2015年8月20日 星期四

就同你玩下

就同你玩下

香港電話騙案猖獗(數字如上圖),來電者大多有大陸口音,根據中聯辦發表聲明,是台灣首腦在菲律濱禁錮D大陸人,強迫佢哋打電話去香港喎!

不過好多騙案嘅來電號碼顯示,係 86 字頭號碼,即係大陸打來。真係信佢一成,雙目失明。

香港有D網友,你精我唔呆,明知係搵笨,就同你玩下。佢哋認真有心,將對話錄低,擺上網示眾,等大家知所警惕。

以下選出幾段,大家聽聽、了解一下騙徒如何白撞,打開話匣嘅慣技同語言偽術,俾人質問到埋身時,點樣顧左右而言他,花咗咁多心機、口水同電話費,又唔捨得放棄嘅狼狽樣,都咪話唔過癮:












。。。。。。。。。。。。。。。。。。。。。。。。。。。。。。。。。。。


*倘有留言未能即時上板,是自動過濾去了spam之故,諸君稍安無躁,版主每日檢查幾次,一有發現便會救回*

(文章允許轉貼,請具作者名字:梁煥松)

14 則留言:

  1. raymond清晨7:28

    總之一句,接到不明來歷的電話,要加倍小心!

    回覆刪除
  2. 咁玩法,其實驚唔驚條燦炳玩報復,send 啲 hack message 過嚟。

    回覆刪除
  3. 我同你就咪制囉,馬上收線,跟住block埋佢,慳番啖氣好過。

    回覆刪除
  4. 你在澳洲也要小心啊 , 可能有被禁錮在香港的「澳洲人」, 打電話俾你。

    回覆刪除
    回覆
    1. 這邊的白撞電話也很多,大多是印度口音的,我一聽就冚機。

      刪除
  5. 內地騙子通處搵食。我也收過 "郵包" 電話,急急收線。 -xo

    回覆刪除
  6. "不過好多騙案嘅來電號碼顯示,係 86 字頭號碼,即係大陸打來。真係信佢一成,雙目失明。"

    你真係條科技盲毛,號碼顯示很容易改或blocked。 真係信你半成,雙目失明

    我10多年前在臺灣時已經有很多電話詐騙。臺灣本地詐騙集團打電話給臺灣人,說他們在大陸的臺商親人朋友出了問題,要錢。電號碼也顯示 86 字頭號碼,詐騙集團利用ip電話改了號碼或者在金門利用中國移動的網絡打的。

    回覆刪除
    回覆
    1. 有不明,
      以上片段的騙徒,問事主見不見來電顯示,並叫事主可以打返比佢。
      如果是菲律濱電話偽裝86字頭,咁你回電時會駁咗去邊?
      或者可以從大陸飛線去飛律賓,
      問題係你信唔信中聯辦,話有大陸人被綁架強迫打電話呃人?

      刪除
    2. 西環以前有間鋪頭呌信二成(信義誠)現在過咗戶比中聯办。
      以前騙你財,都會比啲垃圾貨物你,或者話你中咗獎,都係貪字出事,現在唔見錢仲送個驚比你,問你怕未,地球不㫁地污染。

      刪除
  7. IP 電話飛線很簡單.

    "問題係你信唔信中聯辦,話有大陸人被綁架強迫打電話呃人?"

    信五成啦. 記得以前在臺灣也聼過差不多的事情.

    另五成, 臺灣電話詐騙集團玩得爐火純青, 不排除臺灣在大陸發展或大陸集團有樣學樣, 究竟沒什麽技術含量, 很快上手的.


    回覆刪除
  8. 最簡單就係頼愛迪生,點解佢發明電話,再頼啲人點解發明INTERNET,搞咁多罪案出嚟,共產黨邊有錯,一切都係外面社會的錯。

    回覆刪除
    回覆
    1. 中簡單臺灣詐騙頼國民黨, 香港詐騙頼共產黨, 新金山阿伯條氣唔順當然頼大陸人啦.

      包你滿意.

      刪除
  9. 本人今日又收到假順豐急件 !

    回覆刪除
  10. 幾段的內地人把聲好似同一人。

    回覆刪除