我是占士邦電影的長期擁躉，打從第二齣From Russia With Love(鐵金剛勇破間諜網)開始，跟著的每一齣，都是買票進戲院看首輪的，也儲藏了全部的原著小說 和電影的 DVD(老牌占士邦、占士邦DVD再入貨 )。
昨日看了這齣占士邦 50週年電影Skyfall，(IMDB 條目)以下只是點滴的觀後感，不能說是全面的影評。
香港中文譯名是「新鐵金剛智破天凶城」，是完全亂來的。片中沒有甚麼「天凶城」給007來破，不像辛康納利的You Only Live Twice有個「火箭嶺」、羅渣摩亞的The Spy Who Loved Me的真的有個「海底城」。片中的Skyfall ，是007的家族的祖屋農莊，片中成為他和M被人追殺之時的藏身之所。
演M的78歲演員Judy Dench今次是第七回上陣，但在這齣戲結束時死去，因為她的真實年齡已近80，健康問題迫使要淡出影圈。其接任人由 Ralph Fiennes出演，這一集有他的份，擔戲相當。我始終都未喜歡過Judy Dench這個婆仔M，覺得之前的英國紳士Bernard Lee好得多。
負責設計秘密武器的Q，也由英國諧劇泰斗John Cleese換了一個宅男型的電腦專家Ben Whinshaw。最早的Desmond Llewelyn，演了廿多集的Q，服務了幾代的007；他是一個傳奇，不過時代進步，就算他沒過世可以繼續演下去，由一個古稀老翁介紹尖端電腦器材，也許不夠說服力。
這一集很長，143分鐘！由文藝片導演Sam Mendes執導，有很多「文戲」，交代007和M的感情關係和過去。其實本片的動作場面和以往的製作的份量差不多，但是被動輒十幾二十分鐘的文場戲沖淡了，如果有人覺得本集口水太多而不滿意有冷場，也是意料中事。
主題曲不動聽。
本片是50週年紀念之作，乃有「復古」及對前作致意之舉，如007假死(勇破火箭嶺)、火車上肉搏 (今次在車頂，第二集From Russia With Love(「勇破間諜網」， 在車廂內) ，還把第二、三集的招牌007專用跑車，現在已成古董名車的 Aston Martin DB5循環再用！(不過最後被打到稀巴爛，壯烈犧牲) 那個微型定位追縱器，第三集Goldfinger(「金手指」)已經有了。
新武器全然欠奉。本片的特別武器是由Q交給007一支慣用的Walther PPK手槍，裝了指紋辨認，只能由他本人發射，不算是怎樣的奇妙科技-----人手一支的Samsung Galaxy S3手機，都有辨認到主人面孔才工作的功能啦！結局時被圍困，幾條友竟然敲碎玻璃混黑火藥來土製炸彈，結局時是007用飛刀掟死大壞蛋，「反璞歸真」若此，真是看到我 O 晒嘴。
暗戀007，M的秘書Moneypenny小姐也經歷了幾代，這一集開始是一個黑妹，美不美見仁見智，總之又是體現多元文化的新時代啦。
(文章允許轉貼，請具作者名字：梁煥松)
............
007 系列唯一不變的是：奸角永遠都是大笨蛋，口水多過茶。
回覆刪除最經典的是「鋼牙」。
刪除最強的對手是「勇破間諜網」的羅拔蕭。
50週年作一回顧、致敬,好合理丫。下齣邦片能否有全新突破就好考人o勒。
回覆刪除舊片鍾意 神秘島 間諜網 金手指 新片鍾意 皇家賭場
換導演！
刪除Chris, I have just seen Skyfall too. I find all James Bond films are one pattern, car chasing, or whatever chasing in the first scenes, and everything follow a fixed pattern or a regular formula for the last 50 yrs. In general, not much creativity in any James Bond film.
