2015年9月26日 星期六

美時居酒屋


 美時居酒屋

布里斯本市徽Story Bridge之下,風光如畫的Kangaroo Point,有一家歷史悠久的 Il Mondo 小酒店,地下餐廳原本是吃西餐的,現在改成日本式居酒屋,名叫「美時」Mitoki。

裝修陳設雅緻,現在澳洲各地的日本料理,大多是台灣和大陸人經營,難得找到像這家真正由日本人做的。

既然是居酒屋,酒吧儲藏的日本酒,自然選擇很多。

下面這個,是我吃的 Tapas Bento。

Tapas是西班牙式小食,類似我們港式點心的格局。Bento 即日文的「弁當(便當)」,即是簡單抵食的小盤套餐。現在時興Fusion菜,不過這個便當,內容還是日本小食為主:
午間特價A$13.80, 看到就想食,賣相一流,品質超值。

「美時居酒屋
25 Rotherdam St., Kangaroo Point, Brisbane, Queensland 4169 Australia. (07 3891 5777)

。。。。。。。。。。。。。。。。。
*倘有留言未能即時上板,是自動過濾去了spam之故,諸君稍安無躁,版主每日檢查幾次,一有發現便會救回*


(文章允許轉貼,請具作者名字:梁煥松)

14 則留言:

  1. 食物質量無法品評,但色相非常好,梁兄說好大家應該沒有異議,日本人開餐館會應使則使,小弟只𠙖梁兄一張相片,只覺得如果地板用長條的木地板或木紋瓷磚地板,感覺更好,可能開店時保留原來的地板,我睇佢地賺左錢生意穩定后一定會換地板,也可能餐館的建築物是地中海式,所以用瓷磚,睇色調用SLATE就更好。

    回覆刪除
  2. 有點唔明白,為何布市日式餐館大部份是由台灣人和中國人經營?那裡的日本人又是否喜歡他們做的味道!
    PNG Sammy

    回覆刪除
    回覆
    1. 可能是日本出外工作和移民的人,遠遠不及華人的多吧。
      華人做的日本餐,以中下價為主,水準馬馬虎虎。

      刪除
  3. 有日本人駐場的日本菜早已買少見少,要食就要跨區食
    澳紐開日本菜的另一個目的是"創業移民",呢種方式都少左人做 (入場費貴)
    上圖的食物推算成本為售價約 40% , 你已俾人袋左 A$5

    日本菜在紐西蘭大多由韓國人經營,市中心的 Upper Queen street 全數都由韓國人包辦

    回覆刪除
  4. 出街食嘢梗係預左天一半地一半,人家要投資燈油火腊,仲要伙記人工,店租,係外國做生意十日內唔交租,第十一日業主就換鑰,啋你都儍,你開啲小生意,走入銀行借錢,又啋你都儍,咪借信用咭囉,兩三分息,特價午餐那有大錢賺,賺錢就要睇晚餐,有些地點好,日本餐可以做HAPPY HOUR賣酒加小碟頭SHSHI,又可執多少,啲老外放工唔願即刻返屋企。

    回覆刪除
    回覆
    1. 我做中央集成電腦系統, 主做酒店,F&B。非常了解操作成本。香港最大問題係D業主大啖咬
      如果唔係大集團同連鎖,細生意真係諗都唔好諗。做埋都唔夠交租 !
      外國地方要收你檔好快,搵人出 Final Reminder / Arrears Notice 就可以封你場
      中午可以有D野咬下 , 晚上小菜同賣酒先係戲肉,一個 Friday Night 或 Late Night
      已經可以搵夠係一星期皮費

      刪除
  5. 做餐館,最好賺是飲品。
    去超市趁著大平賣時,一箱箱可樂搬回來,每罐50仙,平過同可樂批發商攞貨,
    餐館賣俾客人A$2.50 起碼。
    做唐餐,白飯加茶,坐底3元一位,成本不用三毫子。

    回覆刪除
    回覆
    1. F&B Margin 最少香 200%
      香港一杯咖啡成本約 $2.5 , 未計人工地方 - 售價 $45 一杯 , Margin 自己計

      刪除
  6. 超市賣可樂或百事係貼錢引人入店,十年前已經係四盒約$10四盒(每盒12鑵),之後要買满$25貨含這批汽水,兩三年前再改說明另購滿$25不含汽水數,所以這條路已經無得走,貨倉COSTCO 及 SAMSCLUB 算比較好價,正價賣$10 = 36鑵,減價則$8.50,好處任買,我朋友開便利店的都係去貨倉入貨,香煙都係,香煙啲稅超重,政府𥄫得好嚴所以每個星期都要將賣煙啲稅交番比政府。
    做生意有人入嚟幫趁梗喺好,要吸引客人入嚟及有回頭這才是經營之道。

    回覆刪除
    回覆
    1. 戒飲這種腐蝕性液體久矣。

      刪除
    2. 我好少飲汽水,有好多人知道價格去入貨,所以超市門口寫上 We reserve rights to sell and not for trade qty's. 仲碌埋卡食埋 Rebates.

      刪除
  7. 日本餐更係日本人做得較正宗 佢地做事認真 絕不求其了事 黎緊12月初去參觀日航羽田飛機維修 大把機會試到日本餐 價錢貴一點 但都是值得。

    回覆刪除
  8. 梁兄
    13.8元真是不貴 在澳州普通吃 個飯 都最少要10或再多少少又有湯 賣相精緻 真是抵吃午餐 不過晚上有無得食 以這價來說?

    回覆刪除