多謝荷蘭的老先生Michael Rogge(前文介紹)，雖然只在香港住過幾年，對這個城市有深厚感情，近年把他當時拍下的8mm電影膠片放上網，成為珍貴的歷史紀錄。
老先生今年八十多歲，依然精力充沛，自己的作品上載完成了，還把他找得到的舊影片上載，有些是他朋友的，有些是政府的紀錄/教育/宣傳片。他還愛屋及烏，題材擴闊到舊中國(日後我會繼續選輯介紹----真是絕妙的「國民教育」)
本版的網友，對舊香風物港特別有興趣，今日再選幾段。
1960年，九龍拆舊立新發展情況：
...........................
1961年，現場收音彩色片，難得！
1961年的英國殖民地香港
1962年，香港中環
1964年，港島上環平民的生活
1974年，索罟群島少女的故事：
影片開頭，是政府的醫療船定期到離島，船上有政府醫生駐診，漁民上船看病。
那個有點像山口百惠的水上人家女兒黃娟妹，今年60歲了！
.....................
很珍貴，多謝！
回覆刪除黃娟妹, such a beautiful young lady and so does the 85 Chan so mui. Both are pretty in their own way.
回覆刪除舊香港的景物, 有些只能在粵語長片中重溫了
回覆刪除冇錯，這是唯一渠道了。所以我經過番炒粵語長片，睇片之餘可以睇靚人靚景舊香港。
刪除以前人人當草，依家個個當寶，我自己都買咗好多套收藏，想睇番媚姐同四哥套神鵰俠侶搵極都搵唔道，網上收片多年都無聲氣…
近10年真係越黎越多香港人睇番粵語長片。
(更正)經常
刪除神鵰俠侶的孤本膠片在電視台，我廿幾三十年前在電視前重看過，不過最近粵語片會的朋有去訪尋過，聽說遺失了。
刪除除了黑白的粵語 " 殘 "片外, 現在的5,60歲的明星, 初出道時的影片, 也不能放過, 七八十年代很多香港景觀, 現在也不見了, 單單是大會堂, 天星皇后碼頭已令人懷念, 陰謀D講, 是借發展為名, 清洗香港的歷史記憶
刪除總有一日，搬走「皇后像」廣場的維多利亞女王像，然後改名。
刪除搬走 維多利亞女王像? 維多利亞女王像 現存在 維多利亞公園 的 維多利亞女王像?
刪除改名?? 同佢死過。
(Chris兄)
刪除唉… 唔怪得知搵唔到套片，原來已經遺失原片，可惜呀。
(Nth兄)
多年前佢地鬼鬼祟祟玩洗底，想將維多利亞港改名同簡稱做「忽吉港」，完全玩嘢之作，你大陸咁叫法大家冇意見，香港咁叫就有問題。
因為用粵語讀音「講/聽」(完全唔係多心，係所有人第一正常反應)有不敬和褻瀆女皇嘅嫌疑(忽=fu_k)(吉=動作砌妳)
好彩當時有兩位人兄，住加拿大和澳洲嘅熱心網友，報料解釋個「意思」俾傳媒同英聯邦四大巨頭知(英加澳紐)，全世界嘈到飛起，後期外國淡化咗件事，應該係俾條金樓梯佢落番台。
估計私底下解決，俾咗「壓力」老共，先叫番「維港」。
搬走？佢知唔知平日有幾多自由行，外國遊客同市民搵維多利亞像同佐治五世像影相留念，已經成為必去旅遊景點之一，我日本朋友嚟香港玩時，佢成團人都有影相加拍片。
皇后碼頭仲可以俾你「駁到故仔搞到」，話發展問題又話太舊也也物物，明知你吹水但總算係理由可以接受，二來當時人未醒。
你神主牌「毛澤東」，我地「維多利亞」，佢代表香港百幾年歷史，入哂所有人嘅「心」，同維港改名單嘢一樣，你一搞，全世界都會插手。
(更正)乜乜物物
刪除「弗」古文中通「不」，例如說「捨正路而弗由」。
刪除「弗吉」，真是大整蠱。
皇后像廣場無皇后，銅像應是匯豐大班！
刪除邵氏舊片『後門』都有不少街景。國泰舊片『香車美人』都有！
刪除(Chris兄)
刪除哈哈，解得好。擺明大整蠱啦，肉酸又核突，明玩嘢。
現在嘅英加澳紐雖然分哂家，亦同女皇冇直接關係，有都係掛名。
但各國嘅保皇派又好，反皇派和中間派都好，我發覺佢地同所有市民對女皇一定有基本嘅尊重。
留意好耐，佢地好過癮，平時就好似愛理不理咁退居二線，但一有咩事觸動到佢地，四個國家就好齊心，完全有默契咁「行動一致」。
(Raymond兄)
記得睇香港史書講過好耐之前皇后像廣場有好多像，女皇像皇族嘅人像都有，大班像都有。
但近代你啱，係得匯豐大班像。
(Raymond兄)
刪除兩套都多景，網友唔好錯過。
「後門」係我部電話有全片，成日番炒，劇情幾好又有樂蒂客串。
「香車美人」真係笑到肚痛，伊秋水搭陶三姑。淨係開頭睇人名都已經笑死「巢菲菲、黎明、陳立品、鄭君綿」全部搞笑份子。
熟識的晝面和遠去的生活流露了自由而和諧的氛圍教人懷愐.
