2015年8月31日 星期一

耶和華

唉,真的講到亂晒籠。



主持人的英文發音錯誤很多。

「耶和華」的希伯來原文發音是Yahweh,有得解,是 I am What I am的意思。是猶太神第一次向摩西顯現時,摩西請問閣下是誰?神自稱說「我就是我」。 https://en.wikipedia.org/wiki/Yahweh


Yahweh的名字,怎樣因為猶太人忌諱,不敢寫神的全名,略去那些vowels,翻成西歐語言時變成 YHVH,再以訛傳訛,變成拉丁文和英文的 Jehovah :https://en.wikipedia.org/wiki/Jehovah


「希伯來」、「猶太」、「以色列」和「錫安」四個稱謂的關係和歧義:https://en.wikipedia.org/wiki/Hebrews

該隱殺「阿伯」(Abel),不是「約伯」(Job),口快快講錯,也算了。

波斯拜火教的漢譯「祆教,右邊那個是「天」,不是「夭」,所以不讀「邀」,讀「牽」。

。。。。。。。。。。。。。。。。。。。。。。。。。。
*倘有留言未能即時上板,是自動過濾去了spam之故,諸君稍安無躁,版主每日檢查幾次,一有發現便會救回*

(文章允許轉貼,請具作者名字:梁煥松)

20 則留言:

  1. 真可惜佢依家變成個講古佬,有TOPIC講講吓又話未做功課,早一兩個星期我己提及此君為我初搬入褔來邨的斜對面單位鄰居,只有一兩年時間,他爸爸過身就搬走,我媽講過他們應該搬咗去石圍角,因他媽經常回來打衞生麻雀,他也自稱為音響發燒友,並在多份hi fi雜誌寫稿,我自細經常出入試音室,未移民前我的hi fi 雜誌一個月最小三本,我唔會係報墶買,我喜歡到奶路臣街買剛到期的,我唔會化大筆錢玩HI FI,因為我唔捨得兼且我無這些錢花,但心得還有一點點,依家啲人才玩CRAIGSLIST,大約十年前我就玩了,玩了兩三年,又唔玩了,執些名牌的hi fi AV 或 SPEAKERS,玩幾個月配搭過,賣出,好多時來買a的我試b比佢聴,結果主動要我賣,做了十多筆交易執咗啲現金及全屋的免費設備,美國佬唔懂匹配,音響唔係貴一定好,梁兄你講嘅音響就實際啲,你老哥為享受形,而我夠就得,那有最好,點追!
    卄多年前我去LA 探一位 MACAU FRIEND,佢哋在澳門嘅餅家屬三大之一,大屋比啲細路讀書居留用,佢位公子使咗大筆錢整套HI FI,乜都好,用套SPEAKERs夠晒大成個人咁高,佢話一只買咗過千,我話你去PRICE CLUBE睇吓一只一舊水,我話這套SPEAKERS係用嚟擺的唔係聴的。

    回覆刪除
    回覆
    1. 以前我也很喜歡聽他講科學的,那是他的本行。
      他講HiFi(連黑膠都未玩過)和古典音樂就很皮毛,
      最近還教英文,不要說流利,連單字發音都很水皮,現在講宗教,我都冇心機追了。

      刪除
    2. 近三十年來,HiFi是暴利搵傻仔笨的企業,一條線都過千美元,
      一個人高的喇叭,動不動過兩三萬就真。
      廿幾年前,WilsonAudio喇叭在香港已經夠膽收近20萬港幣,包埋老闆David Wilson美國飛過來上門,幫你調教喎!
      套嘢係用幾樣別廠的出品,夾夾埋埋砌成,醜樣到嘔。
      佢次次帶埋老婆來,飛機費酒店錢,羊毛出在羊身上囉。
      一樣有香港人幫襯,難明。

      刪除
    3. 有成十年我工作的寫字間閣樓為音響陳列室兼試音室,中午飯堂食完午飯必打釘,後來班友仔將啲維修音響嚟研究才知道有幾只日本名牌都唔係自產的,我做出入口貿易幾十年前己識得什麼OEM的回事,十多年前我剛做印刷買免炭紙的膠水,名牌(原裝紙)賣$20,有一只雜嘜OEM的賣$10,我梗係買平個隻,因為生產此膠水全美國只有兩間。

      刪除
    4. 不過咁,OEM廠家幫人做零件或裝嵌,是根據客戶的要求和規格去做的。
      好像很多美國和日本名牌的中低檔結他,都是印尼和大陸OEM的,質素也不錯,
      但是如印尼廠自己也出結他時,用Cort自家品牌,就只是最低檔的產品,和代人生產的差天共地。

      刪除
    5. 介紹你一個網購站,全部OEM 野我經常用呌MONOPRICE,好多結他配件,未用過就試吓,應該有INTERNATIONAL SERVICE,好多野在香港鴨記都買到,我十幾年無返香港所以要幫趁佢。

      刪除
  2. 連自己嘅野都搞唔清,仲要講啲非本行的,科學與分析係一缐的,一個在外國生活過的家長都清楚,孩子小中學的成長係最重要,個女去咗你寫乜信都無用,我吔做鄰居時一句話都無交談過,睇佢嘅經歷真係怪怪的。
    六五年開始經常到奶路臣街與西洋菜街的無缐電行睇嘢,大利及勝利,后來大利在荃灣開分號,那時我已經買英國喇叭GOODMAN自己裝箱。

