2011年8月14日 星期日

父母年輕時照片

這張是父母的唯一結婚照片,當時兩人都是19歲。
會用在今年年底的60週年鑽婚宴會的請柬上。

那時的影樓水準很高,看那打燈光的精細就知道,照片經過60年是有點發黃,但是一點也沒有變模糊,沖曬的功夫很好。

照片掃瞄和美工,是我妹妹的12歲女兒用Photoshop 做的,現在的孩子都是電腦能手。

大家可以看到,我是很像家父的。


前文:父母那一代

31 則留言:

  1. Raymond上午9:51

    恭喜恭喜!

    我們家有一張五十年代初拍的彩色全家福,變色得很嚴重。母親憶述,那時,這張全家福要送到美國冲曬。

    回覆刪除
  2. Raymond,
    直到60年代初,彩色相還是奢侈的玩意。
    那時人工平,有放出一個淡淡的輪廓的黑白相,然後由影樓師傅用水彩工筆一點點的點上顏色的。

    回覆刪除
  3. 你老豆靚仔過你.

    回覆刪除
  4. 有d似大戲老倌與花旦感覺....

    回覆刪除
  5. 想不到60年前已經有這麼新潮的髮型了。現在結婚都流行要拍婚紗照,對男士來說是個艱巨的任務。

    回覆刪除
  6. 現在還要拍錄像,把舊照片剪輯,晚宴時放映,加上玩新人,唱卡拉OK,像搞個大show。要聘專人籌劃,累死人。

    回覆刪除
  7. Raymond上午9:11

    這樣那樣,並不能確保宴會後夫婦恩愛。我有一舊同事,2003年結婚,婚宴上就玩這又玩那,和電視節目無異。兩三年後,辦妥所有手續,離婚了!

    回覆刪除
  8. 那些人大搞特搞的的心態,是「一世人一次,梗要好好睇睇」,豈料只是一世人「第一次」。

    回覆刪除
  9. Raymond,
    樹活一張皮,人活一口氣。妝點得奢華無比,都是做給人家看的。好羨慕西方人結婚,草坪、花童、牧師,念念誓詞就算完了。中國人什麼時候能丟掉這些繁文縟節。

    回覆刪除
  10. 澳洲人在公園、俱樂部、家中都可以,證婚人可以預約出勤服務,收費不貴。

    回覆刪除
  11. 恭喜! 相片內既人好正. 仲有60年前既相都可保存得咁好, 好野!

    回覆刪除
  12. 恭喜哂!一段婚姻可以維持六十年確不容易。上一代的對婚姻天長地久觀念不是現今即食世代的人們可以學到的。

    回覆刪除
  13. 恭喜!恭喜!
    Chris 你要做番件飲衫賀一賀啦!
    一個甲子不是一個短日子.
    年底你要回來啦!

    回覆刪除
  14. Victor Girl,
    多謝!我告訴兩老知道。

    回覆刪除
  15. Eric,
    是的,10/11月,酒席都訂好了。

    回覆刪除
  16. Chris兄,

    >>>會用在今年年底的60週年鑽婚宴會的請柬上。

    請代向令嚴令慈講聲恭喜恭喜,賀世伯伯母鑽婚愉悅,兒孫繞膝,歡笑滿堂!

    以示尊重,相片事,另發回應。

    回覆刪除
  17. 家父母也上網看我的網誌的,一定會多謝各位的隆情厚意。

    回覆刪除
  18. Chris兄,

    >>>那時的影樓水準很高,看那打燈光的精細就知道,照片經過60年是有點發黃,但是一點也沒有變模糊,沖曬的功夫很好。

    我絕對同意,前排係另一部落格亦有講到有關問題。

    細個時係舊式映相舖映相,雖然多數係黑白,但照片光暗對比分明、景深清晰,最最重要就係映到人物雙目神采斐然,多年後相片顏色泛黃都好啦,但仍可見到主角兩眼精靈,神情專注,影像線條重係好仔細。

    '96/'97年個時要申請重要證件,又去返舊居附近由小學到打工都幫襯既同一舖頭映相,點知幾年無光顧,內裡面目全非。

    我唔記得個次間舖有無用到個三盞燦眼到不得了既燈,但就好肯定唔見咗個部大大座企身盒機及板型玻璃菲林,淨係見個映相佬(不是舊時個老細)揸住部人手大機,撳瑟它拍咗兩三張就停手,然後叫我幾日到取,重要收哂錢先。

