2013年4月22日 星期一

東拉西扯談買水

我最近一條Facebook的討論條目,內銷轉出口: 

大陸人來香港買(平)野,是大陸照顧香港人。 


香港人向大陸買(超貴的)東江水,又係大陸照顧香港人?? 

真係黐Q線。
 

R:既然香港如此靠大陸照顧,那麼每逢大陸匪區有什麼天災人禍,匪區官民就沒有理由期望香港官民籌款力賬災啦!

Chris:梁振英政府實會交心,自發捐幾十億。我話
,立此存照。


R:689先生唔咁做至係新聞,所以我準備將所有支持呢個建議嘅議員政客列為賣港賊,我講嘅!

C:買賣交易,各取所需,談不上是誰「照顧」誰。但焗香港人買貴水,買少D都唔俾,就肯定是香港人在(被迫)照顧大陸(的荷包)!

放長雙眼睇,到時反對捐錢的可能只有長毛、毓民和慢必。

RD:照小弟推測,最快下星期,689又會慷香港人之慨,捐錢給大陸。屆時,又會有大小社團響應,到中聯辦捐錢,這會捐三萬,那會捐五萬,影張大相證明,向黨交心!

Chris:民主黨為「顧全大局」,表明心跡並非盲目反共,率先倡議,表示善意,都有可能。

M:我諗班左仔成日拎食水問題來講,主要係香港未買東江水之前又確實受斷水困擾。另外,食水某程度來講,查實屬於戰略物資,於是班友認為中港如果唔係一家,大陸亦自然無必要賣水比香港。
至於貴嘛﹐其實好接近市場規律啊,香港自己水唔夠用,需求彈性低,而且廣東同香港簽約係定額定量,連埋運輸成本,比廣東其他省市貴好正常。又話說,早幾年東江水位下降,廣東本身都要限制供水,但由於賣水合約在身,廣東省依然照合約比足香港需水量...當時大陸網民係網上鬧省政府同中央傾斜香港,鬧到黐線。

Chris: 60年代香港水荒時,未有船灣和萬宜水庫,最大得個石壁水塘。而且大量無限制消耗用水的是工業,分分鐘多過市民食用水。現在香港的工業無左大半,唔食得幾多水,但香港仲要超額買貴水,用不完的放出海,想減碼又唔准。東江水位下降時,港府提出不如來少D,但是大陸唔捨得D錢,唔肯減。

M:其實你之前都有講過,政府同粵東買水係有簽約的,如果香港當初因工業北移而需水量下降,九幾年簽一刻可要減少需水量,問題係水務處當日有無要求減少呢,照計就無(P.S. 原來係有),直到審計署踢爆六億食水儲唔切倒入大海。至於當日東江水位下降嘛,最緊要係都係睇返份約,我諗份約本來就係無要求過任何彈性供水,再加上粵東公司化後就要自負營虧,當然怕政府減完需水量唔會加返。


都係一句,以前供水係由國家廣東省水利局負責的,當初賣水亦係大陸政府提出,不過78年改革開放之後公司化成為GD,之後就開始鬼五馬六了。

M:上面講到廣東省依然照合約比足香港需水量,就係政府所講的統包總額。
http://www.wsd.gov.hk/tc/water_resources/raw_water_sources/water_sources_in_hong_kong/water_from_dongjiang_at_guangdong/index.html


27 則留言:

  1. 履行合約?Woooow,乜中共幾時咁尊重契約精神?咁《中英聯合聲明》呢?講好咗07,08雙普選呢?

