2014年2月22日 星期六

教授膠論


852郵報消息:《環球時報》引述「幫港出聲」召集人之一的中文大學政治及行政學系前系主任鄭赤琰說:「驅蝗」運動反映部分港人國民意識薄弱,當局除要加強學校國民教育外,也應考慮學習前港英殖民政府,補貼香港公務員子女返內地讀書,認識國情.....

*********************************************************

*以往英國殖民政府,津貼公務員子女去英國讀書,係讀中學,唔係大學。呢D係公務員既「福利」之一,我諗起源係益英國來個班高級公務員,後來以示公平,就益埋其他本地公務員,用意唔係培養親英分子。不過就算有津貼,自己包底個份都幾鏞下,正式人出豉油你出雞,所以中下層公務員都好少享用到呢項福利........


一直以來,大把高官,送D仔女去英、美、加、澳讀中學、大學,而家一年閒閒地用幾十萬,佢地都心甘命抵,覺得物有所值。

你估佢地唔知返大陸讀書,無津貼都平一大截咩?你津貼多少就會改變心意,送佢地D寶貝仔女去大陸?你無野哇?就算學費食宿全免,都咪搞阿Sir啦。 

除非你硬性規定凡係公務員,仔女一定要返大陸讀書啦,不過行得通至奇!

如果即刻周晒梁振英、林鄭月娥、吳克儉等人既仔女返來,送佢地去大陸讀書,我私人津貼一皮野又點話!

如果有個計劃係度,但只係自由參加的話,就算D高官父母肯,班90後靚仔,明知屋企有條件供佢去外國留學,竟然要去大陸讀,實會典地詐晒形囉! 

仲有,你為乜只係將目標指向公務員?點解唔係全港市民人人有份?

(文章允許轉貼,請具作者名字:梁煥松)

*2月21日是「國際母語日」(http://en.wikipedia.org/wiki/International_Mother_Language_Day),本文用港式粵語來寫。
 ............

49 則留言:

  1. 用Chris San講法,呢條友系乜水?! 查都費乜事查呀,就讓有心人來開故吧,man!!!

    回覆刪除
  2. '返內地讀書,認識國情', 知得越多越痛苦。

    回覆刪除
    回覆
    1. 言之甚是 ................

      刪除
  3. 香港式填鴨式教育的始作俑者是英國殖民政府,大部份香港人都是填鴨教育之受害者,香港現狀正反映出英國佬嘅愚民政策十分成功

    回覆刪除
    回覆
    1. 那麽大陸教育是異常成功,教出無數精明國民?

      刪除
    2. Raymond上午9:41

      甚麼愚民政策?

      刪除
    3. 香港政府無教學生效忠女王,西史科好少英國史,反而有中史。中史科沒有避忌講鴉片戰爭、八國聯軍,割讓香港的史實。
      九七後特區政府取消中史,教学生中共是進步無私的政黨,到底誰的政策是愚民?

      刪除
    4. 填鴨是指學習方式 , 愚民是指教給學生的內容 , 閣下似乎偷換概念。

      刪除
    5. 學習沒有內容的東西?才不叫填鴨。。。附合國情。。。大陸官員的話多是假大空的

      刪除
    6. 咪嗡得就嗡呀,香港家下87%初中都有獨立科教中史,高中就有89%。。。

      好,我教埋你點查資料:去中文 google,搜索「立法會中學教授中國歷史科」。

      唉!何必以言語技術混水摸魚呢?存心侮辱港人智慧呀?

      刪除
    7. 呢樣你講得o岩。

      刪除
  4. Mike Chan上午9:23

    唔知呢位鄭赤琰D仔女喺邊處讀書?有人知道冇?

