2012年11月25日 星期日

Skyfall 觀後感

我是占士邦電影的長期擁躉,打從第二齣From Russia With Love(鐵金剛勇破間諜網)開始,跟著的每一齣,都是買票進戲院看首輪的,也儲藏了全部的原著小說 和電影的 DVD(老牌占士邦占士邦DVD再入貨 )。

昨日看了這齣占士邦 50週年電影Skyfall,(IMDB 條目)以下只是點滴的觀後感,不能說是全面的影評。

香港中文譯名是「新鐵金剛智破天凶城」,是完全亂來的。片中沒有甚麼「天凶城」給007來破不像辛康納利的You Only Live Twice有個「火箭嶺」、羅渣摩亞的The Spy Who Loved Me的真的有個「海底城」。片中的Skyfall 是007的家族的祖屋農莊,片中成為他和M被人追殺之時的藏身之


演M的78歲演員Judy Dench今次是第七回上陣,但在這齣戲結束時死去,因為她的真實年齡已近80,健康問題迫使要淡出影圈。其接任人由 Ralph Fiennes出演,這一集有他的份,擔戲相當。我始終都未喜歡過Judy Dench這個婆仔M,覺得之前的英國紳士Bernard Lee好得多。

負責設計秘密武器的Q,也由英國諧劇泰斗John Cleese換了一個宅男型的電腦專家Ben Whinshaw。最早的Desmond Llewelyn,演了廿多集的Q,服務了幾代的007;他是一個傳奇,不過時代進步,就算他沒過世可以繼續演下去,由一個古稀老翁介紹尖端電腦器材,也許不夠說服力。

一集很長,143分鐘!由文藝片導演Sam Mendes執,有很多「文戲」,交代007和M的感情關係和過去。其實本片的動作場面和以往的製作的份量差不多,但是被動輒十幾二十分鐘的文場戲沖淡了,如果有人覺得本集口水太多而不滿意有冷場,也是意料中事。

主題曲不動聽。

本片是50週年紀念之作,乃有「復古」及對前作致意之舉,如007假死(勇破火箭嶺)、火車上肉搏 (今次在車頂,第二集From Russia With Love(「勇破間諜網」, 在車廂內) ,還把第二、三集的招牌007專用跑車,現在已成古董名車的 Aston Martin DB5循環再用!(不過最後被打到稀巴爛,壯烈犧牲)  那個微型定位追縱器,第三集Goldfinger(「金手指」)已經有了。

新武器全然欠奉。本片的特別武器是由Q交給007一支慣用的Walther PPK手槍,裝了指紋辨認,只能由他本人發射,不算是怎樣的奇妙科技-----人手一支的Samsung Galaxy S3手機,都有辨認主人面孔才工作的功能啦!結局時被圍困,幾條友竟然敲碎玻璃混黑火藥土製炸彈,結局時是007用飛刀掟死大壞蛋,「反璞歸真」若此,真是看到我 O 晒嘴。

暗戀007,M的秘書Moneypenny小姐也經歷了幾代,這一集開始是一個黑妹,美不美見仁見智,總之又是體現多元文化的新時代啦。
  

(文章允許轉貼,請具作者名字:梁煥松)

 ............

22 則留言:

  1. 007 系列唯一不變的是:奸角永遠都是大笨蛋,口水多過茶。

    回覆刪除
    回覆
    1. 最經典的是「鋼牙」。
      最強的對手是「勇破間諜網」的羅拔蕭。

      刪除
  2. 50週年作一回顧、致敬,好合理丫。下齣邦片能否有全新突破就好考人o勒。

    舊片鍾意 神秘島 間諜網 金手指 新片鍾意 皇家賭場

    回覆刪除
  3. Peter Wong下午6:24

    Chris, I have just seen Skyfall too. I find all James Bond films are one pattern, car chasing, or whatever chasing in the first scenes, and everything follow a fixed pattern or a regular formula for the last 50 yrs. In general, not much creativity in any James Bond film.

