2015年7月8日 星期三

移民到步經驗談 7

移民到步經驗談 7 之 DIY

DIY (Do It Yourself,自己動手做),是移民生活必須學的。

屋大,雜務自然多:水、電、花園、屋頂、屋檐....不會沒有問題,可以說是永無休止。就算你買全新的房屋,兩三年之後,維修問題便會逐漸出現。就算你肯付錢,事事都找人做,找誰來做、約見、報價/比價、監察工作、糾紛解決,都要靠自己。

移民初來步到,房屋出了什麼問題都很著慌,不知道如何是好;一般是馬上致電朋友,問有沒有相熟的技工可以介紹。或者是打開每週免費派送到府的區報,查看分類廣告版;或看全市發行的中文免費報,看看有什麼講中文,同聲同氣的技工小廣告。

關於光顧華人技工,可謂「有辣有唔辣」,可以有兩個極端後果。大家講中文,無疑溝通方便,有些華人技工,還是比較「爛做」,你肯付現金不要他發正式收條,他們可以不報稅,收費特別便宜。不過也有一些害群之馬,習慣欺負不懂英文非找他們不可的顧客,收費特別貴!......


如果你英文溝通能力足夠,我還是勸告你試下找西人技工比比價。過移民生活,與西人交往是避無可避的,不妨借這些機會學習學習。

找技工報價,通常是先打電話,現在有些可以在網上搞,等他們回覆。聯絡上了,你大致講述你的問題,問他們做不做,預約時間上門看一下,報價。有些是免費報價的,但有些一見人便要收幾十元費用,你做不做也要收;尤其是那些修理雪櫃、洗衣機、爐具的,一定要問清楚。

建造業興旺,任何時間,技工都很渴市,尤其是澳洲佬懶懶散散的不少,約好上門時間,但是到時爽約(完全不通知你)、之後隱了形、call他不回電的,常常發生,真是氣得你爆血管。

所謂貨比三家,不會錯。有些好生意唔憂做的技工,可能不直言不接你這件工程,會報一個很貴的價錢,讓你知難而退,如果你怕麻煩,貴價都照做,吃虧的是你自己。

澳洲人喜歡 DIY,移民到此也應該學學。那些 Hardware Shop是大生意,其門若市。我90年代來到時,所有商店還是很守舊,每週開五天到五天半,沒有晚市,但是那些Hardware Shop 已經是七天營業,關門時間很晚,方便上班族工餘去買工具和材料。

我的經驗,就是找人做花園太難,好技工難求,很不容易找到一個手藝過得去又收費合理的,不出兩三年就因為生意太好,把我「轉賣」給另一個剛剛開檔的同業。於是我一件件工具的買,慢慢嘗試自己搞:汽油馬達剪草機、修枝葉的電剪、砍樹的鏈鋸,大大小小的螺絲批、六角匙、士巴拿等等。

那些Hardware Shop的售貨大叔,很多都是 DIY發燒友,只要你不是在最繁忙的時間,問他們這樣那樣怎麼搞,他們都很樂意指點你,給予中肯的意見,不一定會遊說你多買不需要的東西。

。。。。。。。。

*倘有留言未能即時上板,是自動過濾去了spam之故,諸君稍安無躁,版主每日檢查幾次,一有發現便會救回*


(文章允許轉貼,請具作者名字:梁煥松)

45 則留言:

