2012年10月17日 星期三

東非抗暴記

今日講一齣1951年電影:「東非抗暴記」(The African Queen)。

提起「浪漫」電影,大眾一定會聯想到俊男美女、華服美景。

可以是完全不美的中年男女,還要由頭到尾穿得破爛的浪電影?有,就是這齣----而且交足貨,讓觀眾有極大的滿足。

當年提名四項奧斯卡,包括最佳男、女主角,最佳導演(John Huston)和最佳改編劇本。

男女主角是演技派的堪富利寶加(Humphrey Bogart)---結果獲最佳男主角獎,是他生平唯一的奧斯卡,和嘉芙蓮協賓 (Katharine Hepburn):



電影改編自C.S. Forester 的1935 同名小說,故事發生在1914年,第一次世界大戰期間的東非;德國軍隊欺壓當地平民,英國傳教士Sayer兄妹流落在異鄉,兄長染病死亡,妹妹Rose 草草埋葬了兄長之後,無處容身,上一艘由一個老粗Allnut 開的舊船 The African Queen 號順流而下,見一步行一步

二人獨處一舟,論出身、階級、文化素養,可謂南轅北轍,沒有一樣相配,而且大家都年紀不輕了但是他們在幾日的航程之中,屢遭危難,相濡以沫,終於爆發愛情的火花。

他們還計劃突襲在河上巡邏的德國炮艇,撞過去與敵同歸於盡,但事敗被俘,最後有幸脫險,二人決定長相廝守。

請大家看兩個片段:




一張典的劇照:
我讀中學時,學校選了African Queen這本書作為英文科閱讀課本,給我打這個基礎,感謝。

(文章允許轉貼,請具作者名字:梁煥松)
 ............

22 則留言:

  1. 本來 "他們在幾日的航程之中,屢遭危難,相濡以沫,終於爆發愛情的火花。" 幾好,但後段突然 "計劃突襲在河上巡邏的德國炮艇,撞過去與敵同歸於盡,但事敗被俘,最後有幸脫險,二人決定長相廝守。" 有少少怪。

    回覆刪除
    回覆
    1. 因為剛好船上裝了大量易燃物料,Rose亦有報國之志。
      你看連結就可以一覽情節大概。

      刪除
  2. Chris兄,

    多謝介紹呢套電影,堪富利保加(慣性用保加 rather than 寶加)年輕初出道時樣子唔太差,係矮啲,可能煙酒過度,年紀不大時樣貌已開始滄桑巖巉,我唔講得話係佢粉絲,但個套北非諜影就睇完再睇,永不會厭,至於呢套東非抗暴記就唔一定,因為我好怕睇嘉芙蓮協賓,成日覺得佢起哂凌角,硬繃繃,唔知佢係男定女。

    睇戲蒞講我都係好膚淺,娛樂因素佔幾大比重,如果男女主角及做型唔太合我意,都係掛免戰牌。

    回覆刪除
    回覆
    1. 嘉芙蓮協賓鍾意著褲同男裝鞋,與嬌柔無緣,但肯定是女,和Spencer Tracy的一生苦戀更是可歌可泣。

      刪除
    2. 两老仲有齣合演「Guess Who's Coming to Dinner」中文名(我愛金龜婿)?

      最佳導演(John Huston)在波蘭斯基的「唐人街」飾演菲丹娜恵的邪惡父親。

      刪除
    3. 啊!二人在50年代,像吳楚帆與白燕,是最佳(鬥氣)情侶拍檔,拍過多齣經典,如Woman of the Year,Adam's Rib。

      刪除
  3. 非常好睇。劇情故事簡單感人,不落俗套,两人演出融洽無懈可擊,導演功力深厚,應該可以拍出小説的神髓?

    堪富利寶加 (堪富利保加?)

    另有齣黑白片「一夜風流 It Happened One Night」也好好睇。

    回覆刪除
    回覆
    1. 應該是「保加」。

      刪除
    2. Raymond下午6:44

      看過一夜風流,很好看!