    回覆刪除
  5. Raymond上午9:39

    特區政府有種,就應規定所有高級公務員的子女,不准出國留學。要讀大學,就讀香港的或讀大陸的!
    『發夢!』
    『香港仍可以發夢啊!』

    回覆刪除
  6. 我真的很蠢,在香港讀完大學都唔知道自己被人愚弄了。

    回覆刪除
  7. How about the children of Mainland high officials? As far as I know, the only daughter of PRC Chairman Xi JinPing also a graduate from the states. Although we are products of HK-British colonial education, we know how to love ourselves, our family, our community and our country. The thing is the now CY government is only working for Mainlanders ignoring HKers' interests creating more and more conflicts to separate Mainlanders and HKers. It is CY to blame!

    回覆刪除
  8. There are more and more such 中国人 in HK's education system whose purpose is to confuse rather than educate.

    回覆刪除
  9. 鄭赤琰是典型的「大中國膠」思維 , 香港人的香港民族意識很強烈 , 才抗拒什麼「大家都是中國人」的說法 , 如果「中國人」的行為不是退化到「蝗蟲」級別 , 香港人中國人互相尊重 , 也不會有「驅蝗」行動了 , 又唔見有「驅韓驅日」, 假日香港街道坐滿印菲泰傭 , 多年來大家咪一樣相安無事 , 「大中國膠」們要反省了 !

    回覆刪除
  10. 鄭赤琰要令自已的提議有說服力 , 其實第一步不是向公務員埋手 , 他應先叫香港的 "人大 " , " 政協 " , " 特首三司十幾局 " 身體力行啊 ! 他們在公言公 , 政治上是示範單位

    回覆刪除
  11. 鄭赤琰教授是學術界的 , 從他身邊做起吧 , 香港的大專院校全是食阿公的 , 那就先請各大學裡「講普通話」的教授身先士卒 !

    回覆刪除
  12. 據Wiki資料稱:
    ”鄭赤琰(1936年-)生於馬來西亞吉隆坡,祖籍廣東豐順。
    學歷

    1946年在柔佛士乃小學受教育。1959年畢業於巴株華仁中學,1963年畢業於新加坡南洋大學政治系獲文學士學位。1971年考獲加拿大西安大略大學政治學碩士學位。1975年又獲美國紐約州立大學博士學位。
    生平

    曾在加拿大大學服務。1977年受聘於香港中文大學政治行政系講師。被稱為系內「四大長老」之一(另外三位為關信基、翁松燃及李南雄)後晉升為政治與行政學系教授兼主任,並成立“海外華人研究所”。

    1998年起出任嶺南大學“族群與海外華人經濟研究部”主任。

    2008年下旬開始在珠海學院兼職任教政治學。

    2013年8月,鄭赤琰與傳媒人周融、嶺大公共政策研究中心主任何濼生、創新科技協會創會會長李榮貴、資深工程界人士王國強、資深金融界人士馮家彬等人組成政治組織「幫港出聲」( Silent Majority ),反對戴耀廷的佔領中環爭取普選運動。。。“

    原來系馬拉華仁仔喔,笑死唔笑呀你話!!!

    回覆刪除
    回覆
    1. http://fishandhappiness.blogspot.hk/2014/02/blog-post_1735.html [不必再問「什麼是中國人?」 ] 的留言:

      >>> 在國籍問題上:
      >>> "全國人民代表大會常務委員會關於《中華人民共和國國籍法》在香港特別行政區實施的幾個問題的解釋(1996年5月15日第八屆全國人民代表大會常務委員會第十九次會議通過): 凡具有中國血統的香港居民,都是中國公民。" and "根據《中華人民共和國國籍法》,「中國公民」指具有中國國籍的人士。"

      >>> So 全部在香港居住的華裔人士都有中國國籍.

      所以鄭赤琰可以說是 「中国籍」的。唔怪知得佢咁 **熱心** 啦 ! 死要做 「中国鬼」 呀 !

      刪除
    2. 但鄭赤琰有沒有外國護照呢 ? 會不會一早就退出了「中国籍」。

      刪除
    3. "鄭赤琰(1936年-)生於馬來西亞吉隆坡,祖籍廣東豐順" & "曾在加拿大大學服務" already tells you something about whether he "有沒有外國護照".

      About "會不會一早就退出了「中国籍」", if he had, he wouldn't have acted as he had: "加強學校國民教育".