  1. 梁兄,多謝機會交換訊息,雖然各處鄉村各處例,但好多野世界互通的,補充一下梁兄的建議:
    買屋時如果對自已修理,有所担心,化筆钱買家居維修保證,有事佢地會搞掂。
    家用電器,如果你想省錢唔想揾原廠的維修啇(超貴),你可以按你的損壞情況帶埋說明書(如果你有保存)去專門售賣家電零件(非電器舗)的啇店,找一家在你住家附近,跟店員詳細說明情況,需要什麼零件,最重要問自己可唔可以搞掂,如果晤可以,你就請佢介紹一位可靠經常來他店購買零件的個體戶(提一提此君最好係退休人仕),他們介紹過兩位都非好,第一位係退休人仕,第二位青壯啲比較貴,無辦法,第一位返咗鄉下陪有病的老人家。
    第一位師傅非常好,當時我家的焗爐的CONTROL PANEL壞掉了,過了保用証期,GE打價零件$300 加人工$250,我上網研究過,上網零件$150搞掂,準備自己裝,他剛好來整雪柜,佢免費教我如何如何,結果,我買來零件只化十分鐘就搞掂,其中有一兩個歩驟要小心,佢都先提點。
    什麼東西都要知道保用期,好多名牌的水龍頭都有LIFETIME WARRANTY的,我廚房的內膽已經衰過兩三次,一打電話三兩日就寄來零件,唔會成套給你的,但五年前打電話又要零件,他們說原型號已無生產,千句對唔住,只能寄個新型號(成套),新型號可能改良過,至今未再出現問題,牌子係MOEN!
    還有車庫的OPENER,我家是三車庫,一扇門是雙車位的,另一扇門是單車位的,幾年前雙車位遙控器失效,而牆壁的手動製則操作自如,問過多家店家,一致說是成個OPENER 壞掉了,連工包料$400 - $500睇牌子,我條氣唔順,突然發現AMAZON 有人賣啲OPENER COMPONENT,結果我打電話去問,佢話呌我試吓,我問唔掂可否退回,他們說OK我就化$50買了,結果不足十鐘就換上,COMPONENT參不多是電子控制扳,結果成功,三個月后單門的又壞掉了,照做一様!好多人做生意係無乜良心的。

    回覆刪除
  2. 再講下熱水爐WATER HEATER(我地用gas使費平啲),我家房子是九九年蓋好!BUILDER裝的在0七年九月上旬玩完,揾個好啲嘅RHEEM,保用六,八,十或十二年任君選擇(當然價錢唔同大約每年多$100左右),我就買六年期那個,好啦一三年九月中旬,HEATER漏水玩完,他媽的剛過期十天,安裝個大佬說聲SORRY,我連隨問他分銷啇名號,我在他的面前打電話問那分銷商,佢地㩒咗電腦然後說,六年期的意思是由生產日再加45天運輸庫存期的GRACE PERIOD,算到最後我還有十天才到期,分銷啇會免費更換,但我仍要安裝費,但我部新的就只有十天的保用期(延續舊機),總的來萬事都要查清楚,多餘的工作佢地唔會做。

    回覆刪除
  3. the inner space (from my tablet)下午2:16

    北美洲 美國的 Home Depot 雄霸 market share

    澳洲的 Home Depot 和 北美的有冇分別?

    至於 澳洲版 的相近似的也有吧!

    回覆刪除
    回覆
    1. 澳洲給 Bunnings和 Masters 兩大集團,雄霸市場。

      刪除
  4. 北美的HOMEDEPOT的與澳洲HOME DEPOT應該是不同單位,睇個LOGO就知,賣的東西性質亦有異,北美HOMEDEPOT以 HOME IMPROVEMENT為主,他的主要對手為LOWES,有時候LOWES的品種更多,佈置比較乾淨,兩家的價錢基本上一樣,因為大家都係PRICE MATCH,HOMEDEPOT每星期幫趁一次,LOWES跟小弟家較遠所以少出入,LOWES十多年前剛入市塲,所有植物保證一年,搞到HOMEDEPOT跟住走,白痴!啲植物邊有得認㗎!依家我成五六年無種新野,前院嘅洋紫荊四月開完花,五月結刀豆六月俘干連舊葉下晒地,現在全部新葉出翻嚟,人在香港長大梗係種翻棵洋紫荊。

    回覆刪除
    回覆
    1. 睇梁生的BLOG除左有好多嘢學外,我仲好鍾意睇你留言,因為當中好多都好有趣味,其實你有冇諗過自己開BLOG,等大家都了解下北3情況?

