覆刪除
    回覆
    1. 我幾乎流淚了。

      刪除
    2. 但願她長壽健康快樂,繼續以好歌饋知音

      刪除
    3. 加上我的一份!

      刪除
  6. 那些年香港人容許唱片鋪開大喇叭播歌,令到啲歌特別好聽,也是粵語流行曲大紅的原因之一。

    回覆刪除
    回覆
    1. 還有數不清街頭、巷口的流動「唱片檔」。

      刪除
  7. 當時整個官塘工廠區都被麗莎攻陷,裕民坊唱片檔只賣麗莎的卡式帶,唱盤未流行。
    KL

    回覆刪除
    回覆
    1. 那時香港居住空間很狹窄,很多人是在床頭枕頭邊放個卡式機來聽,哪有地方擺唱盤,阻手阻腳,碰一下就跳線,真係「唔駛開飯咩」!

      刪除
  8. Chris兄,

    >>>有!「琴姐」李香琴變是唱對的,當年還有一些人質疑她為何唱成「交」音。

    質疑「琴姐」個批肯定係食s*it痾欖核個啲不學無術師奶大姑阿叔,唔識野不特止,重口指指發噏風。

    記得讀書時老師教王昌齡那首《出塞》:秦時明月漢時關,萬里長徵人未還,但使龍城飛將在,不"教"胡馬渡陰山;個教字就係讀"交",啲友讀書少,唔出聲無人話佢地啞,但出聲就係妖。

    >>>幫麗莎伴奏的,是當時典型的四五人電結他樂隊,編曲和演奏水準只屬二流

    利申:我唔係麗莎歌迷,尤其最鬼憎就係個啲伴奏,個人認為係幾cheap同單調,較之'50/60年代被人睇唔起既所謂粵語流行曲,查實當時啲伴奏功夫超班好多。

    就以鄭君綿鄭碧影個首改篇於康定情歌既才子佳人來講,背景音樂樂器多樣化,演奏功夫不失禮,開首個爵士沙鼓好有feel:

    http://www.youtube.com/watch?v=b7wCcuQ6R7U

    不過以麗莎一個坡妹佢確吐字清晰,比現在個班鬼食泥/哮喘病/搏命嗌高出好多班。

    回覆刪除
    回覆
    1. 幫麗莎伴奏的樂隊只是「荔園」的水準。
      最壞的是有個結他彈著和歌星所唱一樣的主音,不是 Music Minus One,聽起來就很幼稚。
      50年代一些製作認真的粵語流行曲,是由香港的菲律賓樂隊伴奏的,彈奏有世界水準。當然囉,錢給的不夠,編曲方面就馬馬虎虎了。

      刪除
    2. 這首是代表作的好歌,聽下人家的伴奏:
      http://www.youtube.com/watch?v=EQSLQAqqBv0

      刪除
    3. 我很愛鄭碧影,她兩年前過世了。

      刪除
    4. 七十年代啲港產片,很多時拍到啲架步場面都以麗莎啲歌為背景音樂,啲人一聽到麗莎就聯想起旺角啲架。

      刪除
    5. 但查看琴姐幾條U-Tube片,她都是唱"教"不是"交",大概是從俗了。So sad.

      刪除
    6. 流行曲就是時代的印記吧!

      刪除
  9. 粵曲裏面,較字很多時都唱交音.
    講起鄭碧影,在YOUTUBE看見她的老來樣子,都几唏噓,可能她年輕時的嬌俏的式印象深刻.april

    回覆刪除
    回覆
    1. Yes, 真的令人唏噓 。可能生活/感情(?)不如意。不是每個老藝人都如 白雪仙 。

      -匿名 #2

      刪除
    2. 不許人間見白頭

      刪除
    3. 希望多一些老而彌堅的藝人。
      如任冰兒、陳好逑----逑姐最近還演出武旦戲。

      刪除
    4. 小明星的風流夢"莫教花飛遠送"就是一例。不過現今知音稀耳。

      刪除
  10. Chris兄,

    為何呢排係貴博硬係出唔都個'口靚'字,以前無問題㗎噃!

    回覆刪除
  11. 咦!點解唔見咗我頭先個篇,明明見已登出來,猝一聲無咗,何解?會重登一次,睇吓又會點。

    requoted:

    自問我地唔係一味係舊就話好既老野,但真係想各位評論一吓,因家下無線宣傳其新製作衝上雲霄2,但出面萬七咁多口靚keng一輩死彈林子祥首歌難聽兼老套,又猛講到陳亦迅個首衝上雲霄1-「歲月如歌」好到天上有地下無,但俾我聽就真係唔識欣賞。

    無講編曲安排,淨係歌詞都已經毫無平仄押韻,內容慘白,但班��話係經典,而阿Lam個首就踩到地底泥,不知大家意見為何?