      刪除
    4. 評論事件,只須著眼論事實、意見和邏輯,其人和居心較為次要。

      刪除
  13. 大陸人有錢的無論正途或貪番嚟都千方百計送子女到外國讀書及移民外國,為什麼呢,因為他們知道大陸非久居之地,最近瑞士及加拿大收緊移民法例,連清邁這個不是繁華都市都唔順這班蝗蟲,中國人越有錢,在國外的乞人憎程度越深.

    但最慘是一有負面的報道, 就有鄭癈柴這種人出來多多批評,他們不是評道理而是強詞奪理,國民那會有分析道理能力.如果叫太監英為首的那班高官的子女回大陸讀書,他們即刻掉官兼納錢走去國歸番.因為他們亦知道在大陸統治下的香港亦非長居之地

    回覆刪除
  14. 年齡與智慧成反比,鄭教授這麼資深的學者,應該是很 kind ,accommodating ,和 empathetic,怎麼會建議下一代,捨優取劣,去中國大陸接受教育。

    如其他網友提及內地高官子女,鄭教授應首先勸雜種主席以身作則,讓他的女兒先回國吧。

    子曰:「老而不死是為賊」,孔子真係有智慧,原來呢個世界真的有人 deserve 這說法。

    回覆刪除
  15. 用屎忽諗出來的屎橋,正一呃鬼食豆腐.

    回覆刪除
  16. 首先,「驅蝗行動」係一班冇家教之人所䇿動,係,我就話如果父母教出歧視言行仔女,係養不教!寃有頭債有主,你見到有人隨街大小便吐口水掉垃圾打尖靠惡搏懞等行為鬧佢我冇問題,抵鬧!但以此為藉口騷擾無辜人仕,算點?小學雞扮有男子氣概呀?唓!

    一小撮冇家教之人言行可以扯上國民教育,又實在政治抽水。此只涉品德教育,跟乜「身份認同」無關。例如如有土生土長港人(=有哂身份認同啦)隨街大小便吐口水掉拉垃圾打尖靠惡搏懞,我一樣會痛斥其為人渣。。。

    回覆刪除
  17. 公務員之 OEA(海外教育津貼)係以年齡(到 19 歲)為限制,即你有把炮 15 歲入大學,你可以攞 OEA 讀大學。。。我就 17 歲入大學嘅,所以一啲都唔出奇。。。

    津貼公務員去國內讀書?讀中學就真係冇乜人會制喇,但讀大學就一定會有人制。。。Harvard, Oxford 等名牌大學有大把學生嘅學士學位係內地,你晌清華大學讀完學士後去美國 Harvard 深造攞博士學位,who cares where you got your BA degree 呀?唉!

    回覆刪除
    回覆
    1. 絕大多數香港仔女7歲讀小一,13歲讀中一,有乜把炮中三讀大學。

      刪除
    2. 好此我咁,攞兩年津貼都好吖。。。

      澄清:我冇 OEA。。。我意思係學我17歲入大學就可以攞兩年津貼。。。

      刪除
    3. 中5仔吧,大學程度,鬼信

      刪除
    4. @kf:其實我係文盲,唔識字㗎。。。唉,都知瞞唔到閣下神眼㗎喇。。。

      刪除
    5. 「我就 17 歲入大學嘅」,引證 (孟子˙公孫丑上)《揠苗助長》 :「揠苗者也,非徒無益,而又害之。」

      刪除
    6. @匿名(5:47):唉,我深知其「害」,苦呀!但祝閣下子女統統20歲先中學畢業,有充足時間根正苗雄。。。

      刪除
    7. 不應「揠苗助長」就要「按苗阻長」?足見「揠苗助長」對思維邏輯之害,更會培育出心腸惡毒之輩。

      刪除
    8. 匿名君@下午5:47

      >>>「我就 17 歲入大學嘅」,引證 (孟子˙公孫丑上)《揠苗助長》 :「揠苗者也,非徒無益,而又害之。」

      此言甚是!