      刪除
    2. 搭住梁兄就得,賣魚佬格,搭吓嘴,有兩㨾我就只睇不加意見,文學-自問無文無學,而另一樣是梁兄經常講的神及宗教-這TOPIC永遠沒有結果的。

      刪除
  5. the inner space (from my tablet)下午3:23

    哈哈哈哈哈 多謝資料

    我記得有一年去加拿大
    幫舅父去 home depot 買個 新廁坑 返來換
    又根據 Home Depot 指示
    多買一底圈形的大菜糕是用來防漏的
    兩個男人攪了上半天 總算弄妥
    不過最慘要棄置個舊 廁坑
    可麻煩煩了 下半天要車去輪隊入廢棄場
    晚上舅母 慰勞 攪了個 後院 BBQ

    回覆刪除
  6. 這是工業革命的偉大發明-抽水馬桶,陶傑日日都講英國佬這點威水史,係抽水馬桶唔係屎坑。

    回覆刪除
    回覆
    1. 抽水馬捅一定要學會整,三幾年就出事,非常簡單易學。
      我家新的軟水機(WATER SOFTNER)及熱水器都先后報消,經過反覆研究,發現水壓出現問題,因為我家很接近只有一咪距離的自來水廠控制站,後來在街喉入屋前加個穩器,將壓力穩定及降低至標準,幫助很大。
      除咗軟水機,我自己裝咗RO淨水機,那就可以將水喉水直接入口飲用。

      刪除
    2. the inner space (from my tablet)下午2:28

      DK 前輩 you reminded me 下面講 換冷熱水喉芯
      就是 MOEN 牌子 個芯攞去 HOME depot 即換個新的給你
      仲教埋點樣去換 不過我們遲鈍
      結果 google MOEN
      就有 youtube 示範點樣去換
      美國佬 standardized 個啲 size 添
      抽水馬桶個天喉 和 廚房去水條喉
      望落去像是一樣的 但個螺絲位直徑差小小
      買時要看清楚 這又是我去加拿大探舅父時學到
      返到香港不同牌子不同 size
      沒有 standardized 沒法 DIY
      沒事都要搵師傅來至攪得豎

      刪除
    3. the inner space (from my tablet)下午2:30

      打錯了碼
      抽水馬桶個天喉 ===》 條喉
      沒事都要搵師傅 ==》每事都要搵師傅

      刪除
  7. 我家的煮食爐頭是用電的,發熱那個「蛇餅」燒了,我就用手機拍下電爐的款式,去零件專賣店買,
    自己不敢開來搞,問他們有沒有師傅安裝,講定手工錢,隔日就來到搞掂。

    回覆刪除
  8. the inner space (from my tablet)下午7:21

    哈哈哈
    這個我有經驗播
    煮食用電爐頭個發熱線蛇餅
    一用力就可以攞出來
    新的一插就入去
    加拿大舅父時常攞出來方便清潔爐頭
    就好似點插頭和插蘇咁簡單咋播

    澳洲的爐頭咁複雜,要搵師傅來換?
    真的不知道唷!!!

    回覆刪除
    回覆
    1. 十幾廿年前的設計,蠢到死,
      要開底拆螺絲的,
      師傅都搞了半粒鐘!

      刪除
  9. the inner space (from my tablet)下午7:36

    還有 去 home depot 買個浴室用和廚房用的冷熱水水喉芯更換更有趣呢
    home depot 的師傅們口教是不容易懂得的 結果上網在 youtube 找到換芯的影片
    找啱的 個 model 和 brand 就看著 youtube 來換水喉芯
    最要小心時不要弄錯左右 否則 出冷水的和出熱水的交換了
    就斃了

    這是跟舅父在加拿大 DIY 學到的 但返到香港完全用不著呢!!!