    回覆刪除
    回覆
    1. 亂搬龍門為己用,一貫如此。

      刪除
  2. 現在的逆滲透海水化淡技術, 成本已直逼東江水, 如果水是戰略物資, 為了分散風險, 為何香港建制派和政府反對興建海水化淡廠

    在廣東省內的輸水設施, 話說為了向香港供水及關閉沿江污染的工業, 都由香港出錢興建, 但實質這些集水系統, 是供應包括深圳粵東幾千萬人口用的, 深圳的用水價便宜香港很多的

    回覆刪除
    回覆
    1. 大陸人知D唔知D,可能有些人還以為供水是免費的。

      刪除
    2. 以佢地的邏輯,即是知道係明買明賣,咪又會話係價錢上係中央優待港人。

      刪除
    3. 真的好多人以為供應香港的水質素特好,生肉蔬果如是,而且香港沒有其他地方供應物資,政府在網絡故意散播的。另有九八年中央拎幾千億(金額每年增加,有時港紙變美金)港紙打退索羅斯,去年有台灣綜藝節目如是說。

      刪除
    4. 專利供應的東西一定特貴?這是常識。

      刪除
  3. Chris 如果你去中國旅行, 可以好霸氣咁同大陸人講 : 我地澳洲年年都運煤鐵救濟中國, 沒有澳洲支援, 中國仲食緊泥呀, 所以呢餐免費啦 !

    回覆刪除
    回覆
    1. 跟據他們的邏輯,咪一樣係:
      「如果不是中國買你們的媒和礦,你們澳洲仆街好耐了。」

      刪除
  4. 如果唔係強國人來香港商場吐口痰疴督屎,班清潔工失業好耐啦。

    回覆刪除
  5. 有合約,係咪上面制水,我地倒水都得?
    KL

    回覆刪除
    回覆
    1. 要水供水,過多就倒水。

      刪除
  6. 賣糧食比你叫「供應」,叫「照顧」...咦?中國而家係糧食輸入大國,連米都向美國買喎,即係中國比全世界照顧緊,特別係比美國佬養緊啦?

    回覆刪除
  7. 不少的中國人個種橫蠻霸王心態簡直令人惡心,黑會變成白,白也可變得黑,易而反掌。好多時只有佢講,冇你講 !
    中國因大國天朝心態,常以“高度文明”傲視南蠻,四周蠻人,超越的優越感一直維持至今,以及其他民族少有的特色,皆在共黨領導時期更表現無遺!

    回覆刪除
    回覆
    1. 用他們的說法,就是「自我感覺良好」。

      刪除
    2. 同是亞洲強國, 為什麼日本的形象, 近幾十年來會好過中國, 亞洲各地有很多 "哈日族", 而且日本有二戰的負面因素

      中國似乎在亞洲並不受歡迎, 但它投資了搞很多 "孔子學院" , 宣揚軟力量, 又有很多 "華"僑助威, 點解仲咁樣衰呢 ?

      刪除
    3. 「外國亡我中華之心不死」囉。

      刪除
  8. Raymond上午9:50

    香港政府只倚賴東江水及天雨,不研究其他水源,其實很愚蠢!

    回覆刪除
    回覆
    1. 有祖國照顧,「大安旨意」。

      刪除
    2. 應該並非不知道要研究其他水源, 而是為了某方面的利益服務, 戰略商品要長期倚靠大陸, 例如強迫中電要用大陸天然氣發電, 用各種方法消滅香港本土農業, 生牛變相是五豐行壟斷供應, 近來便嘗到惡果了

      刪除
    3. 可能一切都是大計劃的一部分.....

      刪除
  9. 香港政府懂潑水 ... 只顧面子不講本錢扮仁慈 ...

    回覆刪除
    回覆
    1. Q爺黎則奮罵得好:
      廢柴!

      刪除
  10. 每天在廣東道上班, 見到強國人絡繹不絕的在名店門口排隊"放血", 口裡說著:沒有我們, 你們香港人乞食好耐了, 我想講:就是有你們, 我們在廣東道的上班一族想買個面包都唔得! 從港鐡站海防道出口, 除了SASA卓悅, 便是藥房金舖! 出外行到老遠才有間50蚊樓下的茶餐廳, 途中還要承受你地行李車踐踏. 香港到底哪裡得益了? 我又沒有GUCCI及LV的股份!如果真係要捐錢, 還請LV,GUCCI,PRADA那些名牌當獲利回套吧!

    回覆刪除
    回覆
    1. 我住的老家距這區很近,走路到天星碼頭必經之路,你說的情況我完全了解。

      刪除