    「歲月如歌」:
    http://www.youtube.com/watch?v=7HLuz59SgK0

    《衝上雲霄II》:

    http://www.youtube.com/watch?v=Bv2-kFrhE_Q

    唉,有時真係無計,連中文水準都不合格既一代係咁當正自己有料,中華文化全部毀滅當好應該。

    回覆刪除
    回覆
    1. 我同意 「歲月如歌」 比較 「衝上雲霄II」 好。可能是 阿Lam 把聲有些奇怪 (及我未聽慣首歌)。 「歲月如歌」有快 有慢 有長 有短... 但 「衝上雲霄II」 已經比許多新歌好聽。

      刪除
    2. 賈真兄先前的留言去了spam,我睡了,不知道。
      陳奕迅、側田那些「高技巧」唱法,我聽見就打冷震。

      刪除
  12. 當年星洲還有一位唱 曼莉 的 黃清元,唱到香港街知巷聞!


    Youtube: 曼莉

    回覆刪除
    回覆
    1. 黃清元我就嫌他有點「娘」,兼帶哭聲的唱法。

      刪除
  13. 食漢堡包同食叉燒包既分別,我都係鍾意食叉燒包.

    回覆刪除
  14. Chris兄,

    恕我偷咗呢條欄目,因意猶未盡,整多首跳舞粵語流行曲,等兄台同各位聞吓歌起吓舞,去片-馬票夢(中馬票5/60年代)-鍾麗蓉 黎文所:

    http://www.youtube.com/watch?v=5Dkf27qDdNA

    *****

    John Lee兄,

    我都咁話,事實情願食熱狗都唔係幾食漢堡胞。

    回覆刪除
    回覆
    1. 鍾麗蓉好勁架!
      講起黎文所,賈兄還記得短命的鍾志雄嗎?同鄭幗寶有過幾首代表作,如「情侶山歌」、「風水佬」、「考明星」,聲音很正氣。

      刪除
  15. Chris兄,

    >>>賈兄還記得短命的鍾志雄嗎?

    鍾志雄我就似乎沒有印象,鍾雲山骨子腔就知有所聞;對粵語流行曲及粵曲既喜愛應該係中學後期重拾瑰寶。

    回覆刪除
    回覆
    1. 幫襯Youtube,有得聽。
      鍾雲山的「夜偷詩稿」、「一段情」,好!

      刪除
  16. 梁兄及各位,

    整返part查查呀,又去片:

    鳥語花香(周聰、梁靜)
    http://www.youtube.com/watch?v=oXXKMQawHNE

    回覆刪除
  17. Chris兄,

    >>>節奏太滋油了啦。

    係就係,尤其跟Perez Prado版本比就真係蚊比同牛比,只不過以當時香港粵語流行曲製作來講已經係成對band格局,好有茶舞及夜總會feel,未知是否同周聰本身亦都係夜總會樂隊領班原故有關。而且我覺得節奏幾滋油都好,都比現在流行個啲所謂拉丁舞音樂有節奏有beat,聽到就想跳舞;睇係家下個啲乜鬼dance with stars電視節目甚或黑池職業賽,啲音樂無乜經典兼明確beat,聽落cha cha唔似cha cha,rumba唔似rumba,跳乜步都唔配合,悶到嘔白泡;都唔鬼知點解現在會流行啲咁朦糊而不能引起聞歌起舞既所謂音樂。

    回覆刪除
    回覆
    1. 職業賽的表現,Ballroom還可以一看,那些「拉丁」像玩雜技,我都不要看。

      刪除
    2. >>>那些「拉丁」像玩雜技,我都不要看。

      無錯,好似aerobic又或雙人gymnastics一樣,一味為難度而難度,以致全不重視步法,根本無哂男女跳舞你進我退,你退我引個種兩性追續挑逗式吸引,而且呢類誇張運動式表現,絕對不能表達女性優美,加上音樂又唔好聽,睇到把鬼火。

      刪除
    3. 將條女拋前拋後,我都不知道有咩好睇!

      刪除
  18. Chris兄,

    >>>將條女拋前拋後,我都不知道有咩好睇!

    笑死!真係一針見血。

    俾著我,有個靚女我攬都攬唔似,死人唔放手,邊會咁死蠢拋前拋後,就算跳Rock & Roll or Swing,點都儘量捉住個靚女手,拉丁舞講及性感誘惑,熱情得來又抵死纏綿、挨身挨勢,家下班友跳到離行離勒,男有男行,女有女揼,個男人只不過負責托貨,舉高舉低。

    雖然話芭蕾舞男主角都係主力扶持女角,但人家男既跳出步法身段優美,丰采儀態高雅。

    回覆刪除
  19. Chris兄,

    http://www.youtube.com/watch?v=ZUzgq35MnLY

    呢啲先係叫做跳舞音樂㗎!呢啲先係rumba呀嘛!聽到都想跟住個引死人兼充滿女人味既女士跳番part舞。

    下面呢條片睇來睇去都無忽有rumba個種味道,就正係我所講聽見睇見把幾火:

    http://www.youtube.com/watch?v=SvIJ9K53las

    回覆刪除
    回覆
    1. 我學跳Rhumba時,老師是用舊派音樂的。
      我最憎睇人跳愛情之舞,面上的表情好似想食人咁。

      刪除
  20. 麗沙歌,不懂得欣賞

    回覆刪除