    回覆刪除
  10. 大家每日花一大段時間用電腦,不管你用LAPTOP OR DESKTOP,坐姿當然重要,座椅也非常重要,好的椅子可以平衡坐姿,亦可調節手形,避免網球手的出現,我有一位香港女仕朋友,來美國后在一間GREETING CARD 公司做設計,不足一年網球手上身,醫咗成兩三年,因為佢繼續用電腦,所以無辦法斷尾,分享一些經驗,小弟十多年前在一家曾經系全美最大的銀行工作,佢地提供嘅坐椅係中上等級的約$400一張的,但他們經常EMAIL問,有無問題對健康有無影響,如果你答有,佢就派人來了解,換一張更貴更舒適的,原來有人領咗野網球手上身,告官去,所以我在家及鋪頭用的坐椅亦係高級貨,不過我買二手的平很多,我DREAM CHAIR 係HERMAN MILLER 的AERON,其中一張去年買, 放在家用,幾個月前發現坐墊穿壞掉,不知原因最近才研究得知係家中的小狗弄成,當我離坐時他走去坐墊㧓餅碎食,上網一查diy坐墊要$250,攞命,稔住掛上CRAIGSLIST 賣AS IS $100,後來再查發現這東西有12年保用期隨即打電話去問,將椅底的資料告知原來生產期為2004年,結果免費修好再幫我換上油壓軸,此椅不再放在家,另用一張不是编織的。

    回覆刪除
  11. 曾經系全美最大的銀行工作 。。。。。噢!原來是前輩

    Space Ozn 頓首

    回覆刪除
  12. 果D蛇餅爐頭最好換左佢,實在太舊同太浪費電,宜家用induction嘅爐,除左熱水仲要用gas之外,其實已經冇乜需要gas,以後整埋太陽能熱水,連gas都唔嗮啦。

    同埋用電來睇,北美平過澳洲好多,可以以倍數計,澳洲呢邊仲有個supply fee,每月坐底要收幾十,煤氣都係,煤氣張單冇一次準,就連將個錶嘅讀數影埋像發俾佢地,都冇次準。 澳洲公司覺得做錯嘢係好應該嘅。

    講開零售鋪,澳洲實在落後太多,美國加拿大好多鋪都已經係收晚黑9點半,澳洲除左出糧日之外,5點幾六點就收鋪,澳洲最繁華嘅悉尼都鄉下到連大陸都不如.

    網購來講,北美有Amazon就搞掂,澳洲就....

    覺得最好住都係美國灣區。

    係美國揸車真係爽,有機會講下係澳洲嘅車點渣法。

    回覆刪除
    回覆
    1. 澳洲的水電都貴,好在車還OK。

      刪除
    2. the inner space (from my tablet)下午2:38

      以前在 澳洲租車揸貴過美國租車
      E+就唔知道了
      美國左軚 歐澳洲 仍然是右軚
      右上左落 左上右落
      由 雪梨 經 Hume Hwy 揸落去 坎培拉
      可作一日遊

      刪除
    3. the inner space (from my tablet)下午2:39

      ops 不是歐澳洲
      只是 澳洲 啫
      哈哈哈哈哈
      選字錯了

      刪除
    4. 歐洲除左英國,其他都係左肽。 右肽車其實操作比唔上左肽,因為大多數人系用右手。

      另外由於右肽車總產量少,佔大概3成左右,所以冇規模效應,咁就成本高,選擇少...

      歐洲車唔講,澳洲嘅日本牌子車,本田竟然要5k/半年保養一次,一次要250左右... 系美國,多數系1萬英里/一年保養一次,換油淨係50,平嘅試過30, 澳洲大保養隨時過千.

      美國油價就費事講,澳洲年頭都仲有1/L,國際油價冇乜點升,宜家都差不多1.5/L, 部aurion次次入油都覺得荷包痛。

      道路收費來講,係美國灣區就淨係過橋俾過錢,係雪梨就日日要俾錢,幾條路都要俾。

      道路嘅寬闊,路況等就唔嗮再比。

      總之覺得系美國養acura都好輕鬆,澳洲養部Toyota都覺得系俾人梗住來搶。

      刪除
    5. 澳洲車,Toyota最好,我的Camry已經13年,沒大毛病,保養期是15000公里,沒有5000這麼離譜。
      其他澳製的Ford和Holden就麻麻了,但勝在零件多和維修平。
      歐洲車,一闊三大,車一舊,整到你破產。
      有朋友是Benz迷,幾年前約六萬入一架E220Showroom Display Car,原廠維修部說現在很多嘢要換,報價兩萬幾。
      朋友嫌貴,但甘心受斬,換車都是Benz,不過降級 C200。
      架E220,Benz代理車行收返佢10000元,即是幾年就折舊了80%,唔見了五萬,問你死未。