    到我去攞相時,真係嬲到爆,比我用傻瓜機映出來好得唔多,除咗無以前黑白人像相那種光暗對比及景深唔在講,最嚴重最慘就係兩眼那種精光全無,光彩不見,激到嘔血。

    後尾再走去土瓜灣、九龍城類似舊式映相舖映都係效果不佳,最終去到香港仔一同類舖再映,先可勉強收貨。

    話現在攝影器材新穎,但唔知點解係舊式影樓拍黑白人像照,總係拍得每個客都好清晰仔細,特別係雙眼另舍有神,雖然知道以前啲相大多要係菲林上執執,彩色重係人手加工,但唔知係一來用大機、二來用大非林、三來加上經驗人手加工、四來專業及用心沖晒,所以先至可以拍到靚相。

    未知各位有何高見有以教我,尤其我覺現在啲證件相,話之用數碼或電腦來映,硬係唔多掂。

    回覆刪除
  19. 我成日講,照片質素取決自底片大小。
    舊時影樓的大底片黑布蒙頭木箱機,用單頁菲林,成張A4紙咁大,分分鐘 size大過交俾客張相,想唔靚都難。

    回覆刪除
  20. Chris兄,

    >>>現在還要拍錄像,把舊照片剪輯,晚宴時放映,加上玩新人,唱卡拉OK,像搞個大show。要聘專人籌劃,累死人。

    因個人親身體會,我就最反對'將舊照片剪輯,晚宴時放映'呢一環,真係難頂,因有感掛萬漏一,順得歌情失嫂意情形出現也。

    舍表親係花旗結婚擺酒時,就有如此安排,但全輯相片,雖有其他家人出現,但竟缺乏其外祖父母,即在下先祖父母也。想當年舍表親由嬰孩至入小學前,先祖父母曾加以不少照顧,但去到番邦後,似有點忘卻前塵往事,個晚我單刀赴美參加酒宴,見此情形,心殊慼然感慨!

    回覆刪除
  21. 碧潭兄,

    >>>好羨慕西方人結婚,草坪、花童、牧師,念念誓詞就算完了。

    因有外地生活經驗,其實很多西人攪婚禮一樣有不少繁文縟節,特別西人嫁女,主要是女家出錢,所以新娘就話晒事,好多時候會被人戲稱為 bridezilla(諧音 godzilla,即新娘怪獸也),有一事重更無理者,就係新娘要求陪嫁姊妹團各人穿上同式樣禮服,且必須得新娘批准款式顏色,但就要陪嫁姊妹團不論平貴,穿上後好看與否,都得各人自己出錢買或度身定造。

    個人來講不反對尊重婚姻、隆重禮儀,但大前題下係要經濟負擔得起,亦非炫耀,只係真心愉快公告親朋戚友,共同慶賀成家立室之喜悅。

    回覆刪除
  22. Chris兄,

    >>>我成日講,照片質素取決自底片大小。
    舊時影樓的大底片黑布蒙頭木箱機,用單頁菲林,成張A4紙咁大,分分鐘 size大過交俾客張相,想唔靚都難。

    咁依家重有無呢啲設備既映樓呢?尤其香港地,乜都要新!
    現在數碼流行,會否沖晒技術失存,非林停產?

    頭痕,因為想映啲靚相都唔知去邊先揾到有。

    新科技新器材有無可能做到相同效果?

    回覆刪除
  23. 柯達的菲林生產線全面收檔幾年了。
    有大底的數碼機,不過賣幾十萬元一部,有幾多人用得起?
    例如這種:
    http://www.alpa.ch/en/products/cameras/camera-bodies/alpa-12-tc.html

    回覆刪除
  24. Chris兄,

    >>>有大底的數碼機,不過賣幾十萬元一部,有幾多人用得起?

    既然係咁,做乜要淘汰個啲舊大底片黑布蒙頭木箱機,成張A4紙咁大既單頁菲林呢?

    咁講,除非係用個啲幾十萬一部數碼相機,一般甚或所謂高層次記都根本做唔出有關效果既話,為何人人趨之若鶩數碼化?連職業攝影師都係於此這般,勿解究?

    重有,坊間有無可能重映到靚嘅護照相證件相呢?

    回覆刪除
  25. 係啦,我重有部萬能達單鏡反光機,重又無非林買來映相呢,有又去邊處沖晒呢?

    回覆刪除
  26. 影護照相,現在的數碼機遊刃有餘,你遇到的是敷衍塞責的劣品吧。

    回覆刪除
  27. 贾真兄,
    我平時酷愛好萊塢大片,有時看電影裏的婚禮場面,神往無比。不過家母篤信佛教,還常斥基督教為“邪教”(笑~)。等我結婚時,估計沒可能請牧師念誓詞的。

    Chris,
    身旁朋友拍婚紗照,我一看照片屬性,影樓用的都是佳能5D、尼康D80這類入門級單反相機,效果強差人意。

    回覆刪除
  28. Nikon D80也OK,用到Canon5D,都算在硬件上過關了啦。

    回覆刪除
  29. 恭喜哂世伯伯母。60結婚週年,非常難得啊!

    回覆刪除