    回覆刪除
    回覆
    1. 本片是在吃老本之餘,也想加一點新意和進化的伏線,且看下一齣。

      刪除
  4. 一定唔會睇,睇到Daniel Craig後面就憎佢前面,無可能有種代入感或英雄浪漫感。

    稀疏頭髮兜風耳唔在講,大鼻黑眼圈,一味憤怒中坑打打打,成條監躉咁,正所謂雖無過犯面目可憎;就算007唔係要青靚白淨女人湯圓型,最低限度都要睇得吓,但最慘佢又無老辛個種硬朗得蒞英偉既camera face,身高又只得個5呎10(1.78m),最高老辛6呎2又13⁄32吋(1.89m),老佐老布同係6呎2又1⁄64吋(1.88m),羅渣摩亞都有6呎(1.85m),全班之中佢最矮。

    想當年佐治拉辛比啲人唔like唔buy,但依家睇番轉頭,澳洲佬個型都比現在呢條Daniel Craig好好多,真唔明解家下啲觀眾食咗乜藥。

    我不嬲對英國演員較有好感,但Daniel Craig係例外,佢做英語版龍紋身女孩個類還可以,但就絕對無法接受佢扮演鐵金鋼。

    利申:自老辛同老佐,我再無俾錢入戲院睇過任何一套鐵金鋼。

    回覆刪除
  5. 呀!漏咗個添摩菲達頓,都唔鬼記得佢有份玩過,佢又係唔使講,成鬼日苦口苦面,好似成個天要靠佢一個托咁,不過佢都有6呎。

    回覆刪除
    回覆
    1. Tomothy Dalton是第一個想添加一點「深度」的占士邦,可惜不大成功。
      他簽了的片約,未拍完就解約了。
      Daniel Craig除了夠狠,無甚足論。

      刪除
  6. 個人覺得另外一個英國演員Richard Amitage外型不俗,可作考慮007人選,最少其camera face比Daniel Craig夠照啲,而且有6呎1又5⁄8吋(1.87m)高。

    http://en.wikipedia.org/wiki/Richard_Armitage_%28actor%29

    回覆刪除
  7. 主題曲不動聽我都很同恴,雖然用了最紅的ADELE唱,但係ADELE大部份歌都比主題曲動聽。

    回覆刪除
    回覆
    1. 這些「鬼渣大嗌」的主題曲,我聽見頭到痛。

      刪除
  8. 早期的邦片,大壞旦肯定是蘇聯和共產國家,冷戰結束,都唔知搵邊個做邪牌最合適.april

    回覆刪除
    回覆
    1. 原著還有一個主要的敵人,國際犯罪組織SPECTRE(魔鬼黨)
      到了現在,當然就非中共、北韓和伊斯蘭世界莫屬了。

      刪除
  9. 呢一齣玩自嘲——007老矣,體能和眼力都大不如前… 這個雖是人之常情,但容易感傷的觀眾對於英雄遲暮總會有點戚戚然吧。

    無論是戲中情節抑或是現實人生,有fans支持是很重要的。

    回覆刪除
    回覆
    1. 不知道Daniel Craig 還有多少齣的片約,看來他的觀眾緣平平。

      刪除
    2. Chris兄,

      >>>不知道Daniel Craig 還有多少齣的片約,看來他的觀眾緣平平。

      話佢觀眾緣平平既話,又會被佢玩咗六年咁耐,當初揀佢擔正時,英國每日鏡報首頁曾大字標題醒佢為"The Name's Bland–James Bland",我就話應該係"The Name's Bald–James Bald ",雖然老辛當選時先至真係半禿;但Daniel Craig主演佢第一套邦片Casino Royale,毛利上係現時為止最高一部,都算考起。

      Skyfall係鐵金鋼片正式系列第廿三套,Daniel Craig 簽合同到Bond 25,如無意外,重要忍多佢兩齣,不過,後來者會否衰過佢,無人知。

      刪除
    3. 他不演007,演俄羅斯的普京維妙維肖。

      刪除
    4. hris兄,

      >>>他不演007,演俄羅斯的普京維妙維肖。

      非佢莫屬,絕對好似度身定造,佢能夠演007,真係前世做咗好多好事,兼家山有福。

      我跟住講啲說話或有人會覺政治不正確,係啲網上討論007繼任人選,有人大力倡議'英國'演員Idris Elba演James Bond,話佢外型、演技等等好掂,但我話至現時為止,如果淨係俾鬼佬鬼婆或連埋亞洲區既日本睇,賣埠可能有啲機,不過,其他亞洲區就危危乎,何解?因Idris Elba係個黑既。

      另外,又有人話'英國'演員Luke Evans都殺食,不過,選佢就有個風險,因為佢晨咁早自認係基,你話啲女性觀眾會唔會buy佢愛靚女,同Bond女郎打情罵肖兼連場大戰,就有如Rupert Everett咁,英俊有鬼用,係孿唔係直,早認早死,浪漫不起。

      刪除
    5. 你講這兩個我都不認識,要去google下圖象先。

      刪除
  10. 結局時是007用飛刀掟死大壞蛋,「反璞歸真」若此,真是看到我 O 晒嘴。

    學國產零零漆?!

    回覆刪除