      怕只怕《揠苗助長》還不是最大害,反而係有啲人話就話自己讀過兩錢書,誰知乃「讀壞詩書生壞品,開口埋口損及人哋府上家人」之人型物體一隻擾亂民間個吓先為害不淺。

      刪除
    9. @賈真:即係咁,通常嚴人寬己嘅人呢,就最棹忌人以彼之道還諸其身,最典型例子:

      詹培忠:十個女人十個係雞!
      公眾:咁你阿媽都係雞?
      詹:我阿爸嘅私家雞。
      公眾:你阿媽一次收幾銀?「另類服務」收費又點計?

      嗱,咁趣緻嘅思維,俾人提佢府上家人都係佢咎由自取啦係嘛?

      刪除
    10. @匿名(10:33):好似乜都你講哂喎。。。17歲又話揠苖有害,好喇,俾足你時間喇,你又怨20歲按苗惡毒,喂,中間冇乜走棧位啫噃,閣下你都好難服侍啫!好好好,我就你又點話,閣下威過共產黨,咁你下旨喇,你心目中係乜年齡?嗱,我手上有份名單資料本港外地「名人」入(大)學年齡,我先等你頒旨「標準年齡」再詳談。。。揠苗為害,唔,共產黨有可能啱,因為民權運動中。。。喂,我等你聖意。。。嘿嘿

      刪除
    11. 揠苗助長 , 即是所謂贏在起跑線上 , 結果到中場便跪低 , 更可怕是細細隻便打有毒激素吹谷 , 又叫做 "國民" 教育 , 結果是培養了一批到外國才愛中國的膠人

      刪除
    12. @匿名(8:48): 「揠苖」嗰位目的係人身攻擊,閣下就似乎政治抽水。。。我笑了,I'm amused ...

      刪除
    13. 都唔知邊條粉腸諗到「贏在起跑線」呢個 term,而啲父母又信到十足,搞到啲細路要承受極不健康的壓力。

      是啊,「中場跪低」的例子,真是屢見不鮮,大學畢業後不久,身心俱疲,未老先衰。

      最騎呢是有些人,視反洗腦國教為「政治抽水」,以「17 歲入大學」為傲,又笑又 amused,慌死下一代唔死。唔好比我估中,這些人是沒有仔女的。

      刪除
    14. @匿名(11:24):梁先生好似是沒有仔女喎。。。你係話。。。嘩,你好似有欠厚道喎咁嚟話!

      嘿嘿

      刪除
    15. 再現「揠苗助長」之害,啲害仲好深下,思想冇番咁上下紊亂,點會將「視反洗腦國教 ......」聯想到梁先生。

      真係比我估中,佢冇仔女,confirmation by avoiding a straight reply and talking about something else。

      刪除
    16. @匿名(12:33): 喂,好似係你先提乜冇仔女暗示係天譴先㗎喎,唓!

      嗱,咁我家下逐個問呢度留言嘅仁兄仁姐佢地有冇仔女,佢地唔答呢,就代表「真係俾我估中,冇仔女,confirmation by .....」,係咪咁呀?好,搵邊個問先好呢?一陣就清楚哂呢度所有人嘅私事,閣下呢條真係絕世好橋!

      刪除
    17. @匿名(12:33): 好,首先問你。唔好俾我估中,你父母得你一粒。。。唔好俾我估中,你冇仔女。。。好,揚私事喇!你唔答就。。。嘿嘿嘿嘿

      刪除
  18. 教授還不是人一個!腦袋不中用了,人會老的,有如此膠論又如何出奇!

    回覆刪除
  19. 從前見那些普通级别的公務員朋友把十三、四歲的兒女送到英國中學寄宿,只為貪那些少津貼。英國天氣濕、汵、黑,小朋友英文不精,沒朋友不在話下,而且就讀那些也不一定是名校,學生的質素参差,又沒有監護人在旁,試問那些少年學好學成的機會是多少?我真可憐那班人造的孤兒仔女們。

    回覆刪除