回覆刪除John 和我是過來人。
刪除那些年雖然窮但有希望，雖白鬼大晒但無需強詞奪理叫市民包容，雖有不公但始終三權分立，雖無國但有家，所以不需硬塞甚麼撈雜子洗腦低能白癡國民教育...
回覆刪除咪就係，香港呢張百搭好牌都唔識運用，係要搞垃圾文化玩同化，你越逼就越反感，冇人會服你！我想講，你地都無料唔識搞唔敢變，其實連上面都係一樣，大家都係食緊英國老本又死要面唔認。係醒嘅應該放盡佢俾我地真正自己搞，大家有着數之餘更會對你改觀，咁先係雙贏嘛，你最後出口都封住嘅話，真係「笨柒加個箍」…一定會後悔。
刪除學習歷史就是最好的國民教育，他們現在搞的是連自己都不相信的愚民教育。
刪除今時今日讀歷史者，屬稀有動物，要好好保護！
刪除寶物!! 謝分享. -zpdrmn
回覆刪除不用客氣。
刪除每次睇到舊香港珍貴片段都非常感觸，立即鈎起哂所有回憶…
回覆刪除60-80年代香港真係好「正」，未曾生活過嘅網友真係「走寶」。
當年大部份家庭都比較窮，家家户户每月生活都係掹掹緊，期間雖然有悲有喜，但不會覺得「苦」，街坊多數有情有義，四周圍都佈滿人情味，感覺溫暖，令人懷念。社會整體健康人人有希望，空氣又自由，玩嘅時候個個多玩意多綽頭，日日都過得好開心。
我自己都十分慶幸，曾經在這些年代生活過，真係美好回憶，畢生難忘…
與現在的情況不同，那時多艱難都好，還有一絲希望，將來可能更好。
刪除英國佬時代, 起碼言論真的十分自由, 五星旗, 青天白日旗, 各自存在, 但現在香港有關藏獨台獨等的言論, 全部收聲
刪除張敏儀因為容許RTHK講兩國論而外放, 陳巧文舞下雪山獅子旗, 便遭攻擊, 97前是不會的
特首落區做假show，搵愛字頭和黑社會助陣的場面，我幾十歲人，未見過更核凸的事。
刪除恐怕將來班愛字派會在和平的遊行中搗亂，嫁禍港人！
刪除John兄，
回覆刪除＞＞＞60-80年代香港真係好「正」，未曾生活過嘅網友真係「走寶」。
當年大部份家庭都比較窮，...社會整體健康人人有希望，空氣又自由，...
我自己都十分慶幸，曾經在這些年代生活過，真係美好回憶，畢生難忘…
絕對認同閣下所言，能夠係5/60年代出生/成長既香港人，係華人於中國幾千年文化影響下，而得到最高自由及最有希望兼融會貫通中西文化既時代，個啲出世遲既港人雖享受到發展後既成果，但無法體驗發展過程，真係走咗寶。
現在既香港 --- 係等死：1)被真或假共害死，2)港人自己瞌埋眼唔理事式去找死。
賈真老兄，1 和 2 都很顯然了。
刪除希望仲有變數…
刪除難耳！
刪除