2015年7月9日 星期四

Mac Mini 再續篇

「汝曾被警告」,一買了蘋果 Mac 電腦(前文),就很多東西跟尾的了。

雖然家中以前買落的一堆PC 鍵盤,有線的、無線的,一樣可以用在Mac 機上,只要習慣有些功能鍵換了位置和名稱;但是要用盡所有功能,還是不得不買這個蘋果鍵盤。

這個鍵盤,鋁合金製,外形「人見人愛」,講完!
藍牙連接,省回一個USB 插口。雖然好像按鍵比一般鍵盤少,但是有很多 short cut,用熟了不成問題。

然後,師傅告訴我,玩蘋果電腦,一定要玩他們的 Magic Trackpad,於是又買了,也是用藍牙連接

嘩!原來很好用的,大部分時間可以取代滑鼠:

 還可以馬上變成手寫中文板,不需任何設定:


。。。。。。。。

*倘有留言未能即時上板,是自動過濾去了spam之故,諸君稍安無躁,版主每日檢查幾次,一有發現便會救回*


(文章允許轉貼,請具作者名字:梁煥松)

26 則留言:

  1. apple trackpad 用來玩中文輸入最正,小弟的imac 2.5 21.5" 1t 最正是四核的,只付$700也包籃牙KEYBOARD and MAGIC MOUSE, 所有機我都加配TRACKPAD 否則中文無法輸入,以前我一直用雙橋已是92年起,超OLD SCHOOL!
    TRACKPAD 最近買$35包運費EBAY間中會出現,全新但非獨立包裝,批發貨。
    梁兄你買玩具都好疏爽。

    回覆刪除
    回覆
    1. 這裡舖頭最平賣89澳元。

      刪除
  2. 小心:TRACKPAD的表層為薄玻璃(cheap quality)我試過在有個木快勞夾drop down玻璃裂了,貼上膠紙仍可用,AMAZON有啲SKIN賣,EBAY一有平我就買,還有keyboard and trackpad 唔用要將電池放走,電池在內唔用就會發霉,電池都整唔出就大劑。
    澳洲生活程度高?收入高嗎?

    回覆刪除
    回覆
    1. 澳洲物價很高,有最低工資,
      做麥當勞一個鐘A$17.29。
      個人入息稅率累進10%-39 .6%。

      刪除
  3. 不䏻以麥當勞作准,這里麥當勞無人肯去做,只有啲學生仔女$10/H,快餐店最高係IN and OUT$13/H,不過每日只給你幾粒鐘,美國稅率在先進民主國家來說,最低相對褔利就差啲,我初來一家四口報稅23,000/Y,大約預繳12%左右,報完稅一個月政府寄回$4000的支票說是低收入反稅。
    美國有一班無身份的墨西哥人,所以揾人做YARD WORK都唔貴,我喜歡自己做,當運動。

    回覆刪除
  4. 有免費IMUSIC玩咗未,梁兄你要買USB SUPERDRIVE咁你的CD可以放入ITUNE慢慢聴。

    你那裡有無PANDORA我用左成五年,小小錢一個月就無廣告,唔比錢咪聴埋廣告,有時用嚟聴吓你介紹的古典音樂,乜都有(sorry no chinese),試吓!

    回覆刪除
    回覆
    1. 最低工資是政府規定,不能俾少,最近雪梨有間華人餐館俾少幾元被控告,有些出現金,老闆和伙記都不報税,受授皆悅。
      相信這個情況很多。

      刪除
  5. raymond上午9:39

    Apple 擁躉多,非無因也!

    回覆刪除
    回覆
    1. PC雜廠配件多,看起來似乎很便宜,結果是亂買一堆良莠不齊的,不好又丟在一旁,製造很多垃圾。

      刪除
  6. 轉載蔡東豪有關APPLE,他比梁兄遲一點入局:
    我想買部Mac」
    蔡太即係我老婆,某日她向我宣布:她要買台蘋果枱頭電腦。事緣是我家進行小裝修,準確一點是我將侵佔客廳一角 (原來十年收藏大量物件在公司,搬回家後需找地方安置),一部電腦將會在客廳出現,老婆批准的條件是,客廳的電腦是Mac。

    我們從沒用過Mac,過往用的是Dell、HP等Windows系PC品牌。連我們這些電腦老古董也跳糟,PC大鑊矣?先不要談顧客跳糟,枱頭電腦面對更大問題是,消費者根本不再買枱頭電腦。過去一年,全球枱頭電腦銷量下跌,這現象所有人都理解,很多人擁有notebook、iPad和iPhone,家裏的枱頭電腦變成多餘。枱頭電腦市場不斷委縮,似成定局。不過,蘋果Mac一枝獨秀,去年鎖售上升16%,佔蘋果收入15%,更難得是售價企硬。PC銷售手法是價格戰,但蘋果自成一格,靜靜侵食PC市場。

    很多人都在談論iPhone,但Mac默默起革命,全球銷售量爬上第五名。各位留意下大學教室或辦公室,發現枱頭愈來愈多Mac,並且不局限於設計有型士群體,昂然走進主流市場,連家庭主婦都話要買,這種市場力量不是說笑。所有人都興高采烈談Apple Watch,但蘋果iPhone以外最搵錢的產品,是歷久常新的Mac。

    回覆刪除
    回覆
    1. 一般人只是上網睇睇新聞玩下社交網站,電話不夠大屏幕,8寸平板電腦足矣,所以傳統電腦銷量被蠶食很多。
      Mac 機的外形,好像音響中的 B & O, 女士們懂得也好,完全不識也好,一定鍾意。

      附帶一提,玩Mac機,又被他們的TimeMachine備份功能,吸引了多買一個外置硬碟,plug in and forget.