回覆刪除本片是在吃老本之餘，也想加一點新意和進化的伏線，且看下一齣。
刪除一定唔會睇，睇到Daniel Craig後面就憎佢前面，無可能有種代入感或英雄浪漫感。
回覆刪除稀疏頭髮兜風耳唔在講，大鼻黑眼圈，一味憤怒中坑打打打，成條監躉咁，正所謂雖無過犯面目可憎；就算007唔係要青靚白淨女人湯圓型，最低限度都要睇得吓，但最慘佢又無老辛個種硬朗得蒞英偉既camera face，身高又只得個5呎10(1.78m)，最高老辛6呎2又13⁄32吋(1.89m)，老佐老布同係6呎2又1⁄64吋(1.88m)，羅渣摩亞都有6呎(1.85m)，全班之中佢最矮。
想當年佐治拉辛比啲人唔like唔buy，但依家睇番轉頭，澳洲佬個型都比現在呢條Daniel Craig好好多，真唔明解家下啲觀眾食咗乜藥。
我不嬲對英國演員較有好感，但Daniel Craig係例外，佢做英語版龍紋身女孩個類還可以，但就絕對無法接受佢扮演鐵金鋼。
利申：自老辛同老佐，我再無俾錢入戲院睇過任何一套鐵金鋼。
呀！漏咗個添摩菲達頓，都唔鬼記得佢有份玩過，佢又係唔使講，成鬼日苦口苦面，好似成個天要靠佢一個托咁，不過佢都有6呎。
回覆刪除Tomothy Dalton是第一個想添加一點「深度」的占士邦，可惜不大成功。
刪除他簽了的片約，未拍完就解約了。
Daniel Craig除了夠狠，無甚足論。
個人覺得另外一個英國演員Richard Amitage外型不俗，可作考慮007人選，最少其camera face比Daniel Craig夠照啲，而且有6呎1又5⁄8吋(1.87m)高。
回覆刪除http://en.wikipedia.org/wiki/Richard_Armitage_%28actor%29
主題曲不動聽我都很同恴，雖然用了最紅的ADELE唱，但係ADELE大部份歌都比主題曲動聽。
回覆刪除這些「鬼渣大嗌」的主題曲，我聽見頭到痛。
刪除早期的邦片,大壞旦肯定是蘇聯和共產國家,冷戰結束,都唔知搵邊個做邪牌最合適.april
回覆刪除原著還有一個主要的敵人，國際犯罪組織SPECTRE(魔鬼黨)
刪除到了現在，當然就非中共、北韓和伊斯蘭世界莫屬了。
呢一齣玩自嘲——007老矣，體能和眼力都大不如前… 這個雖是人之常情，但容易感傷的觀眾對於英雄遲暮總會有點戚戚然吧。
回覆刪除無論是戲中情節抑或是現實人生，有fans支持是很重要的。
不知道Daniel Craig 還有多少齣的片約，看來他的觀眾緣平平。
刪除Chris兄，
刪除＞＞＞不知道Daniel Craig 還有多少齣的片約，看來他的觀眾緣平平。
話佢觀眾緣平平既話，又會被佢玩咗六年咁耐，當初揀佢擔正時，英國每日鏡報首頁曾大字標題醒佢為"The Name's Bland–James Bland"，我就話應該係"The Name's Bald–James Bald "，雖然老辛當選時先至真係半禿；但Daniel Craig主演佢第一套邦片Casino Royale，毛利上係現時為止最高一部，都算考起。
Skyfall係鐵金鋼片正式系列第廿三套，Daniel Craig 簽合同到Bond 25，如無意外，重要忍多佢兩齣，不過，後來者會否衰過佢，無人知。
他不演007，演俄羅斯的普京維妙維肖。
刪除hris兄，
刪除＞＞＞他不演007，演俄羅斯的普京維妙維肖。
非佢莫屬，絕對好似度身定造，佢能夠演007，真係前世做咗好多好事，兼家山有福。
我跟住講啲說話或有人會覺政治不正確，係啲網上討論007繼任人選，有人大力倡議'英國'演員Idris Elba演James Bond，話佢外型、演技等等好掂，但我話至現時為止，如果淨係俾鬼佬鬼婆或連埋亞洲區既日本睇，賣埠可能有啲機，不過，其他亞洲區就危危乎，何解？因Idris Elba係個黑既。
另外，又有人話'英國'演員Luke Evans都殺食，不過，選佢就有個風險，因為佢晨咁早自認係基，你話啲女性觀眾會唔會buy佢愛靚女，同Bond女郎打情罵肖兼連場大戰，就有如Rupert Everett咁，英俊有鬼用，係孿唔係直，早認早死，浪漫不起。
你講這兩個我都不認識，要去google下圖象先。
刪除結局時是007用飛刀掟死大壞蛋，「反璞歸真」若此，真是看到我 O 晒嘴。
回覆刪除學國產零零漆？！
係喎！星爺好嘢。
刪除