      刪除
    3. 奇勒基寶1934年電影,以今日標準來看,他的「英俊」不過爾爾。

      刪除
    4. Chris兄,

      >>>奇勒基寶1934年電影,以今日標準來看,他的「英俊」不過爾爾。

      吓!唔係嗎?我反而覺得家下啲男星好少有話講得上英俊,好樣少少啫已經嗌到驚為天人咁滯。

      奇勒基寶係'一夜風流'片中一幕,講佢預備瞓覺,除掉恤衫時原來無穿內衣,攪到當時啲男觀眾有樣學樣,咁先性感,內衣銷售大跌,商人嗌哂救命。

      女主角Claudette Colbert 歌羅德高露拔係套戲入便唔覺得靚又師奶,雖然佢細奇勒基寶兩年,但望落反而老過男方,兼且有點寒背。

      刪除
    5. 好怕奇勒基寶那副八字眉二撇鬚。
      講英俊,幾時都是加利格蘭、格力哥利柏、孟甘穆利奇里夫....

      刪除
    6. 對于思滿面或整蠱做怪個啲鬍鬚款素無好感,但就好buy奇勒基寶呢種二撇雞形鬍鬚,始終覺得有點舊式紳士風,除咗佢長得好睇外,當然絕對唔少得愛路扶連,羅拔泰萊,大衛尼雲都掂,唐片演員馮應湘伊秋水唔差呀,近代既黃錦燊亦OK,就算被炒魷既designer John Galliano 都得,唯一佢衰太gay兼有點乸!

      >>>講英俊,幾時都是加利格蘭、格力哥利柏、孟甘穆利奇里夫....

      三個入便我只揀格力哥利柏,並不特別覺加利格蘭英俊,孟甘穆利奇里夫雙眉太濃,有點暄賓奪主。

      刪除
  4. 佢同史賓沙德利西段戀情都算特別,男方同老婆雖然早已分開生活,但因為史賓沙德利西係天主教徒,始終無同老婆離婚,亦顧及老婆感受,從無同嘉芙蓮同居或招搖過市,直至'60年代打後男方健康出現問題,嘉芙蓮先搬入其家照顧到他過身;點都存有舊派大體,嘉芙蓮自知身份敏感,為免引起尷尬,故無出席史賓沙葬禮,多年後德利西太太都仙遊,才係開口承認與史賓沙一段情。

    嘉芙蓮好友曾問以其天不怕,地不怕,惡屎能敦性格,點解對史賓沙會一往情深、小鳥依人、無名無份廿多三十年都不離不棄,佢自己都話唔知乜因由,愛情無得解,一物治一物,糯米治木虱。

    回覆刪除
    回覆
    1. 嘉芙蓮協賓住進史賓沙德利西的家,他老妻還在。
      嘉芙蓮為送情人最後一程,無計較,做義工,睡廚房!
      真是一個人物。

      刪除
  5. http://hk.epochtimes.com/archive/Issue76/szlz-5.html
    http://hk.apple.nextmedia.com/entertainment/art/20030701/3383479

    回覆刪除
  6. 嘻,想講呢D片"唔係我年代",好似好衰XD.

    我本身唔鍾意睇戲, 所以都不好評論. 但睇第二張相的男女, 的確唔算好吸引... :X

    ========
    今日又去左政總反國教, 警方批左半邊場俾"支持國教"組織, 成晚播埋D國歌同獅子山下, 搵一堆鄉音都未甩既"鄉講人"不停提住"我地中國香港人要...", 真係難聽過粗口! \_/

    回覆刪除
    回覆
    1. 做中國香港人要......認識中國,認識歷史,分清事非!
      不是一味擁護。

      刪除
  7. Now Showing: 「香港抗暴記 Days Without The Queen」

    回覆刪除
  8. Next Change: 「鬼子來了 Devils On The Doorstep」 「大逃亡 The Great Escape」

    回覆刪除