2015年9月30日 星期三

累街坊

累街坊

隔咗一輪無搭過火車,昨日特登唔揸車,試下用長者優惠票價搭火車,去黃金海岸玩半日,竟然係月台上見到呢個新告示。


為「安全理由」,移走晒全部垃圾桶,真係咁都得?

原因好明顯,係怕有恐怖分子,搵嘢包住個計時或遙控炸彈,丟入垃圾桶裡面。繁忙時間月台上等車者眾,一旦發生爆炸,死得人多矣,恐怖分子擾亂社會和民心的目標已達。

澳洲鐵路管理相當緊張,本市過往試過幾次在車站發現無人理的旅行袋,都要勞動警方爆破專家主理,幸而幾次都係「詐」彈而已。

現在的塑膠炸藥好犀利,炸冧你半個月台話都冇咁易,引爆裝置好微細,你估仲係好似以前要黐住個時鐘滴答滴答咁?搵個麥當勞紙袋包住,掟入垃圾桶然後搵堆真垃圾冚上面,路人同鐵路人員都難以察覺有古怪,真係好容易俾D恐怖分子博到懵

所以鐵路公司,唯有斬腳趾避沙蟲矣。

我周圍睇過,地下一D垃圾都無,果真人人咁乖,袋晒返屋企?定係鐵路管理當局加派人手打掃?


。。。。。。。。。。。。。。。。。。。。

*倘有留言未能即時上板,是自動過濾去了spam之故,諸君稍安無躁,版主每日檢查幾次,一有發現便會救回*


(文章允許轉貼,請具作者名字:梁煥松)

6 則留言:

  1. 下次,兄豈不是要自備垃圾袋乎!

    回覆刪除
    回覆
    1. 現在澳洲好興男男女女都孭個袋。

      刪除
  2. 我次黎澳洲 都很難找垃圾桶 最後都要帶回旅館。

    回覆刪除
  3. 東京大阪都很難找垃圾桶,有垃圾請帶反屋企.

    回覆刪除
  4. 日本人注重公德, 自小教育, 垃圾都帶番屋企分類. 初訪日本時覺得有點麻煩, 而家學"精", 會帶定個袋裝垃圾. 見佢地街道清潔, 其實係可行的. 香港有垃圾桶都係周圍有垃圾.

    回覆刪除
  5. 澳洲人的公德心近年也差了,
    當然還有拖狗出街帶膠袋自己執狗屎的,
    但是煙頭和塑膠水樽隨處掟的也很多。

    回覆刪除