      刪除
    6. 講起物價,
      美國人口多,是普通一個歐洲國家的五六倍。
      另外經濟強,錢多,銷量大。
      所以商品湧去美國市場求售,價錢被壓到最低。
      美國人用最低的價錢,消耗地球上最多的資源,製造最多的污染。
      油公司絕大部分都是美資,控制了全球價錢,外國油價貴過美國境內,話之你牙痛咁聲,錢都進了他們的口袋。

      刪除
    7. 嗬嗬嗬 Benz 與 Toyota 的防撞
      幾年就值會 五萬喇!!!

      Touch Wood 冇事當然好彩還神

      刪除
    8. 樓上位兄台真幽默,係美國住灣區最好,邊個唔知阿媽係女人(注意阿爸就未必糸男人,六十年代男子十項全䏻金牌,最近變咗性,佢啲仔女依家唔知叫佢做阿爸定阿媽),三藩市灣區的屋貴到飛起,又近地震央,點住得起。
      電磁爐(INDUCTION)好睇唔好用,我地用鑊,好唔掂,電又貴又唔夠GAS平及效率高,除非住嘅區無GAS供應,我住的ARIZONA我選擇省電時段收費,下午一至八時為高價(含星期六日及公眾假期),其餘時段只需25%的收費,我舊居無GAS入屋,咪習慣八時后沖涼或洗衫,我買新居都會睇有無GAS入屋,這里新房屋無GAS的唔准蓋壁爐的,我所有煑食爐,冬天暖氣系統,乾衣機及熱水器都用GAS,還有我後院嘅BBQ爐都駁GAS!
      這里車的換油OIL CHANGE大約3000 - 5000 英哩或三至四個月換一次,用合成Synthetic oil就可以多啲咪數或時間長啲,我部開篷跑車仔換油就一年一次,用合成油,車我多數WEEKEND揸,一年都用唔上2,000咪,用相熟的車行加COUPON星期六剛換完油連稅盛惠$23.00睇住位師傅仔舞足48分鐘。
      電油每加侖計最近分三級$2.50 / $2.60 / $2.70我用COSTCO的油站,還有3%退欵優惠,一年前仲系5%,
      梁兄你對老美有意見啦,你唱過下面隻歌仔未:
      五十年代在廣州生活時放學成日唱美國佬打蠻嚟,侵略朝鮮,正契弟,中國勝利,美國掃地,中國揸住個手榴彈,美國正一陷家產!呢啲咪呌洗腦囉!

      講到尾大陸只有一點對美國最不㵜的是:唔肯賣啲最優良頂級武器比佢,粗俗啲講,上埋床,貞操點保得住!

      澳洲車自己有得生產咪可以控制價錢!
      梁兄,車左駄或右馱,應該無乜分別,都係用手來揸駄用腳踏BREAK!
      美國野平但最低薪金又低啲啫。
      FORD嘅貨車F150, F250 AND F350我未聴過人彈,只有贊,伹啲私家車就倒 𨍭有彈就無贊!
      同意,美國人口多,大陸人口更多,但美國的人口全部都係均等銷費者,大陸就大比數的農村人口銷費仲未彈出。
      我地啲水更貴,上個月食水$70, waste water $30反而gas只要$28,倒垃圾就$33, 仲有我無泳池!我住的CITY OF MESA,水比PHOENIX CITY貴啲。


      刪除
    9. 那首歌仔,我細個時的香港版本有唔同
      中國勝利,日本掃地;中國發明原子彈(?!),日本發明臭雞蛋。
      完全唔make sense。
      咁講,美國水費同澳洲差不多,我一個月A$100++, 一滴水唔用,都要俾內含幾十元的基本費。