      刪除
  7. 一入果門深似海
    長令青蚨不回頭

    回覆刪除
    回覆
    1. 我是一屋三腦,Mac, Windows,Chrome,兼收並蓄呢。

      刪除
  8. the inner space (from my tablet)下午1:36

    仍然堅定不移 沒有 挨封 挨癖 唯一 挨婆特 是做沾 時聽 挨朴!

    回覆刪除
  9. Chris , 呢 D keyboard 太細,本人覺得難就手,用時要加 pad , 否則遲早打壞手。
    我由90 年代玩過無數 keyboard 老鼠,最靚真係得 Logitech 同 Mircosoft
    個人認為 Pad 難控制,我現在用的 keyboard 只係 microsoft , 稍後會換新野

    我用的電腦是 HP ProBook - 商用機種,比民用更耐用同用全金屬殼

    回覆刪除
    回覆
    1. Alan哥:
      對不起,大家研究吓:
      好多用MAC PRO (最平$2,500) 之人絕大部分都用冋 APPLE KEYBOARD and MAGIC MOUSE,絕對專業,絕對唔會打壞手,除非你玩GAME,新欵薄裝的KEYBOARD唯一缺點係唔夠觸感,咁啲人咪用翻舊欵白色那欵,薄裝的KEYBOARD絕對可以放入冼碗碟機清洗(有缐那欵),可請上youtube査看。logitech keyboard and mouse 好,打GAME 更好,LOGITECH有一SET 電腦喇叭Z633係同級的最好,絕對打低BOSE, KLIPSCH及HARMON HARDON! 又平又正。

      打壞手即係網球手,絕對唔係KEYBOARD的問題,係你長期吊住雙手並加力來打,也是坐姿及放手位置的問題,KEYBOARD TRAY 及檯椅都有關係,將椅的ARM墊平衡keyboard 及mouse,絕對能改善,有一位女仕在香港做書籍編輯的,來了這里做GRAPHIC DESIGNER做了一年,有咗網球手,醫咗成年無乜用,到我家看我的檯,椅,及電腦的SET UP,回家作改善現在用電腦無咁辛苦啦,網球手可以預防,改善,好難說醫翻好。
      我以前用打字機習慣吊住雙手來打,用電腦後出現小小網球手現象,我打工的銀行請專家來教我哋避免網球手,聴說有人領咗網球手就告僱主。

      刪除
    2. 我用電腦超過20年,所有 keyboard 老鼠都落 pad , 打左咁多年都無事
      擺位,坐為跟 OSH 方法擺機,最大問題係手腕位..

      音響方面,小弟響 hifi 店做過.. 平玩 Logitech , 我有玩過 Yamaha 同 Bose
      但 Bose 真係好貴 !

      我用 Notebook 係用飛大 Mon + 外接 Mon + Keyboard 老鼠的

      刪除
    3. 我九一年開始用電腦,由286 開始,上大陸做野仲要陀住部細printer, 以前啲keyboard and mouse 係日本仔做,之後台灣,一直用CUTTING MAT 果種PAD,但HUMANSCALE嘅keyboard tray and mouse tray 唔知用乜料,唔使再加PAD都好好用,LOGITECH speaker 大部分唔掂,至正係Z 633,MON apple 太貴,值唔值知人見志,DELL 的 ULTRASHARP 要1200 以上的最好,依家的1080差多少,我地做GRAPHIC要用1200以上的。

      刪除
  10. PC 我就另買mchanical KEYBOARD 來做野,依家啲keyboard質量差無觸感,打遊戲人仕大部分都要買,爽好多,有啲人會揾舊欵KEYBOARD用,也是同一道理,dot dot dot!

    回覆刪除
  11. 近來發覺在家上FACEBOOK,我竟然比較多用手機少用PC,習慣了手機的輪入法,我這些執筆忘字的打倉頡,在手機因有大量常用聯想字反而更方便,PC的中文輸入法十年如一日,但手機用的時刻作改善。

    回覆刪除
    回覆
    1. 我現在已經全部用 Chrome的廣東話拼音輸入法。

      刪除
  12. 我都一屋三腦 二部notebook book 一部國產平阪 下個月來澳
    如有機會見 你就會帶其中部 二手。或者到時你會見到 在二手店買 前手用了四年幾 有一個月保養 現還有四天就到保養期 暫時只換了keybroad 及清理機裡風線塵其他都正常。 那部是Lenovo.
    國產平阪暫時無大問題 只是差電要一整天 慢些 和稍熱 其他都可以。

    回覆刪除
    回覆
    1. 遲下出windows10,我會找回那隻以前壞掉底板而打柴的電腦的 SSD 硬碟,很新,無謂浪費。
      到時錢銀鬆動的話,找人再砌一部desktop電腦,i3 加 8G RAM已經夠用,屆時變成一屋四腦。

      刪除
  13. 希望在澳的旅程中,我的二手筆電 LENOVO 不要紐計,生生性性操作,否則在澳檢查維修一定貴過香港幾倍。

    回覆刪除
    回覆
    1. 你逗留得個幾日,好難在本地搞維修。

      刪除
  14. 明白 所以出發前盡量幾天 用多些 如有問題在港都易攪些。

    回覆刪除