    回覆刪除
    回覆
    1. 批評佢講錯野我冇意見。不過人地點樣面對愛女走左,真係好個人,寫信抒情冇乜野好批評的。

      唔通又去話西西乳癌切乳,寫本《哀悼乳房》出黎都冇用咩。

      刪除
    2. 佢個女去前係FB已經有表達厭世之意,佢應該一直有情緒病,佢在其中一封信上說,啲親友,在街上散花,說一路好走,但他最初也想這樣說,後來佢認為既然佢去了,那就沒有了,那會一路好走呢,所以至今佢自己一直呃緊自己,當然佢係想抒發自己的情感,但佢有心的話應該用佢嘅專業去硑究孩子情緒病的問題,幫助其他家長,這就更有意義,我係佢嘅舊鄰居絕對同情佢地,我亦覺得對孩子的情緒病要嚴加注意。

      刪除
  3. 小弟是「小學雞」發燒友,今年年初買了這套「膽機」,唔使港幣三千,大大聲聽 Pierre Fournier Bach solo cello,已覺夠用。上帝做人,比了人一件大禮物,就是「diminishing marginal utility」。一塊千元牛扒,比較一塊百元的,不會好食十倍,李 + x 億萬身家,也不會比我們快樂億倍。

    李博士早年比人的印象,是理性科學家,但近年似乎有點走火入魔,前排講國際政治,已力不從心,而家仲講埋宗教咁高層次的哲學問題,教壞細路。

    http://menclub.hk/tech/2066

    回覆刪除
    回覆
    1. 你這部膽機,是前級部份兩支12AX7,用作吊味之用,後級部份應該是原子粒的,才會這麼抵買。
      平有平玩,跟機來的一定是平價大陸膽,好在12AX7貨源多,你可以搵兩支歐美New Old Stock 名牌,如RCA, GE, Amperex,Mullard,Sylvania,古董倉底膽來試下,一定大有改進。
      有些舖頭炒到好貴,德律風根好多假嘢,索取天價。
      總之你格下價才好買,太貴要忍手,不要聽賣家亂吹。。

      刪除
    2. 識得聽Pierre Fournier ,而不是馬友友,老兄是有料之人,
      我有幸30多年前大師訪港時,在大會堂聽過一場。
      我有隻大師和 Wilhelm Kempff鋼琴,Henryk Szeryng 小提琴的貝多芬三重奏全集3CD,
      還有套他和Kempff的貝多芬大提琴奏鳴曲全集2CD,
      百聽不厭。

      刪除
    3. 謝梁 Sir 提點,每天閱讀梁 Sir 網誌,受益匪淺。

      講出嚟好似好串,我是從不聽馬先生的,琴音和他拉琴的表情一樣,浮躁不安,唔明為何他在樂壇,享有崇高地位。不知大師三十多年前來過香港,錯過現場聽奏的機會。

      刪除
    4. 現代音樂家要支持下,買買唱片,入場聽下都好應該,否則人家無飯食。
      不過講到夜靜欣賞,還是聽世紀大師級過癮得多。

      刪除
    5. raymond上午9:13

      姓馬的大提琴家,最近聽聞一小學同學在電台節目提起,馬曾一年有超過二百場演出。演出後,就坐車到機場,到了機場,會有人給他機票,然後上機,跟著飛去甚麼地方也不知道,整個人渾渾噩噩。
      倘如此,又怎會有時間練習新曲目,鍛鍊技巧呢,不過是食老本而已。

      刪除
    6. 職業演奏家,生活很苦。
      一些熱門的曲目,已經奏一千幾百次,奏到厭,還要次次裝出很投入感動的模樣,
      真的是「表演」。

      刪除
    7. 想起電影「Hilary and Jackie」〈港譯「她比煙花寂寞」〉,演繹天才大提琴手 Jacqueline du Pré 的傳奇短暫一生,四字概括,天意弄人。

      Jacqueline du Pré「演奏」大提琴,百聽不厭。馬先生「表演」大提琴,不可同日而語,最難頂是他「表演」時,如做文革樣板戲的誇張表情。

      刪除
    8. 馬友友法國出生,美國籍,都不知道他識唔識中文,照計無理由受強國無文化影響。
      不過有些音樂家宜聽不宜看,單是聽就覺得自然,看過一次就影響你日後的印象。
      有些音樂家的表情和肢體動作,十分之不討好,例如Gidon Kremer, 內田光子,Martha Algerich......包你一見難忘。Leonard Bernstein 有時也是很肉麻。
      DuPre的拉琴動作也很誇張,不過她命運悲慘,死得又早,世人對她多幾分憐惜。

      刪除
  4. 講完耶穌話題,不如安排一吓寫玩音響機與啦叭,細中大的配備。我估這期目可以分美,日,歐三區各品牌,嘩,可以寫八篇,十篇,有機會大把人睇。梁師傅,等你開工啦。
    PNG Sammy

    回覆刪除
    回覆
    1. 寫音響好呀,包無勞氣和五毛來撒野。
      暫時請老兄睇番文章分類「影音發燒」那幾十篇,頂住癮先。

      刪除