      刪除
    10. 睇返,講錯左,本田係澳洲係10k/半年保養。

      澳洲嘅煤氣,到宜家都未知點計,有個咩轉換率。

      灣區嘅樓,係貴,不過悉尼呢邊嘅樓,都已經升到1.6+~2m, 咁嘅價錢當然灣區都有得諗下嘅。

      刪除
    11. 梁兄,你同我都咁反斗,記得有一首西環聯邦新樓的樓盤電台廣告歌,啲靚仔都改唱成:凌波羅友平,凌波羅友正,凌波羅友白白凈,當時凌波又真係好紅。

      刪除
  13. 好同意之前網友講嘅,好多嘢係大家講開就會講嘅,單獨就咁講就好難。

    好多大陸移民都好多論壇咁,香港移民嘅就未見過。

    回覆刪除
  14. 咁樣講法,悉尼比三藩市灣區更貴,因為灣區都有平有貴。
    GAS計法好簡單,你間屋幾多人住,GAS包括乜野,最近用交費若干,咪知道大概來比較吓,唔使咁明細,查家問宅。

    回覆刪除
    回覆
    1. 你未見過澳洲煤氣公司張單,個讀數夠膽係錶嘅10幾倍,再加能量轉換率。

      張單幾錢冇問題,但要清楚,要知點計,次次自動轉賬都唔知收多左幾多。

      上次已經收多二百幾,寫email投訴,之後調查一大輪,話俾返credit扣數,合約完都轉公司算數。

      刪除
    2. 我地嘅煤氣及電錶都係屋外並已換晒DIGITAL一目了然,亦可上網,翌日就知道USAGE,無花無假,水錶就係前院地面BOX,水費按正費再按百分比收污水處理費,所以咪出現$70 + $30,煤氣都可以��公司?咁奇怪!咁咪煤氣喉周街走,咁先進。電話,CABLE,INTERNET就可以有唔同公司,PROVIDER 可以分出去,我地煤氣及電唔容易轉公司,媒氣係CITY自己搞,電得兩間一南一北。

      刪除
  15. 灣區要住到入 Concord walnutcreek 平啲
    多半個鐘頭車程
    住 sunset 區 daly city
    最貴是近 聖荷西 呱
    hi tech 班友 最高消費

    回覆刪除
    回覆
    1. 灣區都幾大,所以都係睇份工係邊就跟住走,每天來回揸車超過2個鐘以上就好難頂。

      San Jose的確幾貴下。

      刪除
  16. CUPERTINO啲 IT佬搞大晒,其他邊使一二百粒,幾十粒有交易,比悉尼平,可能悉尼住落好似阿拉斯加一樣有錢派,你用萍果野全部都SET晒CUPERTINO。

    回覆刪除
  17. Not really, my home is done by chinese trademen. He did a very very good job

    回覆刪除
    回覆
    1. 自然是有好有唔好的。

      刪除
    2. 點解位位都係匿名,真係唔知邊個打邊個,小弟就行不另改姓坐也不另改名。

      刪除
    3. DK 前輩 開個 Blog
      你兄台大把也可以寫喇

      一定支持

      不過分薄了 chris 兄的 客源 。。。。。。


      from Space

      刪除
    4. 多謝Space兄,梁兄學貫中西,文得武得,小笫只是做貫中西,文唔通,武唔掂,只是肯學肯做,現仍為兩餐而奔波,梁兄就已經退休七八年,每天動筆動腦為娛,小弟有位舊上司76年移民溫哥華,過退休生活,當年卅多歲,我成日笑佢大家都係為揾食,我就一早起床東扑西扑,佢老哥都好辛苦,每日十一時起床,為揾食而頭痛,中午個餐唔知去邊度開,食完又担心晚飯,大家都係為揾食啫!

      刪除
  18. 若果想在澳洲開小店搵食, 有什麼店可提議.. 謝謝..

    回覆刪除
    回覆
    1. 最穩妥的是向政府郵政署頂一間小郵局來做。

      刪除